味道樂居酒屋 (元州街) (Closed)

傍晚來到陌生的長沙灣，見到這充滿日式居酒屋風味，價錢相對實惠，決定一試。想不到星期日傍晚已高朋滿座，先點杯梅子梳打，夠氣微甜天然，酸甜開胃。用like換來的溏心蛋用甜醬油醃過，加上黑松露香氣十足，可惜蛋黃過熟，略略扣分。七味魚翅，以雞泡魚乾的做法燒，微辣又帶甜，微脆口感，又物盡其用，上佳下酒菜。黑蒜汁燒豚肉。豬肉偏瘦不鞋口，黑蒜汁微甜，惹味又不肥膩。深海池魚刺身，薄切得透光，吃下鮮味十足，魚香豐腴。壽司質素有驚喜，海膽軍艦紫菜香脆，海膽鮮味濃郁，入口即化。甜蝦蓉壽司同樣出色，新鮮清甜。濃魚湯蔬菜烏冬同樣出色，白色魚湯肯定足料，喝下清甜且有點黏口。烏冬是日式的幼身又煙韌。想不到這裏會有如此有風味的居酒屋，食物出眾，價錢合理，大推。

朋友約咗喺長沙灣食晚飯，佢話有間日式居酒屋幾好，所以咪試下丫！餐廳嘅位置位於工廠區附近，由地鐵站行去大概5至10分鐘左右！ 餐廳門外油木色嘅佈置， 好有日本居酒屋嘅風味 至於啲碟杯用上雞泡魚嘅圖案，十分精緻！池魚刺身半條$98, 個師傅真係好有心思,個擺設好靚煙肉櫻花蝦煎廣島蠔$88, 啲煙肉煎得好脆加啲蝦米好香，配合埋啲廣島豪，一讚！黑蒜黑豚肉捲$48. 啲黑蒜加上黑豚肉 笑起嚟好香好入味.芝士吉列海虎蝦卷$78. 咬落去隻虎蝦係好脆呀仲好香!海膽壽司$38. 啲海膽分量都好多好鮮甜!火炙左口魚邊兩件$48,蟹膏帶子壽司兩件$58黑松露糖心蛋喺居酒屋食嘢，又點可以少得酒。最後叫佐杯梅酒, 好飲得來又幾靚！

之前見到介紹 一直收藏左哩間餐廳好耐星期日既夜晚諗唔到食乜 就黎ko哩個收藏餐廳比想像中細 不過由於我地九點三去到所以都仲有好多空位 鰻魚飯見大家黎都一定會叫，鰻魚確實好大條好厚鰻魚味道唔腥 不過有d過鹹芝麻雞翼 炸得乾身唔油膩 ok甜蝦壽司(1客) + 海膽壽司 (2客)甜蝦size幾大隻 不過唔算好鮮甜海膽見到已經有d失望🙍🏻 得好少味道ok ge 但$38一件海膽份量得甘少有d唔抵黑蒜黑豚肉卷醬汁太多過鹹 豚肉味淡櫻花蝦燒蠔 蠔既size唔大 不過都燒得幾juicy 唔會乾爭爭燒牛舌 幾彈牙唔錯Facebook 打卡送既糖心蛋呢到主打熟食串燒為主 唔怪得剌身壽司一般個人認為鰻魚飯係抵食嘅咁多樣比較好食嘅係燒牛舌同燒蠔其他野食都唔係特別吸引，而且去嗰晚可能就收鋪，d員工感覺好hea 又圍埋傾計食野，服務麻麻個人唔係特別鍾意食鰻魚，而其他野食都唔係特別好食 埋單兩個人六百幾，性價比唔高，所以食過就算啦，唔會再黎

這區食店不少，唯有家日本菜叫我印象深刻，平日飯市不缺人潮，不想等位就要如我早點去避開繁忙時段啦。味淋魚干38即叫即燒，暖暖的上台，有嚼口，沾了沙律醬，送酒會是很好的小吃呢！流心芝士燒年糕3個48我的大愛，燒比炸更健康，芝士味道濃郁，年糕口感柔軟，一定要叫。汁燒大白鱔68厚身大切，邊燒到魚皮脆一脆，有焦香，魚汁不乏。流心芝士魚餅48愛芝控一咬，芝士內涵也不少，調味適中，熱辣辣不錯吃。原條成田醬炭火燒鰻魚飯128大大份，今晚亮點，超巨的鰻魚入口好嫩滑，教人要二人分享的一份大滿足，醬汁足夠，令飯粒每顆都沾有惹味燒汁，正正正🤗最正係無骨呢樣無得彈。巨峰提子乳酸soda38少少酸，醒胃的巨峰凍飲😊Like 面書送的溏心旦也毫不馬虎，質地軟糯，還用了黑松露醬喔。食後感：店不大卻令人想再來，裝修夠和風，食物質高，價錢主要是很貼地是最驚喜☺️

