阿里山 (渣菲大廈)

Open Now

Now Closed

Tried this Taiwanese Castella Sponge Cake in laver & meat floss flavor. Love the mixed layers between laver, meat floss and salty cheese. It brings out a unique fruitful taste of the cake🤤 Really worth trying and I hope I can try out their other flavors very soon 💙阿里山台灣古早味蛋糕- 望見好多人排隊，自己都忍唔到買來試吓，真係一試難忘🤤今次試左至尊海苔肉鬆味，除咗蛋糕面上蓋上厚厚既海苔肉鬆，中間仲放左少少芝士，配上清甜鬆化既蛋糕，令蛋糕更香更濃郁💓💓💓

相信古早味嘅蛋糕差唔多個個都有食過，亦都有好多間唔同嘅蛋糕舖，但今次介紹呢一間係真正來自台灣嘅阿里山古早味蛋糕，佢有成10種味咁多，亦都有分細同大嘅size，所以就算得自己一個食都唔驚佢會變👍🏻👍🏻今次我哋就試咗個最原始嘅味道，睇下佢本身係米都係咁好食先😆😆啱啱買嘅時候仲係新鮮出爐熱辣辣嘅，細size嘅份量都有一隻手掌咁大💪🏻💪🏻佢真係好鬆軟，你見到佢裏面係比較少空氣但係又唔會做到好實，食出嚟嗰個感覺係好鬆軟同埋佢都好重蛋味，同其他嘅古早蛋糕相比起佢係做到比較實，所以食落個口感更加豐富👍🏻👍🏻👍🏻

🍊 日本柚子蜂蜜 $65💯 評分：🌕🌕🌕🌕🌗 (4.5/5)💬 蛋糕本體非常鬆軟，質感好似棉花糖一樣入口即溶，仲加入咗柚子皮脆脆哋帶點苦澀。微微嘅蜂蜜味道甜而不膩，配合柚子嘅濃郁果香既清新又滋味。😋🧀 四重芝士💯 評分：🌕🌕🌕🌕🌗 (4.5/5)💬 芝士外皮香脆煙韌，濃郁味道鹹中帶香。蛋糕入面再夾咗另外幾款芝士，口感相當軟滑令人回味，滿足實在食落毫不油膩。🤤

終見到間 香噴噴 的古早味蛋糕 有 片裝 😍 賣👍$15可自私方便1人食晒🤣🤭輕輕鬆鬆試多種不同口味😋原味蛋香味🥚最蛋香重朱古力味🍫香濃不會好甜柚子味🍊清新伯爵茶味🍵NotMyCupofTea🤣🙈當然最好是買一大件新鮮出爐 Share食最開心🥰現場有試食😋 ，用透明蓋蓋住，睇落都乾淨衛生。試食完忍不住要買大件返去食🤣🤭

响sogo附近嘅呢間古早味蛋糕店地理位置夠旺夠方便! 成日見好多人買, 而且陣陣蛋香，好想試，今日終於自己買尼試吓。可以買大件d，但我揀細件嘅，可以試多d款嘛!🤭🤭🤭我買咗芝麻味，D24果肉榴槤味同榛子朱古力味! 芝麻味好正,正到唔記得影相已經食咗落肚!🙊🙊🙊D24果肉榴槤味超香榴槤味，食完個口仲好香!🤣🤣🤣榛子朱古力味冇想像中甜，有咬口，都不妨一試!😋😋😋

古早味蛋糕已經越開越多間... 一般選擇唔多... 食嚟食去都係原味/芝士味/肉鬆味呀... 食得多都會厭!🙊🙊🙊 但係行過見到呢間好多口味... 即時心心眼😍😍😍 兼心郁郁想買嚟試!🤭🤭🤭今日我揀咗【D24果肉榴槤古早味蛋糕】同埋【榛子果仁古早味蛋糕】!【D24果肉榴槤古早味蛋糕】好香好香榴槤味... 行過再飄過榴槤香!🤣🤣🤣 打開見到有榴槤肉... 但唔多lor🤔🤔🤔 食落都夠香夠軟熟... 都ok嘅!【榛子朱古力古早味蛋糕】齋睇表面已經攞滿分... 鋪落榛子碎同朱古力碎... 未食已經好吸睛... 食落有d似食冇咁甜嘅金沙... 好特別!👍👍👍

