Lung Fung Canteen

放膽入去冇輸喺荃灣水尾呢邊，再過就冇得食。有實力嘅生意人就會揀龍頭龍尾。呢間可以配得上係「龍鳳大酒家平民極速食堂」。應有盡有實有一款啱你。今天趕時間，進去吃嘅快感 「咖哩雞髀煎蛋飯」。一定冇鑊，實食冇黐牙。以食堂嚟講。呢度算係乾淨企理，靜靜地大家做自己嘢，可以專心食嘢、碌吓機、沉澱一下。喺工廠區真係一個清泉。一入到嚟坐低，老闆娘就即刻送2碗老火例湯比我飲， 青紅蘿蔔蓮藕豬骨湯，好大碗，又足料。飲落好舒服，好溫馨。好似人間有愛咁。個咖哩係港式，自己打，剛好掛羹、有淡淡的椰香。一睇就知。雞髀炸到外脆內軟，保留到肉汁。…Read More

龍鳳冰室 （荃灣）今日要同同事去附近拎貨，所以就早d去附近餐廳買外賣返去office。同事介紹呢間餐廳，估唔咁多人嚟食下午茶，見佢下午茶嘅選擇都好多種類，有炒粉麵，咖哩等餐廳除下午茶餐外亦都有好多選擇，芝士系列、咖哩系列好吸引，我哋分別點咗以下幾款食物，份量超多。迷你鹹魚雞粒炒飯炒飯好有鑊氣，粒粒分明，配料十足，鹹魚、大大粒雞粒同生菜絲等等，食落味道豐富，而且份量好多，好味道迷你咖哩豬扒飯夠晒邪惡但又非常惹味，豬扒有成4，5件大大塊，食落唔鞋口，外皮略有炸過夠晒香，加上咖哩非常夠香香料味十足，非常好餸飯迷你乾炒牛河炒牛河好有鑊氣，河粉分明，配料十足，大大塊牛肉等等，食落好夠味道，份量畀一般餐廳下午餐大，好味道總算食返餐滿足嘅下午茶再開工。奶茶茶香好飲，奶茶都唔係間間餐廳好飲，必飲！…Read More

好耐冇嚟南豐紗廠做嘢啦，最近有好多展覽同埋市集喺呢度，過嚟幫手之餘都要喺度搵吓啲地道正野！ 呢間印象中之前都幫襯過，記得好抵食，份量好大份，今次一於介紹埋俾同事再幫襯😆兩個人叫咗個下午茶，個魚柳真係好大塊，足足有兩個手掌咁大塊，我覺得兩個人share 都好飽！ 另外再叫咗呢個肥牛芝士撈公仔麵，個芝士汁真係好邪惡，好好味，肥牛鋪晒喺面，攞埋公仔麵真係一流！ 再配埋香港正宗。熱奶茶，元氣滿滿😍😍😍咁好食又抵食，下次再嚟幫襯過😆…Read More

今日要同同事去附近拎貨，所以就早d去附近餐廳買外賣返去office。同事介紹呢間餐廳，估唔咁多人嚟食下午茶，見佢下午茶嘅選擇都好多種類，有炒粉麵，咖哩等餐廳除下午茶餐外亦都有好多選擇，芝士系列、咖哩系列好吸引，我哋分別點咗以下幾款食物，份量超多。迷你鹹魚雞粒炒飯炒飯好有鑊氣，粒粒分明，配料十足，鹹魚、大大粒雞粒同生菜絲等等，食落味道豐富，而且份量好多，好味道迷你咖哩豬扒飯夠晒邪惡但又非常惹味，豬扒有成4，5件大大塊，食落唔鞋口，外皮略有炸過夠晒香，加上咖哩非常夠香香料味十足，非常好餸飯迷你乾炒牛河炒牛河好有鑊氣，河粉分明，配料十足，大大塊牛肉等等，食落好夠味道，份量畀一般餐廳下午餐大，好味道總算食返餐滿足嘅下午茶再開工。奶茶茶香好飲，奶茶都唔係間間餐廳好飲，必飲！…Read More

早兩天，我要加班諗住買定外賣，我17:30左右打電話叫外賣剛我主任叫我，食堂接咗電話大約一兩秒已經駕我（X街打嚟唔出聲），你可以唔接電話唔做生意，但唔需要駡人，條街得你一間可以叫外賣！…Read More

