18樓雞煲火鍋專門店

Open Now

Now Closed

🍴再訪18樓雞煲 水準回落 🐔 這是第二次來到18樓雞煲火鍋專門店，上次新店開幕不久，食物質素和服務的確不錯，這次水準輕微回落，有望改善。雞煲店按食物品質及種類定了A/B/C餐價格，再次點選了B餐- 美國安格斯牛肉套餐 $218 ，套餐任點任食120分鐘，但要留意餐廳職員會再最後30分不斷提醒大家即將要交檯。雞煲小辣已十分惹味，味道會偏咸一點，雞件份量頗多，而且有雞翼和脾位。待雞煲吃得七七八八時可加入雞湯打邊爐，味道便會中和不少。餐廳設自助調味吧，客人可自選合個人口味的調料。蔬菜類🥬亦可到雪櫃自助領取。而肉類、海鮮類、丸類、麵食類別等則掃瞄二維碼，自助下單。📍美國安格斯牛肩脊感覺沒有上一趟來的精緻，牛肩邊旁有一條肥膏，但仍算新鮮，牛味甚濃。📍響鈴是必點單項，這裡響釣大大朵似花型般，體積大，可吸收大量湯汁，愛吃響鈴的朋友絕不能錯過。 （先別理卡路里吧！🤪）📍花膠也是值得一提，是必點的單項啊！ 由於花膠會偏更，建議一開始便落煲，大概15-20分鐘後吃，軟硬度便剛好。花膠吸收了湯底精華，軟綿綿，美味😋📍這裡只有一款甜品，客人可到自助軟雪糕機自製軟雪糕。當晚提供了雲尼拿味和抹茶味雪糕，斟出美感

之前食過荃灣分店 今次就嚟咗旺角分店 睇吓係咪都係一樣咁出色☺️ 今次就食A餐 有雪花肥牛同埋特級肥牛可以選擇 覺得呢個餐都幾價廉物美 因為除咗肥牛之外 羊肉片 豚肉片 五花腩片 其他丸類都係任食㗎 其實飽到食唔晒咁多款😂呢間分店嘅設計好有懷舊特色 有唔同嘅霓虹燈牌去指示食物嘅位置👻 喺遠處見到軟雪糕嘅牌 即刻唧咗杯嚟食 有frozen yogurt同埋朱古力軟雪糕 兩款都各有特色又好食 個人鍾意朱古力軟雪糕多啲 因為朱古力軟雪糕好似朱古力奶味🍫之前飲過無糖茶 係好似珍珠奶茶咁嘅包裝 而家嘅無糖茶係膠樽裝 感覺更加衛生 同埋慳返啲飲管👍🏻蔬菜喺個櫃入面都好乾淨整潔 亦有好多種類可以揀🥬肉類唔算太肥 亦都夠薄身 灼一灼就可以食啦🙈 咁多款裏面我最鍾意食雪花肥牛 因為食落口好嫩滑 而特級肥牛就牛味較重 兩隻都好啱我呢個牛魔王餐廳都推出咗唔少新嘅嘢食例如蝦片 芝士忌廉煙肉薯波 大汗小酥肉咁🤭 小酥肉就好似炸豬扒咁 而芝士薯波食落外脆內軟 仲有拉絲添🧀食完呢餐真係好豐富 要捧住個肚走🥰 下次再食可能嗌B餐 因為有指定啤酒任飲 啱晒我呢啲酒鬼呀😆

