Lung Fung Chickenspot

最鍾意榴槤雞煲+papa又鍾意飲啤酒+唱生日歌好友氣氛，屋企人鍾意，呢一兩年有屋企人生日都keep住會嚟～菠蘿雞煲又好正， 最鍾意佢成日做優惠，非常好，成個氛圍非常好，食物又好味，老人家又鍾意懷舊特色～老少咸宜🥰…Read More

秘製黃蜆惹味雞煲（268hkd）瓦煲煮雞煲好有feel，冇諗過只係叫咗半隻雞份量都咁多，雞件厚肉，調味出色，勁惹味，不會死鹹，蜆都好大隻，隻隻開口，好新鮮龍鳳呈祥牛肉拼盤(細) （388hkd）賣相超有食慾，細拼盤已經應有盡有，手切牛、牛舌、肥牛、牛胸爽、肥牛、牛板腱、骰子牛等熱門部位齊聚一堂，牛肉普遍都好有牛味，而且肥嘅脂肪位唔算太多，冇咁油膩，牛腱嘅跟腱位食落牛香又咬口，手切牛好厚，油花均勻，食落勁軟熟龍鳳呈祥雜菜拼盤 （138hkd）多款蔬菜都好齊全，放在舊港式嘅壺好有趣，蘿蔔仲特登切成心形，好有心思💕蕃茄都已經切成一片一片串起，方便進食即製咖喱黑豚肉餃（6隻）（88hkd）咖喱味好香濃，我諗配清湯都好食，入面有芹菜，好爽，芹菜控必衝蜂巢冰豆腐（48hkd）吸湯必備，每次遇到好湯底都一定要配豆腐大大粒珍寶蟹棒（58hkd）好長一條，食落冇咩粉感，一絲絲蟹柳🦀自家製陳年鹹檸七（38hkd）好夠鹹，真係用咗陳年鹹柑桔，中和咗七喜嘅甜味，降火解熱氣一流☄️…Read More

餐廳係會以人頭收取醬料費用，一人26蚊，唔知可唔可以唔要，而主打的雞煲已經好好味，仲越煮越濃烈，所以真係唔太需要用到醬料～食完頸渴左成晚～食品係滿意的，見其他枱既肉類都好靚仔，小食好好味，飲品有d做緊優惠，如果有多d特色酒品配個雞煲火鍋會更正，服務都好有禮貌，有少少甩碌尚可接受～當晚入座率都有一半以上，背景音樂好懷舊，但音響實在太大聲，大家講野又越來越大聲，咁食到後半都幾累～大家記得check單，始終忙中都會有錯～…Read More

龍鳳呈祥位於尖沙咀，成間舖有好多懷舊裝飾，感覺好有舊香港風味，影相打卡一流。龍鳳呈祥雙雞煲，入面有田雞同三黃雞半隻，雞肉超嫩滑，田雞又彈牙，煲底湯汁香濃，入味得嚟唔會太鹹，好惹味。龍鳳呈祥牛肉拼盤牛肉切得厚薄適中，牛柳粒肉味香濃，牛胸爽爽口，牛肉輕輕一燙就啱食，口感軟腍，鍾意牛肉一定滿足。鴨血口感滑溜冇腥味，吸晒湯底精華，食落去好入味。鬼馬滑雙試咗兩款都好彈牙，新鮮手打，質感好有驚喜。雜菜拼盤配料豐富有唔同蔬菜，吸晒湯汁，食落去好清新，平衡返。飲品方面推介自家製陳年鹹檸酸酸鹹鹹，個杯幾有懷舊風味，飲落去好解膩。…Read More

今日同事話想打邊爐，諗起呢間主打懷舊風既雞煲火鍋店龍鳳呈祥，決定入去試吓招牌無骨鳳翼釀雞煲（細） $298呢個雞煲醬汁濃郁，味道勁香，釀雞翼超高質啖啖肉，口感勁好龍鳳呈祥牛肉拼盤 $388牛肉拼盤大大份，牛頸脊等勁夠牛味，款式又多，牛粒夠juicy龍鳳呈祥雜菜拼盤 $138雜菜拼盤超大盤，有菇，蕃茄，蘿蔔，生菜，娃娃菜等手打蟹籽鮮蝦丸 $88蝦丸手打大大粒，爽口彈牙手打韮菜豚肉餃 $62豚肉餃好鮮味juicy,大大隻好飽滿爆漿芝士腸 $38芝士腸爆漿好好食，個皮好脆自家製陳年咸檸七 轉可樂咸檸好濃郁，夠哂解渴…Read More

