AH JENG'S COFFEE CLUB

今次，復活節 staycation 後，鐵定目標幫襯阿正，位於西環兩年前開間 Cafe <咖啡呀唔該>！原先打算第一日下午幫襯，發現 6:00 收舖，last order 5:30；況且，我唔熟路都要搵一搵路！就不如第二日Check out 後，嚟幫襯食 lunch ，唔使太急趕嘛！竟然復活節假期中午 12:30 前會無食客！換言之，當時我是唯一一個食客，他們可以細心準備食物及飲品給我，不論靚女店員，抑或咖啡師，由我入座、送上食物、直至離開，他們都好有禮貌；1:00 就 full 了！Menu玄米茶燕麥奶 Latte $50坊間鮮見的口味配搭， 我起初預期會淡味，玄米茶味道出奇地突出！燕麥奶香滑程度不遜色給牛奶！Chicken and pickle sandwich (half) $45當日有27~31度， 總想食試開胃美食，加入酸瓜粒，的確幾開胃！表面香脆，包身帶煙韌！Matcha scone with strawberry jam $48strawberry jam 果味酸甜，Matcha scone 烘至表面金黃香脆，不會乾身又不會黏口，恰到好處！Hot latte $40甘味平衡，入口順喉！牛肉批 $85有驚喜！表面是芝士配薯蓉，牛肉軟腍入味，加入甜美軟身的紅蘿蔔，整體配搭一流！開心果 creme brulee $55表面有一層香脆焦糖，增添口感層次！開心果布甸開心果味濃郁，香滑而甜度不高！…Read More

經過幾次都冇機會入去慢慢坐低，今日終於去咗試吓咖啡同Creme Brulee☺️☺️同朋友叫做一杯熱latte一杯熱朱古力，兩杯都好好飲！熱朱古力係好飲到即刻想再叫一杯！！開心果Creme Brulee好受歡迎，好濃開心果味，蛋醬好滑，食，上面有少少鹽，唔會太「漏」，兩個人分享啱啱好😝雖然嘢食嘢飲唔係特別平，但一人嗌一杯嘢飲就可以慢慢坐，員工唔會趕你走或者俾壓力你，環境舒服，適合同朋友渡過悠閒的下午🥰🥰…Read More

長假期特登嚟試吓，地方不大，座位有限，所以都要喺門口等一段時間，加上佢哋唔會叫客人走，就算有人飲完咖啡坐係度唔走，都冇辦法。最後差不多等咗20分鐘，就可以入座。我同朋友分別試咗The Salty and Wet 同埋 Bubble Black。朋友話Salty個杯幾特別，至於我杯bubble我就覺得好似係凍嘅black coffee 不過就加咗啲氣，都OK嘅，咖啡飲落去都好飲。食物就試咗 Crème Brülée 同埋 Earl Grey scone ，Crème Brülée 質感同平時嘅差不多，不過呢度係冇咁甜嘅，至於個scone 就有啲失望，質感呢就到位嘅，但係佢寫明係 Earl Grey 呢，就真係完全食唔到嗰種味，俾多咗幾蚊，但同食緊普通嘅 scone 冇乜分別。…Read More

過開西營盤 終於去咗一直都未去嘅呀正間cafe叫咗杯signature！ 咸濕！隻豆同咸柑桔超夾！口感好rich 略嫌多冰咗 少2粒就好啲本身聲沙沙地 飲完把聲開返曬 好飲之外仲好有用🤣🤣🤣 （題外話...見有啲人嫌呢杯貴 個人就覺得差唔多啦...而家香港咁嘅租金同人工...而且特式飲品背後好多心機同試錯🥲去任何一間日/韓/西餐廳叫杯signature 都唔會淨係$58😂)同埋店員哥哥好好禮貌…Read More

琴晚睇咗兒登嘅e to E演唱會尾場，其中一幕過場片見到阿正sell佢開嗰間coffee shop😂 好奇之下今日來探下路😝Pistachio Creme Brulee ($55)喺門口見到呢個廣告就想食了！賣相跟廣告相符，賣相好靚同埋都算大碗。碗邊有開心果仁碎，口感豐富了。Cream都滑，同有淡淡開心果香，味道ok。來之前睇近期食評話都擔心呢間嘅態度會差，但今日我來到覺得佢哋都好nice，仲提醒我小心杯茶好熱。…Read More