蒲頭島 (Closed)

本來諗住去大鍋口！點知超多人！所以臨時轉場！試吓呢間浦頭島！完全唔會係伏！而且仲幾好味添！平日嘅晚上唔算好多人！夠鐘佢都冇趕我哋走！仲俾我哋慢慢食埋雪糕先走！服務真係好ok!而且佢吸引到我哋嘅地方就係海鮮燒！雖然海鮮係冇得追加！但都確實係唔差！蝦同扇貝都好大隻！都算新鮮！湯底嘅選擇都有好多！我覺得食物嘅種類足夠！唔會特別少！基本上平時打邊爐要有嘅佢都有齊！而且嘢飲仲有好多選擇！以呢個價錢可以食到海鮮燒加埋打邊爐！其實真係抵食

星期四冇Book枱，同埋幾個朋友仔試下依間。好彩一入到去已經有位唔洗等。四個人坐六人卡位，好彩平日唔係太多人。但就要簡左餐先入得座。簡左D餐，最貴嗰個牛肉set，睇下得唔得🙈，食落都唔差!意外地一坐留先知係電話掃QR碼落單，本身以為好麻煩，但有驚喜地真係好快捷，唔洗三分鐘已經上唒我同啲fd order既野！食物選擇其實都ok多，食物質素都唔差，Cp值都ok高👌🏻

入座食最平果款，即刻俾個staff 歧視咁。放低我地喺張枱就算，完全唔解釋點操作，無人理過。最後問另外一個staff 先知用QR code。不過一開始連QR code 都無俾。食物一般，湯底勁咸，價錢ok。啤酒任飲價錢ok, 不過無加到。唔明個煲大煙到咩都睇唔在外，枱枱都係勁大煙，明明未滾起都勁大煙。食完舊粟米，個心放喺隻碟度都仲係有煙出。大煙到好似煲燶野咁，有啲怪。

真係唔明D人點做生意，做錯嘢仲要講到係個客錯咁樣，真係著哂火，事原係咁，今日六丁友去試吓呢間火煱，7點鐘去到計埋我個檯得三四檯，佢地有五種套餐，我地就揀咗C1龍蝦或膏蟹海鮮煱，個侍應極力推介話差30蚊有埋燒烤喎，諗住試新嘢差少少錢，冇所謂啦，過咗一陣，有個四眼哥攞個燒烤爐同一盤海鮮過唻，話呢個比我地燒烤用，但係成盤海鮮又冇龍蝦又冇膏蝦，唉！諗住佢未整出唻啫，咁就等一陣啦，如是者等咗30分鐘，我就問個侍應，我叫咗龍蝦膏蟹餐，點解又冇龍蝦又冇蟹嘅，佢就答我今日冇龍蝦又冇膏蟹，所以用咗扇貝代替。（係呢度出現兩個問題，第一你冇嘅嘢，唔係應該同個客講清楚嘅咩，我可以選擇唔叫呢個餐㗎嘛，第二，龍蝦同扇貝係兩樣唔同價值嘅嘢，你事但執D嘢話代替就要人收貨，唔係咁下嘛）本來都諗住算，之但係又過咗30分鐘，比我見到新唻幾檯客又係叫我地個餐，但係人地又龍蝦又扇貝，我即時有D燥底，但我都好聲好氣，好有禮貌咁問我女侍應，我早過其他人到，大家都叫同一個餐，點解人地有嘅嘢，我地冇，跟住佢好似好有道理咁答我，頭先冇貨，依家返咗貨，但係由我入坐到我出聲，都冇人交代過任何嘢，仲要講到佢已經用咗其他嘢代替，暗示我好似老屈佢

大家唔好比間野既裝修呃左 實際上完全垃圾：1. 佢地用qr code落單，懶高科技咁，但scan左幾分鐘都scan唔到，個wifi又垃圾，落單過程太慢，浪費曬啲時間。想用高科技又未夠班，垃圾！2. 全場煙霧彌漫 抽風系統極差 大煙到見唔到朋友 好似自己食咁 其他枱有bbq 極大燒烤炭煙味 同職員講太大煙想佢幫手搞搞個抽風 佢竟然就咁熄細個火 細火打條毛？3. 我地6點半入場，佢話到明打2個鐘，點知8點05分同我地講話仲有5分鐘 要我地埋單 當時無留意時間 就照埋單 但我地其實仲食緊甜品 佢已經拿拿聲執曬我地d野 仲趕我地走 搞到我地要拎住個甜品邊食邊行 之後我地check返 其實早左半個鐘叫我地走 仲理直氣壯chur我地! 決定以後都唔再食！

食了個火鍋餐，佢比樓上貴D，又裝修好一D，所以入咗去食。但係D食物真係唔好食，又少菜可以選擇！可能我地選擇了個火鍋底比較淡，食完都沒咩味。總之下次不會再食佢火鍋。。。

從來沒有吃放題吃到如此絕望，選擇少，全場煙霧瀰漫，吃得極為不舒服。。。肉同湯底強差人意，唯一沒出問題的就是飲料，越吃越有一種絕望欸的感覺，下次一定不會選擇這間。。

