味道樂居酒屋 (元州街) (Closed)

上次來食，見到鄰座點了原條鰻魚，好吸引，念念不忘想再次來食，今次恰巧到長沙灣，所以再來這裡晚餐。店舖雖小，但坐得舒適。食物種類頗多，我們當然會點「原條成田醬炭火燒鰻魚飯」，另外，我很喜歡吃「牛肉壽喜燒」和「三文魚火炙壽司」，見這裡有，當然會點啦 友人再點了「芝麻雞翼」。天氣太熱，我們先點了「梅子梳打」及「白桃乳酸梳打」。梅子梳打及白桃乳酸梳打，不太甜 原條成田醬炭火燒鰻魚飯 好大條，真的原條上，一人一半都好多 鰻魚厚身、嫩滑，啖啖肉，再配上鰻魚汁，甜度剛好，拌飯一流 我最愛吃「牛肉壽喜燒」，將雞蛋攪拌入湯中，材料又溶入湯中，令湯很甜，很好味！芝麻雞翼，一碟3隻，香脆可口！已忘記可點沙律醬。再食埋這碟三文魚火炙壽司，很滿足 

前往長沙灣探訪朋友，順道去居酒屋吃晚餐。居酒屋環境雅緻，氣氛柔和，食物款式多。黑松露帶子刺身沙律108元，黑松露香氣四溢，帶子刺身鮮甜，蔬菜新鮮，醬汁少少酸，很開胃。日式炒野菜68元，蔬菜新鮮，少油，少少咸。蟹膏蟹肉炸豆腐68元，外層脆，肉層軟滑且熱辣竦，面層蟹膏蟹肉惹味。加州反卷68元，賣相美麗，面層魚子卜卜脆，壽司美味飽肚。原條成田醬炭火燒鰻魚飯138元，鰻魚肉大大件，肉厚，充滿魚脂，白飯軟，醬汁少少甜，十分滋味。總結：食物款式多，高質美味，價格合理。

長沙灣元洲街呢帶愈開愈多美食，今次去試下呢間味道樂居酒屋😆成間餐廳裝修好中古日風居酒屋，座位唔多，所以想嚟最好預訂位！基本上大部份日式餐廳嘅食物都有，有串燒、刺身、壽司等，依家仲搞緊芫茜系列😆芫茜愛好者記得嚟試~✨野菜牛肉湯烏冬烏冬愛好者，點會錯過！烏冬份量真係超多1 個人食真係好飽！湯底係令人熟悉嘅日式味湯底，而牛肉油脂分佈平均、嫩滑✨美國牛柳粒溏心蛋石鍋飯美國牛柳粒香煎過，香口而味道爽口嫩滑， 肉質細嫩入口鬆化，石鍋飯因為有飯汁，即使係石鍋上都唔會好乾身同有飯焦~✨芝士吉列海虎蝦卷上面有塊微微火炙過嘅芝士，入面吉列蝦非常香脆與外卷松軟嘅飯做成對比，外軟內脆，不過如果火炙芝士可以製成半溶效果會勁佳✨壽司因為已經有蝦卷，所以只單點2,3款平時鐘意食嘅壽司三文魚腩真係非常肥美同新鮮，而芥末八爪魚壽司個紫菜非常香脆，咬開芥末香滲出，唔會太攻鼻，味道幾好味道樂居酒屋🌟 長沙灣長沙灣元州街498號青華閣地下C舖

今日收工同同事去咗元州街居酒屋度食飯，估唔到長沙灣都有間咁日本feel 嘅居酒屋，坐低梗係叫咗麒麟生啤同埋枝豆及白飯魚乾做前菜，啤一啤，十足日本居酒屋。薄切池魚刺身，上碟好靚，有酸汁，辣蘿蔔蔥，芝麻及Wasabi，魚肉有光澤，入口鮮甜有重魚味，配埋個汁啱啱好。黑松露糖心蛋，松露味重，配合糖心蛋口感剛剛好。我最鍾意嘅清酒煮大蜆，蜆肉非常之新鮮肉夠飽滿，配清酒一齊煮，個湯已經好清甜。大蔥特上吞拿魚腩卷，吞拿魚腩已經剁碎，魚油加上辛口大蔥及香口的芝麻，各種味道互相配合，非常好味！原條穴子壽司，穴子比較少有，原條穴子，口感冇鰻魚咁彈牙，但肉更細緻及細滑。黑松露和牛炒飯，估唔到是新鮮製造，炒得好香口，入口熱辣辣，仲有少少鑊氣，黑松露配牛肉味道剛剛好，香氣十足。最後點了一個流心芝士燒年糕，外皮燒到香脆，中間糯米煙煙韌韌，咬開有少少鹹香芝士流出，口感幾特別。

