87
47
28
2-min walk from Exit A1, Wan Chai MTR Station continue reading
Telephone
2527 8611
2527 2343
Good For
Group Dining
Opening Hours
Today
11:00-04:00
Mon-Sun
11:00-04:00
Payment Method
Cash
Other Info
Open Till Late
Phone Reservation
Review (173)
找不到童年味道 Featured Review
Level4 2017-04-16
696 views
同長老爸在家閒話當年,話當年下午曾經帶我去上海369食正宗上海菜,我都好像有這個記憶, 特別哪好味的辣味回鍋肉, 今天恰巧家中的阿“煮”去街威,所以做左無飯家庭, 正煩惱食咩時, 我提議不如去食369,順便懷舊一下,不過原來只有灣仔一間,所以搭車去會佢一轉,好不容易在天橋底下找到它,昔日嘅門牌同廣告牌內部裝修同小時候一樣,都係用木夾夾著點餸紙款式同小時候食的一樣,除了價錢及原來晚餐無套餐之外,什麼都無改變我哋點了5隻小籠包,回鍋肉,豆沙鍋餅回鍋肉: 第一碟上菜,樣子同舊時一樣,不過唔知是否我老左, d 椰菜太大塊又咬唔開, 一半是辣味的, 一半是勁鹹味的, 爸剛好食到辣的一半,辣得立即點了每人一枝可樂解辣, 唔知點解食豆乾時竟然食到沙粒, 原本大塊的五花腩肉,竟變成乾煙肉一樣的口感 豆沙鍋餅:第二碟上枱,外皮唔脆,不過蛋味濃,豆沙餡多到流出來當我地差不多食完碟回鍋肉,侍應生已經急不及待收我地碗筷,我哋被突然收回筷的動作嚇親,一齊說:“5隻小籠包都未到!”他才肯收手,不過還是用手秤一秤我哋d可樂飲完未追了兩次, 遲過我地點菜的食客,他們的小籠包都到, 可惜我哋的還是無有蹤影,到追到第三次,終於來,不過肉汁差不多無啦!還有真的很皮薄,一碰即穿埋單時就知道,真的不是小時候的價錢啦!今次每人額外收3蚊茶錢, 加一,還有大家估下一罐可樂收多少?$12/罐,所以兩位埋單,盛惠198蚊 continue reading
(The above review is the personal opinion of an user which does not represent OpenRice's point of view.)
Level4 2016-07-29
1382 views
同朋友去完書展都10點吾知去邊好,突然記得之前有間上海舖係附近,就話不如去食啦,去到到10點半仲有十幾人圍住佢咁勁!~我地等左大約20分鐘就入到去,待應勁好話等等就有得食仲要有幾張椅放係門口比人坐係度等。入到去坐得比較迫但乾淨…餐牌野食以舊式上海店為主。小籠包當然不二之選,我地都仲叫左吾同野食,但最後2個女仔係食吾完,每人$170都抵食同味道堅好味!~小籠包:黎到熱呼呼肥嘟嘟十分討好,最傳統的椰菜放在小籠包下面,一甲上黎小籠包的湯已在底部但吾會爛勁開心,皮薄餡靚,一口放入去湯即在口腔加上豬肉香好味道,最重要加上夠酸和香的醋和薑一起食,怪不知每一桌都會叫返一籠黎食啦。回鍋肉年糕:只可講一般,回鍋肉份量多但偏咸,醬汁又吾辣和杰身左少少,但菜和豆腐乾好味,年糕切得薄但又有口感,最後年糕食晒,留左少許回鍋肉就沒有食了。醋魚:以為係一舊舊魚塊,沒想到係咁大份量的魚,魚質堅滑又香,加上酸的醋和䓤好味道,冬菇吸晒醬汁又軟熟好味道,我地最後仲有1/5都食吾完,如果下次黎我一定會叫碗飯黎送這個餸。豆沙鍋餅:失望…皮已經有少少未熟又厚吾脆,只可講豆沙煮得好好綿又吾甜。冬瓜火腿湯:沒想到咁多金華火腿仲要多冬瓜和少許蝦米,奶白色的湯飲落去好香火腿香味道足但吾咸,冬瓜吸晒精華十分好飲,份量都吾少,抵飲。 continue reading
(The above review is the personal opinion of an user which does not represent OpenRice's point of view.)
