640
112
46
3-min walk from Exit B2, Tsim Sha Tsui / East Tsim Sha Tsui MTR Station continue reading
Telephone
37059590
Introduction
The name of the restaurant 2DP refers to 2 Decimal Places. It named after the mathematical accuracy to describe the sophistication of the restaurant. It specialises in ice-cream and drinks in tea flavors and vegetarian dishes. continue reading
Opening Hours
Today
12:00 - 00:00
Mon - Thu
12:00 - 00:00
Fri - Sat
12:00 - 00:30
Sun
12:00 - 00:00
Payment Methods
Visa Master AlipayHK Alipay Cash Octopus AE
Other Info
Wi-Fi
Alcoholic Drinks
Cake-cutting Details
Eco-Friendly Details
Phone Reservation
Delivery
10% Service Charge
Spot payment
Vegetarian
Review (898)
Level4 2020-08-14
1337 views
約了好友出來飯聚,搵咗呢間尖沙咀幾出名嘅素菜西餐廳(可能係東南亞菜😂)先打電話訂位,準時去到,當時人客唔多,店員比我哋揀位置,店內是日式西餐廳格局,我哋揀咗獨坐一角嘅高腳小圓枱,可以不受影響咁談天餐牌食物真係幾有特色,店員比我哋慢慢選擇,落單即叫即做青檸薄荷烏龍($44)叫了走甜,賣相好靚,好清新嘅味道,涼透心,喜歡香草+烏龍茶嘅味道,夏天解暑好正水蜜桃凍頂烏龍($44)朋友飲茄香猴頭菇蒟蒻麵($106)份量細,西式茄汁配猴頭菇竟然好夾,猴頭菇索咗茄汁,酸酸的好開胃,不過我喜歡普通意粉闊麵多過蒟蒻麵,因蒟蒻麵索唔到味!有少少可惜!黑松露醬羽衣甘藍燒烤菇漢堡($138)擺盤靚賣相靚,叫店員幫我哋切半,睇到豐富材料,無肉都唔會寡,尤其喜歡大蘑菇彈牙,羽衣甘藍味道就唔算突出,麵包烘過鬆軟香脆,蔬菜都新鮮,整體好味!食物真係有特色又好味,價錢略貴都值得一試,由頭到尾都係男店員招呼,佢有禮斯文又勤快!不過份騷擾!令人舒服!約好友相聚好地方 continue reading
(The above review is the personal opinion of a user which does not represent OpenRice's point of view.)
Level4 2020-07-21
1241 views
一有新素食店開張,身邊一定有班素食朋友會為大家實時報導。當然,我們周不時也會相約生日飯局及試新店飯局。是次,就是一個試新店飯局,大家約定了在這一間名叫《2DP》的食店一聚。而吸引我們專程來試的原因,就是素食的美式炸雞。這是一個走時尚及輕快路線的素食店,一入來就感覺到,這一家小店很年青,亦很有活力。令人覺得,素食不再單只是因為宗教及老人家信仰而設,而是時尚及生活,是一種生活的潮流。雖然,吸引我們來的食品,是他們的素炸雞。但當我們一打開餐牌時,未能茹素的眾男士就立即被素牛肉漢堡吸引住了。大啡菇素牛漢堡 黑椒醬。用 Impossible Meat 做的素牛扒,口感非常之相似,味道顯得鮮美主要是純素芝士的香及大啡菇的香。我以一個非素食者的人士來評價,這一個漢堡,的確做到口感似同味道似。烤菠蘿素牛漢堡 燒烤醬。漢人的"素" 質不來說了,因為我會給予同樣的評價。而上味道上,這一個漢堡因為用上了菠蘿同燒烤醬,味道又甜又清新。同行朋友的老公是一名食肉獸,他完全接受到此仿肉漢堡。我們一行5人,當然會點好多野食啦。視為前菜,我們點了一份牛油果羽衣甘藍沙律。這是一個很 Raw 的沙律,沒有醬,沒有別的味道,吃的,是一個純蔬菜的鮮味道。流沙咸蛋黃大麥飯,是以 Risotto 的方法來製作的。之不過,Risotto 的醬是用上了咸蛋去造的,而所說的飯,是大麥飯,也就是一粒粒的大麥煮開而成的麥米飯。味道好,口感好,可是,仲飽肚過糯米飯。來了,我們期待的原味素雞胸啊。外表上,這就是家鄉雞,實際咬入口,這東西似乎有點兒印巴口味。內心,不是素肉,而是一些以豆容等等做出來的 stuffing,入口,亦充滿了印度香料的味道。味道好,但因為大家都食過印度素菜,大家都覺得這口味似曾相識而失去了那吃到新素食產品的喜悅感。然而,《2DP》的飲品絕對能帶給大家喜悅的。火龍紅茶乳酪,是當日的特價推介。果味濃郁,甜味中混雜了 creamy 而又酸酸地的乳酪,是一個很清新開胃兼消暑的飲料。西瓜雪山,就是一個西瓜冰。雪花是解奶的鉋冰,飲入口、吃入口感到透心涼,而且西瓜夠冰凍,夠甜美,是一個會令人立即降溫的好飲品。芒果雪山,同西瓜雪山是同出一轍,只是水果換了是芒果而已。滿意的一餐,亦體驗到最新的素食 "潮" 店。少食素食的朋友,會感覺到健康同好味道;多年茹素的朋友,亦體會了新潮素菜的那一份滿足,這間 "多兩點" 的素食店,令大家都非常滿意,滿足。 continue reading
(The above review is the personal opinion of a user which does not represent OpenRice's point of view.)