<在18 樓既18樓雞煲>🐤喺創興18 樓既18 樓雞煲 以前喺荃灣新開時食過一次 今次經開 mk再食佢分店 ,.不得不讚佢揾親鋪都係18 樓😂 188 蚊一位既雞煲 🍴 雞煲 我二人食份量都唔細 應該有半隻雞 洋葱 辣椒 胡椒 🌶️ 調味 醬汁帶 d甜同香濃 中辣既辣度係甜得黎後面帶 d辣 個味調得唔錯 雞肉幾彈牙 厚肉而且夠哂入味 食到甘上下就落湯打邊爐🍴邊爐料 肉食有爽彈用牛 肥美既雪花肥牛 🐮黑豚肉 🐷 羊肉片 等等。 是日海鮮係沙白 好夠新鮮 仲有甜海蝦🦐 炸野十分唔錯 炸魚皮🐟 響玲同印尼蝦片都好夠香脆 自家包既粟米豬肉， 菠菜豬肉都落足料 食落好滿足🥟🍴飲品方面有各式既可樂汽水 茶 仲有自家沖既桂花烏龍同茉莉綠茶 茶味幾香 夠哂誠意 ☕🍴雪糕 有雲尼拿味軟雪糕 仲有乳酸味雪糕 都幾新鮮 加埋棉花糖 椰果 朱古力碎等等 🍦 邊爐完再食正！#任食 #放題 #雞煲 #打邊爐 #雪糕 #魚皮 #肥牛Score 平均分< 7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：

開始入秋涼涼地，一定要食雞煲邊爐！之前已經食過一次所以帶個frd再黎食，叫左個少辣雞煲，想講佢調味十足，啲雞肉非常入味，個辣汁好惹味，雞煲啖啖肉好好食，食完雞煲就加清湯打邊爐，餐牌同飲品選擇都頗多，豬牛雞海鮮類等一定走唔甩啦，提提大家落單填1佢真係得1件唔係一份，免得浪費食物，海蝦新鮮，蝦肉依然彈牙而且殼唔會痴埋蝦肉甩唔到，魷魚都好爽身，我地都食左幾碟，羊肉同肥牛片都值得再叫，連埋雞煲既辣湯一齊食好正，甜品方面必定要試乳酪雪糕，出面好少餐廳有得食，對於我呢啲yogurt粉絲真係啱曬！不停加朱古力碎同椰果，mix埋酸酸甜甜真係忍唔住食多2杯，絕對係好好既放題ending👍

尋日同朋友去完迪士尼，就直落呢度dinner，因為預咗會玩得晏，就預約咗呢間先。-今次係第一次嚟呢度食，一入去坐低咗，首先係覺得空間設計令我坐得好舒服，雖然枱與枱之間唔算好寬闊，但係感覺私隱度都好好。-之後點單，係用QR code點單，好方便，而且食物份量大嘅話係逐件點，避免咗浪費。上菜速度亦都好快，員工態度都非常好，好禮貌。-食物方面，雞煲嘅雞非常之嫩，雞髀位就唔洗講，佢連雞胸都唔柴。以前食雞煲最怕食雞胸，但係呢度件件雞都好好食。個汁亦都好入味。-加湯，佢係自助式加湯，免卻咗好多麻煩，你可以攞定兩支喺隔離，咁當你食到想加湯嘅時候，就可以好快咁加，唔洗又叫人，又等人幫你加咁煩。-疫情期間要搵一間可以食夜少少嘅餐廳係比較煩😂所以，如果你玩夜咗、同朋友約食晚飯，呢間係唔錯嘅選擇👍🏿

旺角有超級多嘢食，就算係雞煲或者日式放題都有超級無敵多嘅選擇～究竟係點樣可以喺咁多選擇入邊脫穎而出，咁就要嚟識下呢一間18樓雞煲啦😙😙😙佢嘅雞煲味道真係整得好出色，喺出面一路都未試過食到嘅味道，所有嘅雞件都斬得大細適中，所以全部都醃得好入味，成舊雞嘅味道都好平均～今次嗌左小辣，係真真正正嘅小辣，因為之前食過一啲話係小辣嘅雞，但嚟到真係好難繼續食落去🤣🤣仲有就係佢嘅牛肉，叫咗美國肥牛，估唔到賣相同埋食落去都唔差

