赤丸製麵所 (Closed)

我都唔係好記得食過d乜..因為唔好食,所以冇記住.只有少許印象..order :滑旦豬扒手打烏冬肉醬牛肉飯(類似咁既名,因為唔係我話食)咖喱雞扒飯燒八爪魚丸炸魷魚(類似咁既名)薯仔餅((類似咁既名)除咗肉醬牛肉飯,咖喱雞扒飯,全部野都係冇乜味既..(不過哩兩個飯,雖然有味但只是普通貨仔)炸魷魚就真係最差既,一咬只有炸粉,魷魚肉只有o的o的咁少,炸粉還炸粉,肉還肉咁分開既..還有每碟只有2件(咁就廿幾蚊了)不過好彩得2件,多d唔知點食,因為真係好難食..燒八爪魚丸同薯仔餅都ok 既..冇乜特別...

今日唔駛陪frd,第一日時間搭車上去青衣城既赤丸食烏冬~ 去到之前我仲驚會好多人,點知得幾個人,可能未晚飯o卦~ 點了一個牛肉烏冬及厚燒玉子~ 牛肉烏冬: 烏冬像樣,係我想食的那樣~ 如果多一點牛肉會更好,不過D牛肉好鞋口,樣就似吉野家果D,但口感爭人地好多倍~厚燒玉子: 好似無我朋友講到咁好食,我覺得板前既燒玉子,元氣既玉子壽司仲好食過佢~整體表現: 環境及乾淨度好,見唔到Dirty~ 味道中等,服務也不錯~ 但抵食度就一般,可能我叫果個係餐,又唔見得好抵食lor~ 都叫食得過,但可能遲多三五七個月先至會再去食lor~

點了客「薑燒豬柳便當」（$42），附麵豉湯、日式薯蓉沙拉、日式煎蛋卷、蘿蔔漬物、茄汁香腸、糖漬紅腰豆、椰菜絲、薑燒豬柳片、酸梅白飯。那薑燒豬柳片還可以，可惜唔係熱。老實講，那煎蛋卷、香腸係冰凍的，感覺好唔新鮮。那個白飯水分過多，十足爛飯，吃不下嚥。真係每況愈下！

見不用加一,就入嚟試吓.其實開頭係比個二人餐大碗飯吸引.但入到嚟見樣樣都想食,最後要一個泡菜雞扒飯,八爪魚丸及赤丸拉麵.泡菜雞扒飯泡菜唔正宗,又唔酸又唔辣.雞扒煎得幾香口.赤丸拉麵得一片义燒半隻蛋,一片紫菜少許芽菜.湯底幾好飲,拉麵有韌度.八爪魚丸唔抵食,出面啲小丸子仲好.大碗飯二人餐?唔駛啦!

Went there for 3 times for a quick meals. The tomato based oodong with chicken fillets was pretty good. Snacks not good.Not filling for guys too probably. Saw other people ordering this HUGE bowl thts available on the menu, looked good!Cheese oodong with chicken is made with cheap kraft cheese slices, which is JUSt the thing that eats my nerves.

早前看到報紙介紹這兒有名的冷烏冬，就和朋友來到這邊吃飯，可能是假期天的關係，人也特別多，要排好耐隊先有位。冷烏冬(細) --- 好普通，不過喜歡清淡的還不錯。咖哩牛肉撈烏冬--- 咖哩汁好香，配埋d烏冬好有口感。燒玉子--- 同出面食的都差唔多，沒有大分別。總括來說是一間普通的店，別抱太大期望或是什麼來到這兒。

都知青衣城開左呢間日本麵食，見價錢都唔算貴，而且之前見APM 果間排長龍，今晚終於去試一試。我同朋友去，叫左一個咖喱照燒雞扒飯，朋友叫左個炸野菜蝦餅湯烏冬，個飯一來，見擺個款都似模似樣，點知一搯D 飯，爛到痴埋一舊，我食野味度都已經唔算講夠，但飯就一定唔可以爛，簡直稱得上係難食到放唔入口！跟住朋友個烏冬來到，個蝦餅得兩隻蝦仔，都唔算好差，但講到個烏冬，佢個評語係同平時自已買返黎既包裝無乜大分別，唔覺得似佢寫係餐牌上咁「煙靭爽勁」囉！個湯底就只係鹽水加鼓油，味度可想而知，雖唔講得上好難食，但就一定同好食拉唔上關係。食過唔少拉麵店，求其講一間或者自己煮都比佢好食。老實講，雖然價錢唔係貴，但質素咁差，真係唔會諗住再去食，我諗真係求其去食碗雲吞麵／燒味飯都會食得開心過係呢間食！！！

