135果園雞

同朋友點左兩個套餐，一個奇香雞，一個紅燒腩肉，有湯有菜，原本係配飯，我地都轉左蒸米粉，覺得特別啲，米粉食落都唔錯，餸方面，紅燒腩肉就比較普通，奇香雞屬於冷盤配有西芹和芫茜，味道幾清新…Read More

叫咗個奇香雞飯...只係將薑蓉和中國西芹預先同雞撈埋一齊，D雞好油， 雞有好多碎骨，堂食坐位係高身坐得好唔舒服， 同埋好似食緊外賣咁，用膠飯盒裝住收HKD48... 我寧願去燒臘鋪食個切雞飯…最差係D菜裏面仲有頭髮添！…Read More

聽講有人喺藍屋賣雞，所以專程去試吓。因為牌照問題，唔可以坐喺舖面食，要食一係就買外賣，一係就買完攞過隔離舖裡面嗰幾張凳、同bar檯食。不過唔知係唔係因為牌照問題，店員完全唔會理你；明知你過隔離食，都依然係畀你外賣膠飯盒、外賣膠湯碗、同即棄餐具，仲要用膠袋入住。OK，食完自己清潔係常識；食飽就一膠袋自己放入門口個大垃圾桶，店員連檯都唔會抺一吓。門口寫住主打奇香雞，雞無雞味，用大量中國芹菜同香料醃製；阿姐好明顯唔識斬雞，啲雞斬到碎濕濕，仲好多碎骨、滿口油。反而個例湯，同跟飯嘅蒜蓉莧菜就不錯。份量亦夠飽肚。…Read More

堂食環境非常一般，幾狹窄，著斯文返工裙就唔太適合去，因是bar枱及高椅。奇味雞午餐，有一兜雞，一兜菜，一碗飯，一碗例湯，整個餐份量唔太多。應該是新鮮雞，調味幾好，好入味。下次會再幫襯，叫外賣。要自己執枱，倒入垃圾桶。收銀阿姐好好人，好客氣，隔離枱男人叫左飲品，黎到才知是凍飲，男人唔飲凍野，俾返阿姐，阿姐送返俾佢之餘，仲送多個例湯。…Read More

於灣仔皇后大道東，灣仔街市對面新開了一間“果園雞”專門店，設有堂食和外賣，堂食只有數個座位。於午膳時間，見很多人光顧，來買外賣飯盒的人也不少。有川式：麻辣口水雞、奇香雞，有粵式咖喱雞飯等。我推介豉油皇雞腿飯，只22元，大大隻雞腿，啖啖肉煮得夠入味，與其說是豉油，還不如說是鹵水，像是有種冰糖甘甜得來易入口。五味鴨飯和野生魚飯都是我的推介。餐牌上還有麻婆豆腐、紅燒牛腩、川北涼粉、麻辣粉條、排骨陳村粉/粉皮，小小店子，多多選擇！喜歡川味的你，別錯過啊！所有飯餐奉送老火例湯，轉汽水加5元。這個月內（5月份）光顧，加10元有一精緻玻璃瓶裝菊花茶，老闆表示是他們親自沖泡，正好適合為炎夏解暑呢！星期日好像是休息的，不過這有待確定。…Read More