賞茶 (Closed)

出開黎買野，行行下街發現呢間幾靚嘅珍珠奶茶店， 同其他一般嘅珍珠奶茶店唔同，呢度裝修更靚，仲有得堂食， 最重要係暫時未有幾十人喺門口排隊，緊係要拿拿聲買返杯試下啦！同其他珍珠奶茶店一樣，呢度啲珍珠奶茶都可以叫少糖少冰。試咗杯少糖極品波霸賞奶茶$23， 怕油膩的我唔要奶蓋。 店員話茶味會比起波霸奶茶更香濃， 試落又真係唔錯嘅，起碼唔似貢茶同日出茶太咁冇茶味。如下次未食嘢，都可以嚟呢到食埋套餐試試，四十零蚊有個飯或麵，送埋杯珍珠奶茶，值得encore！

食完生煎包，大家都覺得唔夠喉，之後見到呢間台式店有下午茶套餐，咁我哋兩個就再去食過喇。呢個花生醬吐司，個賣相真係唔得，但其實都幾好食嘅，花生醬吐司都好難做得唔好，不過佢個薯條就一啲都唔熱。呢個烏冬味道都幾好，又夠熱，沙茶味好夠，花枝丸都幾彈口。不過明明話係杏鮑菇，最後變左係鹽酥雞。杯胚芽奶茶有啲甜，後尾發覺我應該叫微糖，唔應該叫少糖，所以最尾飲飲吓，太甜都飲唔到了。小寶仔就叫了波霸奶茶，即係珍珠奶茶，茶味好淡，佢唔係太鍾意。只可以講，呢個價錢有兩杯台式飲品，再加個烏冬及吐司，算係好抵食，不過覺得浪費左自己個胃個quota ,早知攞呢啲錢去掃街啦！

晚餐經過呢條街，已經有好多餐廳選擇。西餐、台式、泰式同中式，基於久違台灣食物同便宜ge關係就揀左呢間，可能因為初二ge關係，人不多。呢間應該係主打台式飲品，但就撈埋飯、麵同小食嗰飯，可惜選擇唔多，變化亦少，有送指定飲品。我點左台式炸雞扒肉燥飯，份量好大，男仔都飽更可況我呢？雞扒炸得香脆，灑上面嘅椒鹽調味，十足豪大大ge香味😂，非常吸引，但可以再咸少少，肉質算滑，多汁。不過肉燥就反而過咸，肉燥不是偏甜的嗎？呢個肉燥咸到扣分，每啖飯只加少少肉燥。友人點左滷水雞翼花枝丸沙茶烏冬，雞翼無咩特別，唔係話好入味，但合格。花枝丸反而有驚喜，皮薄彈牙。而個沙茶汁其實係好味ge，不過我同友人一致認同比較襯魚蛋😂，因為我地係台灣食過沙茶魚蛋，幾好味。飲品而言分別點左波霸奶茶同蜂蜜綠茶，都偏甜左少少。總括而言，呢個價錢，送埋飲品算係咁。

本來諗住行去食漢堡包，途中經過左呢一間餐廳，比多一個非常之新奇嘅感覺平時見開嘅奶茶譜都只係會有奶茶等飲料售出，而呢一間竟然開埋餐廳 第一間飲料舖來講呢度啲食物選擇都算多最後都係叫咗個L1，台式肉燥雞扒飯，再加多左一杯波霸奶茶微糖少冰杯奶茶一啲茶味都冇... 不過珍珠都算有咬口不過整體來講都唔係好掂跟住就到碗飯啊，今日6-7度嘅天氣下，第一啖食咗啲菜就完全係室溫....凍到呢啲菜之後就再食啲飯埋肉澡....都只係微暖..... 本來咁凍想食碗熱飯暖下身.. 點知凍到咁成晚最熱就係塊雞扒，因為新鮮炸起，不過個雞扒就超級厚皮，但雞肉尚算滑，唔會過熟..整體黎講，係唔會再想黎食

