Video
3-min walk from Exit B3, Sung Wong Toi Station
continue reading
Telephone
23831700
Opening Hours
Today
11:30 - 23:30
Mon - Sun
11:30 - 23:30
Above information is for reference only. Please check details with the restaurant.
咁啱經過九龍城，就梗係想搵一間泰國嘢試吓啦！九龍城泰國菜嘅選擇都好多，今次就上一間OpenRice上面比較多好評同埋價錢比較平嘅泰國餐廳試吓😘❤️餐牌上面嘅價錢明顯係比出面平，唔係平一兩蚊喎，講緊係最少每個餸平$10，計埋計埋都爭好遠！💰💰因為我哋得兩個人，所以就冇叫太多嘅餸，以下我就介紹兩款印象最深刻同埋我覺得幾好食嘅餸！首先係沙嗲串燒🍢🤪其實平時我都好鍾意食九龍城一間外賣串燒店，但係冇比較真係冇傷害，呢一碟真係明顯好過外賣串燒店好多，你會見到佢真係有心機燒，而且佢啲肉本身好實淨同埋好入味，佢個沙嗲唔係一味得個辣字，係甜辣味，同串燒本身好夾❤️$78有6串，可以自選豬牛雞，真係抵到爛！另外就係生菜包🥙😜有時食泰國嘢會覺得生菜包嗰啲肉，一係太乾，一係太濕，但係佢喺呢個乾濕調節上面做得非常好，而且非常入味，份量亦都比較多，唔會話你啲生菜包唔晒佢啲肉，甚至啲肉多到你仲可以撈飯嚟食🥰🥰我哋兩個人叫埋湯、嘢飲同埋飯，埋單$372，比起樓下食泰國菜真係明顯平好多，如果想食泰國嘢而budget唔多嘅話都建議大家過嚟試吓！😎🍢❤️
continue reading
泰式咖喱炒蝦相信唔少人出去食飯，好唔鍾意叫蝦，因為要自己mok 殼，整到成隻手都污糟晒，但係呢一度幫你處理好，你係唔需要自己親手整，就咁食就得。佢嘅泰式咖喱唔係好辣，非常惹味，咖喱汁仲有蛋，配埋蒜蓉包食一流！蒜蓉包蒜蓉包焗得脆脆，蒜蓉味，雖然唔係好多，但係有好多炸蒜喺面😋蟹肉炒粉絲粉絲炒得都好乾身，仲有唔少嘅配料，蟹肉就少咗啲😗泰式炒飯炒飯有少少濕，但係味道都還可以燒豬頸肉極力推薦食豬頸肉，呢度嘅豬頸肉比起外面嘅串燒店更有燒烤嘅味道，配埋豬頸肉汁，非常美味！❤️❤️泰式炒通菜通菜用咗辣椒同蒜頭去炒，有啲辣，但係都非常美味🌶️😋芒果糯米飯第一次食糯米飯係熱辣辣，芒果凍凍的，冰火交集，加埋椰汁四重口感😝😝😝非常值得一試！叫咗咁多餸都係$442，除翻我哋四個人食，每人都係一百幾蚊，非常抵👍👍👍
continue reading
如果你想在香港品嚐地道的泰國菜，那麼九龍街市上層的食檔是一個值得推薦的選擇。這裡的菜色風味十足，價格也相當實惠，非常適合晚餐時分聚餐。菜單上的泰式燒豬頸肉是一道絕對不能錯過的菜色。豬頸肉半熟半熟的口感，搭配上泰式辣椒醬，嚐起來鮮美可口。此外，他們的炒河粉和綠咖哩也是不錯的選擇。雖然這裡的環境比較地道，但這正是它的魅力所在。你可以感受到香港街頭小食檔的獨特魅力，而且來這裡用餐的人也相當多，氣氛非常熱鬧。總體來說，九龍街市上層食檔是一個值得一試的地道泰國菜餐廳。如果你想品嚐美味的泰國菜，但又不想花太多錢，那麼這個地方絕對是一個不錯的選擇。
