味道樂居酒屋 (元州街) (Closed)

之前上網見到長沙灣有間特色小店，於是今日同朋友嚟長沙灣試下。 入邊裝飾好有日本小店嘅感覺，我哋叫咗原條成田醬炭火燒鰻魚飯，加兩個小食，分別係鐵板芝士焗餃子同芝麻雞翼，仲叫咗兩個燒物，鹽燒厚切特上牛脷同汁燒大白鱔。 芝麻雞翼同埋鐵板芝士焗餃子首先送上。芝麻雞翼有三隻，雞翼係雞中翼連雞翼尖，雞翼加上芝麻煎得好香口，再點上啲沙律醬一流。鐵板芝士焗餃子，總共有五隻餃子喺鐵板上面，而芝士嘅分量係比想像中多好多，覆蓋咗八成嘅餃子。 跟住成田醬炭火燒鰻魚飯亦都送上，條鰻魚好大條，鰻魚肉好鮮同好爽口，鰻魚有啲炭燒嘅香味，成田醬味道好濃同條鰻魚好夾。 最後鹽燒厚切特上牛脷同汁燒大白鱔都送上。牛脷有兩串，每串有三塊，每個牛脷都好厚，厚切嘅牛利口感特別爽，加上佢哋特別嘅醬料，食得好滋味。汁燒大白鱔，鮮肉好結實，層皮亦都燒得好脆。

之前上OR見到呢間既饅魚飯照片，已經被長長既鰻魚深深吸引住。終於等到老公星期六唔使返工的日子，兩口子可以一齊去拜會呢間居酒屋。去到居酒屋門口一推門，已經被它們的裝修吸引著。木式既裝修、牆上日式既懷舊海報、大大小小既酒瓶，簡約得來又精緻。雖然店舖位置不算多，但樓底高，加上有落地玻璃可望街境，感覺空間感大。我一早已想好要點"原條炭火燒鰻魚飯"，老公選了"黑蒜汁燒美國肉眼扒"。"原條炭火燒鰻魚飯": 長長的炭火燒鰻魚終於放在我眼前。每吃一口，都有美味既鰻魚混入飯中，確實滿足。記得食呢個飯要趁熱先係最美味。"黑蒜汁燒美國肉眼扒":一向肉眼扒都係我地既最愛。牛扒切成粒狀，面上灑了香蒜片，好香口。但最重要要沾佢既黑蒜醬汁，好好味，簡直將牛扒推向另一層次既味道。係咁舒服既環境享用午飯，心情都特別靚。

OT下班，打算在公司附近吃過晚飯才回家，剛好經過味道樂，被這個東瀛格局吸引了。看到店內座無虛席，一般平日晚上時段，這區域很多食肆都冷冷清清的，味道樂依然有捧場客，已經予人信心了！明太子雞翼 $48明太子及雞翼都是我歡愛的食物，兩者合而為一的美食當然不能錯過。雞翼去骨再饟入明太子，為雞肉增添了咸辛，明太子亦吸收了雞肉汁。入口後明太子慢慢跟雞肉溶和，兩者相輔相承，味道及口感的層次豐富起來。野菜牛肉湯烏冬$88很多時候吃牛肉烏冬或拉麵時，都會嫌肉太少，很多食肆都只給兩三塊肉，十分不夠喉。上枱看到舖滿的牛肉已經十分驚喜！而且牛肉是剛好半分熟的粉紅色，我再將牛肉浸落湯底片刻，牛肉就剛剛好熟，肉質軟腍有肉羶味。如果上枱時牛肉已是熟透，加上浸著熱湯，很快就會過熟變韌。烏冬軟彈煙韌順滑，野菜爽口，湯底清甜，十分滿意！ 日本迷你蕃薯 $38日本蕃薯仔燒過後甜度更濃郁，入口軟綿豐潤，作為餐後甜點，結束满足的一餐。

