food24H-everyday (Closed)

冬至當日訂$1388 長腳蟹餐加羊腩煲，另有6人份嘅杏汁豬肺湯。訂6:30pm 送餐，結果7:45pm先到，要自己落樓拎。冬至多單加塞車，都可以理解。拎到隻蟹上手，心諗點解可以輕成咁，又話有四斤？上樓拆開磅一磅，結果得2斤。當然，生蟹秤煮熟之後就預咗，但係得返一半就真係有啲誇張。再試個白肺湯，份量確實唔少，可惜一入口就係杏仁精味⋯⋯全家人一致認為差過大家樂嘅例湯，不過盛惠$195。羊腩煲算係最出色，如果當佢$288都值嘅。當日向負責人投訴下啲質素，結果當然係彩我呢個老親都傻啦!最後唯有走落街買外賣飯盒加餸同屋企人過冬！…查看更多

有日放工，想食下蟹沖喜下。以前會呼朋喚類既，但疫情後都慣左簡單既寧靜，一個人可以想食就食。呢間店可門市取蟹，但在荃灣工廈，我唔想去攞啊~ 老闆娘話先payme佢，我叫車後通知佢，佢地有人送落樓俾司機，直達我屋企。我叫左一皇二后，返到屋企打開係三后 😅 告知老闆娘攪錯單，佢二話不說 what's app 我，記低下次會送返一隻六両公俾我！ $68一隻四両蟹后, 我諗係成個FB最平架喇。 有一隻淡黃膏部分好特別，似滑蛋白🥚。另外兩隻，都 Full Loaded 👍🏻…查看更多

7人價錢，10人份量同朋友慶祝生日，先黎頭盤小食，三款各有特色，腰豆出其好食。濃雞煲翅湯，燉足十二小時，清甜而不油，足料！炸豆腐好滑，唔會厚脆漿。一蟹二食，長腳蟹啖啖肉，新鮮，之後用蟹膏蒸雞，食足成隻蟹 。去到呢度，已經開始飽⋯⋯但係冇理由唔試呢度招牌菜新派咕嚕肉，當初以為”新派” 只係外面做咗拔絲香蕉個d效果，原來唔係，師傅用豬腩片一層一層卷住一隻大蝦，之後用脆漿包住去炸。入口冇成口脆漿既感覺，反而成個獅子球咁大既咕嚕肉一個女仔未必食得唒。另一招牌菜，糯米雞，不得了，師傅將原隻雞去骨走肉再將腊味糯米飯鑲入隻雞裏面，飯裏有荷葉香，雞油香同腊味香。可惜食到呢度已經好飽食唔到好多飯，唯有將半隻雞同糖水包番屋企。…查看更多

私房菜我食過無數, 排頭幾位必選呢間。點解, 好簡單, 話明私房菜, 菜就梗係至重要架啦, 係咪先?! 呢度既菜式, 重點係唔會將貨就價, 重點係可以食出廚師s的用心, 重點係你想食咩都可以同佢地傾, 重點係一個地方屬於你地自己的, 點玩都唔怕, 哈哈。(岩曬我呢d嘈喧巴閉既人)同十幾個朋友黎到, 食左一餐, 要我將d菜排位置, 真係好難, 因為碟碟都好好味, 碟碟都咁正,  碟碟都咁讚。真係架, 呢個廚師唔係流, 堅係煮到好多撚手小菜及大菜, 同佢吹左兩句, 佢話越有難度越高興添 (傻的嗎??!!)位置方面, 就喺南豐紗廠後面，都算方便。至於價錢, 豐儉尤人, 你自己可以同佢地傾掂數啦!! …查看更多

同朋友去咗試食呢間私房菜，位置係荃灣沙咀道，都算易搵。環境方面實而不華，簡簡單單，但乾淨企理。職員態度親切，有賓至如歸嘅感覺。食物方面，先從賣相講起，每道菜的吸精程度真係唔識點形容。睇得出大廚花咗好多心思去設計菜單同烹調。食材新鮮唔在講，菜式仲好有創意。大大隻長腳蟹兩吃真係好鮮味，份量十足。我最鍾意就係碟菠蘿咕嚕球，從未食過咁非一般嘅咕嚕球，真係無得輸。當大家飽到一個點嘅時候，成盆起砂甜西瓜上枱，真係完美嘅晚餐。8餸一湯真係超值，誠意推介俾大家。…查看更多