101 Grill Bar + Hot Pot (Closed)

一直都很喜歡打邊爐，但不是每一間都好吃，又怕不是任食的要看價錢叫食物，因此不常找不是任食的餐廳。這次一班同事食飯，有人推薦這間，抱著一試無妨的心情，結果比想像中好太多。一開始因為人多，可以選３款鍋，選了卜卜蜆，麻辣雞，還有一個忘了。但３款都十分好食！接下來便選食物內容，其實不算多選擇，只按人頭下單。說真的，每款都太好吃了！特別是響鈴！一看便知道是自家製！飲品亦很好！全是特飲，我叫了三杯不同！一看滿桌都是食物，太滿足了！一定有下次！…查看更多

心里都有諗究竟有冇伏呢，咁一定要試下啦！沙茶牛肉、芝士竹輪、娃娃菜同埋QQ魚腐沙茶牛肉有驚喜，嫩滑而入味芝士竹輪同吉野家既差不多QQ魚腐就是普通的魚腐蕃茄同粟米都係個餐送埋既。夜市火鍋拼盤就咁，除非你好想食滷味，唔係的話...個人覺得應該叫套餐就要晒手工火鍋拼盤。起碼手工拼盤有特色D!唔係周圍都食到。滷味。留返去台灣食夜市先食啦。仲私家到連想叫待應都叫唔到架。野食無想像中咁好，湯底簡左三杯雞卜卜蜆，三杯雞味就無咩，不過蜆都幾新鮮。…查看更多

周日黎到尖沙咀，食個lunch 都唔係平！咁岩見到個樓下banner $49 蚊一個涮涮鍋，仲要有埋野飲，咁抵食？心里都有諗究竟有冇伏呢，咁一定要試下啦！沙茶牛肉、芝士竹輪、娃娃菜同埋QQ魚腐沙茶牛肉有驚喜，嫩滑而入味芝士竹輪同吉野家既差不多QQ魚腐就是普通的魚腐蕃茄同粟米都係個餐送埋既，同娃娃菜都好新鮮仲點左杯珍珠奶茶，有點保留，味道不是想像中咁好飲，淡而冇茶味....整體黎講都不錯，飲品可以選擇其他試下😂😂😂…查看更多

尖沙咀火鍋有好多，自己本人亦都食過好多間。於是有一日同朋友就想試吓新野，喺樓下見到哥哥仔好落力咁同我地推介，咁我哋就去試吓啦。本身只係懷着試新野嘅心態，其實都對佢冇咩期望。點知一去到佢嘅嘢飲，已經好吸引我同我嘅朋友。台式嘢飲點會有女仔唔鍾意呢。接住落嚟就係佢嘅湯底啦湯底足料又夠味，煮過嘅嘢食其實都唔係好洗點任何醬料。而且佢啲手打丸，彈牙，爽口，新鮮。對於一向打邊爐唔係好鍾意食肉(一片片涮肉)嘅我，簡直就係一大福祉。所以推介大家食佢哋嘅手打丸，超好食。而且佢的蔬菜都好好，好新鮮。當然仲有佢嘅牛肉啦只係我個人好姐。我朋友都大贊佢哋肉㗎。…查看更多

同事介紹，尖沙咀區五十蚊有找嘅一人一鍋午餐。可選麵款、湯底、三個餸，再加杯台式特飲。呢個價錢同組合，喺尖沙咀區食個三餸車仔麵都未必得！其實都唔算真正打邊爐，因為所有配料係‘一鍋’上，但勝在選擇多，又足料。不過，台式特飲就最好揀珍珠奶茶，其他嘅不如揀返普通檸茶之類會好啲囉。…查看更多

4 個人黎食飯， 叫左個個台式麻辣鍋佢有地下行樓梯上2樓，個服務員已經喺2樓開定大門等你，入得去有好多員工帶你入座，佢哋嘅服務態度真係好好一上到黎，嘩，老老實實，個煲裝滿晒豬大腸，鴨血、鵝腸、豆腐、洋蔥辣椒……真係淨係食個煲入面嘅材料都已經飽哂佢另外仲有送黃金鹹蛋炸魚皮同埋響鈴，仲可以揀手工丸或者滷水拼盤，有一碟豬一碟牛。其實呢度已經好夠食...你打打下邊爐，侍應仲會主動去幫你隔油佢嘅飲品都好多款式，基本上好多都係任飲嘅不過好多飲品我到稍微嫌棄佢有啲甜之後就可以最佳佢其他嘅食物，一次寫作文、午餐肉、新竹米粉、膠紙……佢嘅食物都算幾應有盡有，最後仲送甜品有紅棗桂圓芋圓仙草糖水最後埋單大約$1400我覺得好適合同朋友慶祝生日，多人食開心啲食物好食之餘，侍應態度都好好。…查看更多