黎到荔枝角, 點會唔提巨型鰻魚飯呀!.味覺同視覺都係一種享受。.大大條,好肥美。而且味道真係好好! 係香港算係比較難食到好味既鰻魚。.跟餐仲有我最愛既茶碗蒸!!!! 好滑好好味😋.要比意見既唯一係店內座位唔多,如果午膳要黎食既最好12:30前來到。.其他位於荔枝角既食店大多建議大家順路先黎食。.但呢間真係可以專程試試, 因為咁大條而又好味既鰻魚唔係周圍都有XD.環境如下：IG: foodiebuddy18

中午與友人工作後需要填飽肚子，當然這家味道樂，給我的不只是飽的感覺而已，而是炙燒的美味，為什麼這麼說呢？是因為我同朋友正巧都叫了關於炙燒的套餐，兩個餐都非常美味😆前菜均包括一碟胡麻沙律🥗夏日食沙律清涼又開胃呢麵豉湯不過不失，至於茶碗蒸就好滑漏！裏面內藏小小的海鮮，用料有心👍🏻我點了半燒火炙四色魚生丼$98一上檯就為它的賣相深深吸引，半熟的口感是入口即化，油脂更為豐富，師傅燒到d魚油滲融到飯中，不需要任何調味已經夠好食👍🏻👍🏻👍🏻份量也很多，我一個女仔都有食唔曬大愛三文魚👍🏻👍🏻油脂最為豐富，啖啖滿足！至於我的朋友就食原條炭火燒鰻魚飯$98呢條鰻魚比我上次在另一間餐廳食的仲更大更厚，而且有足夠的醬汁！優勝在佢真係食到有炭火燒嘅味道，碳香同惹味嘅鰻魚汁將鰻魚嘅味道提升了一個層次，正！👍🏻👍🏻😘總論而言，呢間餐廳性價比超高，食物質素又出乎意料，特別係火燒系列！果然冇改錯名：味道樂！食得樂！😆😆

星期六出到去荔枝角做嘢，做完都差不多食飯時候啦，都係約個老友食個靚lunch先，佢公司都係附近。老友介紹行多幾步過咗去長沙灣味道樂居酒屋門口都幾易認，裝修都幾有日本風味星期六是假日lunch set, 我叫咗壽司定食壽司每款都新鮮到不得了，海膽壽司好鮮味，一啲都唔腥蝦蓉壽司都好好味呀，黏住個口，好幸福嘅感覺牡丹蝦壽司超大隻超爽口壽司定食配嘅日式湯烏冬，湯底好好飲，全碗俾我清晒老友叫嘅海膽大葱吞拿魚蓉赤蝦丼，海膽鮮甜美味，成碗都係吞拿魚茸見到隔離枱食嗰個鰻魚飯大條肥美到不得了，我下次一定要試呢款

小妹曾與妹友一嘗小店的美食對鰻魚飯念念不忘這次專程帶男友再來一遍讓他可以一嘗滋味小店人氣繼續強勁小妹等了30分鐘才可以入座酷熱天氣下真的比較難受金槍魚碎壽司$48金槍魚魚蓉新鮮幼滑沒有腥味 正芝麻雞翼$58燒得香脆 不油膩 充滿芝麻香氣啖啖滋味好味終於是我們最期待的鰻魚飯喇～$128鰻魚仍然禁大塊沒有減少份量燒得剛好 沒有因為燒得過時而流失水份不過要小心有小小碎骨喔～味道香濃 正黑松露溏心蛋用上點點黑松露作點綴加上濃郁蛋味黑蒜黑豚肉卷$48男朋友非常滿意 一來食物非常美味而且不是西餐喔

