336
25
8
5-min walk from Exit A, Fortress Hill MTR Station continue reading
Telephone
39545918
Introduction
Its atmosphere suits couples and friends for a relaxing gathering. Healthy black garlic bread is highly recommended. continue reading
Opening Hours
Today
12:00 - 21:30
Mon
Closed
Tue - Thu
12:00 - 21:30
Fri - Sun
12:00 - 22:00
Payment Method
Visa Master Cash UnionPay
Number of Seats
28
Other Info
Wi-Fi
Alcoholic Drinks
May Bring Your Own Wine Details
Phone Reservation
Delivery
10% Service Charge
Outdoor Seating
Review (378)
Level4 2018-06-13
998 views
今日要去炮台山交一交文件,作為新界人,其實真係好難會嚟到呢一區,好彩有朋友喺附近返工,可以順便約埋佢食飯,感覺先好似不枉此行佢帶咗我黎蜆殼街,我覺得個名好搞笑,咁岩附近又真係有Shell油站其實佢個招牌唔係好睇得到,可能冇着燈嘅關係啦,喺佢對面有一間藍色門面裝修嘅西餐廳,對比起來,其實佢真係好唔起眼呢間餐廳原本我當佢普通西餐,環境真係同一間普通西式小店冇分別,唯獨係掛咗好多張相,望真啲原來有謝霆鋒個樣後來喺點餐嘅時候,朋友先同我講咗一樣野,就係原來呢間餐廳,謝霆鋒有份設計Menu我地叫左幾款食物share~.黑炭黑蒜包 $70呢個係朋友真心強烈要求話要食,上枱嗰一刻係幾香蒜蓉味嘅,但睇落黑蚊蚊,最多咪當佢竹炭麵包咁樣食?心諗有乜嘢咁特別。。。點知食落,除咗蒜蓉味,竟然係甜甜地!我印象中我試過成粒黑蒜就咁食,而呢一個甜甜地嘅感覺似曾相識,所以我肯定佢係由黑蒜磨出黎嘅蒜蓉!嗰一刻真係覺得好有創意好特別而且包嘅份量一啲都唔小,每塊包都厚切,好大塊!條邊烘到脆卜卜,中間因為搽咗蒜蓉,所以變咗腍身,冇辦法烘得脆但係正因為咁所以吸收晒黑蒜蒜蓉嘅味道.蕃茄水牛芝士沙律 $100呢個沙律我已經係唔小餐廳食過無數次,係超級鍾意食,因為鍾意水牛芝士嗰種煙煙韌韌又唔係溶晒嘅口感,呢個菜嘅技巧其實就只係切蕃茄同埋水牛芝士,正常黎講番茄只要新鮮,水牛芝士冇變壞都唔會整得難食;但係好少餐廳會得到突破,呢間餐廳比左我一個好深嘅印象,因為佢用嘅蕃茄係屬於比較大個,比較鮮甜品種嘅蕃茄,食物唔會起沙,水牛芝士切得好厚好足料,完全係貨真價實不過如果你再問我意見,我會覺得唔好浪費左佢地既心機,可以加啲合桃碎特別做伴碟,再增加口感.炸蒜頭香煎三文魚欖油意粉 $179一堆炸蒜頭山好吸睛因為我其實係一個蒜頭怪,呢個意粉份量都十足,完全係夠兩個人黎食乜都唔叫,淨係食呢個意粉都會飽七成面頭啲炸蒜唔會炸到黑晒,我覺得呢個係值得讚賞,因為當蒜頭切到好細粒其實好容易炸燶,食落脆卜卜好香口;香煎三文魚比手掌要大!佢冇煎到過咗龍;意粉似係用欖油炒,其實真係好簡單冇乜花巧,就係因為簡單嘅方法配上炸蒜食,其實味道簡單又突出,係最好食嘅方法!意粉同時吸左三文魚自己本身嘅魚油。不過真係略嫌呢個意粉油左少少。.虎蝦奶油忌廉意粉 $1692大隻虎蝦睇落好多肉我地一黎就已經ko左隻蝦,跟住就得返淨食意粉個意粉唔dry,好食到我覺得比一碟淨意粉我都食得晒好creamy!食到好重奶油味,其實絕對知道肥,但出奇地唔膩有少少甜,所以又有少少似甜忌廉煮意粉,我鍾意另外要提!佢地係用扁意粉,比較挺身,同埋吸汁.Drink Menu除左普通咖啡,果汁,仲有酒飲!放工黎呢到同同事chill out下應該好有feel熱latte $40 Lemonade $45朋友要返工,提一提神,叫左杯latte。真無諗過小型西餐廳都會有咖啡拉花,仲要係幾靚偷飲左佢一口,佢既咖啡豆唔係極回甘個種,好濃,我飲唔出係咪好既品種,不過絕岩我口味,奶就唔係好滑,但呢杯咖啡都配得上$40我認知既lemonade係透明梳打水咁既顏色,呢到用左玻璃瓶裝,感覺好似高級左,似貴價超市先買到個d。佢係橙黃色,無汽泡,同我想像既有出入,不過即管試下。會飲到d檸檬味,唔太酸,估計再落左橙汁落去balance返個酸度,極體感覺好舒服,飲晒都唔會太甜.睇電視見到謝霆鋒又亂灑鹽,亂落糖,人人話佢無料扮有料。呢次食過,我既感覺係其實佢既浮誇性格,係令到佢有大膽創新既要點,佢既創作,絕唔係天花龍鳯,而係入型入格,謝霆鋒的專屬浪漫。 continue reading
(The above review is the personal opinion of an user which does not represent OpenRice's point of view.)
