A Little Bit Gathering (Closed)

朋友推介佢屋企附近呢間cafe, 於是放工嚟同佢食晚飯, 當外面全部黑蚊蚊, 見到呢間白雪雪又光猛的舖頭, 夠哂醒神, 全店設計以簡單同白色為主, 冇卡位, 一邊牆係草, 其餘兩邊係落地玻璃, 感覺好舒服~餐廳侍應冇指定的服飾, 全部自家服飾, 個個後生女, 斯文有禮, 至於食物方面, 種類選擇唔算太多, 有意粉/沙律/all day breakfast之類, 但全部要加錢轉餐~   餐湯及牛油法包冇得選擇, 係南瓜忌廉湯, 好香濃, 但又唔會太濟, 但個包可惜只係牛油, 如果加埋蒜茸, 會香好多~  卡邦尼意粉印象中其他西餐廳的卡邦尼意粉係濕d多汁d, 佢呢度係比較乾身, 但好香芝士忌廉味, 仲有好香的煙肉碎及蘑菇, 成個自已食哂可能會少少濟, 但share食就唔錯~仲有伴碟的生果, 用半個火龍果兜裝住, 上面除咗火龍果外, 仲有哈密瓜、橙、奇異果同菠蘿, d生果都算新鮮(雖然應該一早切定放入雪櫃)~  麻醬海鮮意粉仲以為佢係杰撻撻果d麻醬, 原來係日式甜甜酸酸好稀果種麻醬, 通常麻醬都係撈麵, 但今次係撈意粉, 都幾match, 而且仲有好多海鮮, 例如蜆仔、帶子仔、魷魚鬚、蝦仔, 唔係係切到細細粒果d急凍海鮮, 呢d係大d, 感覺上係貴少少的海鮮, 而且夾埋麻醬, 好開胃, 仲要係唔會凍到牙痺, 啱啱好, 又夠多汁, 撈勻哂都仲有好多汁剩~  凍黑糖朱古力完全飲唔出係黑糖, 總之覺得好甜, 又唔夠濃朱古力味, 好似M記果d朱古力加冰的感覺~  自家製雞翼好一個"自家製", 即係佢隨時轉口味都得, 任佢自由發揮, 今次選擇呢個係唔辣的, 即係蜜糖味, 都唔錯, 但太細只, 貴咗d囉~  鮮果麥皮酸乳酪呢個甜品認真麻麻, 食咗少少試味就算, 感覺完全係早餐, 而唔係甜品, 麥皮太硬, 鮮果太大舊, 乳略太稀太水~雖然夜咗開始有人等位, 但都唔會吹你走, 不過我地都唔好意思阻住人家做生意, 食飽都唔hea就走~…Read More

終於轉左新的工作環境，今天就約了舊同事一起來個午餐聚會。適逢今日是下雨天，這裡有８８折的折扣優惠。我點了Set Lunch: 卡邦尼意粉忌廉及芝士味很香濃，意粉中亦有一些蘑姑片及肉碎。意粉亦算乾身，顯得出意粉十分入味，每一條都沾有卡邦尼汁。意粉的質感不錯，煙韌彈牙。…Read More

同朋友一起，set dinner份量够足，2 main course,小食chicken wings好香，2杯特饮，大大份的凯撒沙律，还有蘑菇忌廉汤够浓味。很适合朋友聚餐 …Read More

經過呢間餐廳好幾次但一直無試過，今晚終於決定比次機會佢！希望唔會失望啦！(p.s. 本人係西餐愛好者):)八點幾來到，得幾個人入座，所以唔洗等位！室內好光，一面牆貼上假草裝飾，感覺好清新！點了二人餐再另加一份 $45/六隻雞翼 (p.s. 本人亦係雞翼狂迷)！餐牌無提及餐湯，但原來有南瓜忌廉湯配蒜蓉包，湯幾好，唔會太漏凱撒沙律有驚喜 法包亦都唔錯 意粉同意大飯都還可以，但確實比較飽肚 至於雞翼，醬汁無咩特別總括來講，我會再來嘅…Read More