週六放工又約了同事一齊食午餐，呢間餐廳同事們一直大讚抵食，不過原來週六嘅套餐冇平日咁平，但係味道及食物質素都同餐廳名一樣，食物味道令人快樂！一入門口見到一部麒麟啤生啤機，大家即刻叫返一個round,嘆一嘆先！夏日炎炎冇嘢爽得過嘆番杯生啤。食正餐之前叫咗幾串串燒送下酒先，呢間鋪頭出名食鰻魚，所以串燒都叫咗1份燒白鱔，果然肥美，燒得皮脆肉嫰。午餐我哋叫咗一份壽司拼盤加烏冬，壽司見見新鮮精美，最正係個海膽壽司鮮甜無比！鰻魚飯都係呢間店舖嘅出名之作，幾乎見到每台客都叫呢樣野，果然一上枱會嘩一聲，條鰻魚好肥好厚肉，長度長過隻碟！真係好好味！

幫襯咗十幾年嘅「發電站」理髮店，每次都一定要番嚟呢度剪，試過其他髮型屋都唔合我心水，剪完頭髮就要食餐好，上OpenRice見附近有間居酒屋，正合我心意。原來髮型屋轉個灣就係居酒屋，好近明愛醫院，門面好有日式居酒屋格局,好似真係去咗日本嘅感覺，店內佈置有濃濃嘅日本氣色，坐位都不少，待應們服務好，效率又快，值得一讚。一打開餐牌菜式包羅萬有，樣樣都好吸引😍😍有一個超吸晴嘅菜式「味道樂特盛九品料理（二人份）」一上枱賣相幾震撼，一個井型嘅木架，放上九道唔同的菜式，色彩豐富，未食都已經流口水。第一道料理「三文魚籽甜蝦蓉丼」呢個賣相最靚，頂部插有一朵小玫瑰，中央放有丸型甜蝦蓉，原邊放滿大大粒，晶瑩剔透的三文魚籽，靚到唔捨得食。而味道方面，甜蝦蓉的鮮味口感溶於口中，加上微暖的日本飯粒，配上爆汁鮮味嘅三文魚籽，真是色香味俱全。第二道料理「鰻魚飯丼」，頂部放有雞蛋絲，而鰻魚肉都配合番蛋絲，厚切成闊條形狀，加上鰻魚汁，真是覺得吃一碗，並唔能夠滿足到我🙆🏻‍♀第三道料理「火炙左口魚裙邊丼」，雪白的左口魚裙邊，燒得微焦，令魚的魚油溶化於暖暖的日本米飯當中，香氣四溢。第四道料理「香炸魚片」魚片切成小圓中空的形狀薄

上網見到有不少人推介這間餐廳，見今日經過長沙灣決定一試！一入到餐廳就被內裡的裝修吸引，牆身佈滿日本玻璃酒瓶和日文poster，真的有點像進入了日本當地的居酒屋一樣，很有心思除左琳琅滿目的裝飾外，牆身還貼了一些期間限定既優惠和廚師是日推介而今日我得到既優惠就是一碟免費既黑松露溏心蛋(只要like此餐廳Facebook即可獲得)不要認為是免費的質素就會很差，相反，黑松露味很濃，配合溏心的流心蛋黃，是很開胃既前菜！首先，我們點了3款壽司，全部都好好味呀，你睇我post既lee張相就知佢地有幾吸引喇1. 火炙左口魚邊壽司(上面)熱辣辣的燒左口魚，一送上枱就已經嗅到燒魚既香味，味道也很好2. 海膽壽司(中間)超級超級好味既軍艦壽司，新鮮冰凍既海膽，一口放入口，很滿足3. 三文魚籽甜蝦蓉壽司(下面)這個配搭好特別，蝦蓉食落似吞拿魚蓉，入口即容，配合三文魚籽，非常match深海池魚王刺身(薄切)，第一次食lee種刺身，魚身彈牙，味道帶有一點點甜，值得一試芝麻雞翼，新鮮炸，熱辣辣，皮脆，入面的肉質保持鮮嫩多汁這個靜岡一夜干燒的鯛是全晚的驚喜，烹調時間雖然久一點，但也是值得的魚的外面燒得很香、很脆，脆得

星期六放半天，想搵好嘢食下，點知遇着落大雨。唯有喺荔枝角附近搜尋一下，近近地有間日式餐廳，味道樂出咗一款日本特色食品——九宮格。一直好想試吓，就決定去嗰度避下雨先。雖然落雨但天氣都係好熱。即刻派番杯生啤及柚子酒嘆下先！助理當然係呢一個好特別嘅九宮格，九格放着不同嘅小食及主食。其實份量一啲都唔少。其中有三款係返嚟嘅，包括有左口魚裙、鰻魚、三文魚子飯。其他嘅小食都非常之精美，而且份量十足！我最鍾意係一個醃制嘅小墨魚同Wasabi墨魚粒，非常香濃惹味。另外朋友就鍾意呢個燒魚翅，用嚟送啤酒真係一流。

