叁拾咖啡室 (Closed)

食得蒸魚抵得險，叫得蒸鯇魚，預咗有四險：1，多細骨：唔係嚿嚿都係魚腩，魚心魚尾必然多細骨；2，唔新鮮：餐廳貨，通常都係預先買定劏好，第二日拎出嚟蒸，好難同自己去街市買即劏咁新鮮相比；3，清潔唔夠乾淨：有機會洗唔乾淨，仍殘留部份魚鱗起魚皮度，或者魚肚洗唔乾淨，會比較腥；4，無倒魚水，直接加豉油上檯：唔倒魚水後果係成碟魚會好腥今日見到隔離及同檯唔相識嘅人都叫魚，又聽到員工話蒸魚剩4，咁就毫不考慮就叫魚，結果就危險，上述4險中咗頭三險，魚唔夠鮮，所以魚肉唔甜唔彈，加上係魚心，比較多骨，而且魚鱗清理唔徹底，要𦧲骨之餘又要𦧲魚鱗，完全唔掂。連杯奶都冇嚟味道，真係伏。呢餐好嘅只有一樣嘢：啲飯軟硬適中，除此以外冇樣好，下次會去其他餐廳搵食，呢間應該唔會再嚟住。

環境算ok, 餐廳夠大，通風好，有大電視機睇新聞。點左蝦頭油櫻花蝦海鮮炒飯，因為之前係金飯館食過，非常好食，見哩度平好多，所以想試下。結果証明一分錢一分貨，料好少，賣相唔好，所以無心情影相。有d飯都仲未抄開，仲係一大球。真係無比較無傷害其實都好多人黎食野，可能其他餐會好d, 下次再試下。

喺附近做嘢咁耐終於食到佢啦！之前同事經歷麻麻哋，聽聞已經改善咗好多。所以今次過嚟食。午餐來講，上菜速度十分之快，份量都好大。我叫咗個四寶飯，佢冇咗紅腸竟然俾咗燒肉我個燒肉嘅質素仲要幾高

今日突然想食件鮮油多就睇下附近有邊間茶記，search 到哩間 $26 一個set 都抵食，其他雙拼多士餐就$24正正常常油多都冇乜好彈，係個奶茶怪怪地，有d 中藥味，定個茶膽煲燶左

天氣熱，在觀塘工業區走了一圈，已經係成吉思汗打仔，大汗𢱕細汗，行到索哂氣，見到呢間餐廳，望望外面個餐牌，睇吓有無啲特別嘢吸引我先，有啦！拿破崙炒意粉，乜嚟㗎？一於入去試下先！入去之前，慣例安心出行掃咗先啦！但奇怪，無人檢查，又無人招呼，唔理啦！見到近門口有個無人卡位，坐低先啦！拎起個完整餐牌望望，最終決定都係叫拿破崙炒意。叫侍應落order，唔使兩分鐘已經連奶茶及意粉已經送到，真係快過打針，細心睇吓個場，幾乎全滿，又頻頻出外賣，可想而知佢哋效率有幾高。先試杯奶茶，有茶味，濃而不澀，唔錯。到主角啦！謎底揭盅，原來係三色椒、火腿、雞肉腸炒意粉，味道一般茶餐廳貨色，沒有驚喜。日後肚餓，又唔揀擇嘅話，呢間絕對可以好快滿足你嘅要求

呢間茶餐廳係我喺觀塘返工成日都食嘅地方, 平平地不過d 嘢食通常都有水準。今日一於食咗個早餐先去返工。🍜 沙嗲牛肉公仔麵由細到大都好鐘意食沙嗲牛肉麵, 係一種情懷, 不過唔係好多地方整得好食。呢間茶餐廳嘅沙嗲牛肉汁好濃, 撈均落個湯度都唔會變淡咗, 亦都唔會因為太濃而咸得滯。牛肉煮得剛剛熟, 所以好軟腍。🍳 火腿炒蛋配多士炒蛋好香滑, 有滑捋捋嘅感覺, 夾埋煎香嘅火腿變成火腿炒蛋多士, 好食。整體食物質素幾好, 價錢亦相宜, 係一間食得過嘅茶餐廳。

今日食咗麻辣魚片頭肥牛米線涷檸茶少甜少冰明明叫咗少辣啦點知辣到飛起辣到食唔到最後食咗啲餸就冇食晒啦之前食過巨人雞髀好大隻好抵食大推！而且佢呢間茶餐廳好特別1:45pm已經有下午茶第一次見咁早有下午茶啱晒附近返工嘅打工仔食平啲不過唔知點解依度啲啊姐好急好大聲😆

今朝第一次去呢間餐廳食早餐，叫左個早餐B,沙嗲牛肉意粉，火腿滑蛋，奶醬多，凍奶茶😆沙嗲牛肉不過不失，份量亦算咁上下唔會唔夠食！奶醬多都整得唔錯唔姑寒😝凍奶茶都香滑濃！有驚喜有下次👏🏻

