181cafe

一直都係order lunch delivery, 直到好一段時間都唔見 181營業, 今天發現已結業, 覺得十分可惜.希望老闆/廚師會見到此留言...你哋既焗肉醬意粉係本人心目中既 世一!  意粉濕潤唔乾, 調味剛好, 加埋邪惡芝士... 勁港式, 不得了呀我仲會特登order帶返屋企畀小朋友食, 就算係翻熱佢哋都話 超 好 味 !期望有一日你哋可以另覓新店重新營業.祝你地生活愉快…Read More

剛剛我在上環的181冰室食咗煎雞扒公仔麵，同米線陣嘅煎雞扒公仔麵好似，卻好食過米線陣。同樣的食物，同樣做法，同樣價錢，啲湯係熱騰騰，不是凍冰冰，雞扒的份量合理😋…Read More

中上環區181冰室中上環區很繁忙，午餐時段要搵一個好地方醫肚仔不容易。 冰室隱藏於鬧市中，在新紀元廣場地下。冰室分別提供卡位、四人枱和兩人枱。沒有豪華裝修，地方簡潔和整齊，給人一個舒服的感覺。12:05來到，即刻安排入座。午餐有好幾款套餐，分別係：滑蛋叉燒飯、沙薑雞飯、紅燒豬軟骨蕃茄米線，套飯餐是蒜蓉炒菜心，+蝦米粉絲水蛋配梅菜蒸肉餅或香菇蒸滑雞，相當豐富，價錢$58至$62+熱飲，轉凍飲+ $3除咗指定午餐，仲有好多其他選擇，不能盡錄。我和朋友分別叫沙薑雞飯和日本燒汁鰻魚配肥牛肉飯。碟頭很大，份量十足。沙薑雞嫩滑， 十分入味；日式鰻魚不用多介紹，肥牛肉配上燒汁很可口。用餐半小時，門口已經有客排隊，我和朋友速速埋單。整體用餐感覺良好，地方乾淨，座位整齊，職員友善，價錢超值。…Read More

最近，中午經過上環 <華星冰室> 原址，發現開了一間新冰室 <181冰室>！位置較為隱蔽，店內有好幾張枱，又有坐得舒服的軟墊椅子，桌上備有餐具、紙巾、糖...等。新開張關係，只收現金餐牌早餐 $32~$68供應時間：7:00~11:30am5分鐘內上齊整份早餐，以新餐廳來說的確有效率！秘製沙嗲牛肉麵 $46 轉出前一丁 +$6湯麵的主角就是麵，落單前，我問清楚店方，加 $6，店方選用日本製造的出前一丁，麵質幼身滑溜卻不失彈性， 同時，又掛湯；至於湯底就是湯麵的靈魂，入口都夠味，加上出前一丁的原裝麻油，添上香氣之餘，口味上更錦上添花！沙嗲牛肉有4片，質感柔軟，每件也沾上香濃微辣的沙嗲汁，可是未能入味！火腿奄列 + 丹麥多士 火腿奄列份量恰到好處！內有少許火腿，適量的調味也夠鹹！丹麥多士未嚐已傳來牛油香撲鼻！包邊酥脆，包身鬆軟甜美，雙重口感！丹麥多士比較一般多士，不論口味抑或口感，也更勝一籌！印象中，上環區另一間 <龍記> 也有供應，現時，早餐要 +$3 才可轉為丹麥多士！熱奶茶以金屬杯盛載影響，色澤幾對辦！香滑程度不錯，第一口，真的熱燙，略嫌茶味稍微，喝後帶回甘！未至於好似上環另一間 <膠園> 那麼差的偏淡味！以整份質素，除了熱奶茶扣分之外，食物質素都不錯！如果10分，我會給8分；寧願貴些少嚐到更有質素及啱自己口味的早餐，至於價錢是否貴，則見仁見智嘞！…Read More