懷舊嘅地方同物品真係好少有啦，基本上已經被淘汰🥲，呢間可以做到咁多細緻位！由門口、裝修 到座位嘅每一樣物品都做到舊式餐廳！勁多打卡位，啲嘢食又有水準😍！1️⃣ 火焰原隻鳳梨雞煲（半隻雞） 原隻鳳梨上，擺得好靚，影相打卡好開心！🤣 仲有專人整個火焰🔥，呢個雞煲剔咗bb辣，初頭有啲驚好辣🤡，但食落係少少辣，好惹味🤤🤤，半隻雞都好多，多肉少骨，雞肉無雪藏味，雞肉嫩滑夠惹味香濃！配菜都係精粹🤭，洋蔥，芫荽，菠蘿索晒啲汁好好食😋😋。真·出色的雞煲🐥2️⃣ 龍鳳呈祥牛肉拼盤(細) （牛舌片、手切牛肉、牛胸尖、和牛金錢展、牛肉粒、雪花肥牛）食完雞煲就可以叫職員加湯打邊爐❣️牛肉拼盤有好多款，唔洗只食到一款，但又嗌唔到咗多款，完全滿足晒牛肉控、肉質新鮮好嫩，牛脂好香，有牛味！3️⃣ 西班牙黑毛豬 黑毛豬好大塊！好有心機擺好🤣，脂肪好平均，打邊爐索晒啲汁，好味🤤！4️⃣ 龍鳳呈祥雜菜拼盤 / 山水滑豆腐 打邊爐必點蔬菜，雜菜拼盤滿足晒，每款有啲：粟米、生菜、白蘿蔔、金菇、雲耳、淮山，再單點豆腐！我平時樣樣都想點，但因為太多食唔晒，呢個就非常好！6️⃣ 自家製鹹檸七 好耐無飲過鹹檸七 ，襯打邊爐飲返杯，好爽又解膩😄！仲襯咗個懷舊杯🤣…Read More

今日朋友介紹，食咗加拿芬道「龍鳳呈祥」火鍋雞煲，果然名不虛傳！餐廳位置方便，上到2樓環境寬敞，裝修非常有特色，以舊式酒樓佈置，好過癮。雞煲係必點之選！一上枱香氣撲鼻，醬汁濃郁得黎唔會過鹹，雞肉嫩滑入味，仲有微微辣勁刺激味蕾，份量十足！食完雞煲再加湯打邊爐，推薦鮮切肥牛同手打蝦滑，吸盡湯底精華，超正！服務態度友善，上菜速度快，價錢合理，人均$200-$300就食到好滿足。如果嚟尖沙咀想食雞煲，呢度絕對係高性價比之選！會再encore～👍…Read More

位於寶勒巷的「龍鳳呈祥」，門面已經非常搶眼～紅燈籠、霓虹燈招牌、龍鳳雕刻同復古鐵閘，充滿舊香港風情！室內空間寬敞，座位舒適，牆上仲有啲搞怪語句同懷舊海報，好適合一班朋友聚餐打卡，氣氛熱鬧又輕鬆！龍鳳呈祥雙雞煲小辣湯底用20種香料每日鮮炒🌶️加入重慶花椒+貴州燈籠椒+郫縣豆瓣😋湯汁濃稠掛肉越煮越香不死咸😋田雞 + 三黃雞嫩滑，田雞鮮甜，小辣香濃唔嗆喉😜
配料牛肉拼盤😍牛味濃😎質素對得住價錢，牛頸脊➕牛板腱➕安格斯肥牛🐄 油脂勻稱 淥8秒就食得
🦐手打鮮蝦丸爽脆彈牙😍每粒都食到完整蝦肉顆粒😋脆鯇腩片😋取用魚腩最肥美部位及魚片😊厚度切得剛好久煮不柴😍魚皮膠質豐富好爽彈😊雜菜拼盤有爽脆黑木耳及新鮮蓮藕 、日本金針菇 、本地娃娃菜 、蕃茄薯仔🥔及淮山🥰飲品陳年咸檸七 🍋醃制咸檸檬七喜氣泡足夠😍唔會過甜😍咸檸檬戳爛更出味解辣一流😜…Read More