長沙灣元洲街街尾轉角有間自成一閣的居酒屋，一直都好想入去坐下，今日提早下班終於有機會。鋪面細細，裝修得非常似日劇果啲小區平民居酒屋。入到黎坐見到老闆係鋪入面同客人談笑風生，仲會即席入廚房整一啲時令食品比熟客嘗味，呢種老闆同客人間既人情味真係難得，試問係咪個個老闆會肯落場整野比客食再問佢地覺得味道如何丫～欣賞老闆的誠意先黎係黑松露溏心蛋，like咗fb就有架喇！溏心蛋味道剛好，入口甜。試咗佢地既梅子梳打，味道似梅酒但又岩晒唔想飲酒既我，好開胃。芝麻雞翼炸得好香！火力調較得好好，雞肉保持嫩滑黑松露茶碗蒸蛋，蒸得細滑，蛋味更濃就更好！芝士海虎蝦天婦羅卷，有驚喜，蝦炸得鬆脆，大大隻，連埋芝士一齊食，口感好夾。海膽壽司勁鮮，係我食過最甜既海膽！火灸左口魚邊壽司，店員話剛燒好，保持鮮味要趁熱食，好香魚油味深海池魚王刺身，薄切口感細軟，入口即溶，鮮味一流！原條成田醬炭火燒鰻魚飯，好似放大版既原條鰻魚壽司咁，醬汁好香，鰻魚唔腥，好滿足！

放工黎到長沙灣到覓食，見到哩間居酒屋，店面少少但已經坐滿7，8成。。餐廳既佈置，好有日本居酒屋風味，碟，杯用上雞泡魚圖案，好可愛。第一碟係Facebook 打卡送既日式黑松露溏心蛋，上枱既時候已經嗅到好香既黑松露味。食落口、原來係凍食架，隻溏心蛋凍凍地，係夏天食係唔錯選擇，黑松露既味道係口入面久久不散，估唔到免費既食物都咁出色。第二碟係黑蒜黑豚肉卷串燒，一份有2串，如果可以燒焦d，相信會更出色。第三碟既係芝麻雞翼，一客有三隻，夠晒熱,夠晒脆，入味，辣辣地。如果愛食香口野既人，哩個一定岩第四碟係鰻魚飯，嘩嘩嘩，侍應拎出黎既時候，我剩係見到鰻魚見唔到飯呀⋯⋯😆😆好大條鰻魚呀，好少係餐廳會食到咁大條既鰻魚，飯就份量就大概一碗左右。唔錯，少d飯咁就可以試多d 唔同款既食物。第五碟分別係左口魚壽司，油脂香。三文魚蝦蓉壽司，未食既時候以為只得三文魚，但放左落口先知係甜蝦味，味道濃，特別。然後係金槍魚碎壽司，香蔥味大，唔鐘意魚腥味既，食哩個唔會覺得腥味。

今日約了朋友在長沙灣晚飯聚舊， 朋友想食下燒物和鰻魚飯， 就想起這間味道樂居酒屋， 一來環境裝修很日本feel, 再者這食物品質也不錯，而最重要的是這裏的服務很好， 加上價錢在這區非常大眾化， 於是今晚就book這裏食晚飯。大約七點半，餐廳幾近滿座，閒日來說十分難得。 餐牌多了些特色食品， 最後點了小食、燒食，當然最重要離不開是這裏非常抵食的鰻魚飯。小食是香炸日本池魚仔,雖然碟頭不大，但分量也不少， 約有十數條。 日本池魚這種中等size是非常好食的， 炸得非常香脆， 沒有半點油益味， 熱辣辣食落口非常爽口。燒物分別是醬油燒年糕和汁燒大白鱔， 年糕就食得多，但用醬油來燒則是第一次食， 燒得半邊有少少燶， 但味道香濃，食落非常煙韌， 一串有兩舊，食落真係有點唔夠喉， 真係非常好食。而汁燒大白鱔， 雖然鱔不是特別肥美巨大， 但燒得非常脆皮， 皮脆肉滑，食落非常香口。主角是這裏的原條成田醬炭火燒鰻魚飯，價錢真是平靚正，$128真係淨買鰻魚也不可能。 味道方面，當然滿足， 鰻魚原條又長又肥美，燒得非常香脆，加上醬汁嘅配搭， 味道濃郁好味， 兩個人分享一整條 真是大滿足。最後還叫你一杯巨峰提子