最近天氣凍凍地，比較鐘意打邊爐爐，雞煲放題都係唔錯噶選擇。店鋪裝修係90年代港風，有少少懷舊feel，地方都好大，配置都係放題應該有果啲啦。因為朋友唔食得辣，就叫左少辣噶雞煲，店員即場翻炒幾下，香味瞬間出曬黎。食落味道唔錯，雞肉好入味，同埋幾嫩下。呢度重點講翻，距地自家製的茶好出色，茉莉花茶，桂花茶同冬瓜茶我都試左，最鐘意個茉莉花茶，同埋個樽顏值好高，愛了愛了。食完雞煲可以自助加湯，叫野打邊爐。肥牛質素都ok，個人比較鐘意無咁肥噶，其他肉丸，腸仔之類都係正常水準啦。魚皮同埋蝦片幾唔錯，好脆口。距地自家製響鈴都好鬆脆，當然就無平時食開果種甘薄身同多層啦。自助菜檔啲菜好新鮮啊，西洋菜比我自己去街市買要嫩，加埋雞煲湯底，好正。最後甜品都係唔少得噶，呢度重點推薦距地個乳酪雪糕，食完放題食啲酸酸地噶，好好味啊。感覺仲可以消滯。

之前食同朋友食過荃灣分店，抵食又高質，今次就嚟旺角分店試吓～揀最平嘅套餐Ａ已經好夠食，配料用qr code落單，飲品、醬料、菜同雪糕就自己出去拎嘅，都幾多選擇。辣度揀咗小辣，雞煲好快就送到。食食吓先記得影相，因為實在太好食18樓雞煲嘅調味真係令人好上癮，辣中帶麻，麻中帶香，非常之咁惹味。雞肉都夠滑唔鞋口，百零蚊真係淨係食個雞煲都抵啦！食到咁上下就加雞湯打邊爐，私心推薦以下幾款配料：雪花肥牛肥牛唔會太肥，而且冇筋，有牛味，有驚喜白鱔片都幾surprise呢個價位嘅任食火鍋竟然有白鱔片，食落重要係新鮮爽口嗰隻，正！自家製響鈴熱辣辣新鮮炸起，非常香脆，不過食完好飽是日海鮮今次嘅是日海鮮係蟶子，冇沙、新鮮！墨魚鬚彈牙爽滑，一啲都唔韌。脆魚鯇肉質脆口結實，淡淡肉冇乜骨。萵筍肉質脆嫩，栗米都好甜次次都一定會留肚食雪糕，今日嘅雪糕係原味乳酪／抹茶，兩款都唔錯，重可以加爆珠同椰果

係旺角有好多食雞煲既餐廳~ 都好容易搵到一間好食既雞煲! 呢日黎到18樓雞煲,呢間真係係創興18樓既餐廳!我地揀左要呢個SET A! SET A 勁抵! 加埋一先200$ 有找, 性價比超高! 一入座店員就問我地雞煲要咩辣, 我地就揀左BB辣~ 個辣度岩岩好, 之後用黎食菜都唔會話太辣! 佢雞煲既份量都唔少, 仲要件件都係有肉,唔係得骨, 個味道調較得好岩我地口味! 食完雞煲之後就自己加湯去打邊爐, 唔駛加咁多湯, 可以用多D雞煲既汁黎打~ 紙上面都有教個食法係食緊雞煲個陣加D牛柏葉同水魷落去炒黎食, 咁就等牛柏葉同水魷掛滿哂D 雞煲汁黎食, 咁就最惹味! 我食D 牛柏葉真係食到停唔到口! 勁正! 之後就叫下肥牛黎食, 雖然個餐係最平, 但估佢唔到D 牛都咁出色! 我地都食左好多碟! 真係勁抵, 200蚊唔駛就有咁高質既享受! 佢既響鈴都係即炸,夠哂新鮮,唔係用盒裝個D, 個D 放耐左會有油益味, 而呢一隻佢地即煮真係超好食! 仍既所有配菜都好新鮮, 最後食埋個乳酪雪糕作結,真係美好開心既一晚~