今天把車送去車房維修，每次來沙咀道都會去附近間茶餐廳食飯，位於工廠大厦地下雖然不太起眼，但餐廳裡面地方大坐位多，而且乾淨。我們一坐低，店員已奉上例湯，青紅蘿蔔豬骨湯，老火湯湯底濃郁，紅蘿蔔的甜味和豬骨融在一起，不錯。來茶餐廳點少得乾炒牛河，上桌時香氣四溢，牛肉鮮嫩，河粉炒得恰到好處，整體口感滑順，很有鑊氣。嫩滑牛肉大大塊芝士燴龍脷腩飯，龍脷腩炸得外脆、肉質鮮嫩，芝士醬濃郁而不膩，配飯吃每一口都濃厚的芝士味。這間飯堂, 芝士真是必食. 乾炒牛河飲檸檬茶可以中和油膩，絕配。紅豆冰，紅豆很腍到茶餐廳必飲。總的來說，這次用餐的經驗超出我的預期。這間工廠食堂的食物雖簡單卻美味，下次有機會會再來試試其他菜式！…Read More

網上面見到好多人都推介呢一間茶記，今日難得入到嚟荃灣做嘢，一於試一試呢間😁又估唔到好有驚喜喎，我自己就係一個芝士控，見到芝士撈公仔麵，一定必點，食物嚟到，嘩嘩聲，勁多芝士鋪晒喺面，芝士味超香超濃烈，上面仲有火腿，撈埋一齊真係好好味！再配埋燒魂奶茶，真係將工作嘅壓力全部帶走晒！ 同事就揀咗菠蘿包配紅豆冰，都係好有驚喜喎！個菠蘿包好大個，見到超足料，菠蘿脆脆喺晒面，熱辣辣真係幾好味，再配埋地道紅豆冰，簡直係完美嘅配搭！ 今次試呢間新嘢幾有驚喜，同埋見到佢晚飯都有好多唔同嘅選擇，下次一於再試試先😁…Read More

要選香港最代表性嘅菜式，一定係茶記，首選係就梗係菠蘿包配熱奶茶啦！ 食過咁多間嘅菠蘿包，呢間菠蘿包真係好大件，又抵食，好足料！ 面頭嘅脆脆仲係熱㗎，有圖有真相，真係好大份，大過杯熱奶茶😆再配埋靈魂嘅熱奶茶，完全係令成個下午茶叉晒電，100%能量注入😆😆😆另外我哋仲叫咗個炸魚柳，係足足兩大塊，每塊都大過我隻手掌，再配埋沙律醬，超惹味！ 呢間茶記幾高質，食物大大件，夠晒抵食！仲要係啲嘢食真係熱辣辣嘅，菠蘿包拎上手仲要係熱辣辣，質素有保證！ …Read More

附近唔算選擇多，呢間餐廳地點好就腳方便，內部環境清潔企理，空間不算小，坐位亦坐得舒服。中午時間都幾旺場，幾乎坐滿人。自己食過咁多次，最鍾意就係呢個 ： 肥牛芝士撈公仔麵 這道超級邪惡芝士撈公仔麵搭配了嫩滑的肥牛，口感豐富而且相當足料，麵底亦煮得剛剛好，不會過生或者煮過頭，卷動餐具一口把公仔麵芝士和肥牛塞入口中，足夠為下午注入滿滿的動力，可以再食多幾次。瑞士汁雞翼：一份有三隻。瑞士汁是甜甜地的，雞翼亦煮得恰到好處，好滑內外都非常美味。…Read More

餐廳環境十分之大，雖然位於工廈地下，但乾淨程度一啲都唔差，野食種類又多選擇，例如有煲仔飯、小菜類、扒餐類、每日精選套餐等等，大多都within $60左右，一個字抵👍待應嘅招呼都好周到，上菜又快，未嗌野食前對餐廳印象都唔錯～食埋野更加覺得好值得再黎幫襯！椒鹽豬扒飯$55呢個碟頭飯真係好加分，椒鹽豬扒超惹味，外層香脆，軟熟多汁！配埋濃郁香滑熱奶茶簡直一流呀👍👍芝士燴牛肉飯 $56芝士控一定要黎試下，係餐廳少少帶西式嘅選擇黎。要一讚嘅係熱辣辣嘅芝士做到拉絲效果，牛肉煮得軟腍同肉汁多，好開胃呢！下次黎開荃灣呢頭都會再黎食，想試埋d煲仔飯！…Read More

lunchtime同同事黎呢間冰室試下，堂食其實都幾多人下，仲有啲人排隊買外賣。呢間冰室喺呢區都數一數二性價比高又係地舖，好方便，難怪咁多人幫襯嘅今日揀左豉椒排骨炒麵同熱奶茶，友人就話減肥所以揀左我平時3點3先落單嘅菠蘿包配紅豆冰😂😂重點要講下我個炒麵，除左好大份之外，啲炒麵真正好夠鑊香味！食得炒麵就預左一定係有少少油，但就係要咁先夠正宗港式同夠香夠好味架嘛🤩豉椒排骨啲肉都算多，汁都多，食落唔會有碎骨，同炒麵好夾😋至於菠蘿包我就成日食架喇，不嬲都出名皮脆包軟架喇，做早餐同下午茶我都買過黎食。熱奶茶同紅豆冰都好正宗，兩杯都好飲～😋…Read More