第四次幫襯，都係食香辣海鮮意粉。我自己都算食得辣嘅人，譚仔小辣冇問題。今次個意粉明顯比以前辣。同個夥計講，佢就話一開始就係咁，都諗住算，食多兩啖，根本食唔落。西式的海鮮意粉做都咁辣，完全係失敗！再問另一位夥計，終於承認轉左辣粉。其實主動問返客人須唔須要做返個冇咁辣嘅有幾難，要幾錢呢？我唔評論你個價錢係平定貴，個餐牌係門口，選擇得入去就唔好話人地平定貴。不過咁嘅服務，可以唔使再嚟！…Read More

星期六同朋友去食lunch。。 諗住有set又唔算太貴。。點知。。。。。入去先知星期六係無set。。 不過條街好熱。。費事再搵。。就試下。。 主菜都要$6X, 飲品要加$15。。 我叫左個卡邦尼意粉。。 要左杯榛子咖啡。。 個意粉黎到都幾surprise。。因為有生果放側邊。。可以迫下我呢d平時唔食生果ge人。。同埋個意粉汁都幾杰。。 有點膩。。如果食番少少生果可以中和下。。 其實唔錯。。 d配料有好多。。 有好多煙肉粒同菇粒。。 杯飲品就普通。。不太甜。。 不過$15就。。。。。唔太抵。。我朋友食all day breakfast。。 炒蛋略為熟左少少。。 但係塊窩夫都幾好食。。 我無影相。。下次再去ge話。。我會揀星期一至五。。。。。。。…Read More

慳妹已有一段時間沒有寫食評，再次執筆的衝動，沿於想用文字去記錄生活中的點點滴滴。整間餐廳的外牆由落地玻璃建成，在街上走過便可看到裡面的裝修擺設。全店以綠白色為主，某些坐位上亦放上四四方方的Cusion，增添溫馨舒服的感覺。服務生大都是年輕人，整體上都是友善有禮。食物種類選擇不多，主要為意大利粉及「All Day Breakfast」，反而飲品就好像上樓Cafe一樣豐富。晚餐時段沒有套餐，可以選擇一個主食，再加$15選擇一杯飲品或$49有湯、飲品及甜品。…Read More

呢間Cafe開左一排未有時間去試. 早前跟朋友有聚會, 就提議一齊去試下新食物啦.可能我們比較早來到(未夠7點), 所以唔洗等位就有得坐.每樣野都是即叫即整, 平均都要15-20分鐘先開始有菜上. 如果太肚餓就唔建議去食呢間啦.我地樣樣都有叫D黎試, 係未有點甜品. 最好食都是香辣海鮮意粉, 個個食過都話好開胃好好味. 其他就一般囉~服務都算唔錯,有D小食/餐都會提點一下你會是帶辣的,對於唔食得辣的朋友是一個好大的提點.如果想悠悠閒閒坐響度慢慢吹下水,呢間係唔錯的選擇.…Read More

這家Cafe位於深水埗，裝潢跳脫自然，光鮮亮麗，吸引我們試試。這份All day的炒蛋嫩滑，英式鬆餅烘熱了，不會太韌太硬。但漢堡排、煙肉和腸仔都太乾太鹹。另外一份甜品窩夫，我喜歡生果份量十分慷慨。窩夫不是外脆內軟那種，是鬆化的牛油蛋糕質感，偏乾，需伴以雪糕一起食用。質素一般，價錢在同區來說不便宜。令我們不太喜歡的，是年輕店員不太認真的態度，嬉笑聲比幾枱客人聊天的聲浪更大。…Read More

這間店由它裝修開次已經行過好幾次都沒有試過, 被它白色的裝潢吸引住, 始終此類型食肆在深水埗比較少, 今天特地空腹來試試, 門口很奇怪, 不是在大街走進去, 反而是從旁小街入店, 可能還未到晚飯時間, 人客不多不用等位就可入內, 店員有禮貌送上餐牌還簡單作介紹, 我們點了兩個主食, 全日早餐+牛肝菌意大利飯, 其中一個配餐, 有餐湯+水果乳酪+飲品(這個搭配大概$50左右), 飲品選了 cappuccino, 可是店員說沒有咖啡供應, 最後選了杯果汁, 味道一般, 說回主食, 那個早餐真的普通到不得之了, 全無心思, 收近$80元只有$30元的水準, 這樣衡量是地點問題, 如果是中環可能我都見怪不怪, 但這裡是深水埗收這樣價錢真的接受不了, 意大利飯就更加離譜, 胡椒味過重令人吃了喉嚨不適, 放在飯底的大蘑菇簡直是浪費食材, 淡而無味, 跟白烚是沒分別, 忌廉湯是唯一正常味道; 基本上這裡就只有裝潢比較像樣, 定價與質素不配, 可不一不可在.........…Read More

