64
9
0
11-min walk from Exit E1, Sheung Wan MTR Station continue reading
Telephone
23422224
Introduction
You can see classic Hong Kong style decorations like gate with carved patterns, neon lights, and ceiling fans everywhere in the restaurant. It serves a variety of local and foreign craft beer. The deep-fried spicy chicken is a must-try for spice lovers. continue reading
Opening Hours
Today
14:00 - 00:00
Mon - Thu
16:00 - 00:00
Fri - Sat
16:00 - 02:00
Sun
14:00 - 00:00
Payment Method
Visa Master Cash UnionPay
Other Info
Wi-Fi
Open Till Late
Alcoholic Drinks
Cake-cutting Details
Phone Reservation
Delivery
10% Service Charge
Outdoor Seating
Review (83)
※本文以用餐當日的環境、服務和食物質素為準,口味亦因人而異,文章只作參考之用。-第三次來到何蘭正,估唔到六點幾入座率已經很高。今次再來座位的排列有點不同,也轉了新的菜單,唯食物依舊的不錯,新派得來味道是有驚喜的!新的餐牌‘何蘭正‘ 濃厚花生豆腐配花生芽菜·燒西班牙甜椒·皮蛋及美味酸辣汁 $108很特別的花生豆腐,可以隱約見到磚豆腐上印了何蘭正三個字。搭配了很粗身的芽菜,一旁的皮蛋酸辣汁極為惹味,小妹食唔停口,就是花生豆腐食唔到花生味,就似普通豆腐。24小時慢煮叉燒配溫泉蛋·鹵水鴨肝·香噴噴豬油撈飯 $188慢煮叉燒肉味重,肉質不算很幼嫩但都可以,搭配著油脂豐腴的鴨肝,一啖豬油撈飯伴著吃,好邪惡啊!黑椒和牛臉頰配煎腸粉 $178是很中西融合的一道菜式,黑椒和牛臉頰咬落夠腍,完全不乾不嚡,牛味突出,真心高質;搭配了點黑椒汁的煎腸粉就好似平時併白飯或意粉般,唔會太飽,份量岩岩好!西班牙油炸鬼配咸蛋黃吉士醬及香蕉朱古力忌廉 $98佢地既西班牙油炸鬼炸得很不錯,食落帶點脆口,外酥內軟,味道甜甜的,最重要沒有油溢味,簡單蘸上醬已經很美味!一般都係簡單的配搭朱古力醬,而何蘭正便有自家調製咸蛋黃吉士醬,不過略嫌咸蛋黃味不夠突出,小妹喜愛更邪惡一點的。而雪凍了的香蕉朱古力忌廉,質感偏硬身少少,似食緊岩岩拎出黎既雪糕,整體配搭還不錯。另外仲叫左兩杯Cocktails,菠蘿包和麻辣火鍋 (各$118)。右邊紅色的那邊麻新火鍋,邊杯沾上了一些辣粉,所以入口時會帶點微微新,頗特別,不過整體還是食物驚喜較大。 continue reading
(The above review is the personal opinion of an user which does not represent OpenRice's point of view.)
Level4 2018-09-09
1720 views
⠀⠀⠀⠀⠀⠀⠀⠀⠀⠀⠀⠀⠀⠀⠀每逢一排無黎,就會掛住何蘭正既得意菜式😳⠀⠀⠀⠀⠀⠀⠀⠀⠀⠀⠀⠀⠀⠀⠀事關佢地好肯創新😍透過搭配不同食材😝創出全新既時令菜式⠀⠀⠀⠀⠀⠀⠀⠀⠀⠀⠀⠀⠀⠀⠀今次再次到訪,依然唔會令人失望!⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣何蘭正是本地一間主打手工啤的酒吧,主張用不同菜式搭配各種手工啤,環境懷舊中帶點浪漫,浪漫中帶點外國氣息。其手工啤主要來自本地酒廠,兩個字,新鮮。⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品,快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣火炙北海道帶子💲128💭帶子半生熟,但肉質鮮嫩😍😍💭入口即溶,同牛油果醬及燒西瓜好夾💭另外佢用咗九龍醬園生抽😳💭天然製作,無添加防腐劑😎⠀⠀⠀⠀⠀⠀⠀⠀⠀⠀⠀⠀⠀⠀⠀2⃣24小時慢煮叉燒配溫泉蛋💲188💭好特別既黯然銷魂飯😍😍💭溫泉蛋雖無脆邊,但爆漿😳💭個飯用咗豬油撈,超香超邪惡💭但美中不足喺唔夠均勻😢😢💭而慢煮叉燒好入味且軟淋😍不過瘦咗d⠀⠀⠀⠀⠀⠀⠀⠀⠀⠀⠀⠀⠀⠀⠀3⃣香脆深海八爪魚腳💲228💭八爪魚個體積唔算大,而且某部分太韌💭不過另一半都算淋😍😍💭但佢既配菜都真喺別出心裁💭暗黑法式焗薯夠嗮盞鬼💭中式臘腸喺畫龍點睛😎⠀⠀⠀⠀⠀⠀⠀⠀⠀⠀⠀⠀⠀⠀⠀4⃣菊花蜜糖燉梨💲98💭個擺盤依舊似足一幅畫😍💭燉梨香甜帶爽,又有菊花香💭琥珀合桃超正,會食上癮😝💭而個芝士豆腐凍都不得了😎💭芝士味淡淡然的同豆腐好夾⠀⠀⠀⠀⠀⠀⠀⠀⠀⠀⠀⠀⠀⠀⠀5⃣菠蘿包Cocktails💲118💭一聽個名就知玩味十足😎💭飲落層次都幾豐富,但都好難形容💭似飲既帶酒精既菠蘿包💭甜甜地又帶點蛋香😆⠀⠀⠀⠀⠀⠀⠀⠀⠀⠀⠀⠀⠀⠀⠀🔘溫馨提示booking app上面book檯有折!⠀⠀⠀⠀⠀◤ 何蘭正 ◥ ⠀ ⠀🔹🔹🔹🔹🔹🔹🔹🔹🔹🔹🔹🔹🔹🔹🔹🗺∶中環蘇豪卑利街65-65A號地舖🍟Food:🔥🔥🔥🔥🔥🎆Mood:🔥🔥🔥🔥🔥💰痛快度:🔥🔥🔥🔥🤡趣味度:🔥🔥🔥🔥🔥🔹🔹🔹🔹🔹🔹🔹🔹🔹🔹🔹🔹🔹🔹🔹 continue reading
(The above review is the personal opinion of an user which does not represent OpenRice's point of view.)
Level4 2018-09-03
1417 views
知道何蘭正推出了新菜式,就是欣賞她創意無限,於是今次一行四人再次出動,舉杯暢飲吹吹水! 招牌雞尾酒完全換上了新貌,鴛鴦紅豆冰不見了,菠蘿包、雛菊、芝麻湯圓、麻辣火鍋等同樣玩嘢。芝麻湯圓 先飲一杯芝麻湯圓,面頭泡沫有點花生味,見到黑芝麻但唔算很有芝麻香,飲落味道幾甜吓,威士忌的酒香非常出,而甜美的味道正好中和了酒辣,變得非常容易入口。 麻辣火鍋 成份及外型酷似 Bloody Mary,特色是加辣,辣椒粉鋪滿酒杯邊,如 Tequila 灑鹽的做法,不沾辣粉飲不辣,沾得多就真有點辣,中間的八角只作裝飾,不失為一杯冰涼可口有點刺激的飲品。 但論麻辣的層次就有改善空間,不妨大膽加點花椒,曾經飲過一杯辣酒,用四川辣椒及 Tobasco sauce 調製,辣味很有層次,不妨參考。 菠蘿包 朋友告之味道很甜,成份真正有菠蘿,味道相當甜美。 Lemon Lime Hop 不喝酒的朋友點了這杯,他說很清新,有氣的檸檬汁 幾乎全新的餐單。 砂薑雞翼  單骨雞翼,吃得方便,成功炸得非常酥脆,口感很好,不過就唔多覺有砂薑。 火炙北海道帶子配九龍醬油生抽牛油果醬及燒西瓜  這道菜的組合真有天馬行空的想像,有鹹豉油又有甜西瓜,仲配埋矜貴的北海道帶子。 食落又幾有清新的感覺,西瓜的香甜非常特出,自然成為味蕾主角,並行的北海道帶子鮮甜美味,牛油果醬令口感更滑順,至於豉油味就不強,亦好,否則霸氣的豉油鹹香也許會蓋過已經很複雜的組合。 味增牛油焗釀大烤菇配車厘茄、野菜沙律  柔靱軟實,加上爽脆野菜,這個沙律味道豐富稱職。 酥炸蟹肉飯蟹波配浙醋泡沫  這一道的挑戰是用上浙醋作泡沫,刻意中西糅合,我覺得沒有怎樣,同伴認為用 Balsamic 更好。蟹球炸至金黃酥脆,表面並無油光滿面,外脆內軟,點點醋正好開胃減膩。 廿四小時慢煮叉燒配溫泉蛋,滷水鴨肝,配豬油撈飯  簡單來說兩個字"滋味",材料如此豐富沒有可能不美味,豬油撈飯確實香,叉燒鬆軟,唯獨美中不足是不夠肥美。 XO醬虎蝦蘆筍炆伊麵  遇上了我自己最喜歡的材料聚首一堂,沒有可能不滿意,虎蝦新鮮肉彈,伊面掛汁,好滋味,唯獨鹹味略為重手!紅油焗鵪鶉脾配木耳及冬菇  感覺非常中菜,紅油豉油調味,鵪鶉脾味道濃郁,木耳冬菇並非重點,盡吸醬汁有少少過鹹。 黑椒和牛面頻配煎腸粉  牛面頻炇至非常濃郁入味,腸粉煎得香,軟腍與實在的口感對比,今晚做得相比之前吃過一次出色。 