年三十晚想打個邊爐 周圍都full 哂 見呢間仲有位就試試 場地唔算好大 但坐唔滿 得幾枱 都覺得古怪食過就知點解咁少人食 揀左個有得燒烤加打邊爐既餐 以為可以雙重享受 點知雙重中伏 燒烤配幾款配料 都算樣樣有 弊就弊在個爐慢到喊 燒到天光都唔會燒完 我地燒左2款個爐就熄左 燒左個幾鐘都只係燒左2款 都冇哂意慾再開火燒 個邊爐d配料係任食既 但好少好少款揀 都冇咩野好食叫左牛肉 一碟得3-4塊 仲要硬到結哂冰 新鮮程度係0 個湯底不過不失 鴛鴦湯底 個辣湯係街邊辣魚蛋個湯 新奇得黎又古怪 仲有 所有野都係自助再自助 連落單都係QR code 場地又唔光猛 昏昏暗暗咁 冇咩人氣冇咩氣氛 明明打邊爐好熱鬧好開心 但呢間完全冇咁既感覺好可惜既一餐晚飯

食物質素一般 但都叫對得住個價錢 響鈴同魚皮都係有驚喜既。但有幾點真係唔提唔得第一，抽風極差。我味見過一間火鍋店既抽煙系統係可以差到我連個鍋入面既食物都見唔到，一望落個鍋到全部都係煙，夾都夾唔到。加上枱同枱之間既距離好窄，隔離枱既煙係可以吹埋過泥，連酒樓火鍋都唔會咁。第二，員工講野完全唔清唔楚。一開始冇同任何人講過鴛鴦鍋要加錢（連個落單app都冇講），到最後要埋單先話鴛鴦鍋要加48蚊，仲強調自己一開始已經講左。但同行四人(三個先到，一個遲到)，冇一個人聽到。咁係員工問題定客人問題？仲話一開始serve我地個陣已經講左，但事實係一入黎冇人serve過我地，啲staff只係負責帶位，更加唔好講有所謂既提醒，一黎一坐低只係sale我地生啤promote，然後已經就已經冇左回事。後尾有另一個男既staff double confirm 我地係咪駌鴦鍋，問完已經走左去，開頭只係以為佢過黎對多一次張單就不已為然，亦冇講過要加錢。最後買單先知駌鴦鍋要加錢，仲要話「我一開始就講左架啦，你地有冇留心聽我就唔知啦。」What？咩呢啲要加錢既session你地唔係應該confirm要客人知道先行開架咩，點解

唉！仲伏！為左就屋企人去九龍區就腳！結果search 這間！見到好多好評即book! 結果瀬野！入到去成間MK 劈場！煙霧彌漫！又話好多野食！連可口可樂都無，得百事！出前一丁公仔面都無，得不知名韓國差劣泡面，un 到死！野食低質唔使講！散叫海鮮燒烤, 大蝦肉質粉到爆！其他海鮮真係差！最後無食！驚食到肚痾！6人埋單$1300！早知去九龍城打邊爐！如果對食物無要求，只想食飽個肚仲伏！入到去成間MK 劈場煙霧彌漫！

真的，以後不用再去大鍋口了，呢間啲料靚超多！手打蝦丸、墨魚滑、蝦滑醸冬菇、一口牛粒，全部係單點價錢嘅質素！自助區啲野食同野飲好驚喜，重點係同大鍋口同等價錢，但坐位舒服，宵夜 $：108！堅推介！

一肚火的火鍋早前訂了此家晚市6時半開始的任食自助火鍋放題，限時2小時。很快我們挑選了鴛鴦湯底，加B餐，正價美國牛肩胛任食自助火鍋。湯底送上後，店員就幫我們開爐，約等了十多分鐘，湯底仍是不熱，我們只好叫服務員檢查一下電爐，店員為我們整理好後，我們又再等，結果等了半小時湯底仍是不熱。時間已過了半小時，半點食物仍未下肚。好吧，店員為我們換了個gas爐，我們又再等，等了十多分鐘又發現沒有gas ....我們花了大概45分鐘的時間都在等湯底熱。幸而店員最後都補回45分鐘時間給我們。食材方面，都比較大路，沒有什麼驚喜，但也不至於很差。可試可不試。

今次一行六人訂了星期五七時入座，一到即有位，不用等因出面都無人等位，入到去似仙境煙霧瀰漫火光四起，因為抽氣太差邊爐加燒烤一個臭字，之後食物更差蝦蟹都 梅dum dum全不新蘚全都唔食得，鮑包就新蘚，牛和餃子都可以，但此次經驗用難食去形容，總之二百五元一個人去食垃圾早知去食M食好過

呢間嘢真係幾抵食嘅價錢幾平，但係佢個餐牌成日變嘅，點解嘅🤣我覺得佢哋啲嘢做得唔錯啦，湯底好多有啲都好似幾特別嘅，野食都幾好食，而且環境做得真係唔錯囉，總有地方可以叉電呢個真係好好啊。總括而言，食咗幾次都冇覺得有伏囉，啊，佢個ice cream好好食！但係我上次去佢點解唔開嘅。🤢

When I first read the comments, I immediately called and booked a table because the comments are generally good. I was looking forward to having the food with my family members.But then, when I first tasted the food, I felt a little bit weird. Why did it deserve so many faces while the food isn’t really good? I’d say Yoshinoya hotpot is way better than this (and much cheaper as well!!!) I ordered different food and gave it a try but none of them worth-eating. They are just like the meatballs or