Level4 2016-07-25
3549 views
第一次搞飲食生意即碰釘,專程出黎搵老友傾傾計、取取經先!應該無九年都有八年無黎幫襯喇,上海老店菜色都係大同小異啦,基本傳統長青最穩陣。老友忙著招呼食客、落單、收錢,我都係一個人靜靜坐低食下野先。等埋收工齊齊去下場,隊返兩杯聚聚舊。大血湯,以前唔知係咩湯,自從係深圳東門飲過後知係鴨紅湯喇!而且仲有鴨腎鴨肉鴨腸做配料,湯底散發著濃濃鴨肉可口味道,甜美不羶。鴨紅滑滑,比豬紅雞紅更好食,連湯一齊倒入口,熱燙燙滋味無窮。清炒鱔糊,其實我想食芽菜炒架,口快快叫左清炒。黃鱔柳好彈牙結實喎,鑊氣迫人熱騰騰送上,紅燒芡甜美中帶絲絲咸香,厚薄剛剛將鱔柳完全包著。就算不撈飯,淨食都不油不膩,我當然全部消滅啦,正!多謝太子爺請客,太客氣了。醉雞,賣相雖然有點甩皮甩骨,不過傳來陣陣花雕優香,使到食慾大增,食左先講!髀肉嫩滑結實,胸肉有點乾鞋,尚算可以。酒香甜而芬芳,不澀不濁,整體中品。蟹粉小籠包,蒸到有點塌及變形,不是肥嘟嘟又脹卜卜呢,外觀有點扣分。似乎放左段時間,並不是即蒸。豬肉味鮮而肉質彈彈,鮮甜甘香蟹粉混埋點點豬肉汁,沾上黑醋食得津津有味!煎鍋貼,餃底香脆、餃面濕潤,豬肉香香甜甜又不乏肉汁,原粒整隻啪入口,質感豐富多變,味道出色,滿意。豉椒炒蜆,罕見又難得生炒活蜆,原汁原味又鮮甜無比,飽滿肥嘟嘟,嫩滑彈彈又充滿海水咸香。豉椒芡甜美可口,不嗆不濁,厚薄適中唔會杰撻撻,高質美味又滿意!芽菜炒鱔糊,清炒跟芽菜炒各有特色,各有滋味之處。鱔柳同樣味濃結實又彈牙,混上辛辣蒜蓉惹味帶甜又吸引,芽菜爽嫩充滿水份趙到索索聲!各濕所長,併奏美味樂章,不錯不錯。獅子頭,份量都不少,熱騰騰送上兩大舊獅子頭配大量白菜仔,氣味芬芳撲鼻,熱力迫人,裝得碟子滿瀉!雖然做不到花功夫的全手剁免治豬肉,不過質感還算滿意。先炸後炆的巨肉丸外層鬆化吸盡醬汁,裡面水潤肉汁處處,趙落豬味濃而富彈性。重口味,味道特濃又霸道,來碗白飯伴一伴是最好的選擇! continue reading
(The above review is the personal opinion of an user which does not represent OpenRice's point of view.)
Level3 2017-04-16
381 views
今晚約左朋友gathering,朋友帶左我去呢間歴史好久既三六九上海菜館一入到去,好地道既港式菜館feel事不宜遲就點菜唔少得既緊係小籠包啦仲有我最中意既醉雞同雞絲粉皮另外仲有鱔糊同埋賽螃蟹等等。小籠包我俾4分,佢皮都幾薄,同埋都會爆汁,係唔錯既另外醉雞就尚可以,無乜特別雞絲粉皮,好大碟,同埋個醬汁都好濃郁,粉皮夠薄成餐飯最驚喜係個賽螃蟹愈普通既菜係愈難整,佢個雞旦好滑,拎黎撈飯一流最後個鱔糊都好出色,夠濃味,份量都唔算少總結: 食物質素不錯,我係會再次光臨 continue reading
(The above review is the personal opinion of an user which does not represent OpenRice's point of view.)
Level3 2017-04-09
251 views
「上海三六九飯店」一間老字號嘅上海菜。嘩。平日夜晚都坐無虛席。金牌醉🐔~份量中規中矩。🐔滑溜。可惜酒味唔夠。小籠包(5隻)可以揀5隻/10 隻。賣相小小醜怪。包𥚃面無乜汁。有待改善。 continue reading
(The above review is the personal opinion of an user which does not represent OpenRice's point of view.)