alfafa (康怡廣場北座)

呢日難得同老公都放星期日，大家就去康怡行吓街食吓嘢。去到康怡嗰時大約1:45，所以就睇lunch menu點知隔咗陣2:00店員就遞上Tea Set Menu，所以我哋兩邊都有嗌～▫️Lunch:《燒豬肋骨 配alfafa輕盈沙律及薯條 $108》附熱飲/加$5凍飲升級+$24 芒果Yogurt drink 份量比預期大，有成六至七條肋骨，燒得入味，肉夠腍唔會乾，加上燒汁幾惹味； 粗薯條外脆香糯，令人一條接一條；沙律菜新鮮帶微酸可減膩。這杯芒果Yogurt drink好美味，乳酪口感濃稠，偏甜唔會酸，仲有啖啖香甜芒果肉～▫️Tea:《燒烤醬炒牛肉芝士漢堡·薯條 $69》漢堡包焗過帶微脆，牛肉份量多加上半蓉芝士同蕃茄，可口又Juicy～ 同樣配有香脆開胃的粗薯條～附熱飲/加$5凍飲升級+$12 法式焦糖爆谷朱古力（熱）呢杯朱古力賣相吸引又好味，$12好抵～▫️Tea:《即製香蕉pancake·雪糕 $59》附熱飲/加$5凍飲熱雜莓花茶 pancake熱辣辣香噴噴，入口鬆軟，加埋雪糕一冷一熱好正～ 埋單時仲免費登記埋佢個「 Cuisine Rewards 全新會員計劃 」，有成總值超過$400迎新優惠，包括$25優惠券及免費alfafa 招牌沙律優惠券～又可以留返下次用啦！…Read More

Alfafa 👍性價比好高，💰價錢平民，😙選擇又多！係Cuisine Reward App登記做會員仲有$400迎新優惠🤩 有個優惠係滿$200免費送🥗招牌沙律！呢度嘅主食都可以升級做套餐，套餐有🍞牛油多士、🥣餐湯或🥗沙律二選一，同一杯🍸飲品。🥗沙律份量都幾多，有一碗滿，沙律菜新鮮有埋亞麻籽同🥜核桃，前菜來講算係好足料！🍔安格斯牛肉漢堡嘅🥩牛肉好厚，牛肉質素都唔錯，🍟粗薯條熱辣辣又香脆。🧀焗芝士有機🟡黃薑汁吉列豬排飯係新款菜式，🐷豬排炸得鬆軟唔韌，🟡黃薑汁加上🔥🪤熱熔芝士，😋撈飯食更加滋味！我地用優惠價 $68加左個脆炸🧀馬蘇里拉芝士條，有6條，🧀芝士條趁熱食嘅時候一咬裡面嘅芝士漏曬出來，好正🤤…Read More

裝修簡約，座位唔逼，坐得舒服。出餐速度正常，冇特別快但亦冇拖。主打西式輕食，走健康路線，食材標榜天然、無添加、環保海鮮等等。餐牌選擇唔算少，有沙律、薄餅、漢堡、意粉，仲有全天候早餐。味道方面，唔難食，但亦唔算有驚喜。食材新鮮，調味偏淡，啱晒想食清啲、唔太heavy嘅人。份量中等，唔會飽到行唔郁，但都唔至於空虛。今次試咗佢哋嘅煙三文魚鮮菠菜芝士奄列配麵包。奄列煎得夠滑，唔乾，芝士唔係死咸嗰種，係微微拉絲、帶少少奶香。煙三文魚切得薄但唔散，菠菜唔水，仲保留到少少爽口感。配麵包可以揀，我揀咗全麥，烘得脆但唔硬，夠晒平衡。…Read More

很久沒有來過，見到Menu跟之前大不同，吸引了不少，午餐、下午茶餐各試了一款，還追加了甜品正在推廣的蝴蝶酥禮盒，店員給我們試試是日餐湯 - 南瓜甘荀湯自家製慢煮雞胸烤薯蔬果沙律 - 想吃健康一點，選了這道沙律，慢煮雞胸不會「嚡口」，額外追加了煙三文魚，更加豐富！凍玫瑰泡沫咖啡 - 咖啡香濃，糖漿可另上，方便自行調節甜度，每口都有玫瑰花香炸亞拉斯加魚柳•西紅椒炒蛋•牛角包 - 下午茶餐來說，份量足， 自選麵包種類多，其中牛角包最為吸引，外層酥脆，層次分明，充滿牛油香凍檸檬茶 - 這𥚃的檸檬新鮮，紅茶味清新回甘，從不失望雙球雪糕 (加配) - 朱古力及椰子味，其中椰子雪糕是店家的自家配方，嚐到椰子肉粒粒，味道不錯，值得試試 …Read More

