三點三冰室

Open Now

Now Closed

同家人喺呢度食晚餐自己掃code落餐叫咗一個扒餐，一個意粉，一個焗飯先唔講好唔好食個扒餐一嚟到薯條嚟嘅？？ 即刻睇返張單唔係喎，明明真係落咗焗薯搵個人嚟問吓佢話 哦 我地無晒焗薯跟住就頭也不回走咗唔好講話態度有無問題根本係邏輯有問題其實有邊間食肆會係咁㗎？如果客人自己落咗單然後嗰樣嘢係冇嘅時候唔係會問返個客嘅咩？你咁樣上到嚟焗我要呀？我就係想食焗薯先叫如果冇，其實我可以考慮食其他餐掛？點解要逼我食薯條？食物方面，中規中矩唔會係好食，但又未至於入唔到口意粉都幾淋 會碎扒餐相對有啲咸飯都係偏淋點都好啦 呢間野永遠都唔會再去食睇到嗰啲讚嘆嘅食評真係好搞笑不過我相信大家會識分

今日去青衣城探朋友，順道搵間餐廳諗住食下午茶，路過見到新張不久既「三點三冰室」就入去諗住食個Tea Set ，點知打開餐牌就好驚喜，除了一般茶記食物之外，在茶餐廳竟然有「蝦多士」、「炸乳鴿」、「鰻魚蛋包飯」、「二世祖撈丁」、「鐵板餐」等等多款創意美食，引到我流晒口水，唔理咁多一於想食就叫，最多今晚唔食晚飯🤣🤣🕊️▪️妙齢乳鴿雖則話妙齡，但係都幾大隻，我哋將佢斬半，用手大口大口食最滋味，炸得皮脆肉嫩，啖啖肉又夠入味，鹹香鹹香，更可以沾上淮鹽更加有風味🍤▪️芝心蝦多士（6件）完全係有酒樓水準，香脆多士配合彈牙既蝦膠，再加上流心芝士，在沾上蛋黃沙律醬，大癲咁好食，重點係一啲都唔油，推薦🍛▪️咖哩安格斯牛肉飯咖喱牛腩飯就食得多，配安格斯牛肉咁招積就第一次，首先講講咖喱濃香帶甜味又香辣，牛肉簡直冇得輸，入口充滿牛脂香又有咬口，而且帶濃厚的牛味，咖喱汁撈白飯，簡直係一絕🐷▪️焗豬扒飯焗飯做得好亦唔容易，炒飯底炒得好有鑊氣又有蛋香，焗豬扒厚身，口感彈牙而且夠入味，重點係醬汁酸甜味剛好再加上溶化咗嘅芝士，好食🥪▪️奶油多最平民嘅奶油多，亦都係我最鍾意食嘅嘢，這裏麵包厚切烘得香脆，熱辣辣配上邪惡嘅牛油和奶油，簡單又

每次到Tea Time嘅時候都會去茶記食，貪佢平靚正，方便又快捷。呢間位於青衣城，裝潢行新派路線，以藍色為主調，店內環境闊落，空間感十足，新開張好乾淨，經過試試無妨。下午茶有主食同小食供應。西多如同個名所講，超級邪惡！麵包外層炸至金黃酥脆，咬落軟熟，塗滿兩層醬汁，搭配牛油，越食越過癮。炸雞髀賣相一流，可以要沙律或薯條，小朋友最愛。個人最鍾意叉燒炒腸粉，出面好少見，以XO醬調味，叉燒大塊，肥瘦適中，腸粉滑嘟嘟，一個人可以食到兩碟！估唔到鹹牛肉蔥花炒蛋吐司係分開放，炒蛋嫩滑，吐司幾脆，一齊食都幾夾。意粉飯嘅份量會比平時少，你一啖我一啖啱啱好。咖喱焗豬扒飯嘅豬扒都幾大塊，肉質唔嚡口、焗肉醬意粉入口更濕潤，麵條掛汁、鍾意食芝士嘅一定要出去自助區攞芝士粉撈呀！