咁啱路過觀塘，遇著大雨，中午時段周圍商場食店都好多人出動食晏，忽然醒起之前食過呢間喺附近。喺疫情之下，心諗呢度應該多卡位又唔駛同人迫，就急急腳過來...🚶🏻‍♀️見到有厚燒牛脷火腿意粉(可改飯)，太耐無食牛脷，好想試，再跟一杯熱奶茶。嘩～牛脷真係好厚，仲有4塊，再加埋2塊火腿，確實大堆頭還好食落無失望，正常，飲埋杯熱奶茶，就已經滿足了我太耐無堂食，又得1個人，好在搵到間自己坐，可以食得安心又放心

垃圾！中伏！未食過咁難食咁鹹嘅芙蓉蛋飯，好明顯落咗太多鹽，鹹到PK！同個女職員反映仲話唔想咁鹹下次叫小鹹！講埋啲廢話！鬼知你哋嘅廚師會落咁多鹽咩，一定唔會再嚟。

在觀塘工作完畢後又是下午茶時間，在成業街裡面較入的位置發現有間疑似茶記，但名字又叫咖啡室？名字沒關係，味道及賣相才是重點，我就即管入去試試。餐牌實在種類繁多，對選擇困難症的本人真是頭癢，不過突然入眼的是…皮蛋、莞荽！因為莞荽是本人喜愛，我基本上已鎖定這個（皮蛋莞荽肉片湯飯）。由於平常中午留到下午茶時間才正式食飯，我額外再添一份（黑松露炒蛋多士）及餐飲（熱菜蜜）以求滿足味蕾。餐來後即感頗為驚喜…食物整體質素確實不錯－首先來的食物是（黑松露炒蛋多士）：份量挺多的黑松露炒蛋，聞／吃起來有點重的菇菌味，頗為飽肚，而且該日晚上還在喉內疑似感受到那種味道我最期待的畫面出現了，（皮蛋莞荽肉片湯飯）：我未有料到原來是湯飯分開，這個我首先加分，因為本人很愛飲湯，這樣我可直接當成一碗湯連渣來慢慢品嘗這張近照是為了顯示湯底內確實有很多料，包括一開四的皮蛋、很多很多莞荽、很多魚肉片（吃起來像是魚肉片，但不太清楚是哪種魚），各種味道十分足夠，湯亦不會好鹹，整體恰到好處。我亦相信如果只叫兩碗此湯，即使不吃飯都已經夠飽。（熱菜蜜）則跟其他茶記一樣不過不失

有次見到朋友ig story post咗咁大隻雞髀， 好奇之下問下就搵到呢間叁拾士多， 但佢嘅位置就比較入， 沿著成業街行到最入就會揾到。兩點幾去到，竟然有人係外面等，平時呢個時間食肆都較少人，但我一個人就唔洗等既。去到唔洗諗就叫左巨人雞髀配薯條，隻雞脾真係好大好大，巨人雞髀真係名不虛傳，今次第二次食，見到都係會忍唔住哇一聲😂，上次叫金磚覺得有啲太飽， 所以今次就改叫薯條。隻雞髀真係好大隻，但可能太大隻喇，要炸到 外脆內軟就真係有難度，所以其實佢係偏乾偏硬既，但味道都ok， 而且份量十足， 下午茶食完夠曬飽。但薯條就真係唔太出色， 個人覺得唔太好食，太油又無咩味， 相反上次食嘅金磚反而幾好食， 好食過一般普通茶餐廳嘅西多士。Ps 叁拾士多嘅下午茶時間由兩點開始，算係好貼心了， 其他餐廳嘅下午茶時間多數由兩點半開始， 有啲甚至要三點，等得黎都餓死寶寶了。

點左份 超級巨人雞脾，上菜嘩左聲，未食過咁大塊既雞脾，同我手掌咁上下大，而且仲係炸脾咬第一啖係 好脆卜卜，啲雞脾肉仲好多汁大塊到要用刀叉食呀好滿足既下午茶，仲係30零蚊咁上下

成日係觀塘經過呢一間店，今日終於嚟食嘢。一入到去普通茶仔一間，佢有一幅牆貼咗大量電影電視藝人，我哋附近有個搞笑樣馬明望下餐牌午餐有筋腩撈麵食，正！ 同朋友各自叫咗一粗一幼麵嚟食。嚟到第一下飲下個湯底先，唔錯，幾好味，我個撈粗我覺得硬咗少少，朋友無特別講，佢個幼麵應該幾ok. 牛腩味道好夠，係有其中一嚿硬咗少少。見到對面兩個人叫咗個好似常餐嘅，個蛋沙律我見到好想食整體唔算貴，返工食飯都可以加呢度做其中一間飯堂嘅~

係觀塘食lunch 真係得三個選擇呢間係其中一間。特別當你要同時間競賽 並且唔想虧待自己 就要揀30!重覆！30!🖤健康營養餐例牌揀蛋治走牛油然後火腿通 轉羅宋湯底！大份量到爆炸 可以飽成日直至8點食dinner!!!蛋治既蛋好大份架 好厚 咬每啖都有蛋🥰