記得餐廳初開業時食物品質和性價比驚為天人，絕對沒誇張！當時餐牌選擇極為豐富，一般cafe菜式多，還有墨西哥小食夾心薄餅Quesadilla、印式甜品香蕉朱古力酥餅Roti、鮮果特飲….幾乎所有我會點的食物在完成試業後都被剔除了。而且過了好幾年之後，除了順勢加價的主菜會轉一下，其他小食和甜品都一去不返。價錢方面，從一開始單點$3x-&4x的漢堡、意粉，都升格到$5x-$7x左右。五年間限定主菜也由$6x翻倍到$11x還會讓我光顧的原因，只淨下穩定水準的自由選套餐(前菜/小食+$12),飲品$12/$18❤️今天最滿意是意大利粉的質地、它的辣度和❤️新鮮凍檸茶如果愛龍蝦汁底味道很適合，但蒜香更適合個人口味。❤️魷魚很嫩，值得一讚。🙂‍↕️哥士的口感的蝦慣常不吃沒有評價✖️蒜蓉包以前又香又脆，吃完想添食，現在烘不夠，過氣回軟照常送客✖️薯條炸不透，之前的更粗更鬆化✖️$12的凱撒沙律不貴，以前2 寸立方體的麵包脆粒有2-3個，伴吃沙律菜剛好，現在就只有兩粒細小得被淹沒在沙律醬之中，在下圖找找看😂以前滿滿煙肉乾大減七成，還好我本來嫌它太硬，變好事了 以前星期六日到來的繁忙時間，食物都能維持在高質素，這天非繁忙時間，是平日六時左右，入座率只約兩成，看着餐廳直線向下，可謂十分可惜。加起來$120左右，晚餐吃是相宜，但有它以前$80和滿星的質素做對比，暫時不會過來這邊了衛生方面，桌子和座椅可以再抹乾淨些。服務ok吧，送餐快速，他們對需求是回應得快的完全不會有對話發生，即使對他們說謝謝也不會有眼神交流或回應，人與人的交流隨時間流逝🥲…Read More

鍾意食韓式意粉見到呢度出咗新款，所以試吓！入門店員細心會問要唔要熱水，而且每位店員態度一直都好良好👍🏻真係要讚✅✅✅韓國蠔泡菜卡邦尼意粉，味道真係驚喜！🍝 蠔有6隻，煎得好好，鮮味同泡菜的酸辣，形成咗完美嘅搭配，意粉煮得剛剛好，口感滑溜😋餐有alfafa輕營沙律，色彩繽紛，健康又清新，非常適合想保持身形嘅朋友！🥗 另加洋蔥圈，外脆內軟，味道相當好，$38加得非常值得！🧅飲品方面我選咗凍檸檬茶，酸酸甜甜，正好解渴，$5的價錢亦相當合理。🍋仲有少少少冰係唔會走咗半杯飲品！👍🏻超加分！另外，我仲試咗燒豬肋骨，肉質鮮嫩，味道濃郁，加上南瓜甘荀湯，暖心又滋補，非常適合秋冬季節！🥩🍲✨可以加入Cuisine Rewards 全新會員計劃✨免費登記✨盡享總值超過$400迎新優惠✨包括$25優惠券及免費 alfafa招牌沙律優惠券整體來講，性價比高，值得推介！👍…Read More

行完太古城中心，就同屋企人行去康怡廣場，見到 Alfafa 入面唔算多人，於是就揀咗入去食下午茶餐。睇到餐牌都有10個下午茶餐可以揀，最後我哋揀咗3個餐，分別係雞肉溫泉蛋味噌湯稻烏冬，估唔到湯底都幾好味，烏冬比想像中彈牙，雞肉又夠大塊，總之就好味。仲有照燒汁烤雞有機蘑菇天使麵，又係好味道，份量又夠多，至於Alfafa 公司三文治及所配嘅輕營沙律，就唔算太大驚喜，而餐飲叫咗2杯（熱）有機蘋果茶及1杯（熱）雜莓茶，就真係好香及好飲。總結：食物水準唔錯，環境舒適乾淨，職員服務態度好，下午茶餐抵食。…Read More

🔥燒烤醬豬肋骨等候時間大概15分鐘，熱辣辣、香噴噴嘅豬肋骨終於上枱！一上枱，視覺效果先聲奪人。烤焗而微微焦化，散發出帶甜煙燻嘅香氣，令人食指大動。旁邊伴以一大碟金黃色嘅即炸薯條同新鮮沙律，份量十足，絕對對得起個價錢。急不及待用手套拿起一條肋骨，手感已經知道唔對辦——輕輕一掰，肋骨已經輕易分離，肉質軟腍到幾乎離骨。咬落第一口，外層帶有微微嘅焦脆感，係烤焗時間控制得宜嘅證明。而內裏嘅豬肉纖維卻保持濕潤鬆化，一啲都唔「鞋」口，亦唔會過份油膩。明顯係經過長時間慢煮，讓肉質變得鬆軟，再經高溫烤焗鎖緊肉汁同塗上醬汁，功夫做足。靈魂所在當然係個自家秘製燒烤醬。味道非常平衡，番茄嘅酸甜基底十分突出，繼而帶出煙燻 paprika、黑糖嘅醇厚甜味，以及一絲蒜香同微辣，層次豐富，唔會死甜或者得個鹹字。醬汁濃稠度恰到好處，能緊緊包裹住每一絲豬肉，味道深入骨髓，食到最後連手指都想啜埋。呢個醬汁，絕對係整道菜嘅神髓。…Read More