青衣城地底美食薈萃，而這家港式冰室晚飯時段全場客滿。🧇🍤芝心蝦多士脆口多士上抹上彈牙蝦膠，中間是芝士爆漿夾心，蝦多士還用芫荽作裝飾，全是手工制作心機制作，必點美味又特式小食！🥩西冷鐵板牛扒餐目測有貓太太的3個拳頭大，巨人西冷厚切牛排才$100元，肉量多到一家三口也吃不完😳。套餐還包括鮮打粟米蓉餐湯和煙肉焗薯😭😭就香港地來說是感人的便宜！🍛鰻魚蛋包飯珍珠米飯外是大片煎蛋，淋上鰻魚汁，原條鰻魚蓋面，吃撐不成問題。🍨🍌懷舊香蕉船軟熟香甜香蕉夾著三款雪糕球，上面擠滿忌廉和灑滿彩色糖。小朋友吃得滿心歡喜❤️

最近青衣城開咗間冰室，環境幾大，午餐時間都好多人食，Menu有是日午餐、常餐或單點，是日午餐的供應時間都很長，由11:30至18:00都有，所以3點幾如果好餓，除左下午茶都可唔可以食是日靚午🤣.今日是日午餐有椒鹽豬扒、燒汁雞扒焗飯、黑椒西冷牛扒、和風椰菜肉片飯和四季豆牛肉飯，每日都有五款， $69連嘢飲👍🏻.但我就想試吓呢個避風塘海鮮炒麵😍有大量炸到金黃嘅蒜蓉，每一啖嘅避風塘炒蝦都有炸蒜，食落好香口，香辣惹味，麵炒得乾身，唔會好油

三點三冰室， 青衣城新分店， 佈置以淺 木色為主調， 簡潔明亮，座位舒適， 價錢親民， 款式選擇多，深受到不少街坊粉絲支持。日式燒汁海鮮炒烏冬/ 午餐$69 ( 半價配特飲)海鮮炒烏冬， 鑊氣十足 ， 烏冬 Q彈，配上滑溜的蟹柳同爽彈的大蝦， 加上日式燒汁提香 , 又不會有油膩感。芝心蝦多士 $72邪惡的多士，表面填滿爽彈的蝦膠及夾滿流心芝士, 啖啖芝士的鹹香。妙齡乳鴿 $62即叫即製, 乳鴿皮炸至熱燙燙，香噴噴， 皮脆肉嫩，百吃不厭。二世祖西多士 ( 鮑魚多士) 下午茶 $55二世祖西多士是豪華版的化身， 上面放上原隻鮑魚 , 口感彈牙 ，西多士入口鬆軟綿彈。 生炸雞髀沙律 /下午茶 $51即叫即炸雞髀, 雞皮熱燙香脆， 雞髀肉 不但嫩滑還充滿肉汁, 配上開胃的生果沙律， 令人食指大動。咸牛肉蔥花炒蛋吐司/下午茶 $ 48金黃炒蛋滑溜細緻， 滿滿的蛋香, 加上 粒粒的咸牛肉 , 淡淡鹹香， 夾在烤得香脆的吐司一齊品嚐, 香脆惹味。狂牛特飲特飲用上利賓納及七喜混合而成 ，再配上雜果及士多啤梨雪糕, 充滿夏日色彩 ，啜一口，清新冰爽，仲有啖啖果肉, 炎炎夏日不二之選。

去親戚屋企食飯平時都係長輩煮，趁假期出街行吓湊下熱鬧，見到青衣城開咗間新嘢，之前喺airside都食過一次，就帶埋大家一齊去食，兩間分店餐牌好似都幾唔同二世祖撈丁勁架勢，長輩最鐘意夠體面，$102有鮑魚帶子冬菇，仲送一棵西蘭花，帶子有煎過，鮑魚同冬菇滷咗都好入味，靚料食材好似去飲咁豪，但又配出前一丁好新奇，迎合返冰室style😁另外叫咗豬扒炒烏冬、乾炒牛河等等，餸嘅份量好多好夠飽，最緊要老人家食得開心😳