長沙灣區開了不少小店，味道好居酒屋的原條鰻魚飯備受追捧，為了避開人潮一直未試。星期六起床時間接近中午，一於走到附近的餐廳，一試曾經的"大熱"。味道樂居酒屋的裝潢挺有日本小店的味道，而且精緻。原條成田醬炭火燒鰻魚飯 $128原條鰻魚真的很大條，足有前臂之長！外型就如超巨型我鰻魚壽司，一上枱香味撲鼻而來！鰻魚肉質厚身，燒得很香，乾濕程度適中。燒汁略為太咸，但撈上白飯則剛好。海膽大蔥呑拿魚蓉赤蝦丼 $128豐富的魚生丼，赤蝦有兩隻，大大隻的，肉質爽脆而且鮮甜。吞拿魚蓉亦鮮甜，可惜只有薄薄的一層，份量多些會更好，跟三文魚子的味道很相配。海膽份量雖然不多，但同樣新鮮，有海水及甜味，不會帶腥。

上年食過一次，經開長沙灣，決定再黎食是晚未夠7點就到左，已經有數台客人食緊，估唔到平日都會咁full叫左幾樣野食share依舊既碗碟，依然要影影佢好可愛既貓貓叫左杯巨莑提子，清涼下先唔會太甜，唔錯！首先係炸魚片，好脆，但我喜歡有口感的，當中有些是脆片，有些是有少許竹輪的，咬落好有口感，跟沙律醬是絕配芝士餃子容器好得意，產起左5件餃子煎得熱辣辣，芝士放上面，程半溶狀態，10分吸引急不及待😋好味道！半溶既芝士是我的最愛跟餃子很夾,火候控制得好，不會太硬芝士年糕，怎能不叫呢芝士控的我暖暖地既芝士年糕，咬落芝士直逼出黎，邪惡指數有兩粒星叫番個黑蒜黑豚肉串，個醬甜甜地，好味。好開胃豚肉熱辣辣，是即燒的主食，我地叫左一個一夜干鯛燒點既時候店員已經溫馨提示左，說偏鹹，但我們還是想試，於是叫左碗白飯去送的確是偏鹹，畢竟一夜干的性質就好似我地既鹹魚但一夜干的魚肉十分的滑，而且唔會很干值得一試整體黎講，水準依舊keep到，200多元一位，是物有所值

我家大人好中意食鰻魚飯，話說之前已經聽過長沙灣有間鰻魚飯好出名，但距離屋企始終比較遠，一直都未去試🤔 大人今晚突然mood到話想去食，就行左過去味道樂居酒居到食。味道樂居酒居距離地鐵站大約要十分鐘路程，都有少少遠，餐廳唔算大，容納到大約三十人左右，我地六點九就去到得三枱客，到七點半個d位就開始多人，閒日未至於爆場，但都算多人去，大家safe d 都係打去book枱穩陣。d餐具都係日式的，個meow meow筷子座超級得意☺️🐱由於我唔係好餓，兩個人只係叫左兩個小食同一個飯。小食揀左芝士年糕🧀，超級熱，大家要小心辣咀🙊 外皮有少少脆，但當然唔係炸野咬落去shock一聲個種啦，餡係有芝士流出，但可惜唔夠味，就算有cheese，佢味道都係偏淡，外皮本身無味，餡又唔係特別多，整體食落麻麻。第二個小食揀左唐揚炸雞，未上枱前expect佢係大大舊得四五粒既炸雞，點知上到枱係呢隻細細粒😅 雞本身個炸粉無咩味，雞肉亦偏淡，點左沙律醬就會岩岩去。雞炸得都脆既。重頭戲終於出場！登登登登！當然係原條鰻魚飯啦，上枱個下有少少嚇親，因為真係好大條喔，未食過咁大條既鰻魚飯。鰻魚肉厚薄適中，唔會話特別厚，不過都有口感

我聽到朋友話這間居酒屋超級好吃，所以由銅鑼灣專程來長沙灣尼食，點......用餐果日,我已經有預先book位,我明明係電話個度book咗5位,但去到個職員同我講話只book了2位。咁都算，佢話要在走廊加3個位，我當時係在18：00入去餐廳。但是我見到有一些大枱寫住會在19：00入座。我話我地會在19：00離座，可否坐果張枱。佢話個客可能會早來，然後隻眼啤實我地，想我地走。最後我地未食就走咗。真係未見過咁唔想做生意的員工！

