阿翁深井燒鵝大王

Open Now

Now Closed

我們4人8點半入座，假期入去完全無特價餐，本來好失望，開頭叫鵝腸$188，白飯魚煎蛋$148，已經下單，突然看到魚缸有斑馬瀨尿蝦，我們有人想吃，我2妹就看到$799［三寶］其實我地都覺得貴，但一諗散叫連加一都400元，改叫三寶啦，另外深井出名燒鵝，我地都叫左例牌（下裝加20）黎到好驚喜，燒鵝好脆原全玻璃皮，脆卜卜，食落有炭烤味，斑馬瀨尿蝦又大隻，扇貝都好好食不會味精重咸到苦，鮑魚雞煲就正常發揮，另外加了一個白飯，驚喜是晚飯送綠豆莎，很久沒有酒樓送糖水了，態度都好，不趕我們走，只是有dd輕微漏單，上菜有點慢

一直都想試吓呢間酒樓，但見到7個評語裏已經有三個係負評，所以已經不想試了。直至母親節，因為好多酒樓都需要限時，但呢間酒樓唔需要所以決定博下 。母親節只有套餐選擇，12人全包宴套餐盛為$4088，每人除開也是$340/位，也不算太貴 。由於本着沒有期待的心情，但竟然意外地有驚喜 。燒鵝沒有臊味，沒有很肥，而且皮脆肉嫩，比起附近的X記還要好吃 。龍蝦伊麵也不錯，龍蝦肉很彈，沒有很厚的芡汁👍🏻。最令我驚喜的是BB乳豬全體,是我近年來吃過最好吃的乳豬，乳豬皮薄脆，一點肥膏也沒有，脆得像吃薯片一樣，皮脆肉嫩，完全是超出預期🌟套餐裏還有鮑魚雞煲，鮑魚完全不韌，剛剛好沙巴龍躉也是一絕，通常蒸這些大魚都是蒸過龍，但這條魚竟然是蒸得剛剛好很滑😋比較失色的，只有炸蠔，蠔的肉質不夠堅實，但也其實不難吃，只是其他菜式出色吧了 。還有一點需要改善，就是冷氣不足。總括來說，那些劣評說侍應服務態度差，東西不好吃的問題，完全沒有感受到，希望藉着這篇食評能夠幫他們平反吧！

行完山落到深井，想揾個地方舒服食嘢，於是入黎呢度飲下午茶，下午茶時段都唔少茶客今日叫左呢三樣食物：燒鵝瀨粉：鵝皮算脆，鵝肉夠香，略嫌湯稍口渴芋頭鴨腳札：芋頭夠粉，用腐竹包住蝦膠豬肉塊同鴨腳札幾OK鮮竹牛肉球：牛肉味夠加埋莞茜同一般洒樓冇乜分別埋單連茶位加一都要一百蚊，但想悠閒飲下午茶呢度算ok嘅選擇

深井跟西貢一樣, 總是給我比較清閒的渡假感, 空氣還是挺清新的.這次來看看阿翁的下午茶.至尊燒鵝瀨粉：鵝味濃, 沒有過多的肥膏, 皮脆肉嫩.香脆鮮奶卷：做到了外脆內軟的效果, 就是上桌的時間晚了, 有點微涼.鮮蝦豆苗餃：肉容相當豐富, 皮快要被擠破了.芋頭臘味粒炒飯：粒粒分明, 材料也相當多. 煎釀青尖椒：快把我辣死我了.紫松叉燒酥, 味道也是不俗, 沒有太油膩的感覺.整體味道不錯, 食物選擇也多, 星期日還有下午茶時段, 實在親民.

我們一行六人正好去開深井，於是想起了美味的燒鵝，便前往阿翁燒鵝大王。這裡的燒鵝真是特別好吃，我們點了一份上湯豆苗和一隻燒鵝，吃得特別豐富！除了燒鵝，還有美國土蠔、蟶子和龍蝦，都是煮得相當不錯的。總體來說，味道都很不錯！晚餐三重奏 $688.00🦪 美國桶蠔（桶）🥣 豉椒炒聖子（六支）🦞 上湯焗龍蝦（伊麵）#深井燒鵝其他菜品🫛 上湯浸豆苗 $118.00🦆 阿翁燒鵝（1隻）假日 $298.00🍚 白飯 x 2 $20.00🥜 花生 $90.00各式汽水（罐） $26.00各式汽水（罐） $32.00（大樽）藍妹啤酒 $36.80真是一頓美味的晚餐！🦆🦆🦆🦆🦆🦆🦆🦆🦆🦆🦆🦆📍阿翁深井燒鵝大王地址：荃灣深井青山公路38號海韻花園地下A-C鋪

今日買左份下莊燒鵝試試佢…..係深井咁多間燒鵝，佢算平，但真係一分錢一分貨，無對比無傷害！係估唔到水平差成咁，又肥又油又咸，成個下莊得個脾位有肉可以食得下 無下次！

本來今日午餐特登入深井想搵間老字號食隻靚燒鵝，晏咗去變下午茶諗住照食燒鵝+小菜就算，撞正能記星期一休息，就去咗附近阿翁酒樓食啦！結果都係香港餐廳共通點，服務態度極差，趕客模式，唔多友善，唔想你問，唔想答你，想當睇你唔到，快快點完菜，點之最後其他點心到齊，係隻燒鵝唔嚟！漏單囉！😤我諗隻鵝仲飼養緊未嚟到酒樓😒待應仲覺得好呀！冇所謂同妳取消快快賣單，真係好食都唔會想幫襯，極度差😡😤🤬一肚氣👿啲人成日話要震興香港食肆，我出嚟俾錢食飯仲要受氣，原本開心食變成咁唔知為乜😩