Went to try out a new cafe the other day with wifey for breakfast 🤗.📍 三點三冰室 - 3.3 Cafe (Tsing Yi)Shop G24-G25, G/F, Maritime Square 1, 31-33 Tsing King Road, Tsing Yi.It’s supposedly supposed to be the reincarnation of another recently closed cafe (Law Mark Kee 羅麥記), but unfortunately the food doesn’t stack up as well as the former 🥲.I vividly remember the meals at Law Mark Kee to be of a decent portion size and actual tasting really yummy. However, at this new cafe - 三點三3.3 cafe, it just doesn’

-平時我都會周圍搵食嘆下午茶！下午茶早啲食又可以當埋晚餐食haha今次同朋友一齊 來到呢間3.3冰室之前朋友食過另一間分店話 都唔錯所以今次Encore 青衣分店都幾闊落環境裝修別致又夠光猛！👍🏻👍🏻我哋一行三人 唔使等好耐位就入得-先來有呢碟 👉🏻 哈哈哈炒飯 🦐顧名思義就真係蝦炒飯 😬但係佢係好足料好多蝦有好多好大粒嘅蝦仁 幾爽彈 🥹同埋重點係佢啲櫻花蝦加蝦膏 🦐就係呢個炒飯嘅靈魂！鹹香味十足 但係唔會死鹹好口渴呢個飯係真係炒得幾好食！-之後仲有呢碟 👉🏻 二世祖炒公仔麵 🍜聽個名都知道係啲邪惡野…但係佢個配搭好正 😊有大大粒帆立貝同埋鮑魚！令到呢個公仔麵生色不少！本身就咁食公仔麵好似平平無奇 🥲但配埋啲海鮮就正嚕～ 😁公仔麵炒得乾身爽口 又惹味 幾好！同埋佢唔會太油膩 食完一碟都很可以！-最後仲有呢碟xo醬豬扒炒烏冬 🍲又係大大碟好惹味嘅Comfort Food睇佢啲色水就知道佢夠入味 但唔會好油加埋啲芝麻就更加香口！豬扒又係大大塊 肥瘦分明 👍🏻唔會話得肥膏 係啖啖肉 🥩食埋呢碟就真係大滿足 超飽 😂😂-總結 》 係值得再次幫襯嘅 😎食物份量夠大 味道唔差 抵食！-

平時好少可來青衣呢邊搵食但係適逢假期咁啱就嚟行下 見到青衣城開咗間新嘅餐廳 主打係港式料理 價錢相宜 環境望落唔差 幾寬敞😎 一個人易搵位 就入去試吓！今次叫咗個哈哈哈炒飯 $82個名幾搞笑 見到都笑一笑 原來個飯真係好多蝦 🦐🦐有爽彈嘅蝦仁 幾鮮😌 又有啲櫻花蝦乾 配蝦膏 兩者配搭炒飯食 鹹香十足 同埋啲飯粒 粒粒分明炒得乾爽整體味道有層次變化😁 唔係死鹹 夠足料又飽肚同埋都叫咗杯菠蘿冰🍍中無諗到真係有菠蘿 好大粒 味道方面 好清新 唔死甜 最緊要係佢夠冰凍！ 炒飯一齊 其實好平衡 😆今次第一次來幫襯感覺唔錯 👍🏻下次會同埋屋企人一齊 咁就可以食多啲野啦！

三點三冰室青衣青敬路31-33號青衣城1地下G24-G25號舖我地呢d無飯家庭經常都會留意週邊有d咩新餐廳好嘢食，最近發現屋企附近既青衣城開左間新餐廳，走大眾化冰室路線既，今晚就同屋企人黎試一試。。 餐廳喺青衣城一期地下，採用開放式設計好開揚，而座位都幾闊落坐得好舒服西冷牛扒餐自己一向鐘情食鐵板餐既，牛扒既size都幾大份，我地揀左5成熟就岩岩好啦，望落唔會太生，但食落口感唔錯依然保持到肉質嘅鮮嫩。。值得一讚既係配菜有炸薯條或者原個焗薯，可以按各自喜好選揀香燒羊架餐 最驚喜一定係呢個羊架，估唔到可以完全無羊既騷味，每一件都好厚肉，但食落完全唔會覺得韌，出奇地仲會覺得嫩，配合埋醬汁就一流芝心蝦多士即叫即炸既蝦多士，熱辣辣咬落去脆卜卜口感一流，而內裡充滿流心芝士，非常邪惡呀妙齡乳鴿估唔到冰室都有乳鴿食，而且仲要係整得好味既，有中菜廳既水準，乳鴿皮脆肉嫩，依然keep住肉汁唔會覺得太乾