昨天來了這裏食晚飯,叫了一個熱烏冬大的,妹妹及其男友叫了一個冷烏冬也是大的,媽媽叫了一個豚肉飯,另我們叫了幾款小吃:茄子天婦羅,司華力腸,雞亦,薯餅,海帶,蛋,煎餃子,烏冬的份量也很大,其它的小吃價錢平均是7-12元,但份量也不少,媽媽的豚肉飯連麵豉湯也很抵食,33元,也很夠食,豬肉很淋亦很入味,麵豉湯的味道很濃,很好.烏冬都很入味,小吃方面,炸的食物不會覺得很油膩,顏色也是金黃色,剛剛好,感覺不會很熱氣,蛋,餃子及司華力腸都很好味,海帶加在烏冬裏面伴著來吃,就不會太冷了.這裏不會加10%服務費,加上是日本菜,價錢很抵食.

冷烏冬(細):份量同一包自煮烏冬無異!,加埋咖喱鹽好味好多!吉列薯仔餅:炸醬唔會好厚,但係牛肉唔算多,淡口,不過都算ok天婦羅甜薯:蕃薯唔係黃心,又唔係紫心,無咩味..沙律海鮮卷:好得喎.有好多好大塊的棷菜o係入面,應該有魚,口感一流!!

果日行左成個青衣城都諗唔到食d咩好,最後就決定試下!我食左個天婦羅蝦火勞烏冬!!很好味呢!!個湯好好,d 蝦都幾彈牙!!!真係唔錯唔錯!!有下次呢~~

流落青衣城，肚餓得很，奔跑入赤丸製麵所。往常食開的加價了，所以選了便當盒（$45），有麵豉湯、日式薯蓉沙拉、日式煎蛋卷、蘿蔔漬物、茄汁香腸、糖漬紅腰豆、椰菜絲、燒鯖魚、酸梅白飯。那燒鯖魚味道很濃，其氣味幾個鐘後仍然在胃部徘徊。好味，絕對有下次。

都唔知點講好.. 叫左碗烏冬.. 味怪怪咁.. 原來.. d烏冬唔熟!!中間都仲係一團粉。我食左幾啖就滯左~ 仲有.. 叫左一客餃子。服務員話餃子點豉油喎! (奇怪，我從來都未食過日式餃子係會點豉油既)果然，個味真係好怪。(如果唔點咪冇味囉)求其食完之後，行左一陣街。肚仔就痛了~ 借左商場洗手間一用，點知我剛先食過既野，包括一罐雀檸都由我個口嘔返晒出黎.. 先叫做舒服d!總之..以後都唔會去!!!

九州拉麵, 好普通..去食橫岡好過滑蛋鴨胸烏冬, 鴨胸好un, 烏冬唔彈牙, 都係葵芳間甘味好d燒玉子亦唔及某兩間既壽司店好食

6/11/07下午5:45左右到達~~一個人,被安排坐bar枱~下午茶到6點,但d野唔啱食,所以都係睇返平時嘅餐牌,差唔多6:00有侍應埋黎收左個下午茶餐牌,忽然諗到,點解佢唔問我要唔要就收左嘅......最後叫左:冷烏冬($10)--唔錯,有紫菜絲~吉列牛肉薯餅($12)--剛炸起,熱烘烘嘅~~其實我好鍾意食薯餅,但唔知點解食左１／４就唔係好想食,個味唔係好誘人囉~~吉列豬扒($15)--都係熱烘烘嘅,要自己落調味料先夠味~coke light ($8)--見個侍應同d客落完單都問人飲唔飲野......食炸野飲coke都好嘅~~其實唔叫野飲都得,因我食個d野唔係好鹹,但佢俾個杯清水有d怪味......見d人走,個高級ｄ嘅侍應真係大大聲聲叫"呢邊埋單呀",語氣都ok,不過其實加返個"唔該","麻煩",似乎會好d囉~~

因為記得以前觀塘o個間新開時食過佢d冷烏冬幾彈牙早幾晚同朋友仔去食赤丸叫兩個dinner set：香蔥雞扒湯烏冬+蟹柳沙津($44)同滑蛋吉列豬扒湯烏冬+迷你咖哩牛肉飯($48)雞扒醃得幾入味有d似照燒雞扒蟹柳沙津真係得幾條菜加蟹柳問個waitress我個滑蛋烏冬可唔可以走湯話唔可以問佢可唔可以少湯又話唔得真係激死人滑蛋同吉列豬扒味道都ok但吉列皮真係浸到淋pat pat無晒口感烏冬有d失望, 無以前咁好唔知係因為以前食冷烏冬所以特別彈牙定係而家水準差左呢迷你飯真係好迷你汁多餸少估唔到野飲係罐裝喎以呢個價錢唔加一都ok