是日活動在三門仔看海看岩石，可是乾糧帶不夠，早餐又食不飽，中途已經爆餓又腳軟軟，玩了幾小時後便快快趣乘小巴回大埔，下車後又快快趣找吃，一見到間餐廳就衝去看，正好是賣台式食物，加上無動力去找其他啦，見到你就是你啦﹗(肚餓...)估不到下午三點幾鐘依舊爆場都飛起，除了要等位，連卡位也要和別人搭坐。看到這張選擇多達50款的下午茶餐牌，一時之間都不知食飯好還是食麵好﹗(選擇困難開動)跟餐飲也有點不同，檸蜜﹑蜂蜜水﹑茉莉綠茶﹑檸檬綠茶，飲熱的話是不用加錢呢﹗還可以多加5元追加吐司 / 蒜蓉多士。看中了B款自選茶餐，即是粉麵加小食，好抵食呢﹗我選擇蠔皇冬菇拉麵，加醬汁豬扒；友人選擇香煎鴨胸公仔麵，加香煎雞扒。由於和搭抬的食客同時間點餐，所以食物來到時也出現小混亂，因為友人和對方都有點雞扒及公仔麵，問店員她說"我去跟跟張單"最終無影，以免食錯，我們唯有等餐齊到才敢開動。碗麵份量不多，我看到別人吃的大碗麵不知是什麼餐款呢﹖拉麵原來是油麵，湯底也有不少油，食起來油上加油，冬菇有三小件，煮得夠入味。煎豬扒很大塊，不過醬汁的名詞我一度以為是有台式肉臊跟上，原來只是個名而已。豬扒煎得很金黃，肉質鬆化，啖啖肉，因為邊邊位只有少少肥膏。骨位絕對是我最愛，啜到無味才肯放過它﹗兩杯凍茉莉綠茶，少冰都有半杯冰，味道和大快活的凍綠茶同出一轍，由於較甜，著店員拿兩杯水，混一混又飲得落了。發現到此店的下午茶餐時間在星期一至五竟然去到六點半，以下午茶價錢吃晚飯，哇~這時代實在算是很經濟了﹗…Read More
今次試了這裡的新款食物，雖然別的地方常有供應鐵板，但這裡就剛開始才提供
由於媽媽和我也不太餓，我們兩人分享一份雜扒鐵板餐($63)，爸爸則點了西冷牛扒鐵板餐($68)先送來兩碗南瓜湯南瓜湯只有色而並沒有太重南瓜味，而且味道偏鹹，一般般~跟餐的蒜蓉包即烤的，非常香脆，很正啊!雜扒鐵板配蒜蓉汁但侍應倒下汁時，鐵板已冷卻，沒有造成 "滋滋聲"，失卻吃鐵板的精髓:(半條法蘭克福腸，味道一般，而豬扒同雞扒就不錯，都算軟淋，當然不少得鬆肉粉的功勞LA~由於跟了白飯，二人共享真是很足夠了~爸爸的西冷牛扒鐵板餐我也試了一小件，牛肉是用調味製過的，又用鬆肉粉整到很淋，相比雜扒餐來得差，加上配薯菜，只有幾條過淋的薯角，真是配白飯好過:(餐飲為熱檸蜜，不用加錢，可以滋潤一下乾涸的喉嚨，都算一個好的結尾~
叫左葱油雞飯+菜+蘋果汁 $43好多雞又好多飯，但餓鬼上身的我全都掃光，我是很少浪費食物的~ 嘻嘻~雞肉好滑，而且份量超多，再加碟白菜仔，不失為健康的晚餐呢~排骨菜飯+蘋果汁 ($36)等了又等，都未見排骨菜飯嚟，點知一催，就30秒即到~點知mama咬了一口，feel到凍的，仲有d肉是粉紅色的，oh my god，原來未熟透的~即刻話比個待應知，再炸過~再炸過的見到好多煙的，而且顏色明顯轉啡，好味得多了，不過就太多油了~
下午茶種類繁多，今次叫了蔥油雞肉燥飯配熱檸蜜 ($35)本以為下午茶的份量會較少，但原來與晚市套餐一樣，但價錢平得多~晚市套餐一碟雞+白飯+飲品，沒記錯要$43，若改肉燥更要加$3那樣說下午茶平了$11，對於現在物價滕貴，若果可以我就會以下午茶代替晚飯了~說回蔥油雞，炸過的乾蔥加汁很好送飯，令人胃口大開，而雞肉也很滑，連我不太愛吃雞的人，也覺得很好味~而且份量驚人，相信男仕也夠飽~跟餐的熱檸蜜也夠熱夠甜，而且不用加錢，這店對比茶餐廳也算便宜了
今次真係幫你唔到.終於俾返啱, 冬菇炆得幾腍, 豆腐亦炸得幾香口, 招牌肉燥就油咗啲啲, 奶茶味道好削.食完之後, 兩公婆覺得最要彈的係啲白飯好乾好硬, 聽聞白米價錢好貴, 一般食肆都用越南米溝泰國米, 煮出嚟冇咁軟熟,米硬咪焗耐啲囉, 老細, 要諗諗計至得㗎. 
小食 - 鹽酥雞翼男友話剛擺低嗰時夠熱, 幾好味, 我食嗰陣凍左, 就覺得硬同乾, 仲用左好多粉黎炸, 總括黎講我地都係覺得只屬超級普通貨色.....餐飲 - 凍奶茶 (少奶少甜)雖然叫左少奶少甜, 不過杯奶茶真係唔錯, 唔會好甜亦唔太重奶味, 仲保留倒啲茶香醬燒雞扒金菇米線, 大麻辣 $33我第一啖就試個湯, 點知啲湯完全唔夠熱..... 啲米線發到好大條, 起初仲以為會好淋, 心大心細試左啖, 又爽口喎, O 咀.....醬燒雞扒啲醬唔見左... 啲湯完全冇味.... 我明明叫大辣, 但係啲麻辣醬得嗰少少之餘, 冇辣味亦冇味....好求其囉.... 我只係知道擺左一PAT野入口.... >_< 比起譚X 或者雲南X林食(又名雲X香)嘅中辣米線, 呢度嘅麻辣簡直叫"唔辣"囉.... 連男友都話"冇味嘅"........睇住碗發到咁粗嘅米線都算啦, 諗住唔好嘥野, 點知越食越唔對路, 原來成碗米線除左發到大晒, 仲係碎晒嘅, 有冇咁黎普‼! 超級核突!!! 
