317
48
22
3-min walk from Exit B1, Kwun Tong MTR Station continue reading
Telephone
27741008
Introduction
It located at Industrial area with large spaces. The appearances of the dishes are refined. Some of the dishes are served in small portions in order to share it with others easily. Golden salted eggs prawns Pad Thai is the recommended item. continue reading
Good For
Private Party
Opening Hours
Today
12:00 - 10:00
Mon - Sun
12:00 - 10:00
Public Holiday
12:00 - 10:00
Public Holiday Eve
12:00 - 10:00
Payment Methods
Visa Master AlipayHK Cash AE UnionPay
Number of Seats
110
Other Info
Online Reservation
Cake-cutting
Phone Reservation
Reward Dining Points
Delivery
10% Service Charge
About Reward Scheme
Review (426)
已經是第二次幫襯,五月底第一次幫襯時手機冇電,影唔到相,之後想返尋味,但太多人,每次都冇訂枱所以無位。近期,因為香港的社會事件,少了人出街食飯,walk-in 都有位,造就了這篇「Add Some Thai」食評。工廈內的餐廳當然不可能有美輪美奐的裝修,風格雖然粗糙,但卻滲透著泰國風情。至於所有工廈餐廳必有的溫馨提示「只准本大廈之工廠員工使用」也不會缺少 ⋯⋯ 雖然,今時今日香港的工廠大廈的員工飯堂已經名存實亡,這句標語的存在意義就可能只是法例上的需要。餐牌設計簡單,以工廈餐廳來說,出品款式已經算相當多元化了。食泰國菜最鍾意的其中一道菜式就係肉碎生菜包,估唔到西班牙風乾火腿伴肉碎生菜包($78)有一點 fusion 菜式風味:火腿配肉碎,還要配搭羅馬生菜葉碎及車厘茄墊底,整體外觀更近似一碟沙律。份量少過一般泰國菜的肉碎生菜包:只有五大片生菜,豬肉碎份量亦很少;不過,價錢亦相對便宜,所以仍然合理。每片生菜放上一小片西班牙火腿、肉碎及羅馬生菜葉碎,包成生菜包 ⋯⋯ 估唔到原來很好味。西班牙火腿的鹹香、肉碎的香辣、適量的肉碎醬汁、生菜的清甜爽脆及水份實在美味,又非常合拍;尤其加入了西班牙火腿,突破了傳統泰式肉碎生菜包的框框,味道更上一層樓。上一次食過黃咖喱香燒豬腩仔配手抓餅一件($118),一直回味無窮;之後同樣美味的類似泰國菜,就只在中環某間東南亞風味餐廳可以回味,今次重臨,冇理由唔翻尋味。香燒豬腩仔外貌依舊,但味道就不是那回事了;可能上一次實在太好味,今次穩定性稍差,就有失所望。原條豬腩肉依舊塗上泰式醬料後,又燒又烤又焗,即使唔蘸任何咖喱汁,仍然非常惹味;但最表層的豬皮就唔及上一次香脆,甚至有點軟身 ⋯⋯ 因為今次的豬腩肉選材唔夠靚,唔係五花腩。中層的間花脂肪太厚,缺少了軟腍的腩肉;燒熟烤香後就只見肥膩的脂肪,沒有足夠的腩肉平衡油膩口感,變得唔夠香口。仍然回味上一次表皮香脆、咬落肉質鬆軟、間花脂肪油潤兼備的香燒豬腩仔。不同泰式餐廳的烤餅有不同造型及口味,「Add Some Thai」的手抓餅(單點 $15/塊,很抵食)雖然並非最喜歡的印度式 Roti,缺少了軟綿綿、拉絲質感及酥油口味;但手抓餅表面烤得焦香、軟硬適中、亦夠油潤,配上咖喱汁就是一絕。咖喱汁香料份量唔夠多,泰式風味未夠濃厚;但加入了幾款蔬菜卻又值得讚賞,菜式變得較為健康。香燒沙嗲雞肉串(兩串)($36)可以用非常抵食去形容,每串沙嗲有三大塊雞肉 ⋯⋯ 不過實在大得有點過分,失去了沙嗲的原意:就是一啖一小塊。其實,沙嗲肉串細細塊有烹調上的實際用意,細細塊才能保證明火燒烤烤的焦香滲入肉內,如果肉串太大塊,就只有表面香口,味道就同普通的烤牛扒、煎雞扒沒有太大分別。正因為這兩沙嗲的雞肉太大塊,甚至表面焦香也做不到,完全唔香口。不過,也有抵讚的地方,清甜的翠玉瓜減低了沙嗲的油膩;沙嗲醬輕微香辣、少少甜、花生碎香口、香料份量適中,味道也是一絕。只是沙嗲雞肉的質素實在稍差,拉低了沙嗲雞肉串的整體評分。炒金邊粉配鹹蛋蝦($138)配搭了豆腐乾及花生碎,加上微微帶酸的金邊粉,既開胃又好味,相當正宗的泰式金邊粉。鹹蛋黃蝦的味道就不行了,蝦殻唔夠香脆,表面的鹹蛋黃又份量太少,唔夠鹹香;蝦唔夠鮮甜、肉質甚至有點霉。同香燒沙嗲雞肉串有相同問題,出品質素唔平均。餐廳出品質素不太平均,部份味道非常出色,直逼其他出名的正規泰國餐廳;部份就非常一般,同其他港式泰國菜沒有分別。另外一個問題就係質素唔夠穩定,其中一個例子就是香燒豬腩仔,上一次的出品做到皮脆肉香,今次就肥膏過多、表皮又唔夠香脆。由於價錢定位唔貴,如果可以改善出品質素的穩定性,可以更加吸引客人。 continue reading
(The above review is the personal opinion of a user which does not represent OpenRice's point of view.)