📍 龍鳳呈祥｛尖沙咀｝ 呢一間係用咗傳統70、80年代嘅設計，連啲碗碟都係用公雞，真係好有懷舊嘅氣氛 ，場內仲有懷舊嘅電話亭等等，仲有聯婚🤭🤭突然之間有個新諗法，如果將來結婚都真係可以包場，着旗袍喺呢個場景入邊打卡，都真係好特別嘅一個婚禮🩷🩷🩷都已經嚟第二次，最欣賞嘅係佢哋嘅雞煲醬汁，自家調製，中辣都已經夠晒辣，而且醬汁好入味，就算打邊爐落咗雞湯，味道仍然存在，根本上連打邊爐嘅醬料都唔需要另外添加😍✨ 招牌無骨鳳翼釀雞煲平時啲雞都係食開有骨，今次就試吓無骨，無骨嘅雞肉更加嫩滑入邊仲會夾住切咗細粒嘅蔬菜粒，更加入味同埋平衡，有菜有肉，咁就啱晒啲小朋友唔會淨係食肉唔食菜🥬雞肉質地嫩滑同時有咬口！雞件本身已經輕輕炸過，鎖住左肉汁！其實我好欣賞依間店舖嘅醬汁，成個煲最豐富嘅就係佢哋嘅醬汁就算落咗湯打邊爐，仍然香濃，再搭配自家秘制的醬汁，辣中帶甜，層次豐富！✨ 龍鳳呈祥牛肉拼盤他們的牛肉拼盤都犯精心選擇的細切牛肉口感嫩滑，入口即化，牛既每個部位都有齊，雖然只係細嘅盤，但仍然都好豐富🩵✨ 龍鳳呈祥雜菜拼盤雜菜拼盤色彩繽紛，新鮮的時蔬和多種蔬菜組合在一起🥬仲有心形嘅蘿蔔，超級有心思🩷✨ Hoegaarden 每次打邊爐，必須要飲嘅啤酒🍻✨ 手工韮菜豬肉餃餃子皮薄饀料足，韭菜香濃，菜肉比例剛好，餡料好飽滿🥟✨ 炸象牙角蝦春卷一咬入去就已經係好爽嘅蝦肉，啖啖蝦肉🦐一客十條，夠晒食！✨ 香濃椰汁紫米露糖水份量足料，椰漿落得好多，超濃郁，混合後嘅椰香味太濃郁～紫米非常慷慨，每一啖都會食到，有嚼勁～食完一整碗，好食到唔會有罪惡感🤭…Read More

同朋友去咗呢間火鍋店試吓，主打雞煲同火鍋兩食，地點就腳，裝修幾有氣派，位置夠大啱晒聚會😆😉 招牌無骨鳳翼釀雞煲（$168）🐔🔥 雞翼拆骨釀入秘製餡料，咬落啖啖肉又juicy,仲有d 蘿蔔/西芹粒有口感，雞煲醬汁濃郁帶少甜，食過返尋味！ 龍鳳呈祥牛肉拼盤（細）（$228）🐮🥩 有齊唔同部位，仲有少見既牛舌，油脂分布靚，輕輕淥幾秒就食得，牛味突出又唔韌，細份都夠三四個人分享😋 龍鳳呈祥[豐盛]雜菜拼盤（$98）🥬🌽 款式多到嚇親，有粟米、蘿蔔、蓮藕、蕃茄、金菇、木耳、娃娃菜，打邊爐必備清新之選！ 龍鳳呈祥手打鮮蝦丸（6粒）（$88）🦐✨ 真係即打口感，彈牙到好似乒乓波咁！仲食到粒粒蝦肉，鮮味十足～ 白鱔片（$108）🐟🔥 切到薄薄哋，淥十零秒就捲起，魚皮爽脆肉質嫩滑，冇骨啖啖肉超正！ 自家製陳年鹹檸七（$38）🍋🥤 鹹檸醃到夠晒年份，撈勻七喜之後酸甜解膩，打邊爐飲一流！ Hoegaarden（500ml）（$48）🍺 冰凍啤酒泡沫綿密，麥香清新，同濃味雞煲意外地夾，乾杯！🍻 總括來講食材新鮮湯底惹味，服務幾周到，大滿足喔～😍👏 📍 龍鳳呈祥火鍋雞煲 (尖沙咀)尖沙咀加拿芬道16號金輝大廈2樓#香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkfoodie #hkfoodies #foodblogger #berryfoodie #berry尖沙咀 #龍鳳呈祥 #打邊爐 #雞煲 #雞煲火鍋 #火鍋 #hotpot #hotpothk #火鍋晚市…Read More

尖沙嘴雞煲火鍋行懷舊港式風 眼見都有唔少遊客一齊食，試左火焰原隻鳳梨雞煲($288) 一上檯就見到原個菠蘿 點完火之後有職員黎拎走鳳梨皮🔥 然後原來裡面就有滿滿的菠蘿肉 再撈埋啲雞煲醬同雞肉 可能因為我地走左辣 所以整體食落去比較甜身🍍 食完雞肉就可以加湯打邊爐 建議叫牛肉拼盤($388/細) 有好多款牛肉一次過試晒🐮 鬼馬滑雙拼($128)包含蝦滑同墨魚滑🦑 另外蜂巢冰豆腐($48)同炸支竹($38)都好配雞煲醬打邊爐 超級惹味！最後值得一提佢哋竟然有藍妹、Stella同Hoegaarden生啤 買四送一超抵呀🍺…Read More

