彈彈旦 (Closed)

I'd heard about this place for a while but was hesitant to try because their English name 'Al Dente Balls' gave me the impression that they'd be making an overpriced and pretentious version of a beloved HK comfort food However... as fate would have it, I happened to be in MK after a looong day of work feeling tired and hangry af and happened to see Al Dente Balls so I decided to give it a try.  The fishballs have a slight 'fishy' flavour (which I didn't mind and to me it tasted different from t

之前訓左兩個月廣華, 屋企人黎探, 咁醫院冇啖好食, 開 Openrice 睇下醫院附近有乜, 就見呢間野, 間唔中叫佢地買 D 野畀我, 其中一樣就係呢度 D 魚蛋魚蛋係幾好, 亦唔算貴, 不過...出左院一排好耐冇食, 咁返黎覆診經過又想食下, 自己去買, 排緊隊買已見女店員特別串, 一派白鴿眼唔憂做咁款, 咁到我, 唔知係咪見我要拎拐杖態度再差一截, 想要大魚蛋配醬, 點知原來話大魚蛋冇得配醬, 唯有要細o個 D, 近乎被呼喝, 感覺唔良好唔敢再幫襯

小編一直想試這間小食店很久，們今天有空在旺角街頭逛逛，順道來到彈彈旦吃彈彈魚旦😋 回了一份白色魚蛋，配肉鬆bbq醬，魚蛋選了最原始不經油炸的，食落未有想像中那麼彈牙，但也不過不失，肉鬆和bbq味原來也挺合襯呢😋👍🏼 這間以售魚蛋為主，但款式算多，也夠創新，回頭率高👍🏼👍🏼大家不妨一試呀！

里間野都開左業唔短時間，之前某電視台又介紹過，不過次次都係過門而不入。難得今次經過肚餓，又未食得飯，就試下啦⋯⋯位置其實都有啲隱蔽，見到門面要轉個灣先係點餐處👈🏻主打魚旦，好簡單禁分左炸同唔炸唔炸的話，咪同陳XX無分別，所以我當然要食炸魚旦啦店員推薦孜然口味炸左的白魚旦，再加調味粉，味道咪就係孜然粉的味囉⋯⋯彈牙❓❓❓還可以。。。即叫即炸點都唔差得去邊的$22有六粒，又唔算貴的只不過，旺角禁多新野食開張，下次應該會試其他

今晚我們行過旺角廣華街見到呢間「彈彈旦」居然係無乜人「幫襯」！因較早前係好多時都有好多人排隊買嚟食，所以我們一直都買唔到嚟食！但今日竟然無人排隊，所以我們就即刻去買嚟食！我們買咗白魚蛋，而醬汁我們就揀咗蒜香香辣汁，醬汁係他們自家製，味道相當惹味，但白魚蛋嘅質感就極之腍身，一啲都唔爽口彈牙，而且味道非常腥，就算配埋惹味嘅醬汁一齊食，都掩蓋唔到啲腥味，所以真係令我們覺得好失望呀！

白魚蛋.HK $20.白魚蛋有六款醬汁可以揀，我就揀左煙肉芝士。芝士味濃郁之餘亦五好膩，魚蛋亦彈牙！煙肉芝士醬配上白魚蛋真係幾好味同好夾👍🏻 .彈彈旦地址 : 旺角廣華街1號仁安大廈地下14D號舖(港鐵油麻地站 A2 出口, 步行約5分鐘)營業時間星期一至四 12:00 - 22:00星期五至六 12:00 - 23:00星期日 12:00 - 22:00公眾假期 12:00 - 23:00.#yanfoodstory小食#yanfoodstory旺角 #yanfoodstory荃灣綫

同老公又楂車周圍揾嘢食，去左睇下wargames裝備啦，點知見到呢間嘢，第一眼就見到大大個2拉架，旦旦丸可以配好多味，仲要即整，人流個刻係少之又少，雖然一d都無人情況下個店員都黑口黑面，叫佢推介下叫自己睇，算啦，旦旦丸我保障d選芝士味，都不過不失啦，重芝士味唔覺太漏！起碼我老公最後都落車再買多一碗外帶！

啲野係幾好食 但係啲員工個樣極"西"好似唔想做人生意咁食咗個炸蛋 啲芝士好濃好好食都炸得啱啱好但係就真係啲服務同service 好差問小小野就西哂面 好似殺咗佢老豆咁囉