「好又一餐,唔好又一餐,求其填飽個肚就算」的態度。然而,如果外出用膳前,已預設好逐味目標的話,那又另當別論。因為,若非有特別之處,也難以吸引我付出時間、金錢、胃納、耐性去登門造訪。有了一定程度的付出,自然對食肆的水準,也有相當的要求。今次同媽媽抱住食好啲既心態去到呢間泰式餐廳 - 【AddsomeThai】。駱駝漆工廈一座的 【AddsomeThai】呢幾年的工廠大廈內都有好多出色的餐廳, 餐廳環境舒服,好有泰式風情。室內空間闊落,在忙碌的香港中感受異國的風情,幻想一下自己在清邁渡假也不錯! 環境空間感十足,裝潢吸引,桌椅全以木製,加上棕櫚樹等裝飾,裝修極富泰國風好有古色古香的感覺。餐具方面及一些細節位也用過一點心思,專門用上木製的碟子,羹匙和筷子,很有回歸大自然的感覺。方邊還有小流水呢。菜式選擇出奇地多,款式配搭都好唔錯,有埋相睇吸引程度的確增加...🔹燒豬腩仔 $118在酒樓的燒腩仔,一碟只有數件,價錢並不便宜。但呢度俾百零蚊但係個質素真係不得了,好味程度10個讚。因為泰式既效果出乎意料的好,豬腩仔外皮鬆化,肉質又嫩又Juicy...肥瘦比例方面做到脂肪及瘦肉層層相間,約有四至五層最底層連骨,第一啖咬到係肉, 下一啖全肥膏,諗起都打冷震!肉質鬆化、軟腍無渣!肥瘦相稱均勻,入口即化又沒油膩,食到肉香。唔知點解都帶點有炭火燒烤嘅香氣,不過整體唔鹹沒有蓋過本身豬肉味,最吸引我係個外皮脆卜卜!咬落冇滲油,因為一滲油個皮幾脆都要扣分喔!🔹明爐青斑魚  $208原條青斑魚已預先弄熟上枱, 店員淋上秘製魚湯, 點着火爐, 邊食邊滾, 一直保持温度, 吃得更滋味吸引!不單止魚肉美味, 連配料也很吸引, 內有大量的肉碎、雞脾菇、娃娃菜、粉絲、香茅同辣椒等,  肉碎瘦肉居多,煮到入曬味,可以食到湯既酸味;娃娃菜同秀珍菇都吸曬湯底既味道,而魚肉都索盡魚湯, 味道美味。 青斑魚大小適中, 用火持續加熱,魚肉質地都保持到鮮嫩入味, 但魚肉唔夠扎實、偏浮,青斑魚在湯中滾兩滾,湯酸中帶辣,好開胃! 加上用火一直熱住,唔洗驚太耐條青斑魚凍左~ BTW成碟魚唔會話太淡,正,連埋少少肉碎一齊食,微辣仲惹味~🔹海南雞半隻 $128兩個人真係食唔到太多,所以半隻都夠了,以前都有耐唔耐食下海南雞飯,因為呢兩年都Keep住咁紅,可能來自新加坡以海南雞飯馳名的過江龍來港設店,掀起一股海南雞熱吧!萬變不離其宗,皮爽肉滑的海南雞,要配上鮮香油飯及雞湯,有伴三色醬,也有配黑豉油、酸辣雞汁及辣醬。雞肉大部份離骨,做得非常好。一次還能出三色雞,「口感、顏色、味道各異」。海南雞,皮滑肉嫩,富雞油香,雞肉的肉味亦適中,整體質素十分平衡,算是不錯。另外脆片都係一個完美既搭配,脆卜卜,沾醬又係好開胃呢。雖置身於工廈,但這【AddsomeThai】卻相當具人氣,裝潢亦不差。.總評的話,呢度既野食及環境令我都會想起泰國既時候,因為我很喜歡旅行,心裡常盤算到海外暢遊,自製長假期甚或周末來趟「快閃」放電,曼谷暫時都係我既首選。「快閃」曼谷,美食、按摩、血拼,優遊自在樂在其中。所以呢度比到我心卻繫於千里之外的曼谷,尤甚想念泰式美食再度重溫泰式滋味。沒有選錯喔! continue reading
(The above review is the personal opinion of a user which does not represent OpenRice's point of view.)
