8號冰室

Open Now

Now Closed

叫一份炸脾茶餐，等了30鍾趨咗兩次，隔離枱遲過我點餐，同樣是炸脾都來了超過5分鐘，問佢還是話等多陣，於是我行去櫃叫佢取消個餐，預備淨俾杯茶錢算，收銀大叔話“吾得喎，廚房整緊我要收錢”，還講大話聲稱隔離枱早我一分鐘點餐，因為我清楚得我的飲品上枱時，隔離才坐低，嘈咗一輪，最後俾多2蚊包走個餐，基本上係自己出錯老屈人比錢的餐廳而隻炸脾包到返屋企都預咗會淋，我吾食皮呢個就無乜所謂，最緊要係品道同夠嫰滑，可惜呢隻要成30幾40分鐘既炸脾係KFC味道，仲要無KFC咁滑

朝早出港島區，順便食個醒神早餐做一個好開始，而今次「八號餐廳」絕對可以做到。地點︰ 一出灣仔港鐵站，不用數分鐘就到達餐廳，而且相當容易找到。環境：桌子之間的距離都能夠接受範圍，地下亦沒有水漬等，而桌面都沒有一陣臭布的味道！食物質素︰今餐點了香港必食早餐 - 「沙嗲牛肉拼餐蛋及多士」。- 餐蛋方面，餐肉略為煎熟，沒有太大油膱味，太陽蛋都有燶邊，不錯不錯！- 多士方面，有別於其他餐廳，只是牛油多士那麼簡單。本餐用上蒜蓉多士，而且有烘及食出一粒粒蒜蓉口感。- 沙嗲牛肉，牛肉本身醃的時間用重了胡椒，所以吃上來明顯有點重胡椒味多於沙嗲味，再者沙嗲味本身都不太濃郁，使湯頭略為一般，有點失分。特別之處︰本店有別於其他餐廳，辣椒油不是一包包附上是每張桌都設有，雖然味道並沒有太大驚嚇，但現時餐廳來說，都值得加分！

冰室的牆上的卡通燈箱畫色彩繽紛，有本土主題。下午茶點了8號黃金西多士 $39加$3凍奶茶賣相ok，包炸得夠身，中間夾的花生醬足夠，糖漿夠。奶茶未夠濃，不過不失。Colorful cartoon light box paintings was around the wall in the restaurant.For afternoon tea, No. 8 French Toast $39. Additional $3 for Cold Milk TeaThe presentation was good.The toast was perfectly deep-fried with enough peanut butter in the middle of the toasts and generous amount of syrup on top.The tea was not strong enough.Not bad in general.

在會展中心完成工作，下午茶時間在附近找吃了，這間餐廳一下天橋就是，離灣仔地鐵站3分鐘距離。下午茶最好就是有一杯好喝的奶茶丶咖啡或鴛鴦，看這一件門口奶茶的推薦，就選了這裡。8號冰室潛艇，咸牛肉芝士炒蛋熱狗包，好吃！所有配料配合得天衣無縫，咸牛肉和芝士料也很足。8號冰室招牌的凍奶茶，茶很好喝，就是不能選甜度，都是已經包裝好的瓶裝奶茶。下午茶的奶油西多士，多士炸得很香脆，沒多餘的油份，油也沒有奇怪味道👍用的多士炸後還是鬆軟，內層有厚厚的花生醬。