用心味美的一餐 Featured Review
Level4 2018-06-13
630 views
友人呢排係咁追看霆鋒嘅烹飪節目, 一路睇佢chock, 一路對住D食物係咁話好想食呀, 比佢係網上search到呢間餐廳同Chef Le Mon有D關係餐廳內掛滿明星合照, 其中有霆鋒嘅出現, 友人當堂心心眼mode食物未到, 先叫杯Cocktails飲下先對Mojito ($75)有一份鍾情, 喜愛佢入口清新, 滿滿薄荷葉加上青檸, 再有rum酒獨有味道, 呢杯符合到我嘅要求!呢客黑碳麵飽 ($70) (話係Chef Le Mon設計)係呢度都幾受歡迎, 目測差唔多每枱都有點烘至脆口, 飽芯食落頗軟身, 味道除左有蒜香味外仲多一份甜味, 即使無用餐湯伴食, 單食都唔錯喎!外貌可愛嘅係呢客焗芝士甜椒釀磨菇 ($70), 每隻大細唔同, 中間釀入甜椒碎再係上面加層芝士拎去焗!甜椒醉令味道多一份甜味, 磨菇入口多汁, 一啖一隻岩岩好!呢客黑松露帶子意大利飯 ($190), 當"黑"與"白"遇上, 賣相帶點奢華感!帶子體積唔細隻, 煎到外脆內嫩, 成隻厚度食起黎夠晒口感!意大利飯撈勻黑松露後, 成碟飯當堂充滿佢嘅獨有香味, 而飯粒唔會感到食緊"半生米", 個醬汁味道恰到好處!時令推介有呢客三文魚子蟹籽意大利粉 ($180), 賣相顏色吸引, 食材簡單但味道唔簡單!三文魚子嘅咸香味, 蟹籽嘅卜卜脆口感, 而個意大利粉食落香滑, 似落左忌廉一齊煮, 味道香甜, 每條意大利粉都被呢個"隱形"醬汁所包圍, 好味道!雖然未能有機會係到遇見Chef Le Mon, 但食到佢設計嘅食物, 友人都收晒貨啦! continue reading
(The above review is the personal opinion of an user which does not represent OpenRice's point of view.)
蝦 全部都係蝦 Featured Review
Level4 2018-02-05
5211 views
每個禮拜去炮台山,匆匆忙忙就食咗個午餐,今日同母親大人難得有時間,一於食返餐好嘅,就去咗蜆殼街16號, 拜訪謝霆鋒開嘅西餐廳。一坐低即刻點左一客黑炭黑蒜蓉包呢度出名嘅蒜蓉包外脆內軟,雖然黑蚊蚊好似燶咗咁 , 但其實係健康嘅黑炭同黑蒜嚟㗎, 好欣賞麵包烤焗的時間恰到好處,外皮卜卜脆,裏面保持濕潤,口感綿密, 上面更塗咗少量番茄醬,提升味道的層次。先來一個前菜...爆谷蝦!好有新年氣氛嘅食品味道,蝦肉🍤🍙🍯鮮甜, 外皮香脆又皮薄,非常好吃,仲有隻碟好靚,色香味俱全。第一個主菜係大蝦辣意大利麵🍝份量十足,好大隻蝦🍤 , 有好多隻鮮蝦,扁意粉爽口彈牙, 汁醬微辣,食落去好開胃😃第二味主菜係黑松露意大利燉飯 🍲意大利飯食落好有口感🍚, 粒粒甜美飽滿好有米香味,最重要係有新鮮爽甜嘅大大粒帶子, 伴隨著黑松露,有濃厚嘅香菇味,再配上百里香香草🌿,特出黑松露嘅鮮味,簡直有畫龍點睛嘅作用,有機會你都嚟試下啦😋食完嘢再坐多陣,一路飲嘢,一路享受星期日有限的下午, 真寫意~~ continue reading
(The above review is the personal opinion of an user which does not represent OpenRice's point of view.)