琴日我去咗「龍鳳冰室」食嘢, 份量大件夾抵食，餐廳懷舊裝修首先嘅係生炸雞髀,一啖咬落去,外皮酥脆得嚟又唔會太油膩,裡面嘅雞肉就嫩滑多汁，配埋個外皮嘅脆口感,簡直係絕配避風塘豬扒炒公仔麵,豬扒炸到金黃酥脆,切開嚟入面仲係粉紅色嘅,咬落去香嫩多汁,啲肉質夠韌度又唔會太乾身。最正係避風塘炒蒜蓉同埋辣椒,香辣惹味,麻麻辣辣,香到周圍都係香味!公仔麵就炒得啱啱好,夠彈牙又吸足晒啲醬汁吉列魚柳包,呢個嘢真係意想不到嘅驚喜!個魚柳炸到金黃香脆,外皮酥脆得嚟又唔會太油,魚肉就嫩滑鮮甜,一啖咬落去魚香四溢。再加埋啲沙律醬,酸甜開胃,平衡晒成個口味。佢哋啲嘢唔單止賣相靚,味道仲要好好味。佢哋啲嘢食份量十足,價錢又唔貴,真係好抵食…Read More

去開荃灣南豐紗廠附近，唔係好想食Cafe，想搵啲性價比高嘅餐廳，醒起上次食過嘅呢間龍鳳食堂。今次一個人就叫咗一份甜豉油滑蛋蝦仁飯，同埋叫咗一碟馬拉盞炒時菜，今日嘅時菜係菜心。份量方面，好足料同埋會飽肚，飯嘅份量充足，每一啖都有滑蛋或者蝦仁，甜豉油份量掌握得啱啱好，唔會太重口味。雞蛋香味濃郁，口感都算嫩滑。馬拉盞炒時菜亦都好惹味，菜心都幾新鮮。個人覺得口味幾啱，唔太重口味，算係健康之選。整睇覺得呢間味道口味都幾高質，同埋最緊要係個性價比。…Read More

剛好在附近工廈取貨，去荃新天地途中見到有間龍鳳食堂，3點3當然要食個下午茶啦🥳一個人食左兩個下午茶餐都不過份😂本身諗住食多個芝士撈麵，原來星期六收4點，打消左食多餐的衝動😂西多士 $32西多士，外脆內軟，香甜可口。焦黃的吐司搭配牛油和糖漿，加埋麵包裡的花生醬，口感豐富，又邪惡。生炸雞肶配炸薯角或雜果沙律 $43生炸雞肶，外皮酥脆，肉質鮮嫩多汁。香料味濃，搭配特製醬料更添風味，口感層次豐富，讓人一口接一口。小編簡了雜果沙律，有紅蘿蔔、薯仔、青瓜。另+$8 紅豆鴛鴦融合了濃郁的紅豆香與咖啡的苦香，口感滑順。甜中帶點微苦，層次分明。餐牌如下…Read More

行行下街，經過呢間冰室，就入去坐低抖下，嘆個下午茶。我通常都會點菠蘿包、西多士、炸雞髀、蛋撻呢類型嘅小食，唔會太滯嘛。菠蘿包：今次一於試下佢哋出品嘅菠蘿包，睇下有冇料到先。菠蘿包正常size，熱辣辣，菠蘿皮酥化，麵包鬆軟，新鮮出爐嘅麵包香味，真係特別難以抗拒。吉列魚柳：啱啱見到隔離枱叫咗個炸魚柳，啱啱炸起，色澤金黃，好吸引。兩塊炸魚，新鮮炸起卜卜脆，魚塊雖然唔係特別大片，但勝在炸粉唔厚，咬落去入面都幾juicy喎！我最鍾意點埋個沙律醬一齊食。紅豆冰：食完炸嘢，都有啲口渴。想飲杯甜嘢，嗌咗杯紅豆冰。呢一杯有接近半杯紅豆，紅豆都沉咗係底，飲嘅時候撈一撈，味道啱啱好，又唔會太甜，好滿足嘅下午茶！…Read More