Level4 2019-11-22
423 views
同朋友去觀塘駱駝漆大厦1座食泰國菜, 店員著了東南亞的花花恤衫, 裝潢氣氛都充滿泰國風情, 而且好大!見到有咖喱炒肉蟹$298,當時晚上7:00, 於是即問店員還可以叫嗎?因好多時叫, 都會聽到話冇蟹返, 又或者會賣晒, 店員查問廚房後, 話剛好淨返一隻, 於是滿心歡喜即時落單, 真係好好彩, 上枱後, 見到都好大隻, 面層見到沾了炸漿炸過, 可黏住更多有蛋花的咖喱汁, 隻蟹都好大隻, 先食蟹身, 都有好多肉, 之後拆蟹鉗,好大隻, 而且啖啖肉, 又彈牙,仲有蟹蓋, 都有蟹膏, 好香, 而且仲有一籃蒜蓉包, 沾咖喱汁, 超正, 醬汁都好多, 好滋味, 建議食完隻蟹先叫另一道菜上枱, 否則會令另一道菜凍晒。另一道菜係炒金邊粉配咸蛋黃黃金蝦$138,有三隻蝦, 好彈牙, 沾滿了咸蛋黃醬, 好香口, 而金邊粉就先唧上青檸汁, 唔會太乾, 上面還有多片豆腐乾, 食到豆香味, 之後未飽再叫多個菜, 見到豬肋骨竟然$78, 超平, 不過食落原來係焗出來的, 唔係太似一般的燒肋骨,  最後叫了杯泰式奶茶$23,好香的香料味, 夠濃郁。 continue reading
(The above review is the personal opinion of a user which does not represent OpenRice's point of view.)
Level4 2019-09-29
3261 views
從前吃泰國菜我最喜歡九龍城,但當公司搬家後已經很少到九龍城了,改為地鐵交通方便的觀塘。已經習慣到工廈尋找美食,當中較有名氣的泰菜 Add Some Thai 味道夠正宗。室內空間闊落,裝修充滿泰國風情,於石屎森林忙裏偷閑,幻想一下自己在清邁渡假也不錯!《AST 泰國小食拼盤》$148先叫杯飲品再點一客小食拼盤,內容非常豐富,一次過可以試勻幾款人氣小食。手打蝦餅:蝦肉彈牙鮮味,外層酥脆。春卷、泰式炸蝦片、酥炸一支骨雞翼、炭燒豬頸肉、迷你無骨泰式酸辣鳳爪沙律。全部都是我喜愛的香口小食,惹味又刺激味蕾。《沙嗲牛柳粒串燒》$48 即叫即燒,沙嗲風味加上大大粒牛柳,肉質柔軟味道濃郁。《泰西咖喱滑雞》$108胃口打開了然後到主食,泰國都有分東南西北,這個顧名思義是泰西咖喱,黃咖喱配上香滑雞肉,以招牌手抓餅沾上美味咖喱汁,微辣加上鹹香,好惹味。《海鮮菠蘿炒飯》$118食泰國菜菠蘿炒飯可以說是招牌菜呢!菠蘿果肉酸酸甜甜,新鮮大蝦、青口、八爪魚;真材實料,口感豐富有層次。《芒果糯米飯配雪糕》$68芒果糯米飯又是泰國菜另一名物,芒果清甜,飯夠軟糯,配上椰子雪糕更有泰式風情。 continue reading
(The above review is the personal opinion of a user which does not represent OpenRice's point of view.)
Level4 2019-09-18
2513 views
同事發了一筆橫財,請我到Add Some Thai Restaurant食晚飯,我問:「係邊嫁🤔」同事回答:「咪係觀塘駱駝漆大厦1座囉!」這段對話就係我對Add Some Thai (AST)的初部認識呀!不過聽個餐廳名就知主打泰國菜喇!到達了餐廳,裝修都算不錯,竹簾裝潢及燈籠作天花燈飾,地方濶落,環境及氣氛蠻好,泰國風情喔!泰國菜我比較少光顧,因為難遇上啱心水的!無骨海南雞(半隻) $128蒜蓉炒豆苗 $62明爐青斑魚 $208鮮椰青 $48牛柳粒串燒 $48 招牌椰汁千層糕 $42今晚總算遇上了!而且加深對餐廳認識喔!無骨海南雞,雞夠滑,啖啖肉,雞味濃,伴碟有鮮菠蘿,脆蝦片,蒜蓉炒豆苗,上枱見到原來是之前食過的豆苗,記得有好重草青味,心想中伏,廚師用蒜蓉炒得非常香口,入口好爽,甚有驚喜牛柳粒串燒 ,牛香軟腍,充滿肉汁,有脆肉瓜相隔,一啖肉一啖瓜,無得彈😋😋😋!椰青夠冰凍青甜,肉嫩,有得飲有得食,一樂也!侍應奉上明爐青斑魚 ,有小火保持温度,除了青斑外,有肉碎,粉絲及娃娃茶,味道有小許辣,惹味非常,大快朵頤!椰汁千層糕,好香椰汁味,原來是熱食的,不是太甜,真是上佳甜品,好食! continue reading
(The above review is the personal opinion of a user which does not represent OpenRice's point of view.)