記得之前睇電視介紹過呢間魚旦舖，以多款味見稱，出開旺角，唔覺意係商場條行仔見到，就買黎試下。白魚旦$20蚊10粒想試真d個魚旦咩味，所以無簡炸，就咁簡白魚旦，配煙肉芝士味。唔知係咪12點度太早既關係，都無咩人排隊，等一個人就買到。碗魚旦都落左好多芝士醬，但芝士無想像中咁濃味，煙肉味都唔係好重。魚旦少少彈牙，都有d魚味。可能魚旦始終配咖哩，比較重味既醬汁會好味d。如果黎開呢頭，又唔使點排隊，都可以再試。

賣相跟林昌記很似，但質地林昌記彈牙好多今次選擇了辣椒油味道，可惜只是普通辣椒油味道，人家是真的獨特自家辣椒油，很難相題並論其次賣魚蛋姐真心態度差，多問兩句已被黑面

魚蛋控必食難忘彈彈旦地址：旺角廣華街1號仁安大廈地下14D號舖營業時間：星期一至四及星期日：12:00 - 22:00；星期五至六及公眾假期：12:00 - 23:00

唔係第一次食, 我認為呢度既魚旦係值得番兜記得上次係食炸魚旦,食既時候岩岩炸出黎熱辣辣咁食好正, 漿粉唔厚, 好似配左煙肉芝士, 成件事都match。 今次食傳統魚旦, 細細粒既白色魚旦幾彈牙,唔腥,感覺唔係交行貨。( 8 / 10 分)佢有好多隻醫汁口味選擇,今次試左黑椒龍蝦汁,隻汁夾得黎又唔會太重口味,龍蝦汁都冇令人失望,如果再thick番小小應該仲好味廿蚊雞十粒,一個人食哂岩岩好,多個人都唔想Share~呢個鋪位應該幾難做,之前好多間野開係度都好快bye bye,今次呢間做得住好耐, 祝佢長做長有

每次經過呢度都好想試下呢間小食店😚但次次都飽到食唔落😂今次終於留左少少肚去食啦😍#大彈旦 ($25)😋好味指數：(7/10)有芝士、避風塘、紫菜同勁辣粉🤔話說睇漏咗個勁字😭叫咗之後男小編先同我講，已經心知不妙😂啲勁辣粉真係好辣🌝🔥即刻去買包菊花茶解下辣😭仲要小心索到啲粉落個鼻到🙊😭講番個大彈旦先😚佢係白魚蛋嚟嘅(中意白魚蛋❤)，外面炸到脆脆到，粉漿一啲都唔厚☝🏻食落去仲幾彈牙😝不過唔好問我有冇魚味，因為已經辣到冇乜感覺🤯見佢個menu寫住shakeshake，但點解我粒大彈旦係就咁灑啲粉入去🤔？不過我下次應該會叫返細嘅炸旦🤔22蚊有10粒好似抵食啲😳(雖然細粒啲😂).⭐溫馨小提示📌小心個鼻吸到啲辣粉，吸左入個鼻度就gg😭🌶📌買小食的話購買飲品減$1

久仰此店大名，今日行過旺角，特別過去試試。原以為係open rice 嘅名店應該有好多人光顧，可能近食飯時間，冇乜掃街嘅關係，店舖未見人龍，店員則有3-4個。今次選了原味魚蛋配肉鬆 BBQ汁 ,因為想試下創新口味。首先避開所有醬汁，試一粒原味魚蛋，魚蛋果然彈牙，但冇乜魚味，肉鬆 BBQ 汁甜甜地，但同魚蛋唔太夾，冇咩驚喜，可能選傳統嘅味，好似蒜蓉辣味會比較好。另外，值得一提，呢度嘅店員有禮，又有笑容，比起一般小食店阿姐好好多。

呢間彈彈魚丸小店有成6種自家製醬汁可以揀：初榨椰子油咖哩、蒜香香辣、煙肉芝士、肉鬆BBQ、日式芥末。 | 今次我地就揀咗佢嘅三寶(魚旦、墨魚丸、墨西哥辣腸仔)加埋肉鬆BBQ醬試下。白魚蛋同想像中一樣咁軟滑彈牙，口感似足新加坡魚蛋，而墨魚丸雖然唔及魚蛋咁滑，但就食到粒粒墨魚肉，最後嘅辣腸仔就無乜特別，所以我會建議揀淨白魚蛋/墨魚丸。至於BBQ醬，可能個人口味問題，我就覺得食落同啲丸唔多夾，最麻煩係啲肉鬆痴埋咗一團，好難搞～