continue reading
話說嗰日就約咗兩個朋友一男一女去呢間出曬名嘅蔡先生都有推薦過嘅泰國餐廳，又可以叫泰國香港式大排檔。我本身都有少少期待，話曬都好似幾多好評。咁位置方面都唔算話好偏僻嘅，但係由地鐵站過去棟大樓呢都要行十分鐘多啲嘅路㗎。腳骨力有咁上嘅朋友先好選擇搭地鐵，唔係嘅話一律建議搭巴士小巴去附近嘅地方落車。嗱，有去過街市熟食市場嘅都大概都知道個環境係點㗎啦，唔會有咩太大驚喜，唔會期望好似高級餐廳咁，卻點知呢度就比咗我少少驚喜先。咁熟食街市就係響成座大樓嘅頂層嘅，底下兩層都係賣菜肉魚啦，無咩特別。哇，一入到嚟個熟食街市，第一個印象就好似去咗另一個國度咁，環境燈光黯喑，四四方方嘅佈局，不同形式嘅嘅香煙向上飄，人流卻絕無虛席，個個人都斯斯文文，又唔似街邊深水埗啲大排檔喎，今次真係估你唔到。然後我係完全好似玩緊嗰本遊戲書咁搵緊嗰個紅白間條眼鏡青年喺邊度咁，最後我都係選擇打電話叫佢揮下手，因為燈色真係有點兒昏喑。幣啦，遲到，佢地已經等唔徹我就嗌咗幾道菜先，不過我條脷一早就到咗啦，望望先……哦，分別係雜菜鍋同生菜豬肉包，仲有個炒金邊粉！望落就，要好近先望到👀賣相都唔錯。首先就講下個雜菜鍋先啦，鍋係中間有個煙囪，都幾正宗又好睇，方面啲熱氣集中向上排出，最後發現原來底下無火座熱嘅，當堂失望咗，仲諗緊點解食落唔暖唔凍。而食材方面就有啲海鮮時菜粉絲雞蛋之類，驚訝嘅係仲附贈埋蛋殼添（怕我地缺鈣呀🤣好在係我位美女女性朋友食到，而唔係我中招。咁啲員工都好好，我地同佢反映完都肯唔收我地呢個鍋嘅錢。其實呢個鍋嘅味道就有啲普通，個人就比較喜歡冬蔭公多啲，酸酸辣辣，如果鍾意清淡又想補鈣嘅話都可以不妨試下呢個鍋。到生菜包，呢一個生菜包亦都係我有生以來食過最為清淡嘅。我將一小塊生菜拎起，再不一匙羹肉碎喺上面，比較倫盡咁放曬落口，清爽嘅口感綠油油嘅視覺享受，伴隨住酸酸辣辣嘅肉碎，準備一次過喺口中爆發同融合，仲有啲碎碎唔肯就範自己跳咗落張枱度。唔..酸味唔重，辣度都唔辣，豬肉醃調味都唔咸，生菜味都唔重，但脆嘅，香料呢？好似消失咗咁，基本上食唔出香茅辣椒等嘅香料味，辣度幾乎0，味道……一開頭第一口都幾難形容，所以即刻食多啲先，試真啲個味。只可以讚嘅係好適合老人家細路仔食，而重口味人士就要注意一下，因為平時我食開嘅生菜包都係比較重咸重香料，所以呢道菜卻比到我唔同嘅感覺，輕盈到食完好似無食咁。畢竟本人未去過泰國食生菜包，所以唔可以用嗰邊嘅做比較，只可能用僅有喺香港食過生菜包嘅經驗做比較，就算同他國比較都好難，始終用水用食材都唔同，我地嘅口味又唔同，只可以用心而言，用味而評。而金邊粉方面，就同生菜包有異曲同工之妙，一字概之曰，清淡。但係比我想像中好食，皆因哥仔我就一般般食炒金邊粉嘅，如果有得選擇，一定係食湯金邊粉，河粉。