同長輩食嘢最緊要啱佢哋胃口今次簡咗呢間新開嘅3.3兩個人就叫咗兩個餐一齊分享先來係呢碟避風塘海鮮炒麵 🦐哇！真係好夠邪惡 👿佢大大碟 份量夠多同埋佢面頭嘅虎蝦 🦐🦐🖤一啲都唔馬虎 又係好大隻夠哂爽口彈牙 唔係雪藏蝦同埋好惹味 真係完全唔夠喉..之後碟焗牛仔骨意粉都好正！鍾意佢啲汁夠澎湃 😆😆完全覆蓋哂啲意粉同牛仔骨 食嘅時候 唔會乾 啖啖汁 牛仔骨係嗦哂啲汁 好惹味！ 同埋佢都算啖啖肉 🤭🤭岩哂食肉獸 又唔會好油膩！兩個人分享來食 其實都好夠 細食嘅可能嫌佢太多添 😂下次會再來食下其野！

本身我都幾鍾意食冰室😎 冰室啲野食一向好岩我口味 而且最緊要係抵食又大份 好有香港風味！！之前幫襯過九龍城分店今次咁啱去青衣附近做野 見到3點3開左新分店 都真係要支持下😙😙下午茶時間就簡簡單單 叫咗份鮮油吐司加菠蘿冰 而屋企人就嗌咗避風塘蝦炒豉油王炒麵鮮油吐司真心邪惡 👿金黃吐司夾雜幾塊原塊鮮油 牛油仲要微微溶化 滴緊汁 好正 食完肥幾磅都抵配埋港人必飲菠蘿冰 鍾意佢入面有好多菠蘿🍍 飲緊飲品嘅同時又可以食菠蘿 菠蘿夠鮮甜 解渴一流！下午茶雖然簡單 但係簡單嘅美味已經好滿足 😌

下午經過青衣呢間三點三，適逢肚餓，梗係要食返個下午茶啦😏坐落都幾舒服，而且夠晒光猛🫡餐廳都算係幾多款食👍🏻下午茶梗係要食先有鮮油奶多啦，你睇吓佢塊牛油幾紮實，每一啖都充滿牛油香味，快多士兩邊都好香脆，掂😋加碼要多個櫻花蝦炒飯，好夠鑊氣，入邊啲配料都唔惹少，每一啖都又送，唔係淨係得飯，好唔錯☺️同埋個櫻花蝦真係特別香，有一刻忍唔住想問吓佢個來貨喺邊😂😂所以真係幾好食🤤如果下次再有機會經過，一定會再幫襯🤗

茶餐廳係香港嘅獨特飲食文化, 到咗三點三下午茶時間, 大家又可以休息吓食吓嘢。青衣城嘅三點三冰室卡位都幾多, 餐牌上可以找到懷舊嘅食物, 緬懷昔日嘅美食。懷舊鴛鴦飯呢度都有得食, 番茄雞絲飯和粟米忌廉蝦仁飯各一半, 酸甜和香滑嘅味道, 一次過滿足兩種口味。海南雞飯海南雞去咗骨, 食得好放心, 肉質好嫩滑, 可以點幾款醬料, 大大碗雞油飯, 幼滑咸香, 吃落又唔覺肥滯。XO醬叉燒炒腸粉叉燒肉質腍滑, XO醬不太濃味, 炒腸粉夠爽滑。芝心蝦多士蝦多士香脆不油膩, 芝士流心熱辣辣, 兩者味道上好配合, 點配沙律醬, 味道更加提升。生炸雞髀沙律 雞髀好大隻, 外皮炸得香脆, 肉厚有肉汁, 食落好香口, 配以雜果沙律, 香甜又醒胃。還有雪糕紅豆冰, 龍鳳檸樂和鹹檸七等懷舊嘅飲品, 味道依然吸引。