181 ristorante (Closed)

好耐冇出街食早餐，就算出得街都係飲茶多， 難得今日個仔可以早起身， 一於一家三口，出去食個早餐先。 老公經常黎呢一間， 貪佢夠大夠闊落，嘢食都唔錯， 我叫咗懷舊早餐a ，沙爹牛肉雪菜肉絲餐肉煎蛋 米線 配餐包， 正常茶餐廳的味道， 唯一有啲失望就係個餐包凍嘅，沙爹牛肉亦都夠滑唔會好硬 ，荷包蛋都煎得好靚， 另外一讚佢個茶膽真係超正， 無論係熱奶茶定凍檸茶都超級好飲 呢個值得推介 老公叫咗招牌通 ，配火腿奄列 最正係個煎芝士包啖啖芝士香味脆卜卜， 如果住附近或者返工得閒都可以落嚟食下嘢…Read More

今日4點幾行過石門，餓餓地諗住食個下午茶，見到有間茶仔，見3十幾蚊有個餐入去食下。一入去好多位，可能嗰邊街人流比較低，望下個餐牌都係普通茶仔有嘅嘢，叫咗個星洲炒米，落單阿姐叫我話返比佢聽餐牌幾錢，都幾搞笑。諗住下午茶平過午餐時段15蚊，應該細細兜，黎到原來好大碟（無相機食先，食食下先記得影，得返一忽...）。味道算ok嘅，不過重味左少少，唔算乾身，但幾好鑊氣。環境正正常常，都幾闊落，茶仔黎講係乾淨嗰d黎，可以再幫襯，試下其他野，見隔籬枱個炸雞肶望落都幾吸引。…Read More

用上了 Ristorante 這一個名字，好多人都會聯想起西餐廳，而且是一間唔會太過低級的西餐廳。不過，名字歸名字，實際歸實際，堅持這一種想法的人往往都錯了。在沙田石門工作的我，就遇上了一間 "Ristorante"。堅持這一種想法的人，就會一口咬定這是一間由工廠飯堂改裝而成的型格文青西餐廳，但我可以說，是次我介紹的《181 Ristorante》，係一間典型的工廠區茶餐廳形飯堂。叫餐廳啦，不要老是叫工廠飯堂咁老土。這餐廳夠大，空間感充足係會令人感覺食得舒適的。店子有大電影，有足夠的4人大檯，老少朋友一起撐一個一小時中半，其實唔錯。第一次牛刀小試，就來試一個早餐。吃，就吃我最喜歡的雞扒麵。湯底，不用評了，單是看色水就知道不是什麼出色的東東。而雞扒就煎得很香，醃得很入味，加埋菜，加上煮得剛好半熟半硬的麵條，感覺可以。奶茶則是一個我可以俾好高分的出品，茶色很好，入口絕對好像絲一般咁滑。菜味夠濃也夠奶香，是令我可以歡笑的一杯。下午再來，我看見有人吃一板板出來的東西，問了店員是什麼? 店員手指著牆壁，再翻開餐牌中扒類食品的一頁。嘩! 原來這兒有很正宗的豉油扒餐可以食。我立即叫了一個扒餐，跟一個紅湯。可是個湯很淡。主角來了，是我點的牛扒加著菜。賣梳非常之西式，扒亦有一定的厚度。不過，建議大家要以食豉油扒餐廳的感覺來品味此牛扒。吃入口，都夠香夠嫩，加埋汁，就更加之惹味了。吃過好食，改日，興致勃勃地同同事又來了。造一次依然食扒，不過是豬扒併英式腸。這一餐，盡顯了西式扒房的本色，薯條香脆，肉扒同肉腸都鮮美。食香港 style 的扒，最重要都係個汁，加洋蔥汁後，味道更是可愛。沒想過，我會在工廠區的茶餐廳型食堂食到有質素的牛扒、豬扒。而這一間《181 Ristorante》，單以他們的扒餐來計，我可以用平、靚、正來形容。…Read More

今日和同事去開石門工作，中午時段經過此餐廳，見到門口個宣傳餐牌Ｄ相，西餐好似吸引有羊架好似好正，結果就入左去食。餐廳大好多坐位，環境和衛生一般而已，廚房比較開放，可能我地坐近廚房嗅到有味。阿姐好人送了兩碗例湯，但湯好稀味好淡，算不上係老火湯。紐西蘭黑椒羊仔架配薯菜 ($59)紐西蘭羊架有兩件，羊肉食起上來比較羶，餐廳並沒有薄荷醬提供，只好點多Ｄ黑椒汁頂住，薯菜大條扁身薯條切法食起來食唔到薯肉感，而且炸得唔香口，外脆內軟不能用此四字形容，薯菜不夠味需自行加茄汁鹽等調味。熱奶茶完全無茶味，無論加幾多煻都提升唔到奶茶味。燒泰式雞脾拼豬頸肉配泰式汁 ($45)Ｄ相同實際有點入，來的是普通雞脾而已唔覺點泰式，只係有碟泰式汁酸酸辣辣地，雞肉炸到肉質比較實欠肉汁，同樣跟薯菜一樣無咩味，豬頸肉有三片，邊邊位烤得唔夠惹味，點泰式汁味道還可以。…Read More

石門呢幾年變化好大，有新屋邨入伙，消費力大增，多左幾個大商場，食肆可以講林立，但過左商場同港鐵站區，就係一個小型既工業區，有啲傳統既食堂係工業大廈底層，今次就黎到其中一間叫181食堂食晏。午餐選擇好多，中西咖哩焗飯乜都有，又有是日午餐俾唔想點揀既食客，價錢大約40至60蚊，合理。今次叫左依個xo海鮮炒飯，鑊氣略帶不足，上檯時已經唔算好熱，配料足夠，鹹度適中，但略嫌太辣，應該係落得大多辣椒油，飯有少許硬焦香，感覺不錯，飯粒較濕，稍為遜色，價錢為45蚊，冇野飲，整體來說都係一般🤔…Read More