小食方面，叫左兩款。呢個炸魚鱗$48好有驚喜，真係炸得脆卜卜，不過仲保留本身既魚油。食落真係好香口，送酒真係一流！另一款小食，係炸日本池魚仔$48，初初叫以為係普通炸魚咁，但估唔到好多肉 而且鹹香味十足，超級惹味。同友人不停食完全停唔到口哈哈～～當然唔少得叫款串燒啦！呢個鹽燒厚切特上牛利$68，以為得一串，原來呢個價錢已經係打孖上～ 好嫩完全唔會好un，真係好少可！之後就到主角出場啦！！！原條成田醬碳火燒鰻魚飯$128！上場真係好大條呢～兩個人食絕對夠，不過唔知點解飯竟然唔係珍珠米，而且太濕好粘咁。不過鰻魚就燒得好濃味，長就長不過其實好薄身。

突然好想食鰻魚飯，上網search，搵到呢間長沙灣小店。店舖行居酒屋路線，店內充滿日式風情，牆上擺左好多酒樽同日文poster，給人一種溫馨嘅感覺。不得不提佢嘅餐具，印有魚嘅圖案，仲有貓咪嘅小擺設，為店舖添了生趣。原條成田醬炭火燒鰻魚飯：有圖有真相，這就是吸引我黎呢度食嘅原因！原條鰻魚足足有成個前臂咁長。份量童叟無欺，味道同樣一試難忘。肥美嘅鰻魚，帶有燒過嘅炭香味，一啖咬落去油脂香加埋甜甜嘅成田醬，好對胃口。一啖鰻魚，一啖飯，正！如果飯可以全部用上珍珠米會更好。

今日放工後，相約朋友行街食飯。之前已上Openrice搜一搜，看見這間小店的鰻魚飯挺吸引的，而我和朋友都喜歡吃日本菜，於是決定到這小店食晚餐。一碟香炸日本池魚仔有十多條，條條炸得香脆乾身。成條魚連骨都可以食，一點腥味也沒有。點沙律醬，味道酸甜，但不點沙律醬也好味。這一碟煙肉櫻花蝦煎廣島蠔很有春天氣息：淡粉色的煙肉，橙紅色櫻花蝦，青綠葱花和啡色的蠔。蠔肉鮮甜軟滑，加上其他配料，口感十分豐富。期待的原條成田醬炭火燒鰻魚飯送上來，有半隻手臂那麼長，份量很足。鰻魚厚身，吸收了豐富醬汁，入口鹹甜鹹甜的，及後帶有鰻魚的油香，令人齒頰留香。黑豚肉薄身，肉香味濃，加上爽口微辣的泡菜，是很好的配搭。芝麻雞翼炸得熱烘烘。咬起來外皮香脆，內裡則肉質嫩滑，不乾身。只有三隻根本不夠喉。這一餐食到期待的鰻魚飯，亦第一次食到池魚仔和泡菜豚肉卷，感覺挺新鮮的。

餐廳佈置及餐具都擁有強烈日本風格，感覺很舒服。我跟媽媽選擇了兩個魚生丼，再點了梅子梳打。梳打非常解渴，而梅子微有咸味，跟梳打混打合令味道很特別。海膽三文魚籽甜蝦蓉丼　$128海膽肥美，色澤新鮮，味道鮮甜，口感軟滑，感覺很滿足呀！我較喜愛慢慢咀嚼海膽，讓它的鮮甜味道在口腔內盤旋，感覺真棒！飯底白醋味頗濃，用上鮮甜的甜蝦蓉鋪上飯面，感覺很相襯，亦能中和整體的味道。甜蝦蓉份量都很多，平鋪在飯面，令每口飯都可搭上甜蝦蓉，令口感擁有軟綿的甜蝦蓉跟粒粒分明的飯粒，感覺不錯。三文魚籽晶瑩剔透，粒粒體積夠大又新鮮，而且一咬就爆汁了，不錯不錯。不過調味醬汁味道偏向咸了少許，令三文魚籽味道偏濃，如果不混合飯吃用，感覺真的偏向咸了少許。海膽大葱吞拿魚蓉赤蝦丼 $128海膽肥美，色澤新鮮，味道鮮甜，口感軟滑，感覺很滿足呀！我較喜愛慢慢咀嚼海膽，讓它的鮮甜味道在口腔內盤旋，感覺真棒！ 大葱味道很濃郁，而飯面更有一層新鮮的吞拿魚蓉，此時我夾起一小撮吞拿魚蓉並咀嚼，猜不到吞拿魚蓉味道香濃，調味適中，再搭上大葱，兩者味道都頗夾。碗中更有兩隻特大赤蝦，肉質爽口又有彈性，而且味道較為鮮甜，是不錯的刺身呀！