太耐冇去日本了冇得出國旅行唯有去日本居酒屋懷緬一下日本的味道今日去咗長沙灣味道樂居酒屋食日本菜😊首先嚟個漬物小食·三點漬物$78健康脆口醬油牛蒡漬 + 爽口美味木魚花蒜頭漬 + 可囗彈牙芥末八爪魚·香炸日本池魚仔 $58細細條嘅池魚仔，炸到又香脆又金黃，配上沙律醬，一啖一條非常好味😋跟住嗌番啲日本料理－·醬燒虎蝦 $68/隻手掌咁大嘅虎蝦 + 蟹膏一齊燒烤，既有原汁原味嘅海鮮味又有香口嘅燒烤味，仲有虎蝦同蟹膏非常夾，雙重口感味道更加突出·脆炸軟殼蟹反卷 $88啖啖肉嘅軟殼蟹反卷，軟殼蟹非常香脆可口，再配上超級新鮮嘅蟹子，香脆得來又有爆珠嘅感覺，口感一流👍之後嗌返個主食·三色魚生飯 $128超級厚切三文魚🍣 + 油脂飽滿色澤鮮亮嘅油甘魚🐟 + 肉質鮮甜嘅甜蝦 一齊拌飯，鮮甜美味又滿足·牛肉壽喜燒 $108小小火爐但係分量十足，淨係牛肉已經有好多塊，而且牛肉非常新鮮，再配上娃娃菜、大蔥、豆腐、雞蛋一齊煮，成個湯都變得又香又甜最好嗌返杯梅子燒酎梳打 $58少少酒味酸酸甜甜嘅梅子酒好易入口😊超級有日本味道嘅居酒屋，值得推薦俾大家依家點讚佢哋嘅網頁＆OpenRice 即送黑松露日式糖心蛋一客

同朋友去完荔枝角行街，完場七點鐘，決定直接係附近搵地方食飯。俾我地發現左呢間味道樂居酒屋，可以慢慢食下串燒壽司吹吹水。餐廳裝修氣氛跟足日本居酒屋，好適合同朋友坐低食飯吹水。我地叫左少少壽司同串燒，壽司本身都新鮮好食但更令人驚喜既係串燒，火候控制同調味都做得不錯。巨峰乳酸梳打，梳打唔算太甜反而突出左巨峰乳酸既味道，酸酸地，係食唔同食物之間可以用黎reset口腔既味道。味淋魚乾，朋友最鐘意既魚乾小食，燒得剛剛好，香香甜甜。如果有啤酒應該會無限添食。日本華美雞雞皮，燒得好好，卜卜脆，雞皮本身既油脂燒出黎勁香。三色魚生飯，有三文魚、油甘魚和甜蝦，非常新鮮。安格斯牛肉串，生熟程度大約係五成多少少，肉汁鎖係安格斯牛肉粒入面，一咬開啲肉汁就爆出黎，肉味好濃厚。三文魚腩壽司，三文魚腩好夠肥！黑松露帶子壽司，黑松露既份量剛剛好，一入口黑松露香味散發晒出黎，但又會食到帶子既鮮味。

女友想食日本野. 間野近我放工, 又近佢屋企附近, 咁就去呢間野, 外面同裡面嘅裝修都ok, 日本居酒屋feel, 又有啲懷舊. 點知得個樣係伏嚟嘅. 入去幾個譚仔姐姐口音嘅waitress, 即刻無曬mood. 叫左個五點刺身盛合/極上二人前. 成hkd788, 加一埋單hkd 867. 一啲都唔值. 豬骨串燒又漏單無嚟. 沙律係港式什果沙律. 啲帶子變壞酸左. 用青瓜去蓋住啲味. 其他刺身暖嘅. 最後食到肚屙. 會投訴去食環. 唔好浪費金錢時間係呢間野.