平時都成日會經過，行過門口總有股蛋糕香，d口味都見到愈出愈多。上次朋友送左盒芝士味既比我食，味道唔錯，今次就買左個伯爵茶味試下。今次就失望啦，食落無伯爵茶既味道，蛋糕望落去亦都無黑色一點點既伯爵茶茶葉睇到，就係啡色咁樣，只係可以講係茶味，但唔係伯爵茶。另外個蛋糕面有d黑色一舊舊既野，不過食唔出係d咩。味道唔係難食，但真係普通既茶味蛋糕，雞蛋同伯爵茶味都無，呢個價錢就有點貴啦。相比之下，上次個芝士味出色好多。

今日行過見到好多人，原來係試食聽到店員話有榴槤味，又有新鮮出爐嘅紅棗杞子，原味、好多好多味道都可以試。為食心態驅使下當然要埋去試埋一份原味-軟熟、好味，但普通左啲榴槤味-香嘅榴槤味，但口感一般（永遠對榴槤嘅副產品感覺都麻麻）柚子味-因雪凍左關係，覺得幾香，幾好朱古力-濃濃嘅朱古力🍫又唔會太甜紅棗杞子-見到真材實料，大大粒嘅杞子加上紅棗，感覺好補最後連冰鎮奶茶都試埋，濃濃嘅茶香，加上剛剛好嘅奶，入口滑，香試左咁多無理由空手而回最後買左件朱古力🍫+一件紅棗杞子味，同妹妹各一半，每人加多兩枝樽仔冰鎮奶茶，埋單要$260雖然蛋糕同奶茶個價都有點貴，但都覺得值嘅重點唔係成日食嘛！P.S 老闆好慷慨，基本上咩都可以試，只要你肯試，佢有嘅都會比你試，無任歡迎

#original + #traditional +#cake +#afternoontea = #pefectday古早唔單止係Original，直頭係Traditional！古早味… 又有成十幾種口味，Original and Traditional taste… phenomenal it has 10+ different taste！店舖就喺銅鑼灣總統戲院附近！！ 每日不定時新鮮出爐～ 我買左阿埋山原味道蛋糕！ 香濃、軟熟、有口感！不加防腐劑，食唔哂可以放雪櫃keep 3 日！食完下午茶，第日當早餐，隔夜冇變質！正，下次必定會試其他味！

喺銅鑼灣總統戲院附近見完客，行行下竟然聞倒一陣好香嘅柚子味！望一望原來係賣古早味蛋糕🍰🍰🍰！！ 仲要咁啱新鮮出爐～太香啦我地引唔住立即入去買黎返公司食！再望一望個餐牌，古早味蛋糕有成十幾種口味！每日不定時出爐！正呀喂！阿埋山原味道蛋糕 （大$60 / 細 40） 古早味蛋糕最吸引嘅地方就係食極都唔漏，原味蛋糕賣相勁靚仔，色澤均勻，蛋味香濃，蛋糕軟綿綿好飽滿，鬆軟無比夠水份唔會太乾！好食到停唔倒口！店員話因為冇防腐劑，食唔哂要放雪櫃，可keep 3 日架！第二朝食一樣咁soft 咁好味！日本柚子蜂蜜味蛋糕 （大 $85/ 細 $60）   店員話佢地採用日本柚子同蜂蜜，再加果菓皮增加口感同味道！唔怪得食落咁清香微甜，減少用糖更健康！甜味同蛋香味平分秋色！每啖都食倒唔同口感，有果汁感覺又有菓皮嘅煙韌！越食越鐘意！絕對推介！讚👍👍

