15
7
1
3-min walk from Exit B2, Mong Kok MTR Station continue reading
Telephone
23091833
Opening Hours
Today
11:00 - 22:00
Mon - Sun
11:00 - 22:00
Payment Methods
Cash
Number of Seats
48
Other Info
Wi-Fi
Phone Reservation
Delivery
10% Service Charge
TV Broadcast
Vegetarian
Signature Dishes
菠蘿咕嚕玉(猴頭菇) 自選六餸湯米綫(可轉米粉、河粉、烏冬、拉麵) 蕃茄雜錦朱扒焗飯/焗意粉 香椿牛油果炒飯 午市兩餸飯(精心搭配兩餸+紅米飯,送湯) 晚市營養餐(精心搭配兩餸+紅米菜飯+點心一件,送老火湯)
Review (27)
Level2 2020-11-15
895 views
旺角搵食,餐廳看似好多,但好多時搵好耐都搵唔到自己想食嘅嘢。今日就揀呢間素食店,名字好熟口面,原來在荃灣一街市食過一間差不多名的。Lunch 2餸飯只$29,絕對係時光倒流價,而且呢度係旺角,旺角呀,唔駛交租呀?好懷疑餐廳有冇得賺更過份嘅係,lunch有煲咁好飲嘅湯,無肉煲都咁甜,屋企湯嘅味道,仲要自助式引誘我飲多兩碗。真不好意思。黎到啱啱兩餸煮緊,要等一陣,餸煮好出左一個先再一個,有薯仔豆角同炒菜心,又係家常味道食得舒服,調味適度剛剛好。除左兩餸飯仲有炒野,貴少少,四五十,即叫即炒。同朋友都覺得呢間野做生意幾佛系。 continue reading
(The above review is the personal opinion of a user which does not represent OpenRice's point of view.)
Level4 2020-08-26
806 views
話咁快又就嚟中秋喇🌕緊係要同大家介紹吓月餅😋相信大家流心奶黃月餅上年都食厭咗 今次呢間純素月餅口味夠晒創新🔥最鍾意就係全部食落甜而不溜 一啲都唔油膩 大人細路都一定啱食😍仲要香港製造 自設廠房 夠晒安心💓.雜錦純素月餅🌱 $240每盒有8️⃣個 total6️⃣款口味 識買一定買雜錦 咩味都可以試晒🥳不過如果想就咁買一款味嘅話都可以 都一樣係每盒8個😛.抹茶柑桔月餅🍊抺茶配柑桔都係第一次試🍵不過茶味唔係好濃 比柑桔嘅果香味蓋過咗🙈但係淡淡嘅茶味再配酸甜嘅柑桔味 食落好清新 仲有粒粒果肉添😋.香芒豆蓉月餅🥭芒果味一啲都唔假 一放入口啲芒果味就爆晒出嚟 好驚喜🥳兩款果味月餅 都加咗啲果乾入去👍🏻豐富咗口感之外 仲突出咗個果香味✨.陳皮紅豆月餅❤️平時食燒餅都好鍾意食豆沙餡 呢款月餅啱晒我🥰紅豆蓉好軟滑 唔會好甜 仲有淡淡嘅陳皮香 配埋茶一齊食perfect😎個外皮加咗紅菜頭 變咗做pinkpink 好靚💓.焦糖五仁月餅🍯又細到大都好唔鍾意食五仁月餅 覺得有陣怪味😖但係今次食又唔錯喎😧杏仁, 南瓜籽,欖仁,葵花籽,松子仁冇切到好碎 仲要焗過 好有口感脆卜卜🤤再加埋焦糖 焗熱番黎食 有啲似食緊堅果撻 好正❣️.黑芝麻月餅🖤成舊黑色又幾型🤣襯番入面個黑芝麻餡 外皮都特登用咗竹炭嚟整😝除咗黑芝麻仲有炒開過嘅粒粒金黃芝 有口感得嚟 芝麻味仲要超級香濃‼️.白蓮蓉月餅🥮最傳統最普通中秋必食嘅口味 一向都唔好鹹蛋黃嘅我啱晒☀️蓮蓉打得好幼滑 唔會太甜都冇出油嘅情況 食多少少都唔覺滯🤫 continue reading
(The above review is the personal opinion of a user which does not represent OpenRice's point of view.)