星期六同朋友去左荔枝角長沙灣呢邊，一心黎食呢間味道樂居酒屋，由於我地都早黎，所以食客未算好多，唔洗等位。餐廳內好有日式居酒屋feel...仲坐得好舒服。午餐牌款式都唔少呀，有好多款唔同野食，丼飯、熟食、刺身飯，好多款式。仲有得加配小食，睇見都口水流了。之後我跟朋友一人點了一個午餐lunch,再加了一份炸雞開心分享。食物上餐速度都好快。食lunch set包埋沙律，蒸蛋，麵豉湯味道都好好。沙律好fresh，而且個沙律汁都好惹味，沙律菜又爽口，唔錯唔錯。另外蒸蛋都好滑好嫩，好好味，熱熱的又嫩滑，蛋味香濃，入面仲有少量青口等等，好味。主食到了，我點了半條碳燒鰻魚飯，好好味呢，我都好鍾意食鰻魚，鰻魚有呢半條，而且呢半條都份量不少，一啖鰻魚配上一啖飯，好好味。而且白飯上都沾上了鰻魚汁，整個口味都大滿足同惹味。上面仲有好多蛋絲，好好味。仲有半粒溏心蛋。yummy yummy。好快成碗飯都比我清光了。朋友點了香煎雞扒配冷烏冬芝麻醬，呢款岩曬炎炎夏日食，冷烏冬配上蛋絲、青瓜絲、蟹柳絲、仲有芝麻醬，拌勻後好惹味好好味，烏冬既綿綿再加上青瓜既爽口，仲有蛋絲、蟹柳絲，味道同口感都唔錯。岩曬夏日食。冰冰涼涼好

燒年糕面頭有膿膿既醬汁 外面脆脆的 里面非常煙韌柔軟 熱辣辣 食落好滿足芝士免治雞肉棒表面鋪滿芝士 入口時仲感覺到溶溶既芝士 配上軟棉棉既免治雞肉 好搭配 火炙北海道帆立貝蟹膏卷一共有六粒 每粒上面有帆立貝 蟹膏 里面包住青瓜 同少量蟹柳 成粒放入口 大滿足 眼見台台都有叫哩碟 壽喜燒食日本野一定要品嘗佢地既壽喜燒 牛肉份量多 唔會韌 湯底膿郁 滑滑既豆腐 黃牙白吸哂湯底既精華 鰻魚飯鰻魚成條上大約有一碗飯既份量鋪係底 鰻魚唔會太乾太淋 醬汁亦非常足夠 賣相非常吸睛

今日去咗長沙灣，行街嘅時候見到呢一間裝修有啲似佢酒屋嘅日本料理，就揀咗佢嗰度食午餐。我同朋友一人叫咗一個套餐，我嘅套餐就配有沙律、燉蛋同味增湯。味增湯適合暖一暖個胃。沙律用嘅係芝麻醬，仲有甜薯，非常開胃而且驚喜。燉蛋質地好滑，材料都豐富，加入左八爪魚粒。我叫嘅係半燒火炙四色魚生丼，有蟹柳、左口魚、三文魚同帶子，足料厚身之餘非常鮮味，而且因為火炙嘅關係，食落同平時刺身嘅口感唔同，更加有層次，醬油都調配好淋喺飯上面。朋友就叫咗個鰻魚飯便當，都有沙律同味增湯。仲有枝豆、炸雞、餃子、糖心蛋（上面仲有黑松露！）做配菜，已經非常豐富抵食。另外再配有三色刺身，有三文魚、油甘魚同赤蝦。偷咗少少鰻魚食，鰻魚非常肥美結實，肉質嫩滑。

好耐冇去過居酒屋，同朋友去開長沙灣，搵一搵，原來長沙灣都有一間居酒屋，所以二話不說，就揀咗呢一間。點咗: 🐟味醂魚乾$48 - 味醂魚乾基本上係去居酒屋必叫的，呢間都做得唔錯。🐥芝士免治雞肉棒$58 (一碟兩串) - 鍾意食芝士嘅，一定唔可以錯過。因為芝士同雞肉棒嘅配搭真係好正🤤🍣原條穴子(鰻魚)火炙壽司$48 (一碟一件) - 又係一個啲叫嘅選擇，成條鰻魚配搭壽司，真係啖啖肉😆🐮鹽燒厚切特上牛脷$78 (一碟兩串)- 叫燒物，喺居酒屋係必不可少，厚切嘅牛脷，加埋鹽燒，鹹香惹味。🐷煙肉荔枝卷$58 (一碟兩串) - 煙肉同荔枝嘅配搭，自從試過一次，就每一次都會叫。因為呢個組合同埋配搭入面嘅荔枝有效咁將肉嘅油膩感減低，食肉之餘又可以食到荔枝嘅酸甜味。🍱迷你三文魚籽甜蝦蓉丼$88 - 最後黎到重點主食，三文魚子同埋甜蝦蓉都勁鮮味，迷你丼細細碗，唔驚會太飽食唔到其他嘢，食埋就啱啱好😙總括而言，呢間居酒屋食物嘅味道都唔錯，而且價錢非常親民，絕對值得來一試再試😆🇯🇵味道楽居酒屋 | #FoodieS長沙灣 📍長沙灣元州街498號青華閣地下C舖