楓糖燒三文魚配腐魚炒羽衣甘藍  燒三文魚嫩滑,吃到討好的楓糖甜味,我很喜歡;但炒熟了羽衣甘藍,吃不到它冰爽的口感,實在有點浪費,腐魚方面唔多覺,也許就是用了來炒羽衣甘藍,怪不得吃起來怪怪的,而且頗鹹。 香脆深海八爪魚腳,暗黑法式焗薯,中式臘腸,香檸牛油滋味乳液  又係古古怪怪的組合,烏卒卒的法式焗薯是黑炭造成,最令我好奇就是這,食落是脆脆地的焗薯,都幾好。深海八爪魚腳煮得完全腍嫩,少少焦脆,香檸牛油泡沫甜甜香香咁,幾夾。 服務員細心解釋菜單,原來他們真有嚐過,這個安排,管理層值得一讚,因為若非如此,員工何以給予真實意見呢?環境氣氛實在不錯,不過坐在窗邊的冷氣稍嫌不足,大廳裏面看來就沒有問題。大吃大喝暢談一夜,真是個開心星期四。 continue reading
(The above review is the personal opinion of an user which does not represent OpenRice's point of view.)
Level4 2018-06-28
555 views
難得接放工接到去中環,thirsty Thursday就不如上蘇豪搵下食搭自動電梯好快就上到來啦,見到呢間外觀玩味重既酒吧/餐廳就決定一試!晚上7時酒吧還未係peak hours, 不過入內都已有不少客,剛巧吧枱有兩個位。先先佢地個drinks list、見佢地有好多款手工啤,而且都配好攪笑既名。男友喜歡麥味重的,佢點了「南Y島」;我就情鍾啲淡fruity味既,就點左「獅子山下」。個名雖然同味道冇咩關連,總之兩款既味道我地都好滿意就係啦!🍺🍻以為酒店既小食唔會有太大期待就錯了,一睇個墊紙menu就見到佢地多fusion 菜;雖然好似唔多款,但每一樣都充滿創意同心思,樣樣都想食!結果諗左好一陣,我地決意試一個小食同飯 - 揀左何蘭正「金錢雞」同埋潮式超軟鴨胸飯。當我地點菜時,waiter建議我地加20蚊點鴨脾 - 梗係好啦。先來個金錢雞,原來係慢煮叉燒加鴨肝醬加窩巴,果然好fusion加玩味,重點係擺喺碟上已好吸引!第一啖咬落鴨肝醬!真係甘香,又滑,加埋舊微溫既慢煮叉燒,仲有少少類子梅子醬既夾在窩巴同肉之間,真係好夾而且呢,送酒真係一絕、唯一缺點就係一碟兩件太少了接著來的就係個飯啦,嘩呢個又係一絕,隻慢煮鴨脾啲肉真係又嫩但咬落去又有層次感,鴨味香但唔會蘇,而且好新鮮!層皮煮到香香脆脆但啲醬油味又入哂落去!滿分呀而個飯都好聰明地加了鴨油去煲,加埋真溫泉蛋落去撈埋食真係有幸福既感覺😆😆😆而且再送多鴨肝一塊,嘩!我真係唔知再講咩好不過留意飯既份量唔會太多,所以我地二人share之後都係再加多份薯條相比起鴨肝鴨脾,薯條就不過不失啦,也很新鮮炸好的,但還是建議來試特色小食的話真係要試他們的special! 呢間一定要再返來食到離開時8點9左右,當然越夜越多人啦~PS. 全晚整體來看,真的很多客都點左金錢雞,包括好多外國人識食! continue reading
(The above review is the personal opinion of an user which does not represent OpenRice's point of view.)
Level3 2018-11-02
124 views
第一篇openrice食評,揀左位於SOHO嘅何蘭正黎寫。一黎中意佢夠哂玩味嘅中文名,二黎呢度嘅野飲野食都真係唔錯,我成日放工都會黎chill下👍🏻次次都係飲手工啤為主,但見呢篇叫「食」評,就講下啲野食啦!呢晚試左個豬鞍。其實serve到黎時,啲調味料都遮住哂,睇唔到係豬鞍定咩部位,但味道係ok的。面頭有大量類似薑蓉嘅調味料,豬鞍本身亦好夠味,肉都腍,$238算接受到。薯條太咸,而呢啲鋪滿哂鹽嘅薯條又同同啲醬唔係好夾,下次唔會叫。Churros不過不失,炸得幾脆。 continue reading
(The above review is the personal opinion of an user which does not represent OpenRice's point of view.)