一行四人，預先訂左位，無需要等候。我地叫左個手工涮涮鍋套餐。1) 湯底由於時令海鮮拼盤要額外加錢，所以知慳識儉的我們選了有海鮮的湯底 - 冬瓜卜卜蜆海鮮湯。2) 手工火鍋拼盤  (全晚最好味,全晚靈魂之所在,一定要食)一共有八款手工的火鍋料 ↓：墨魚汁鳥結糖 (呢個真係好好味!!!!) ;太極冬菇;安格斯霜降牛丸三重芝士鮮製蝦丸;黑松露蟹子海鮮軍艦;黑松露蟹肉餃;黑松露芝士豚肉餃;三重芝士鮮製墨丸。3) 夜市火鍋拼盤就咁...除非你好想食滷味，唔係的話...個人覺得應該叫套餐就要晒手工火鍋拼盤。起碼手工拼盤有特色D!! 唔係周圍都食到。滷味???  留返去台灣食夜市先食啦 4) 手工響鈴及咸蛋黃魚皮打邊爐必食響鈴，可惜唔係特別鬆脆。咸蛋黃魚皮亦如是。中規中矩無乜特別。overall 優: - 300 蚊鬆D都算係咁，用料都唔錯- 拼盤必食- 服務幾好，經常主動清理枱面唔要的野- 座位闊坐得舒服劣:- 手工響鈴及咸蛋黃魚皮 (對上一次食質素好D架...)- 滷味係就係台式，不過賣相和味道都唔係好吸引- 洗手間行出來條路好油好滑，各位小心哦…查看更多

其實呢間101我都唔係第一次食~不過見真係推介過俾咁多位朋友仔之後個個都會讚好, 所以忍唔住上黎呢度同大家推介下一行10人,預早左兩個禮拜Whatsapp佢地訂位, 可能因為係禮拜六啦, 所以8點都已經full哂,要等到9點先有得卜同埋留意返,好似人數係6位或以上要先俾訂金留枱,可能驚有人放飛機啦...都可以理解既去到餐廳等左5分鐘就可以上樓開餐啦餐廳環境都幾舒適寬落,唔會坐到人逼人,冷氣亦都好夠, 所以我次次同朋友黎食都會坐到人地收工咁滯由於人數多既關係,可以叫兩款拼盤!之前次次都係食101特選手工火鍋拚盤, 今次除左叫呢個之阱仲試埋台灣夜市拼盤!湯底就叫左紅燒牛肉同三杯雞!!佢地個前菜麻辣蓮藕真係唔可以睇少....夠辣夠惹味....次次黎都會一個人食佢三四碟101手工拼盤入面樣樣野都好好好好食! 次次黎食都唔厭! 特別係佢個黑松露芝士豚肉餃同芝士蝦丸!! 本身都好鐘意食黑松露同芝士, 個餃真係滿足哂我兩個要求! 仲有芝士蝦丸真係堅彈牙同新鮮!仲有滿滿既芝士餡!真係食完想再食!不過可惜佢份量係按人頭計,每款得一件食仲有佢地個超級巨大既響鈴同炸魚皮都係一絕....新鮮無油益味!!!另外個夜市火鍋拼盤佢就全部野都係滷水既~都滷得好入味!特別係牛肚, 好入味好淋, 幾驚佢個牛肚會un到好似食橡膠咁朋友有食豬耳同大腸個啲, 佢地都話好正, 值得一試!鍋底方面, 三杯雞都好香辣惹味, 入面有勁多雞件,舊舊都好多肉好滑!! 仲有d豆卜係入面一齊滾, 其實淨係識佢d拼盤同火鍋料都夠哂飽....紅燒牛肉都係10級推介!!! 牛肉好淋無筋, 正到好似食九記牛腩咁....但今次叫果個辣度好似勁左少少....搞到我邊食邊出汗...另外任食個啲火鍋配料都係大路貨, 特別值得一提係個8吋長蟹柳!!真係堅長, 出面真係未試過~飲品都有好多款俾你揀, 絕對唔係出邊個啲可樂雪碧咁簡單, 而係一系列既果茶同珍珠系列!!! 全部大大杯!!係101開餐次次都飽到喉嚨頂既狀態走人, 奉勸各位去食之前一定一定要留肚!…查看更多

喺尖沙咀附近做嘢，之前喺呢間晚市打過邊爐，覺得唔錯，見到有午市邊爐，就入去試下。可以自選湯底、麵底、三款配料同埋送一杯飲品。我叫左個台灣麻辣湯、台灣拉麵、牛肉、菜同蕃茄、配柑桔檸檬，呢個價錢黎講，唔錯！…查看更多

