Video
5-min walk from Exit E, Causeway Bay MTR Station
continue reading
Telephone
28371772
Introduction
Alto 88以歐式裝潢為特色，巧妙運用自然光與優雅的擺設，為客人呈現迷人的氛圍。場地俯瞰維多利亞港及公園的壯麗景觀，是一個適合舉辦由會議及商務活動至派對、雞尾酒會及西式婚宴的理想場地
continue reading
Good For
Special Occasion Dining
Above information is for reference only. Please check details with the restaurant.
About Reward Scheme
聽聞最近才推出的週末限定brunch buffet, 外子立即用openrice訂(有85折!)老牌酒店在銅鑼灣非常方便，餐廳在31樓居高臨下，所以能睇住海景和維園景觀歡番餐。餐廳位置不多，十多檯，因此不會出現排長龍和食物俾人整到亂哂的情況。舒舒服服已經可以自行拿到：精美新鮮沙律，有蝦杯和芝士杯和各式火腿。芝士款式很多亦有凍海鮮，全部新鮮美味。亦都有即場用龍蝦製的龍蝦湯，記得要飲多碗，非常creamy請廚師煮的意粉，意粉選擇也算多，特別是有意大利麵團，粗筒意大利粉，見到也心心眼。另外有牛和豬請廚師切片，記得記得順便請廚師煮蟹肉黑松露炒蛋。甜品區的蛋糕款式不少， 而且蛋糕做得好好味。特別是tiramisu很受歡迎, 很快餐廳拎2個出來都清哂。我第3個先食到本身以brunch buffet已款式ok多及精美，最最最特別是全程也有不同新食品會送到檯上，包括熱辣辣4款法包、羊架、黑松露意式雲吞、有辣和唔辣任君選擇的沙甸魚另外有刺身配魚子醬人生第一次一盒魚子醬任意食以brunch buffet來說這件事也太奢華吧！甜品除了蛋糕也有4款意式雪糕，可以配焗脆牛角飽仔一起食，非常美味！另外一提：酒水熱茶水全部任飲，女士還送了護膚品試用及酒店其他餐廳現金劵。服務很好，環境好，食物水準好，性價比超級高。1130至1430，3小時舒服地享受食到飽。大推，令放下寫食評一段時間的我也的起心肝介紹下。其實香港有很多高水準值得去食的餐廳。這間便是週末值得去享受的好選擇呀！
continue reading
1919 views
之前試過富豪酒店工作event ，食過佢哋嘅西餐，又聽過佢嘅中餐都唔錯，不過一直未有機會約到人食。朋友W小姐話佢哋最正嘅頂樓Alto 88本身都係一間幾好嘅意大利餐廳，而家星期六同日都會有個brunch ，好彩佢介紹，我哋仲要係第一手食到呢個啱啱推出嘅brunch 。由於未去餐廳，一上到嚟，其實已經覺得心曠神怡，望住維園、天后加大坑嘅無敵景緻，未食都已經覺得開心。食物方面，未坐暖張櫈已經問你飲唔飲酒，仲要主動同你講有紅酒白酒再加氣泡酒，點樣夾埋會好飲啲，剩係個服務已經滿分。然後未行出去攞嘢食，已經有一碟勁靚嘅刺身放上枱面，入面有三文面，鰤魚同勁大隻嘅蝦，另外，再加一碟魚子醬，又有酒又有魚子醬，未出去行已經有咁高級嘅嘢食，都真係好賓至如歸。點都要出去行吓，睇下有乜食，冷海鮮有龍蝦、松葉蟹腳、青口同蝦都係絕對新鮮同質素超高，由於之前一晚啱啱先食完自助餐，立即分到海鮮質素嘅高下。不過我最鍾意佢嘅有個蝦杯，啲蝦又爽又新鮮，真係食到停唔到口。佢前菜好多冷盤沙律，凍肉，煙三文魚等等都非常多選擇，個人特別推介佢嘅煙三文魚，另外，羅馬生菜及混合沙律菜、烤蔬菜、牛油果及布拉塔芝士等等，都一定食得開心。佢嘅意粉檔口又係非常多選擇，淨係你揀意粉都眼花撩亂，由最普通不過的意粉到意大利雲吞都有，有三種唔同嘅醬汁，加上有青口煙肉同埋蝦提供俾你即場炒意粉，呢幾個Combination應該可以做到超多唔同嘅選擇，特別推介如果你鍾意食辣嘅話一定要叫佢哋加少少辣椒粉炒，你一定會鍾意。熟食方面，有羊架、蕃茄鱸魚、意大利風味烤三文魚、意大利薄餅，薄餅有兩隻，意大利莎樂美腸薄餅當然要吃，另外最受歡迎的還有黑松露四式芝士薄餅。可能你以為呢啲好多係平時自助餐提供嘅熟食，但係佢哋嘅份量直程大份到好似一個主食一樣，如果你樣樣都試吓，就好似食咗四個main一樣。我最愛兩樣必吃點係即場炒嘅黑松露炒蛋，我都係好鍾意，炒蛋即場炒得好滑，入邊仲要加咗蟹肉，好creamy ，就算好飽我都食咗兩碟。另一個選擇係龍蝦湯，每碗仲會配一件龍蝦，包你食得滿足。最後尾聲必點嘅香草肉眼牛扒同豬腩肉都係食肉獸嘅選擇，特別係肉眼扒，佢哋side嘅番薯同薯菜都好值得食，溫馨提示，不過如果你細食，記得叫佢俾少啲，因為次次佢都切得好大份。尾聲的甜品都係眼花撩亂，基本上女士選擇比食海鮮同煮食更加難揀，我最愛係牛角包窩夫 ，即整熱辣辣加唔同味嘅I SCREAM Gelato。呢個任食意式海鮮早午自助餐，由十二點食到兩點半，仲要飲埋酒都只需$568 元。如果飲酒，基本上係無敵，如果你唔飲酒，我覺得你上黎食得就俾個機會佢飲番幾杯啦。上星期食仲有promotion，客人更可獲贈 Rituals 指定系列試用裝禮品乙份，聽佢哋講呢個月應該都仲做緊promote，有興趣就快啲book定，攞埋個試用裝仲更加抵。
continue reading
270度嘅維港海景中午時間過嚟食buffet體驗式享受可以自己玩Cocktail 體驗又可以自己整啲小甜品拎走過嚟慶祝生日，又有一個大蛋糕送俾你每道餸都精心係你面前烹調羊架，鴨髀，牛扒，龍蝦湯，意粉樣樣都好好食羊架幼嫩多汁牛扒鬆軟適中，肉味濃厚鴨髀Juicy龍蝦湯味道濃郁服務員的服務質素超好又多互動又同你傾偈，又教你接玫瑰花餐巾絕對優越體驗。
continue reading
有得玩有得食，一家人去食早午brunch，一開始係整fruit punch。自助區食物貴精不貴多。比較有特色的是即煮意粉和龍蝦湯。中途推出羊架，爐魚，鴨脾。結尾有甜品diy帶回家。整體而言十分滿意，下次會再來光顧富豪集團其下餐廳。
continue reading
由一入場之後，已經感受到場地嘅氣派，剛坐低之後服務員送上餐前酒|。之後服務員推出餐車可以自己處理一份雞尾酒，儀式感滿滿。至於食物方面，現場即煮的所有食物都好好味。尤其是龍蝦湯，味道濃郁。美中不足係自己疏忽，沒有向餐廳說明是生日慶祝。希望下次會同經理預先溝通好。
continue reading