同同事farewell...諗住食餐好d...嚟o左呢間餐廳試o下...我本身係元朗人...知佢o係元朗都有一間...但係太細太多人等所以從來都無去過...深水埗底大好多...而且lunch時間唔駛等位 (大概係價錢問題...)我地total 7個人...有四個人叫 o左A little bit relax, 有人叫卡邦尼意粉...出餐唔算好耐...餐飲都出得快...不過大部份都偏甜...我都係叫o左A little bit relax...仲揀左窩夫...點知好失望...估唔到窩夫完全係林o既...而且一d都唔企身...好似整o左好耐咁...其他o野都好普通...最慘係食完返去睇返同事d相...先發覺我o個份原來仲少o左兩塊漢堡扒!!! 太過份啦...QC好差...我地仲叫Egg Benedict...一見到個樣已經知佢隻蛋整衰o左...一來穿晒...二來d蛋白又多又飛晒出來...d 荷蘭醬傑到 "鯨"晒...塊muffie仲要係林ge...味道亦唔係o個回事...完全唔合格...唯一一樣有人話好味o既就係卡邦尼意粉...飲品方面...我叫o既stawberry milkshake唔太甜...都算ok...同事叫o左綠茶latte...有熊仔拉花...但係佢話d綠茶粉好粗...所以唔夠滑...連埋飲品加一成100蚊一個lunch...咁o既質素...好難encore...…Read More

<食評> A　Little Bit Gathering (長沙灣)香辣海鮮蕃茄意粉肉桂烤蘋果窩夫雪糕(雲尼拿)今日試食開業不久A Little Bit，從出面看入去乾淨企理，桌椅新淨，似是年輕人主理的店鋪，店內裝修主要用白色，予人感覺輕鬆舒服。餐牌主打早餐、意粉、窩夫配自家製雪糕，最吸引我的當然是自家製雪糕，$62食到窩夫配自家製雪糕值得一試，今天試食「香辣海鮮蕃茄意粉」、「肉桂烤蘋果窩夫雪糕(雲尼拿)」。香辣海鮮蕃茄意粉：配料有蝦、尤魚、帶子，蜆等海鮮，相當吸引，味道可以，少許辣，唯蝦有少許白酒味，洋葱偏多，切功仍有待改善，有的一細條有的一大片，影響賣相。意粉配上切粒生果，個人認為用火龍果皮裝生果原意是好的，但放在意粉旁怕不乾淨，建議分開放。火龍果有淡酒味，可能本身火龍果沒有味道所以用酒浸，有點失火龍果本身的味道，火龍果邊位不齊，應該預早切放置一段時間，可接受的，奇異果沒有去心。肉桂烤蘋果窩夫雪糕(雲尼拿)：窩夫有黑點，應該是沒有洗窩夫夾機，不能接受的錯誤。窩夫不夠脆，裹面不夠熟，焗至乾身較好味，蘋果肉桂味不夠甜，有點苦因為不夠糖，窩夫上加了可可脆片和棉花糖看上去賣相吸引，味道相配，建議加果仁效果更好。唯窩夫底加了士多啤梨焦糖有點似藥水味，建議配新鮮水果或汁。自家製雪糕味道很好，很滑，眼見用了雲尼拿杍，比只用雲尼拿油香，成本貴，但雪糕仍不夠雲尼拿味。環境衞生：廚房乾淨唯地下有少許垃圾，杯碟乾淨，即使是難洗的膠杯亦無油污，見餐具應該用清潔公司清洗，比自己洗會更乾淨，建議廚房門不應長期開著，一昆蟲容易入內，二容易有污塵。服務：服務不錯客人入來有打招呼，有禮貌，尊重客人，待客親切，能給予飲食搭配意見，整體：店員與客人關係良好，食物質素中上，大致上可以，只是細節位有錯失，有心思創新之食店。…Read More