喺嚟之前我已經有做過事前預備睇下有咩食，當見到炒金邊粉喺菜單度，我心裡一早就pick走black list咗呢道菜。哎喲，千算萬算又點估到嗰兩位朋友竟然喜歡炒金邊粉呢，咁唔通唔食咩係咪先，好在，食落又不過不失。三個大漢食完三道菜點會夠喉，再嚟，串燒三拼，燒豬頸肉，肉食獸全面進場，啱啱食完菜飲完湯，食咗啲粉熱咗個身，唔好比佢停。串燒點可以唔叫，但叫完又有啲想唔叫好過叫。因為三拼心理有啲唔平衡，食雞，普通。食牛，嗯，幾好。食番雞先，普通，食串豬，唔錯喎。平平無其嘅串燒估唔到係食得到好複雜㗎，三個人食到最後一串嘅時間仲複雜，你推我爭，啲肉連住曬，都唔知邊個咬先好。到豬頸肉，係至愛，去邊間都一定要嗌嘅，重點可以係個汁，又可以係啲豬頸肉。色澤幾好，唔會太燶，表面紅紅啡啡嘅脆皮配合白suitsuit嘅肉，口水都流埋。聞落香味唔算話好強，食落肉質有肉味唔係好彈牙嗰類，味道就一般，我嫌切得有啲薄。而個汁，就有比你有一種沾完仲想沾嘅食欲，食到最尾個底都有啲墊底菜，多數人就唔食嘅，我就屬於睇心情唔浪費型，因為啲汁仲剩好多，啲豬頸肉油又令到啲菜望落十分亮麗，沾一沾個汁辣辣地幾開胃又可以去嗌下一輪。話曬都行咗幾里路遠，始終唔識路嚟，個肚一早就好似出嫁，打曬鼓。人多熱鬧嘅氣氛食嘢都多啲嘅，食完兩道肉後，好似差緊啲識游水又會喺油度暢泳嘅食物，我二話不說就嗌咗個炸蝦冬甩。諗起嗰個炸到金黃色脆口外皮內裡熱辣辣食到辣嘴嘅白suitsuit鮮味蝦肉就唔止食指大動，連無名指都想動起來變舞名指。食落偏腍，整個圈圈唔會好豐盈，肉質唔彈牙，雖然同我想像中有少少出入但都可以一嗌嘅，畢竟炸野真係好正，而且一定夠熱！好緊要。然後點下個醬又比到驚喜我開頭諗住係普普通通嘅醬啦，點知食落竟然係甜？有啲似沾緊燒鵝酸梅醬咁，甜咸互相衝擊，違和感似有若無，呢個新鮮感，認真為呢道菜嘅美中不足加唔少分。到尾聲大家都齋係傾談都飽曬，何況前面仲食咗咁多肉，我地都一度考慮嗌咩嚟收尾好。望望隔離枱菜式眾多，通菜？唔好唔好唔抵，鳳爪？我唔食喎，生蝦？佢唔食喎，所以經過幾輪會議相討過後，差啲要用錦囊打電話問家庭觀眾，好在最後都係一致決定食番個飯，雖然係飯，只不過係芒果糯米飯，嗌嘢唔使煩。熱熱嘅糯米飯，淋上椰漿，配合芒果嘅酸，哇！好普通，不過糯米飯竟然係熱嘅，有紫米有白米，幾得意。就係咁，呢一個晚上嘅溫度就被糯米飯嘅熱力覆蓋咗。6道菜2杯飲，現金結帳總共400蚊，人均133.3333333333。
continue reading
🏩～泰苑小食～～～～～～～～～～～～～～～～～～～～～～～～～～～位於九龍城市政大廈3樓既超級無敵便價泰國午飯🍚🥤～蝦醬炒飯 & 椰汁冰～ 炒飯香得黎 蝦醬味又唔會過重😋值得一提係椰汁冰呢d咁特式既飲品竟然係免費加配真係超級抵食💰：HK$50Menu：餐廳環境：📸📸📸📸📸服務質素：😊😊😊😊😊食物味道：👅👅👅👅👅性價比：💰💰💰💰💰HK$50/1人🏘～ 泰苑小食📮～ 九龍城侯王道48號九龍城市政大廈3樓
continue reading