是日晚上約上三五知己到此一遊，遊啊遊，便遊到位於一角的小店，在此發現了貓兄弟同魚小姐，他們原來是餐廳的主角，趣致又可愛。進入餐廳後，燈飾獨特又新穎，牆身一角貼滿各款明信片，另一角上方有數款酒瓶，整體環境充滿格調及温馨。細望餐牌後，就與友人點了數款小食及主食。由於友人當中有不吃魚的，就另選了非魚的小食。等待約5-7分鐘後，店員便連連送上小食。七味魚翅($68): 份量約有10多小塊，表層炸得金黃，咸味適中，配以沙律醬，個人較喜歡不沾醬食。香炸日本池魚仔($48): 份量約10小條，味道咸口又香脆，可以整條食，但咬碎時要份外小心。泡菜黑豚肉卷($48): 2串，豚肉易咬口，泡菜夾於肉卷內，酸中帶點肉的煙燻味，好夾，唔錯。黑蒜黑豚肉卷($48): 2串，黑蒜塗於肉卷外層，起初以為黑色一團是好濃味，誰知味道咸中帶點清新。原條成田醬炭火燒鰻魚飯($128): 一條約25cm長的鰻魚躺於白飯中，鰻魚表層充滿甜醬油及帶點煙燻味，熱食是最好不過，因為鰻魚待涼後，就好腥。建議飯的份量可增加多點。食到飽飽，當然要喝上杯熱茶，熱茶非常好喝，問了店員後，原來是綠茶加玄米茶，行於消濟。飯後大家都意猶未盡，就到附

Seated in between two seperate diners awfully squashed even though there was 4 double tables available. Then there was a long piece of black hair in two dishes we ordered. Totally gross. The food was not that special. Typical Hong Kong style Japanese. Definitely won't go again.

黎到長沙灣有好多好野食，如果講抵食就真係呢個鰻魚飯👍🏼比美到日本的質素。肥美唔在講，又香又鮮味。午餐套餐仲有湯蒸旦，女仔黎講真係夠曬飽👍🏼環境又舒適，不過建議大家避開放飯時間，咁就無咁多人😌

今日黎到一間位於長沙灣的日本菜，一試發現這是極具日本地道風的隱世居酒屋-味道樂，日式裝潢、日式窗戶、日式的躺門和林林總總日式的小鐵牌。原條成田醬炭火燒鰻魚飯手臂般長，沒錯是手臂般長的鰻魚！但通常很大條的鰻魚吃起來會有吃到骨的感覺，但這裡沒有，相信是廚師事前把很多大條的魚骨除去，非常貼心！幼嫩的魚肉配上惹味的醬汁，加上炭火烹調，鰻魚不會太老，配上白飯一流！香炸日本池魚仔像多春魚可以一口吃的小食，薄薄的炸粉把池魚的外皮炸得金黃色和脆口，小小的魚身在一口咬下去時卻有很實在的感覺，相信是這魚的肉質非常紮實，非常有驚喜和特別的小食。芝麻雞翼不過不失，外皮非常脆口而內裡的肉又飽滿。鹽燒厚切特上牛脷燒物最討厭是過鹹和過老而乾，這裡的牛脷燒得剛剛好，肉質不老也不乾，而且非常淋身有肉汁，加上懧懞汁後牛味更突出。黑蒜黑豚肉卷濃濃的黑蒜醬油汁佈滿着黑豚肉卷，黑豚肉的肉質非常好，肉汁夠有咬口，和黑蒜汁夾得很。最後一提是餐廳店員不時斟著日本茶，而且茶不是不暖壺暖著而是不斷有熱滾的水泡茶， 喝下去非常舒服。