服務勁差特別係收銀阿姐，黑口黑面，成村人得罪佢咁真係貼錢買難受雖然點心質素係ok,仁街坊生意，服務咁鬼差，好難會長做長有深井得一間酒樓，我都唔想佢執笠，好心老闆快啲做下野啦

午餐吾錯選擇落左咁多日雨，今日去深井食個午餐鬆一鬆，本來系傳統幾間燒鵝酒樓中選擇，最後選擇哩間，主要因為未食過。燒鵝都系同附近幾間酒樓比較，其他就差不多價錢的作基準味道(4分)燒鵝瀨($55)4分— 燒鵝吾會死咸，食到有鵝味，入口吾韌，— 鵝皮系吾鬆亦吾脆，— 瀨粉同個湯系幾好龍躉魚湯泡飯($68)5分— 咁價錢難得有三大塊連皮的龍躉，仲幾有誠意咁煎過。— 湯底好重的大地魚味，正，連兩條配菜都入曬味。高湯灼唐生菜($40)4 分— 通常好難攞到三分以上，但佢個湯真系做得好，菜分量又多又爽環境4分— 中上服務4分— 對附近所有客人都算幾有禮貌，— 上菜都快。衛生3分— 基本都OK，系電視機頂放吾知道系殺蟲定其他，比較吾好睇抵食 4分— 午餐咁價錢算幾抵食，可能抵過大xx添同蒸飯店。

因為父親節、都會預早訂定位，幸好比咗獨立房間我地坐、男侍應招呼好好、有禮貌、換骨碟都係輕放，還會間中問我們有無什麼的服務需要。平時啲套餐都好抵食，而父親節餐都有，但我地想食多啲海鮮，就叫咗兩個孖寶，加咗個菜、半隻燒鵝都出名既壽包，蟹有兩隻的份量好新鮮、鮑魚都洗得好乾淨同大隻、燒鵝皮夠脆、蝦都非常實肉手掌心咁大隻、壽包好大個有咸蛋黃，家人都非常滿意😀埋單$1806，如叫四人套餐要$1500、對於節日來說，這個價錢食到海鮮、而食物乾淨新鮮、是不錯的選擇。

尋日朋友仔話帶我去食好嘢，順便遊吓車河，去到先知喺呢間新開嘅阿翁，叫咗半隻燒鵝，真係好味喎，皮脆肉嫩，最重要係唔好太肥，喺其他地方食燒鵝，多數好多肥膏，呢度唔肥，好香好味。其他點心都好高水準。叫咗叉燒例牌，都係好正，肥瘦適中，肉質鬆化，好味好味。仲有其他點心，全部都好高水準，好耐冇試過一間餐館啲嘢食全部都非常滿意。煎涼瓜肉餅，什麼鮮奶卷，鵪鶉蛋燒賣，仲叫咗個粉葛乜乜湯，個湯好多料好甜。另外服務都好好喎，keep住幫我哋加湯，態度殷勤有禮貌。打包咗食剩嘅燒鵝，返公司同同事Afternoon Tea 分享，同事都話超正好好味 😋😋😋 Highly recommend, 好耐冇食過會回味嘅燒鵝

放假飲個早茶 等左一陣先有一個姐姐 之後問我幾多個人 叫我坐隔離 話張枱有人 不過我無轉到 好似欠左佢甘 要留位比熟客 就放個留位啦 服務態度好差個阿姐 真係請呢d人幫公司倒米 飲個早茶都要問清楚坐邊度 阿姐可能空哂都話有人坐黎緊 希望公司關注下啦

靚女秘書們懷念深井燒既味道，擇了吉日來聚餐。今餐主角～燒鵝半隻，用蠟燭細火keep warm，好細心椒鹽魷魚鬚～脆皮酥脆，惹味椒鹽豆腐～外脆肉軟煎釀茄子～好味豉汁虎皮尖椒～微辣，惹味涼瓜煎魚鬆～好少地方有得食，唔錯黑豚肉韭菜餃子～好大隻，味道okay黯然銷魂飯～竟然在這裡偶遇她，叉燒燶邊好香，可惜煎蛋是全熟。燒腩仔～唔夠脆豉油王肉片炒河～淡咗少少，不過加埋辣椒醬就剛剛好總括：燒鵝及小食好評，忘記影上湯瀨粉。下次來試蒸點心及發掘新美食。

今日年二十九喺深井阿翁晚飯，叫咗條蒸東星班，肉貭差到離譜，蒸得差、無鱼味、還有點異味，不知死了多久，完全唔可以畀客食！還有兩道菜，＂榄角骨＂粉多無味、上枱唔熱、肉貭差。另外的姜葱局蠔，姜葱味還可以，但美国蠔味道唔得。整體食物貭素勁差！劣評…劣評…劣評…劣評…劣評…劣評

深井唯一一間酒樓，無選擇下試吓呢個酒樓，誰料到食完之後會後悔莫及。首先，在改單時發覺酒樓員工極不合作，態度非常差，即使是簡單改單也不能配合。尤其是主管，他的態度與其身份不合。其次，最惨食物仲係唔得添！点了春卷，唔洗一分鐘上菜，又凍又硬。燒鵝又話至尊脆皮，皮硬骨多肥肉多油多！與區內其他燒鵝相比，實在是落於下风。唔會再嚟，呢間酒樓極不推介，食茶餐廳好過啦！唯一可取是環境坐得還可以，食完一碟/籠点心好快收拾！