好surprise 係深水埗可以搵到一間咁有 feel 咁舒適既清新小店小店既裝潢好切合佢既整體主題命名 "A little bit gathering" 白色既主調, 寬闊高身樓底有著充足既空間感, 大遍既落地玻璃, 充足既自然日光再配答上一副綠悠悠既模型草裝飾牆壁同埋窗邊既盆栽, 令人有一種好relaxing 既悠閒渡假感覺!!係哩種環境唔知點解梗係想嘆番杯咖啡再黎個All day breakfast ~~ 今次揀左" A little bit tasteful "十級豐富既一個all day breakfast, scramble egg, 煙肉, 漢堡扒, 茄汁豆, 法蘭克福腸, 栗米粒, 煙三文魚, 英色鬆餅配果醬亦可以揀窩夫, 仲有生果添, 真係大滿足!!!scrambled egg 好香牛油味唔老~ 法蘭克福腸同漢堡扒都煎得好好, 咬落去好香肉汁唔膩每樣食2件都唔膩, 一D 都唔會覺得有個種油益味~~煙肉都唔膩, 不過如果係crispy 既就perfect 啦~~ 少少敗筆係煙三文魚有少少腥呀  同埋英色鬆餅有D 稔, 如果可以有得轉scone 仲開心呀 XDXD 最impress 既就係裝滿左係火龍果入面既生果, all day breakfast 好少有地會有咁大量既生果 哩度既咖啡都好唔錯好香~~ 哩度真係一個勁好嘆茶, enjoy afternoon tea, gathering, 或者淨淨地 brainstorm 既好地方!!…Read More

早排新發現寶血醫院附近，向青山道斜對面開了間新餐廳 (前身喺做雞煲) ，門口裝修得好吸引吓，於是今日食 Lunch 和好友們(3人) 齊齊去試試它，入到去坐低，室溫已經好凍，嘩，再望埋個 menu價錢非常之貴，食物都冇乜可選擇，而且又冇set Lunch , 於是我哋散叫了三碟，齊齊 share, 一碟喺三文魚意粉價錢大約喺$79, 另一碟喺牛肝箘意大利飯價錢大約喺$89，再有一碟喺 all date breakfast, 而all date breakfast 有3款揀，價錢大約喺由$68 -$118 , 我哋揀了個中價$79；其實深水埗區使唔使咁貴呀 , 最唔好就喺冇set Lunch 選擇，局d客選擇 menu上的貴價食品，如果好食嘅話幾貴都值，唉 ，可惜就喺好唔掂，首先講意粉先，份量少，冇味，唔夠熱，意粉一人一啖已經KO了它，還有一件圈2圈好細的三文魚，最奇怪喺碟上的伴菜，九唔搭八的，切半個火龍果，入面又放上數粒生果，怪怪的，只怪筆者唔識欣賞這樣配搭。再講碟牛肝箘意大利飯，味道調得非常之好，但可惜飯實在太硬，變成碟飯唔得，朋友說正宗的意大利飯煮出來真喺帶點硬，但唔喺硬成咁囉，有胃病的人勿試，同樣伴菜都喺放上火龍果，飯唔夠熱及份量少。講到 All date breakfast 更火滾，蛋有蛋殼，證明唔係膠做的蛋，果然勁，跟著以下的食物可用個 "咸" 字嚟形容，分別有腸仔，煙肉，火腿及粟米，同樣唔夠熱，唯一可讚就喺那個窩夫，夠熱，好味。呢個午餐每人都要$85, 其實喺深水埗區食呢間餐廳嘅午餐都好 ... 好 ... 好 ... 貴，呢個價食晚餐就差不多，筆者及朋友們大家都一致話冇下次囉 。呢間餐廳名字叫A Little Bit, 唔通食物份量都同這間餐廳有關！？…Read More