位於18樓既18樓雞煲真係令人印象深刻🤣 佢有ABC有款餐，主要係打邊爐既料唔同，但今次黎主要係食下佢出名既雞煲🐔，所以都簡個最平既A餐～發覺愈黎愈多餐廳都鐘意用霓虹燈💡做裝飾，呢間餐廳都用佢黎標示唔同區域～環境幾好兩人座位都幾闊落，一入座拎完野飲，點完餐，個雞煲🔥就送到～即到即食！雞煲好惹味，辣得來帶少少甜味😋😋🤤 愈食愈開胃，唔係好夠鐘意雞煲我食阿🤣🤣 雞煲完都可以繼續用佢雞煲汁做湯底打邊爐🍲，就算係A餐食物選擇都唔少架，好夠食，仲要係任叫🤣 肉類🥩🥓🍗係薄切，一次叫多幾碟都冇問題😙食飽飽就可以食佢既乳酪雪糕🍦，都濃味架😜

平日的晚上來到旺角的任食雞煲火鍋基本上座無虛席裝修有特色，全場掛滿懷舊霓虹燈牌地方整齊乾淨，QR code下單不用進進出出，比較衛生方便◭任飲任食 雞煲 (套餐B) $228 🅙🅙🅙🅙/5⌬嚴選美國安格斯牛套餐雪花肥牛特級肥牛美國安格斯牛頸脊廣島蠔手打蝦滑半殼扇貝打邊爐配料選擇多，有數十款不論肉類、丸類、海鮮類、蔬菜類都齊全亦有少量熟食，挺喜歡炸芝士薯波很欣賞他們讓客人可以選擇配料的數量可以只點一粒丸、一塊蘿蔔要知道吃任食火鍋，都會習慣性點很多配料但總會吃不完一份，其實很浪費這樣就滿足到不同客人需要，不用遷就朋友的喜好，又能減少浪費食物而已他們上菜速度快，很值得讚賞另一特點是他們提供自助湯壺客人可自行隨時加湯，不用再麻煩員工不停加湯這點我蠻欣賞的台灣冬瓜茶及桂花烏龍乳酪雪糕及雲呢拿雪糕⚎⚎⚎Recommendation 🅙🅙🅙🅙🅙/5⚍⚍⚍

同同事放工想食雞煲，就選了我推薦的18樓雞煲，因為這間在荃灣我已享用過，覺得性價比超高，就選旺角分店比較近我們放工地點。很弱表示他們店如其名，所有分店都位於18樓，很易記😂😜步出升降機，整層都是他們的，地方足夠的大，今日雖然是星期四，但自我進場後，門口外不斷堆滿人流。場地夠大又很寬敞，而且佈置好有香港舊時特色，滿滿霓虹燈，非常有Feel😎進場要選Set A, B,C 因為我地兩個女孩比較胃口細，不用太多種類，所以我地選了Set A!雞煲份量我相信根據人頭而放，上來之前仲擔心會唔會吃完雞煲打唔到邊爐，但幸好份量剛剛好，溫馨提醒，平時都會吃辣的人，建議選中辣或以上，小辣感覺像BB辣程度，但雞煲味道不會過咸都好惹味！雞煲吃得7788時，可以將已放在一旁的雞湯倒進雞煲裡面，開始第2場打邊爐😂，這裡都是QR code 落單，肉的種類不少，有牛、雞、豬、海鮮也有！因為已吃了雞肉，我地只點了海蝦、滑牛肉等肉類，滑牛都算嫩滑，海蝦都算新鮮，而且都大隻！我發現他們家的丸類有幾款特別，所以留了肚比佢地，有醬爆豆卜，外圍是豆卜，裡面似是豬肉丸，兩種口感出來很不錯，仲有我覺得必吃的是豆腐脆脆魚蛋，本身我們在很