出售獲豁免繳費物品如凍飲時，照收膠袋費，凍嘢飲拎膠袋都要收五毫子？同佢講左第度買都唔收，第二個職員過黎講都係要收，十幾二十元一杯野飲連個五毫都貪，洗唔洗咁呀？真係無下次。

和朋友行行下電腦城口渴，經過決定買杯貢茶歎下。😎一般貢茶店只是外賣。在這兒竟然有位置坐，而且都寬敞舒適。本身是外賣的我們，見有半場的吉位，決定問店員坐唔坐得😂 她好爽快地答我們的當然可以😆買完奶茶，佢地仲免費送穀麥優格😲我問店員優格入面有沒有附送匙羹🙈。店員說沒有，仲好細心叫我拿店裡的膠羹。不過我和朋友覺得自己原本都不是堂食。不好意思拿，決定拿回家才食。回歸主角，我點的奶茶本身已經選了微糖少冰，但佢都係偏甜🙈🙈🙈🙈我的朋友好甜，點了波覇奶茶多糖，我飲了一口，簡直是糖水！😂😂😂結果我們坐到飲完才離開😂完全沒人趕你走

今日深水埗一遊 發現賞茶看到波霸奶茶為鎮店之選 吃飽飽也要試一下店內人流很少 沒有人在排隊但眼見收銀員在忙於包裹外賣 我等到她包好才開口 免得打擾可是數分鐘後 店員才問我要什麼😓😓波霸奶茶+胚芽 HK$22.00老實說 一點茶味都沒有 叫了少甜仍然很甜珍珠軟糯但亦很甜！！奶精味很強烈 少冰亦都冇少到這杯跟本是正常甜正常冰的珍珠奶茶台式飲料成巷成市 在香港愈來愈多連鎖店不好說要打敗龍頭幾間出名的要提高人流 競爭力 至少要做好本份

黎深水埗第一次光顧賞茶，order左個全日套餐，雞翼花枝丸撈沙茶乾伴烏冬（可另選新竹米線或即食麵）。套餐有幾款飲品選擇，我揀左限時優惠既桂圓紅棗波霸奶茶。烏冬就熱騰騰上枱（讚），味道就一般，無咩特別。但飲品就真係吾錯。首先個杯好靚，睇到十分治癒感，心情都靚左茶味夠，又好滑，飲到有桂圓紅棗味，跟奶茶都合拍。另外堂食同外賣價錢一樣，廿蚊杯飲品可以堂食坐一陣，行完街小休一下最岩。最後要讚下收銀姐姐，每次落單都一定問客人是否少冰少甜，確保飲品係客人既要求

賞茶平時返工食完lunch 就飲得多，估唔到原來佢有野食架！一於試下！一般普通台式野食，即叫即烤嘅雞粒，味道不過不失！反而係想推薦下佢啲奶茶！好飲！單單係波霸呢個名就已經好夠吸引啦！有室溫嘅奶茶可以揀，對於我呢種平時少飲凍野，但夏天熱辣辣又唔想飲熱打嘅人就絕對岩晒！茶味香，奶夠滑，大大粒嘅珍珠好有口感！好食！

星期日晚買完電腦，經過呢間台式珍珠奶茶快餐，裝修新淨，去試吓。我同Honey各人要左個餐1) 炸花枝丸，豬扒卡伴邦尼汁公仔麵，估唔到公仔麵同啲白汁是咁夾的芝麻香酥雞扒伴貢丸，雞扒製作很認真，外面層面粉很薄，炸得脆，件雞扒幾厚身，有肉汁,天使麵，麵身軟滑。隨餐仲跟一大柸珍珠奶茶，一個餐只係HK$40 幾。

雖然好多人排隊，最後都入到去食飯，個tea set岩哂我呢d咁細食既人，原本以為要排好耐隊先可以入到間舖☺仲有杯珍珠奶茶都唔會比貢茶差，價錢又唔貴，所以我覺得係幾值得一試。