午餐時間去堂食，食物是凍冰冰的，飯也是凍的，翻叮了也是凍的，汁也凝固，像是剛從凍櫃拿出來的。說是雞飯，一碟雞全部都是骨，只有雞皮連骨，全碟雞飯無肉的部份，難食。

因為自己本身的行業，每年要交學習分才可能順利續會。而在疫情期間，只可以上一些網上的講座及練習，一分一分地攞。不像以前，出黎上 CPD，是一個有得飲、有得食，又有野學，又可以與同行交流的好節目。然而，近來放寬限制了，我也報了兩個 full day 既 CPD event，而且兩次好係會展。晨咁早出到灣仔，當然要食個早餐啦，而兩次，我都選中這算是就腳的茶餐廳《8號冰室》，食返個靚早餐。早餐先來一個雞扒麵。雞扒雖然夠大件，但用黑椒醃過的就有點令我失望。再者，雞扒雖是煎過的，但好似被麵湯浸到皮都軟埋。麵湯底是雞精湯，直接令到個麵好濃，不足之中也有美。另一個不足之中的美，是蒜蓉麵包加炒滑蛋。蒜蓉麵包，真係成片麵包都係蒜蓉牛油，好香，亦非常之邪惡。而炒蛋是整個早餐中，最令我感滿意的環節。半溶的煎蛋，又香又滑，是一份很完美的滑蛋。為何第二次來灣仔上堂，又選中這《8號冰室》呢? 是因為我掛在嘴邊的 "不足之中也有美" 。其中一個美，就是第一次來的那一天，看見鄰檯的西式早餐甚是吸引。所以，這一次，我是專程來，食返個西式的魚柳早餐。炒蛋，香得很；蒜蓉麵包，香得很；茄汁豆，很有誠意地，是熱的；午餐肉也算厚切

有時成朝忙完，午餐時間都過埋就去搵啲好野食食飽飽先再去接阿仔！今次去左冰室，食反個邪惡的下午茶🔆炸雞翼拼薯條 配凍檸茶雞翼即叫即炸，上枱時脆卜卜，熱辣辣！一口爆汁，肉質鮮嫩！勁juice 👍🏻凍檸茶正常水準，茶底夠濃！

晏晝去開會展，行之前見肚餓。見到間野冇乜人排隊就入左去，快脆叫左乾炒牛河+熱檸水🥡$42。都真係要等左陣，但食落都真係唔錯，即叫即炒乾炒牛河食落熱辣辣有鑊氣。啱啱今日天氣轉涼，食完覺得好滿足😋係今日嘅小確幸 😇

重遊舊地，今日約咗家人去會展睇展覽，途經8號冰室，點了一個常餐真係好有驚喜炸菜雞絲好野味配米粉都唔覺得寡，奄列蒜蓉多士，蛋好有蛋味好黃有色水蒜蓉厚多士又帶點XO醬好香口，凍檸茶還可以全程食覺得比曾經嚟食水準好咗好多值得再來

公司新搬來灣仔一個人放午飯，行行吓見到門口咁大枝樽仔奶茶就入去試試，一坐低我就睇OpenRice有咩推薦，其後發現好似好多負評，我心諗唔知係咪中伏呢，好彩有啲嘢要自己試過先知，都係一間值得推介嘅餐廳，點了一個午餐鳳爪排骨飯加杯凍檸茶，味道都好食，凍檸茶有茶味👍🏻👍🏻之後我同事嚟搵我叫了個西多，嘩…真係好巨，好邪惡😋😋樽仔奶茶好得意又好飲xO豬扒炒公仔麵夠鑊氣環境普通都算乾淨，服務態度過不失，成班年青人相處融合，氣氛幾好又多個聚腳點

夜晚同朋友4人行過駱克道 竟然比我發現咗一間隱世小店 有意外驚喜 估唔到細細間冰室仔 水準可以咁高一入到去坐低 有位小姐好有禮貌安排我哋坐埋卡位 當時可能行完展覽好熱 馬上叫支野飲下先再睇有咩食啦 服務員馬上推介樽仔奶茶奶茶好滑 茶底好香好濃 加埋啲奶 比例啱啱好 有啲金茶王嘅味道 👏👏👏有咗少少信心之後叫店員推介幾個小菜 椒鹽蝦球 一口一個飽滿彈牙 滿口都係蝦鮮甜 辣椒和胡椒的辣香氣 仲有蒜蓉椒鹽鹹香收尾 非常好食瑞士雞翼雞翼香而不膩 雞皮色澤通透香甜 咬落去嘅雞肉滑溜多汁 有啲似神還原太平館嘅瑞士汁豉汁蟠龍鱔首先賣相已經一流 紅紅綠綠 形態生動 蒜蓉豆豉醬 香濃惹味 蒸呢條鱔嘅師傅 有返咁上下工架 時間掌握得恰到好處 火候啱啱好條白鱔又肥又新鮮 一咬落去有汁爆出黎 好甘香 呢個豆豉汁要打包返屋企鹹魚雞粒炒飯炒飯炒到粒粒分明 啲蛋全部包住粒飯 金黃色一上到枱嗰陣鹹香已經撲鼻 仲真係食到有鹹魚 唔係得味架 雞粒又多 鑊氣好夠 估唔到60幾蚊可以食到酒樓百幾蚊嘅質素 最後有啲美中不足嘅地方 個廁所男女共用 如果環境好少少 空氣流通啲就好

