360餐廳 (Closed)

天水圍西鐵站A出口，落地下行去前面就到，幾邊方便喎🤔新開，一行7大2細，拉大隊同班街坊去試菜先🤨地方夠大，坐位枱寛，食嘢又唔趕客唔會急收碟，正😗成班吹水食嘢個幾未夠二個鍾，都可舒服禁坐食物呢😍所有飯底，醬汁都超好食，意粉就硬左小小（可能鍾意食諗一點）😋個湯好正，沙律菜好新鮮🙄朋友話個拉麵好咸，食完會腎虛🤣#下次吹水食嘢可再來#驚喜，每樣嘢都唔貴#推介：白汁雞皇飯，好食到震

今晚搭西鐵至天水圍都已經8點鐘了,於是系附近搵間餐廳醫肚,而呢間叫360餐廳系一間西餐廳,打開菜單價錢親民,既有得嗌小食,拼盤,薄餅,又有得嗌据扒,同埋個人晚餐,而我今次就叫左一飯一面,再加多個据扒餐配個小食,就試試水準如何,由落單至上菜都唔駁十分鐘,首先上既系南瓜餐湯,南瓜味濃郁帶點甜味,令人開胃,再跟住上既系龍蝦汁忌廉大蝦意粉,份量足夠之餘,面同龍蝦汁比例均衡,口感一流,再跟住上既系吉列豬扒酥炸生蠔溫泉蛋蓋飯,不論系豬扒抑或生蠔都炸得外脆內暖,生蠔又唔腥,可以做到一口飯一口餸,最後系紐西蘭肉眼扒,叫左八成熟,食落塊牛肉多汁唔難吞,再配埋薯菜,確實足夠一人份量.

同老公去試下新開既餐廳，餐廳門口雖然貼住試業，但人客數量尚算ok。不用等位便入得。一入去待應都十分有禮貌，只是環境燈光較暗。同冷氣略為較凍。入坐後望望餐牌價格尚可接受，而且晚餐選擇算多，還奉送餐渴/沙律同餐飲。今次試了龍蝦汁鮮蝦海鮮意大利飯，西冷牛扒7成熟同一份小食脆炸魚手指。餐湯夠熱味道不過不失，上菜速度算快。落單後不用等太久便上菜，而且食品溫度ok。餐飯凍檸茶太過甜，似飲緊糖水，而熱檸茶苦澀太重，而且有一陣怪怪的味道

新開的，所以去試一試。店員姨姨們的服務態度很好，好熱心👍🏻 值得一讚。不過可能剛開業，有啲混亂，我點了餐蛋治，她們落了腿蛋治給我。不過，腿蛋治都好好味，方包很新鮮，得軟熟👍🏻 好味。沙爹牛通 不會很鹹很多味精，味道不錯。可以繼續來幫襯～～

要等成粒鍾 先有野食menu得一本要share睇 好辛苦無set 野食份量好少質素一般 可以試下 但唔會長期光顧只收現金*****快靚正 嘅人 完全 唔岩。行多兩步路食第二間好過啦