Level4 2020-07-07
1042 views
※本文以用餐當日的環境、服務和食物質素為準,口味亦因人而異,文章只作參考之用。-最近多左唔少素食餐廳,2DP係其中一間比較鍾意既,因為佢地素食款式選擇多,時不時會推出新菜式,賣相仲要係靚同吸引,所以餐廳成日都坐滿。鹹食選擇多,連甜品款式都唔少,好多款都想食😬茄香猴頭菇蒟蒻麵 $106茄香蒟蒻麵食落茄味濃郁,麵質順滑帶點煙韌口感(而家比較低卡路里),食落酸酸甜甜的,唔會唔夠味很開胃;當中仲加入左雜菌、菠菜,仲有咬落爽口既猴頭菇,不錯吃。原隻菠蘿炒椰菜花飯 $188用左原個菠蘿上檯,當中所用既食材全麵係素食。面頭鋪上滿滿的雞蛋絲和帶點甜味的素肉鬆;底下係以椰菜花粒替代炒白飯,仲加入左菠蘿肉、提子果、腰果同素肉碎等。.食落口感豐富,椰菜花飯都炒得粒粒分明夠乾身,咀嚼中仲食到酸甜開胃既菠蘿肉同提子,腰果同素肉碎更增加左惹味度,相當唔錯,有別於一般素食菜式令人乏味既感覺。西瓜·牛乳刨冰 $108(奶製品敏感人士可轉豆乳)賣相可愛既西瓜刨冰,將西瓜肉挖成一粒粒西瓜球,底下係牛奶味刨冰。一粒粒西瓜肉食落爽口清甜,食落好似加左蜜糖咁,所以有陣陣蜜糖既清香,好消暑解渴,推薦! continue reading
(The above review is the personal opinion of a user which does not represent OpenRice's point of view.)
Level4 2020-06-15
2214 views
次次經過厚福街都見到2DP排滿長長人龍,有時都會心郁想試下究竟點解佢咁受歡迎!直到有日落雨天,終於唔算太多人就比我同朋友搵到機會喇~出面等位唔多,但入面依然坐滿晒人,所以惟有退而求其次去左吧枱位坐~其睇餐牌之前,其實都唔知佢係一間素食餐廳,整係知佢有個原個蜜瓜沙冰好出名,睇過之後先發現原來素食都可以有好多花款煮意,賣相都相當吸引!原個南瓜忌廉大麥飯,比餐牌張圖完全吸引左,每粒飯都充滿淡淡忌廉香,食落唔會膩口,飯粒好有口感,最令我陶醉既係,每食一啖都加上側邊南瓜蓉,提升左唔少層次感!忌廉牛肝菌素肉碎闊條麵,闊條麵煙韌彈牙,加上素肉碎味道同口感都同真肉碎好相似,但忌廉牛肝菌個汁我就覺得略為少左啲,令到個麵底偏乾身,我自己就比較中意濕潤少少既口感~純素雞腿,好有驚喜既一款菜色,外觀上同雞腿係冇分別,再加上有酸辣汁坐鎮,而第一下咬落去口感相當脆身,內裡係一層層令到素雞腿脹卜卜既腐皮,估唔到純雞腿都可以整到咁出神入化!火龍紅茶乳酪,嗌左杯火龍紅茶乳酪,乳酪相當出眾,味道上去健康又開胃~蜜瓜碗 農埸牛乳刨冰,最後緊係唔少得人氣大熱佢地既蜜瓜碗!粒粒果肉相當香甜,而且凍冰冰消暑解渴一流~牛乳刨冰又香又滑身,真係名不虛傳! continue reading
(The above review is the personal opinion of a user which does not represent OpenRice's point of view.)
Level4 2020-06-03
2021 views
食得肉多都會想食D齋去平衡一下,但係又怕悶,最怕嗰啲傳統豉油齋,西餐素材就比較多樣化,而2DP就係我時不時都會想去食嘅選擇。一段時間冇去發現佢個餐牌又唔同晒。依家好多漢堡包譜都有用impossible 做漢堡包今次依個黑松露醬羽衣甘藍燒烤菇impossible 漢堡,內容同個名一樣咁豐富,係一啖咬唔晒嘅,女仔食要小心啲因為佢超多汁。用芝士包住嘅impossible meat 同一般漢堡扒冇分別,加埋多汁烤菇同粗纖維羽衣甘藍,又飽肚又好味。成日都見到有蒟蒻麵賣,但係成日都覺得唔知點樣煮佢先會好食,怕好似打邊爐D蒟蒻咁煮一輪都冇味道,專業嘅果然唔同,佢令到蒟蒻麵掛上酸酸甜甜嘅蕃茄汁,而超吸汁嘅猴頭菇,簡直食唔停口。其實依個忌廉牛肝菌impossible 肉碎闊條麵,個忌廉汁比起蒟蒻麵個番茄汁更加濃香,但係可能我比較鍾意蒟蒻麵個質感,所以我會比蒟蒻麵高分D。兩款薄餅都好吸引,心大心細一輪之後,都係覺得銀菜比較特別一上枱發現佢非常之大,好彩係超薄嘅薄餅,再加埋番茄醬蔬菜,食起嚟都冇負擔。今晚大家都食得好飽就唔好食甜品啦,見到隔離枱嘅甜品好吸引下次要再過嚟食。     continue reading
(The above review is the personal opinion of a user which does not represent OpenRice's point of view.)