鋒味。之選 Featured Review
Level4 2018-01-24
3952 views
早幾日睇完叱吒頒獎禮竟然見到霆鋒拎返起結他,果然寶刀未老。今晚放工突然心血來潮想試下佢近年專注嘅廚藝係點樣令佢咁着迷。於是就揀左黎16SHELL呢度,聽講霆鋒雖然未係香港開餐廳但呢度嘅菜式佢有份設計架。一入門口就見到大量嘅明星合照,唔少都係英皇藝人,睇黎呢度都係明星飯堂,可能有機會可以同藝人們共晉晚餐。餐牌上好多選擇,大多以意式為主蒜頭更係主角之一,其中仲有啲少見嘅配搭組合。黑炭黑蒜包,上網睇係由謝霆鋒設計的用上黑炭及黑蒜製成烘得外脆內軟,沒有平時食開蒜茸包嘅濃烈味道,反而係淡淡嘅甘甜。因為都塗左幾多黑蒜茸係面,所以食落都有少少黏牙。不過黑蒜茸焗完發揮左陣味,食完又唔會有大陣蒜味殘留係口腔。的確幾好食。蒜蓉白酒牛油煮蜆。分量都幾多,加上蜆肉鮮甜,牛油蒜蓉汁做得十分濃郁,配合上黎咸咸辣辣的,夠晒味道好好食。擠少少檸檬汁加啲酸味落去更覺惹味。為左唔好晒左個牛油汁,我地仲用黑蒜包蘸住食一來增加包嘅濕潤,二來提升香氣。香煎橄欖鹽醃咸魚仔油無骨雞脾意粉。蒜茸做法感覺有啲似避風塘炒蟹,不過就少左陣香辣味道。反而係炸蒜嘅濃郁清爽味道更突出,成道菜做得好乾身可以算得上係無汁的,但意粉煮得啱啱好彈牙中帶點嚼勁,單單加上嫩滑雞肉及炸蒜就已經足夠了。而且食完都唔會話太乾同口渴。酥皮黑松露比薩批。另一道由霆鋒創作的「鋒」味PIZZA,四四方方的以酥皮做批底,的確係坊間少見嘅做法。酥皮焗完後非常蓬鬆,少左平時PIZZA嘅紮實同焦脆口感,反而係更鬆化同輕盈。連埋焗到溶嘅芝士一同入口,咸酥味道真係令人欲罷不能。雖然知道酥皮嘅牛油含量,但呢個PIZZA食完都唔會太油膩,整體平衡得好好。最後同友人各點左杯COCKTAIL,左:SEX ON THE BEACH,右:BLUE HAWAIIAN,一來消消膩二來傾下偈睇下會唔會撞到明星過黎開餐。雖然最後都無遇到但呢度環境都幾適合同朋友聚會一番,而且食物都好食加埋霆鋒呢個生招牌,遠少少都值得過黎食返餐。 continue reading
(The above review is the personal opinion of an user which does not represent OpenRice's point of view.)
Chef Nic's recommendation Featured Review
Level4 2018-01-16
3008 views
Chef Nic fans 不可錯過,見朋友IG黎食左,大力推介,話16 Shell menu入面 chef nic 有份design,咁我就即刻約友人黎食。門面大大的落地玻璃,可以睇下街景,黎食個悠閒午餐,又或者係門口座下歎下咖啡。店內掛上多張明星合照,感覺有chef Nic為你做菜。以garlic為主題,有多款特色的garlic菜式,都係不試不可。Black garlic bread ($70)黑色的多士又香又脆,微微的蒜香味,帶點甜,食多幾塊都唔會厭。Fresh clams ($130)用上黑色的碟子上菜,很有性格。蜆肉有好香白酒味,加了牛油蒜蓉更香,食蜆時再飲啖湯,充滿蜆肉的精華,唔會太鹹,味道剛好。上菜速度是比較慢,但係可以慢慢品嚐和朋友吹下水,冇壓迫感。Truffle pizza ($160)方形的pizza上有rocket、芝士、磨菇、青紅椒,餅底塗上滿滿的黑松露醬,酥皮不但酥脆,而且很有彈性,用酥皮做pizza餅底,感覺新穎,食起黎冇classic pizza 咁腻,兩個人share 啱啱好。Olio style ($150)炸過的蒜頭特別香脆,蒜頭都有特別,係將炸蒜和生蒜混合,加上咸魚仔,口感很豐富,鷄肉外脆內軟多汁,扁麵可以掛上蒜粒一齊食,有點取自避風塘炒蟹的concept,中西合壁,整體配合得不錯,少少油,但係可接受。Hot latte ($40)Camomile tea ($40) 用的tea pot 好stylish,亦可保持温度,飲嘅茶都會好味D。 continue reading
(The above review is the personal opinion of an user which does not represent OpenRice's point of view.)