其實之前喺尖沙咀已經幫襯過呀，今日去開長沙灣又比我見到佢，成間舖頭以木色為主，仲有好多許願木板添，真係十足十日本嗰啲居酒屋唔知套餐其實都幾抵食，有碗湯、沙律仲有呢個茶碗蒸入面係好滑既蛋，仲有啲海鮮係蛋入面，蒸完之後真係好鮮甜我肥美嘅鰻魚終於到啦，鰻魚真係又長又厚身長到有成隻碟咁長我諗鰻魚都有成1cm咁厚，鰻魚汁甜甜地，餸飯真係無得彈灸燒三文魚、左口魚、蟹柳同埋帶子，刺身鋪滿左成個飯等我影塊帶子俾大家睇吓

搬咗嚟長沙灣咁耐都冇乜喺附近搵嘢食 今晚就決定喺附近食餐好見到呢間日式居酒屋就入去試下煙肉櫻花蝦廣島蠔, 一客共有四隻廣島蠔煙肉鹹鹹地 會上廣島蠔 非常惹味廣島蠔好新鮮 食落充 蠔 的風味櫻花蝦鹹鹹地 送酒最啱鐵板金菇肥牛 總共有七條 非常抵食即叫即整 肥牛好 新鮮 咬落去配上金菇 把熱氣 沖淡了. 牛肉 嫩口黑松露帶子 帶子大大粒配上黑松露分外惹味 青甜的帶子 味道 配上濃烈的黑松露味道 非常之香. 鑊裏仲有好多蘑菇 充滿田園氣息的 非常惹味清新帶子大大粒 咬樂鮮味鮮魚湯烏冬 用上鮮魚湯餚製 清 甜 好味 飲落非常之 清 新 健康烏冬咬落彈牙有口感埋單才四百多元非常抵食

長沙灣呢間味道樂一直係一間我好鍾意的餐廳今日難得經過又再去食例牌一定要叫呢一個招牌原條成田醬炭燒鰻魚飯 因為佢嘅鰻魚特長 好大條夠兩個人嘅份量 佢嘅鰻魚汁好襯鰻魚同鰻魚飯 令我大口鰻魚大口飯地食落口跟住叫左d串燒 燒得剛剛好 不會太燶 包括鹽燒雞軟骨 鹽燒翠玉瓜 調味適中 又香又脆 超正香蔥吞拿魚腩碎海膽手卷 大大舊海膽 鮮味十足加埋吞拿魚腩 簡直是大滿足啊辣三文魚碎卷 辣三文魚好開胃 吃完一舊又一舊 最後係黑蒜黑豚肉卷 肉質滑身不會鞋 黑蒜醬好香好吸引 非常襯得個豚肉串食完以上菜式已經好飽 又是滿足的一餐

長沙灣區都有好多美食小店，想食日本菜最後揀咗呢間居酒屋。日式木系嘅裝修好似好去日本一樣，好多日本擺設。餐廳小店唔係好大，我哋大約6點半去到只有我哋同另一枱客，但跟住好快就坐滿晒😳唔想等位記得提早訂位啦，餐牌選擇多，價錢適中。黑松露糖心蛋餐廳做緊推廣，like佢哋嘅社交平台 page同openrice 收藏餐廳就可以免費獲贈，糖心蛋好入味，半流心加上濃厚嘅黑松露味道🥚燒鱈魚干燒得非常香脆可口配上蛋黃醬蟹膏蟹肉炸豆腐4舊炸豆腐上面放滿蟹膏，炸到金黃色嘅豆腐，入面有蟹肉絲，外脆內嫩，蟹膏唔會好腥😋火炙帆立貝蟹膏卷反卷包住蟹柳同青瓜，上面蓋住火炙燒香嘅帆立貝加上蟹膏同葱絲，味道鮮甜，一啖食落去口感同味道非常豐富👍🏼火炙三文魚腩壽司三文魚腩條紋好靚，火炙表面有啲醬汁，唔洗點鼓油都好夠味🍣鹽燒厚切特上牛脷有2串，厚切cp值高，燒得好靚好入味，爽口彈牙，鹽燒令牛肉嘅味道更加出🥩牛肉壽喜燒有個小火爐，湯嘅味道香而鮮甜，份量足夠，牛肉嫩滑，就算一直煲住都唔會變鞋🥘柚子酒個杯好特別，淡淡嘅柚子味，酒味比較重🍹