Level3 2020-04-26
987 views
幫襯依間餐廳都好一段時間,細細間舖頭仔,廚師功力了得,食物質素穩定。記得有一次入去食晚飯,叫咗三次,話無乜無乜,而最後炒出一碟食物係可以好夾,好食,估唔到臨時改變食材,係可以千變萬化而不失水準,可見廚師廚藝用心,充滿豐富經驗。今次在評論食物水平外,老闆娘為人心寛善良。我問為何店舖門口放滿蔬菜?難道轉行賣菜?原來老闆娘買了食材,諗住派飯盒俾有需要人士,門口隨便放了幾張相片,紀錄派飯盒嘅活動。我見老闆娘十分有心,做善事低調而不計較,一定要多多支持。 continue reading
(The above review is the personal opinion of a user which does not represent OpenRice's point of view.)
講到美食係人都會諗起豬牛雞,通通全部都係肉類。但係有冇諗過素食原來都可以好好味嚟緊呢間介紹嘅係位置旺角,靠近先達中心嘅一間素食館。唔好以為我整係會介紹新店或者香口野先得架  🎈一統江山 一聽個名就知幾咁有霸氣真係大大盆菜再加啲豆腐、菇、等等味道方面可以自行選擇辣度嗰日就揀咗唔辣試試湯底方面飲得出都落幾多胡椒粉調味,相對嚟講真清淡,但係送飯認真不錯主要份量好多,可以2-3人一齊享用呀當然自己個人口味加返少少辣,可能就無咁單調喇  🎈四季豆炒斑片呢個個醬汁同出面食到無咩分別重要係少左肉類下配料就最放心色、香、味俱全佢呢隻菇食落雖然表面有啲嚡不過真係主角嚟,特點之一有口感再加上醬汁配合,真係好好食真係無諗過素食都可以咁有衝擊力,同埋味道唔係好清淡味道真係同係街邊食小菜無異呀 而佢地餐廳嘅餐牌無話好特別去寫用咩材料去轉咗素好似會寫叉燒炒飯、揚州炒飯、牛柳粒咁樣真係估你唔到,不過咁樣寫雖然客人可能第一次會有啲誤會 我就曾經係某地方食過一間素食店係嗰陣時起開始對素食店有啲偏見,認為素食店啲野食一定係清淡無味食過呢間之後,感覺唔同哂,反而比較想留番一日去食素店舖將都市人嘅口味都配合到,絕對啱哂又想試下食素又要求濃口味嘅人 continue reading
(The above review is the personal opinion of a user which does not represent OpenRice's point of view.)
今日唔知個朋友癡起邊條筋 話想食齋 明明條友生到成個食肉獸咁款 好啦 陪你食 有間無肉食喺旺角好似幾出名 但係係間任食 價錢唔係咁相宜 我地覺得自己嗌餸食都嗌唔到咁多錢 所以openrice左下 有咩素食 碌碌下見到呢間近近地 過去睇下啦 橫掂好肚餓 無多諗就入去了 食齋既原因可以有好多 呢間舖入面好多佛經 相信係因為信仰而食 當然不論咩原因 好食既齋就係好齋 於是就嗱嗱臨嗌左兩個晚餐set 一個花枝炒西芹 一個紅燒排骨煲 芹菜好食 幾有屋企炒出黎既感覺 排骨上到黎 我地都思考左一下 雖然素排骨唔係排骨 但係咁幾樣都真係相差頗遠 不過同樣地抱住 好食就係好齋既原則 我地食左下 肉好腍好重味 送飯幾好 但實在唔係我杯茶 畢竟我係個一碟清炒洋蔥都可以送一碗飯既人 齋 都係清啲好 不過呢度嗌晚餐set會送湯 同糙米飯 幾好呀 算有誠意啦 係度都強烈呼籲大家食多啲齋 呢間齋 合理 但係齋真係可以好好好很好食 如果多啲人食 應該會有多啲選擇 食齋好處多 大家來食齋 continue reading
(The above review is the personal opinion of a user which does not represent OpenRice's point of view.)