鹽酥雞同跟花枝丸還好 L2 肉燥滷水雞腿飯 個雞比淋而且無味仲要鞋鞋地 成兜飯仲要一啲都唔熱 伏伏地 但都算食得落口L8 豬扒卡邦尼撈 一上枱第一件事係 搵芝士汁係邊 搵搵下發現個底有啲白色無咩味既水以為係煮麵水啦咁真係搵唔到芝士汁喎 問下店員係咪唔記得左落啦 店員黎到話落左架啦 跟住指住一個橙左少少既位話係芝士汁個汁大概一蚊銀咁大仲要完全見唔到汁 只係橙左少少 會不會同張圖差太遠太遠呢畢竟張圖啲汁係多到睇唔到麵 現實都唔洗係睇唔到汁掛再問下碗底啲無味白色水係咩黎 竟然係白汁黎架 真係有驚無喜個波霸珍珠奶茶啲珍珠口感好怪又無咩味 所以都係食完野飲幾啖就停口了總結 呢間野唔抵食味道又麻麻 食茶記好過!唔會翻兜

之前團購買落，終於有時間試下，台灣芝味套餐🍴波霸奶茶要左微糖少冰，甜度剛剛好，可想而知唔減甜會係幾甜🤔。珍珠表面有點淋起膠，應該係煮完放置太耐造成，但夠彈牙，不足係成杯野無乜茶味，甜度剛好，但茶味太淡。然後到小食，🍴花枝丸：有三粒，表面同白魚蛋一樣，食落夠彈牙，但真係太咸。🍴薯片：厚切既都食到啖啖薯仔，如果係帶有尖形，咬唔落，好硬。🍴炸雞：不得了！面粉厚，肉好韌，食左兩舊已盡力想放棄。最後食食下薯條發現到有件雞件痴左頭髮，明顯係連埋頭髮拎去炸🤦🏻‍♀️百般無奈。

由於要到深水埗上課，所以也找此區找吃，可是也有一段日子沒在此區活動，開了很多新的食店。走到此店門前，被「台灣的地道好茶」所吸引，而且裝修也簡潔明亮，似乎是很合適稍息吃吃的地方。簡單的佈置，燈光通明，卻不耀眼，店子小小，還算舒適。枱上只是簡單的用完即棄餐具，沒有什麼特別。套餐，是主菜配小吃，再加飲品。點選了吃，很快就送上的飲品，是胚芽奶茶，濃香的胚芽味，茶味也很香滑，但稍甜，不過還可以接受。另外兩立朋友要的是凍飲，是蜂蜜綠茶，被杯面上的封膠所吸引，感覺非常特別。朋友的主菜先上，兩位都是一樣的，是雞扒配煎蛋，小吃是蕃薯。雞扒煎得特別香，入口軟滑還有肉汁，口感並不乾，沒有肥膩的感覺，蕃薯入口很香，並不太熱，溫度剛好，兩位朋友都一致讚好。我則是咖哩豬扒，小吃是花枝丸，咖哩很香卻不濃，入口有小許辣，卻是剛好，配著豬扒吃，味道非常配合，豬扒穌軟，容易咀嚼，也不覺得乾，花枝丸爽口，比我吃過的稍為軟，仍是非常彈口的感覺。雖是用完即棄的餐具，卻很精緻的感覺，雖是用紙造，被一般快餐連鎖店來得較環保，感覺也不錯。雖只是很普遍的雞扒、豬扒及花枝丸等，卻有此等美味，價錢也只要約四十五元一份，可算是超值之選。

經常係深水埗食野，今次太肚餓是但入左呢間未食過環境又幾舒服既台式野，點知中伏雞排唔知放左幾耐又硬！一d都唔脆野食可以改善下就好啦⋯⋯波霸奶茶幾好飲同埋d員工幾nice