秋風起 ，就梗係食雞煲，打邊爐啦！「18樓雞煲火鍋專門店」總店喺荃灣，係抵食超人氣雞煲！原來最近旺角都開咗新分店，餐廳裝潢走經典懷舊老香港風格，有舊式戲院及上海理髮店、舊式士多⋯好好feel，打卡一流！先嚟個18樓招牌雞煲⋯一上枱，香味撲鼻，店員主動幫忙攬拌雞煲⋯雞件嫩滑，醬汁濃稠，帶點麻香、微辣，非常惹味，好味又過癮！歎完雞煲，加湯打邊爐又係另一番風味！火鍋配料係用手機掃QR code落單，配料選擇都頗多，豬、牛、羊、雞、海鮮、丸類應有盡有⋯有啲配料會以件數嚟落order，可以order少少，好食先再叫，唔會造成浪費！火鍋配料絕對唔馬虎，唔會因為任食而將貨就價！當中我推介特級肥牛、蝦、牛柏葉、豬皮、響鈴同埋花膠。豬皮同響鈴索咗個湯底真係不得了，好好食！飲品方面都好多選擇，除咗罐裝飲品之外，仲有自家製冬瓜茶同冷泡茶。冬瓜茶清清地，甜甜地，幾好飲⋯我哋今次選擇咗套餐A，以$188呢個價錢嚟講性價比真係好高！絕對值得encore！

重陽節假期，朋友們約埋一齊去行山登高，經過大半日行程，大家都又餓又攰，好在有朋友已經訂咗創興廣場的18樓雞煲火鍋食放題，大家都知餐廳雞煲正，火鍋配料新鮮，任飲任食套餐分A、B、C餐，以肉類級數分，豐儉由人，最平百多元就可以食足兩小時，真係好抵。混醬、飲品、蔬菜、火鍋上湯和甜品都係自取的。雞煲揀咗小辣，上枱嘅時候已經煮熟，開爐煮熱就食得，濃濃嘅醬汁沾滿每件雞，雞肉入味嫩滑，充滿麻辣香味！食完就自己加入火鍋上湯，並用手機QR code Order 火鍋配料。火鍋上湯加埋雞煲濃郁的醬汁，成為一鍋非常美味嘅火鍋湯底。西班牙黑豚腩片和頂級梅頭豬肉都係薄切，浸入湯底數秒就熟，肉質鮮嫩，豬肉味香濃。海中蝦新鮮，鮮甜彈牙。是日海鮮係蟶子仔，夠鮮甜，滋補花膠，大大塊又厚身，滑嘟嘟滿口充滿骨膠原。脆鯇片、白鱔片爽口，豬紅滑溜，台灣一口腸口感紮實，嚼勁十足。還有頂級墨魚丸、芝士豆腐、芝士腸、午餐肉、鮮腐竹、鮮冬菇、滑豆腐等數拾款火鍋配料都好新鮮，美味可口！最後食返杯雪糕或乳酪，又係任食架！

之前去過荃灣嘅18樓雞煲，對呢間舖頭嘅印象幾好，今次幫襯完旺角嘅呢間分店，對於佢嘅評價更上一層樓。同荃灣分店相比，旺角分店嘅裝潢明顯更加新淨企理，甚至非常有心思地融入咗本地特色嘅裝飾風格，非常賞心悅目。呢度嘅雞煲都唔係講笑，基本上食完雞煲已經接近四成飽，都可以見到入面嘅雞份量唔少，雞肉非常鮮嫩，而且每舊都份量十足，辣到我揀咗小辣，略嫌有啲唔夠喉，嗜辣嘅朋友可以嗌強度多少少。呢度嘅食物種類都幾多，牛肉、豬肉、羊肉等等都分別有好幾款，亦都有海鮮類，蔬果類，丸類等等。連麵都有埋薯粉、粉絲、出前一丁等等唔係間間都有嘅選項，都幾驚喜。去親食火鍋放題都會好想試吓嗰間舖頭嘅自家製冷泡茶。呢度嘅冬瓜茶調配得幾好，甜度唔會太重，茶味恰到好處，飲落幾舒服。食火鍋最後梗係要食埋個雪糕先啦，呢度嘅雪糕居然唔係廉價嘅紙杯雪糕，而係有一大部雪糕機畀你diy，仲有抹茶同埋朱古力味俾你揀，另外有爆爆珠、椰果、脆片等等嘅toppings可以畀你玩，開心