Video
1-min walk from Exit C2, Jordan MTR Station
continue reading
Opening Hours
Mon - Sun
11:30 - 23:00
Above information is for reference only. Please check details with the restaurant.
Recommended Dishes
生日飯，另一班朋友幫我慶祝。同行五位大人兩位小朋友，一早已訂枱先有個好位，如人多 workin 就真係有啲難度。醉雞 嚟個冷盤先，香濃嘅紹興酒醃製，離遠都聞到，雞肉嫩滑。杞子魚湯浸豆苗 $88養生家常菜，加了杞子，清甜好味。杏汁豬肺湯杏汁不太香，豬肺都洗乾淨，味道普通。美極乾炒牛河以為是特級，普通嘅一碟牛河。蒜香一字骨 $108蒜味係濃，但肉質過老，有點難咬。香草燒豬軟骨 $88香口，軟熟適中。海鹽燒油魽魚鮫 $108追加了呢碟魚，估唔到啖啖肉， 沒有腥味，焦香嘅魚皮，香口。整體中庸，預約飯聚都值得。
continue reading
如要說小炒，澳門有間「金葉美食」，又抵又好食，它們的「農家小炒肉」、「川椒油爆蝦」、「乾煎馬頭魚」、「自家製蜜汁豬頸肉」相當出色，我常嚷着澳門的好友要帶我再去。 香港佐敦，都有間「金葉小菜館」，與澳門的是毫無關連。店子不大，主打吃不同廣東小菜。 一路食，一路講。先來冷盤，「陳醋手拍青瓜」$42，調味可以，但看外表就知道是完全沒拍過，浪費了好的醬汁。若果先拍散再撈味，相信效果會差天共地： 「陳醋雲耳」$48，完全無味，奇怪： 「五香牛𦟌」$78，無諗過仍是暖的，感覺好怪，價錢也不算平？！ 相比來說，同價的「陳年花雕醉雞」$78 就不錯吃，酒醃得甚入味： 好，第二輪進攻香口菜。「椒鹽脆皮豆腐」$78，用了百福豆腐來炸，皮脆內嫩滑： 「椒鹽鮮魷」$98，混上炸蒜片，可沾喼汁吃，香口，叫了兩碟： 要預訂的「椒鹽鮮鮑魚」$570 / 15 隻 唔錯，我會歸功於炸功了得，沒有令鮑魚肉乾巴巴。外表酥脆，$38 一隻，食得過。 侍應事前極力推薦，要預訂的「金葉椰香雞」$288，即是炸子雞。嚐到肉味有多一重椰子香，該有在調味上落功夫，皮脆與肉嫩都有做到： 到第三輪，一系列小炒。「金葉小炒王」$138，屬比較貴的項目，材料卻很平淡，鑊氣和鹹香均不足，有點像個洩了氣的波。 亂糟糟的「韭黃蝦仁炒蛋」$98 「香草燒豬軟骨」$88，分量是少到一個點。一碟有五、六小件？！叫了兩碟，伏伏咃降魔的。。。 「蜜桃咕嚕肉」$88 就大大碟，個人覺得不錯。肉有炸透，酸香微微掛汁，配料也多： 若果咕嚕肉賣 $88，之前冷盤五香牛𦟌賣 $78 就有些 over 了。其實此店菜式定價我覺得有些混亂；一大碟咕嚕肉多功夫，可以賣 $138 啊，反而小炒王收 $88 就差不多。至於那五件豬軟骨。。。值 $58 個半？！ 很多小菜都是 $88，好意頭吧。$88 有「漁香茄子煲」 仲有「薑汁炒芥蘭」 仲仲有「魚湯浸娃娃菜」，都係 $88 / 碟。我麻麻哋呢個，菜不入味，煮得未夠諗： 最後炒粉麵。「火焰美極乾炒牛河」$108，說好的火焰呢？ 「鹹魚雞粒炒飯」$98，賣相甚一團糟： 甜品「綠豆沙」 餐廳整體服務不錯，個別菜式有賣點，還是覺得炸物好。除了咕嚕肉和醉雞，其他可歸類為 optional。。。最後溫提，此店不收開瓶費及切餅費，這方面倒很大方，不失為一個慶祝生日的好地點。
continue reading
見到呢間店都幾好多評，便抱著試下的心態來吃這間餐廳。一入到，客戶服務有點差，不太想理我們的感覺，可能因為客人多的關係。亦可能因為叫左幾樣比較平的食物。食物叫了以下幾樣：-干炒牛河 - 太多油，獲氣唔夠陳年花雕醉雞 - 酒味不濃，不過不失脆皮豆腐 - 堅好食😋😋豆腐好嫩滑，外脆內軟，可以encore豬軟骨 - 好味，軟林林又夠味（因為我鍾意軟淋淋的肉質），不過媽媽就話麻麻
continue reading
這日我地諗唔知食乜好🤔，有一位朋友提出話呢間在網評都不錯，無妨試一試。由我中午訂位時這位老闆都一直保持窩心聯絡，簡直似朋友多過似幫襯他🥰(咁好服務同態度，好似見到劉德華在我前面對話咁😄）
continue reading
第一次花時間寫食評😁一個月前亂search，試咗哩間餐廳，食完之後，平時嘴刁嘅家人竟然一致讚好，於是決定一個月後冬至食飯訂哩度。由訂位，諗菜單，到安排座位，老闆Billy都非常熱情同幫到手，因為有老人家同有家人有對某啲食物敏感，所以菜單要有好多地方要留意，Billy哥推介嘅所有菜式都好貼心，就連外地嚟嘅表弟都表示，連日嚟去咁多酒樓，都比唔上哩度好食又好服務👍👍👍 最後好多謝Billy應我要求，特登整佐紅豆湯圓，因為爸爸冬至飯希望有湯圓食，寓意團團圓圓。好滿意好滿足嘅一餐飯，在此祝大家冬至闔家健康快樂😊 祝金葉小菜館生意興隆，今時今日做飲好唔容易，做到菜式新鮮特別，好味而又有服務，真心希望你哋生意長做長有，我哋就可以繼續有好西食💪💪 （食到後來，太多餸忙住食，就唔記得咗影相😂）最愛係脆皮豆腐，椰香雞，超大扇貝👍分享Billy哥為我精心度嘅菜單俾大家參考吓：12人份花旗蔘螺頭燉雞湯（大）脆皮豆腐、拍青瓜雲耳、七彩海蜇手撕雞（三小碟前菜）台式鹵圓蹄脆皮豬手金葉椰香雞羊腩煲蒜蓉粉絲蒸扇貝椒鹽鮑魚大斑兩味蒜蓉炒豆苗杞子魚湯娃娃菜紅豆湯圓😋
continue reading