每次經過cwb分店都會被香氣吸引到會望入舖🤩今次終於的起心肝買我最鍾意嘅黑芝麻口味😝呢間係我第一間見到有分大細size🤤對於呢點我好欣賞即晚留肚食蛋糕😆🎉首先打開包裝已有陣陣香味古早味蛋糕濕潤彈力好鬆軟得黎亦聞到淡淡蛋香蛋香對於有啲朋友黎講叫蛋腥😂之前都試過有間幾出名既古早堂係有少少既但我接受到果種香？腥？😗反而呢個我唔覺得係腥真係有淡淡蛋香 唔算好勁面頭已見到粒粒黑芝麻蛋糕本體亦加入芝麻粉👏🏻但食落唔算好濃🤧呢方面失望少少整體一試無妨鍾意食黑芝麻既可能會唔滿足或者可以試下其他口味會好啲😋

今日去揀禮物後準備上朋友屋企坐 路經呢間店畀佢個海報吸引咗 見佢個茶話係由冠軍主理 我個老友就最鍾意飲奶茶 諗住入去買支畀佢啦又聞到蛋糕好香喎 見到佢竟然有半份蛋糕 因為平時呢啲古早蛋糕成日都一大舊 雖然係好好食但係兩個人嘅話或者一個人都係食好耐 見佢有半份我就決定揀個柚子味帶去同朋友一齊食 原來買完蛋糕連枝奶茶都可以有優惠 仲抵一上到去朋友果然二話不說就開咗支奶茶飲佢都大讚好好味 奶茶香滑 茶味濃 奶同茶比例好好 唔會好奶或淨茶味重 佢話成日都飲唔到好味嘅奶茶 佢見到呢個發現仲要唔貴之後即刻bookmark咗 至於蛋糕 好清新嘅柚子香 蛋糕鬆軟濕潤 唔係誇張 按落去真係有少少彈性 入面仲咬到柚子肉 好味道 我地隔一陣再焗嚟食埋 個仲香氣真係不得了 蛋香柚子香仲有口感一流佢鋪頭仲要其他甜品 仲有千層蛋糕係同其他店合作係到賣 今次咁好食 下次一定要再試下

.#哈比四圍食 #因為大少好鍾意食蛋糕同埋麵包呢一類嘅嘢食，所以成日行過人哋啲蛋糕舖聞到好香佢就會忍唔住買🙈今次我哋喺銅鑼灣行街佢又買咗兩盒蛋糕😅佢話呢間幾特別，有榴槤味可以揀，平時好少見到有榴槤味嘅蛋糕所以佢就忍唔住買來試吓，仲要新鮮熱辣辣啱啱焗起，超級香🥰🤩D24果肉榴連 $60 ，呢陣香味就不得了，蛋糕仲好軟熟除咗好重榴槤味仲有好香嘅蛋味😋另外我就揀咗個四重芝士味，有Parmesan Cheese、Cheddar Cheese、Mozzarella Cheese、Cheese Powder，超級香濃嘅芝士味，口感又豐富又軟熟🥰.➡ 阿里山 (銅鑼灣)銅鑼灣景隆街6號渣菲大廈地下AB號舖

銅鑼灣近排開咗一間叫阿里山嘅古早蛋糕店，地理位置十分方便，只係喺sogo後面地鐵站行過去唔需要五分鐘就已經到，近排香港好興食古早蛋糕，不過有咁多味道選擇嘅古早蛋糕店真係好少見，阿里山呢一間古早蛋糕店嘅蛋糕款式十分齊全，最surprise係仲有特別口味，例如榴槤味，香芋味呢啲，不過今次我就想試佢嘅芝麻味，佢嘅芝麻味每日會做兩底，係全店最好賣嘅味道之一。 芝麻味蛋糕上面鋪滿住好多芝麻粒，食落去有好香濃嘅芝麻味， 蛋糕鬆軟，而且十分大件，基本上一件可以切到六至八塊， 味道唔錯, 而且價錢只係六十幾蚊, 真係超值。 鋪頭仲有奶茶賣佢嘅奶茶係師傅靚茶， 單埋要25蚊但係買蛋糕再買奶茶只係需要20蚊就可以，十分抵飲， 另外鋪頭遲啲好似都會推出千層蛋糕，十分期待。