好耐冇去過alfafa，今日難得約到老友記黎食早餐，先發現alfafa已經裝修過，而早餐餐牌都換左。可能係附近太多競爭，而家排隊冇以前等咁耐，都係好事。餐牌都好多選擇，見到附近好多人都揀pancake，但店員就友善提醒pancake要等耐啲。我地朝早就唔好甜野，最後大家就選擇左G3 Energetic，有通粉濕下個口，又有得切下切下。而家用QR code落單好方便，飲品又可以選擇後上。因為我係app會員，生日月份有88折，抵銷返加一服務費，價錢呢區黎講都算ok。…Read More

早餐選擇頗多，當然選擇比較清淡的食物，無論食物質素，上菜速度，服務也很好，環境亦舒適，邊談邊吃，餐飲除了一般咖啡奶茶，還有不同花茶可選，也可以悠閒地享受美味的早餐。…Read More

早餐嘅選擇好多，價錢都好實惠嘅。下午茶好抵食，但係要等到下午3點先開始。有朋友住康怡帶我去食早餐同下午茶，當時傾計傾得專心，就唔記得影相啦！😂覺得味道好好，來買返學鞋順便帶個女仔過來食。不過午餐嘅味道就冇下午茶咁好食。用我女仔嘅話嚟講，就係ok唔難食，不過冇咩驚艷嘅感覺，唔會想再嚟第二次。其實我覺得早餐同下午茶真係唔錯。網上評論有講到服務問題，睇遇到邊個職員，有個阿姨服務好好嘅。仲有等嘅時間長咗啲問題，雖然冇到夸張到等咗70分鐘，不過等十幾分鐘就要啦。…Read More

約咗朋友今晚嚟食飯，睇之前嘅comment話啲服務好差，今日嚟到又OK喎，都好有禮貌。食物份量都好足，味道都不錯。幾欣賞呢幾個包，熱辣辣的二人餐咁大份豬肋骨！豬肋骨好腍！呢個牛肉pizza，味道可以，不過略嫌啲醬汁太多。其實唔需要有咁多醬。見到好多人都有叫呢個海鮮飯，味道不俗，不過青口就細粒啲。心太軟唔算好流心，不過都係熱辣辣，襯埋椰子雪糕，非常好！雪糕夾多士，原來係蝴蝶酥，都可以我哋三個人，叫咗一個二人餐，一個一人餐，總括嚟講每人$200左右，食到好飽好飽，性價比都算高！ pizza食唔晒仲要打包…Read More

呢度既早餐選擇都幾多，好似都有8-10款。我揀咗個"雞排杏飽菇炒蛋西蘭花蘑菇湯螺絲粉"，聽個名都知好足料，再配一杯熱飲，只係45蚊，與其排長龍食大型連鎖快餐店既早餐，不如安安靜靜坐係度慢慢嘆，反正度度早餐都已經咁既價。另外，再叫咗一個自選早餐，同全日早餐差唔多，揀咗牛角酥炒蛋粟米煙肉火腿排再配蘋果茶，只係52蚊，俾出面1份差唔多100蚊既全日早餐都唔差得遠。員工服務同態度亦好好。有服務又唔使另外加一好滿足既早晨，令你更有衝勁迎接一整日既工作…Read More

侍應態度及對待客人方式十分過分新年期間對訪用膳 對有給利是的食客就笑面迎人 主動免費升級甜品不給利是的就安排差劣的坐位 話中帶刺 務求令客人於一個不舒服的環境中用膳非常過分 永久blacklist…Read More

今年情人節正正撞正農曆新年，所以預早慶祝，今年放低唔到個囡，要取消原本預約好既high tea，轉為要搵一間適合的親子餐廳。呢間集團式既餐廳，食物唔錯，價錢合理，原本去食tea，點知原來係要3:00先開始，早左又無問，無食tea。Tea抵食。講返食物先，order左個拿坡里繪手撕豬肉螺絲粉 $94個粉好多醬，味道唔錯呀alfafa 海鮮飯 $142味道唔錯，都幾大碟，海鮮都足叫餐可以加$36 享用黑松路薯條普普通通，都夠脆餐加$36 享用香烤雞翼每個餐都包飲品及 可選湯或招牌沙律，湯及沙律都好味呀！忘記影沙律相🙈佢地做緊member promotion,可以即時join左，傳入現金即時找數，仲有積分及coupon送，所以食飯時記得即時做埋member,會抵左。…Read More