身為一個打邊爐的狂迷，真係日日打邊爐都無問題架，無論咩朋友約我食飯，只要我可以話事，我都一定會簡打邊爐！！而今日終於都輪到呢間台式火鍋：101手工涮涮鍋喇！一去到帶位姐姐問搭唔搭枱？下，打邊爐都有得搭枱？🤔但礙於太肚餓同想見識下打邊爐可以點搭枱嘅關係，我地接受左呢個提議，上到去原來係一個大房，十二人大枱，有兩個電子爐，除左我同朋友，另外加埋一家三口就一齊share左間咁大嘅私家房喇！仲私家到連想叫待應都叫唔到架。野食無想像中咁好，湯底簡左三杯雞卜卜蜆，三杯雞味就無咩，不過蜆都幾新鮮。唯獨係安格斯霜降牛丸有啲印象，覺得牛味幾濃之外，其餘全部配料都是係普通野，如果以價錢同質素黎講就真係唔係咁抵喇…查看更多

第一次行入呢間餐廳 就感覺環境好舒服 座位非常寬敞舒適 👍但冷氣都比較大 記得帶定件外套🧥愈早去愈着數 因為佢係任食冇限時！呢個係重點！朋友相聚一流！可以慢慢食慢慢傾👍感覺非常正！首先講吓個前菜 最正係個麻辣手撕雞！佢個手撕雞係好好食 所以不停叫完再叫😋 因為好滑好好食其次就要揀咗個set 先 揀咗個冬瓜卜卜蜆海鮮鍋都好多蜆而佢個手工拼盤 樣樣都好新鮮！好好食😋個手工炸響鈴 同鹹蛋黃炸魚皮 都好正！所以整體都非常滿意😍飲品都好高質！覺得一定要去試吓😆…查看更多

生左B之後已經好耐無出街食晚飯，已經成為大鄉里一個。經老友介紹黎呢間打邊聚餐，嘗試新嘅打邊爐體驗，果真非常驚喜。前菜有手撕雞任食，非常開胃。大大杯台式飲品都係任點任飲，呢杯特濃朱古力珍珠真係非常濃郁，好飲。 見揀一個鍋底，冬瓜卜卜蜆肉海鮮鍋，非常澎湃，超多蜆肉，下面仲有大大個冬瓜，淨係食呢個鍋底已經好夠。湯底又夠味，蜆肉大大粒又鮮甜，非常好食。 揀左兩客台灣夜市拼盤，用黎打邊爐真係新創意。材料包括雞翼、豬耳、大腸、鵝腸等，本身已經好夠味，再係湯度煮一煮更加好味。 再揀多兩客係101特選手工火鍋拼盆，有招牌墨魚汁烏結、各式肉丸、餃子、黑松露蟹子海鮮軍艦等。幾隻招牌名物都相當有特色，又好味，打邊爐黎講，配料真係非常獨特。 豬頸肉 牛頸脊肥牛片，非常腍身，牛味濃，正。 響鈴，咸蛋黃魚片，非常香口，咸蛋黃味道好出。 埋單平日晚無限時$318。火鍋配料任加，飲品任飲，而且味道係好味。真係多得老友介紹，開發左一個新熱點。可惜星期六日有限時，無咁盡興，但都希望再黎。Bookmark一個先。…查看更多

一人火鍋其實好似食車仔麵😂但食過翻尋味 一定要食芝士竹輪沙叻牛同雞肉都好好味好滑🤣仲要份量多$48 午市火鍋真係平靚正 吃到飽才走 因為麵很多另外午市包一枝飲品 其實可以話係一扎好大枝 味道又不錯 幾解渴…查看更多

今晚同朋友食火鍋，試左個set, 有驚喜。響鈴同炸魚皮都係佢地自家製，味道好香好特別，雖然毒，但都要食。牛肉都好新鮮，大舊，如果能夠比多d就更好喇。其他d自家製火鍋食品都抵讚。…查看更多

高質火鍋之前去高銅鑼灣分店食，印象好好，今次試尖沙咀分店，同樣無失望！首先有唔同湯底你可以選，個個湯底都真材實材，唔似出面只得湯或者水比你！而高質少少既食材肥牛、豬頸肉、豬肉片、海鮮無得無限食豬肉片肥牛👍🏻👍🏻👍🏻🤤豬頸肉，真係唔好放最遲先食，好飽！手工拼盆，有手打芝士肉，超足料餃子，全部啖啖肉，所以好飽☺️海鮮另加$30/位，都新鮮，唔差！放心佢預個份量絕對夠食同KO左你個胃，普通野好肉菜、粟米等等有得無限追加，不過應該已夠飽到食唔落😩.有盆栽奶茶、可樂沙冰等無限任飲👍🏻👍🏻👍🏻.消費：$308/位，海鮮手工啤再另加錢！推介👍🏻👍🏻👍🏻👍🏻（5👍🏻滿分）.*P.S.銅鑼灣個景會靚D.…查看更多