TST 龍鳳呈祥 打邊爐雞煲最近光顧了位於尖沙咀的龍鳳呈祥打邊爐，整體體驗還算不錯。這裡的環境簡單舒適，用咗70/80年代嘅裝修風格，適合與朋友聚餐。我們點了雞煲，湯底味道不錯，雞肉也挺鮮嫩。配料方面，新鮮的蔬菜和海鮮增添了不少口感。特別是他們的自製醬料，味道調配得當，讓整體風味更佳。另外，手工魚丸，手打蝦滑，和生蠔也值得一試，口感都很不錯。總之，龍鳳呈祥的打邊爐適合想要輕鬆聚餐的人，值得再來。☺️☺️…Read More

好耐都冇係尖沙咀食過咁正既雞煲啦！裝修仲要勁有特色，係七八十年代既電視劇風格😂雞煲選擇好多，今次就揀左日本廣島蠔雞煲，蠔肉好大隻，仲有勁多件！雞超入味又嫩滑，好正！另外我覺得龍鳳呈祥牛肉拼盤都係必點，呢個細size既拼盤份量已經好多，有齊牛舌片、牛肉粒、手切牛肉、雪花肥牛、牛胸尖、牛頸脊，牛肉肉質超靚，款款都好好食仲叫左d其他配菜，即炸響鈴、濃汁牛丸、生菜娃娃菜、稻庭烏冬，全部都同個湯底好夾🥹btw佢既鹹檸7杯勁得意…Read More

本身好鍾意食雞煲，今次嚟到尖沙咀鬧市一間專食雞煲嘅餐廳。一入到去餐廳已經俾個裝修吸引係一個復古嘅香港風。播放緊嘅都係80年代經典廣東流行曲。一坐低選擇雞煲會有選擇困難症，因為超過10幾個唔同款式嘅雞煲，最後揀咗火焰鳳梨雞煲。一上枱係成個菠蘿喺個鋪中間，服務員將個蓋打開，之後點火，好有儀式感。個雞煲酸酸甜甜好開胃，另外叫咗個牛肉拼盤配搭埋雞煲嘅醬汁好入味。蔬菜拼盤都有好多唔同材料，包括心型蘿蔔蕃茄粟米同佢唔同種類嘅菜。最後我哋叫多個卜卜蜆，放落雞煲一齊煮，超級鮮甜。…Read More

話同老朋友敘舊，當然要去懷舊啲嘅地方！ 位於尖沙咀金輝大廈的「龍鳳呈祥」，以70-80年代港式懷舊主題打造，從霓虹燈牌、乒乓波枱到龍鳳婚宴舞台，處處是打卡位。餐點更將復古情懷融入創意料理，以下招牌菜體驗令人難忘： 1. 招牌無骨鳳翼釀雞煲雞煲為餐廳靈魂，無骨雞翼釀製手法獨特，雞翼去骨後飽吸秘製醬汁，肉質嫩滑帶微辣焦香。醬汁以沙嗲為基底，混入花椒、八角與港式五香粉，層次豐富不死鹹，揭蓋瞬間香氣撲鼻。食畢後加豬骨湯打邊爐，一鍋兩食超值！ 2. 龍鳳呈祥牛肉拼盤（細）牛肉控必點！拼盤集齊6款部位：牛舌片爽脆、手切雪花牛油香濃郁、牛胸尖爽而不膩，而牛金錢展牛味最突出。每款肉質新鮮，輕涮3-5秒吸滿雞煲醬精華，口感與鮮度兼備。 3. 龍鳳呈祥雜菜拼盤擺盤匠心獨運，蘿蔔雕成心形，搭配油麥菜、娃娃菜、黑木耳等時蔬，宛如藝術品。蔬菜清甜多汁，尤其粟米無渣爽脆，吸附雞湯後鮮味倍增。 4. 懷舊小食與飲品-自家製陳年鹹檸七：以復古刷牙膠杯盛載，鹹檸檬醃至軟腍，搭配七喜氣泡十足，酸甜冰涼解膩，重現舊式士多風味。 - 即炸響鈴：鬆化香脆，輕涮湯汁後外軟內酥，吸湯力滿分。 - 手打墨魚丸（芫荽版）：墨魚丸彈牙爽口，手打工藝紮實，芫荽份量澎湃，香氣鮮明而不搶戲。 總結 人均消費約$300-$400，雞煲醬汁惹味、食材質素高，懷舊氛圍中聽著梅艷芳經典金曲，彷彿穿越時光。推薦三五知己聚餐，感受港式火鍋的創意與情懷！…Read More