上班放晏就飯叫了個"美極豬扒腸仔飯"，等了四個字員工都依然敷衍了事，只一直說著出緊出緊，只有水吧上了杯熱茶蜜，想不到叫個頹飯都可以整咁耐，上餐無期，明明客流一半都沒有，樓面員工個個悠悠閒，由他開店這幾年已經有幫襯，想不到服務已落到如此惡劣，最後還不知要等多久後，唯有結帳，去付只有一杯熱茶蜜的價錢，齋飲收20元，他們一句唔好意思也沒有，哦了一聲就收下，我諗佢地都已經見怪不怪，放低廿蚊豪比這間謀人寺，當買個教訓，忍不住上來打評語才發現不少人也中了伏

🍴「 8號冰室 (灣仔)」今日有事經開去灣仔，要趕住食午餐，唔打唔撞喺駱克道隨意入咗一間茶餐廳，之所以吸引我入去係因為佢嘅餐廳名以數字命名，同一條街幾間餐廳都坐滿人，相信午餐繁忙時段呢一間茶餐廳比較容易搵位。《滑蛋牛扒意粉配黑椒汁》💰$59入到餐廳嘅時候見人流唔多，開頭仲諗住有啲伏伏地嘅感覺，本身對呢碟意粉期望唔大，但食落嘅時候有幾好味喎，尤其是欣賞佢嘅滑蛋，煮得嫩滑而不老，牛扒不過不失，亦欣賞餐廳嘅黑椒汁，用碗仔另上，令到顧客可以控制汁配意粉嘅多少。《凍檸茶》💰$3（跟餐價）如果用茶餐廳 出品嘅質素，這一杯凍檸茶也算是不及格，茶底唔夠香濃，飲落去似飲緊台式飲品嘅糖水飲料，杯凍檸茶有較大嘅進步空間^餐廳環境尚算寬敞，坐得舒服，裝修比較時尚，食物定價位中上，如果附近餐廳滿座嘅時候，呢度都可以係一個選擇，因為餐廳食物種類選擇都比較多。👽星人指數👽👅味道：6/10🛸環境:7/10💫CP值：中🚀回頭Encore:✅📍 8號冰室 (灣仔)灣仔駱克道125號安安大廈地舖

因為要去會展睇音樂會，故而要去灣仔區活動，信步而行搵嘢食。偶爾經過8號冰室，見到門面雖然不起眼，但門外餐牌價錢吸引、選擇又多，所以入去試食一番。☕️下午茶 – 干炒黑椒豬扒意粉 $48屬於大部份香港茶記的必備下午茶菜式，賣相和香味都吸引，豬扒的份量足，符合大眾化選擇，配有足量的蔥及青椒，增加口感的層次感及不致於太油膩，若不喜食蔥及青椒的朋友記得預先叫「走青」，稍嫌的是味道偏鹹，所以都係預先叫埋「少鹽」。☕️下午茶 – 芫荽農場雞湯米粉 $42原先以為係一碗普通的雞湯米粉(以$42的價錢應該不會配很多雞件或冇雞吧)，但是端出來之後發現不止份量超大，並且有多件雞件，真係喜出望外，湯底味道濃而不膩，不會太鹹，配有足量的芫茜，對鍾意食芫茜的我就係大滿足，配以香滑奶茶，亦係意想不到，奶茶夠滑，茶香及茶色都不俗，以$42價錢真係近幾年香港物價飛升之下，店家難得本著初心，給予食客的回饋，值得推介。

1.早上堂食，順便幫同事叫多份早餐外賣2. 叫份正正常外賣牛排早餐加通粉，飲熱檸水3. 同左佢講左通粉要分湯！4.啊姐無提到外賣盒收費，張單寫最終寫轉外賣total加左$65. 一份餐入面，逐樣野加外賣錢！熱0水加$2，牛排個盒加$2，通粉加$2！重點係通粉仲要無分湯！6.叫返佢分返湯，啊姐竟然話要再收多$2！ 一份早餐收$8外賣費！ 食物又唔係特別好食7. 生意唔係咁做，唔怪之得愈黎愈少人食。態度惡劣 永無下次