Lung Fung Chickenspot

一入去已經好似返回70、80年代的感覺。連招牌都用霓虹燈做成，牆上貼滿好多70-80年代嘅舊poster、電話、唱片。仲有以前喺酒樓會見到嘅結婚龍鳳雕像。要熱水時，餐廳都會使用70-80年代的熱水壺。現場更大播70-80年代的懷舊香港經典歌曲。現在有客人生日，更會播福壽歌同比個壽字你幫你去中式背景到影相。西班牙黑毛豬：播歌脂肪分布靚到像大理石紋，淥10秒即刻撈起，入口即化仲帶住果木香。同普通豬肉完全唔同層次，個肉汁甜到漏，點少少豉油已經夠晒吊味。必食推薦！無骨風翼釀雞煲：廚師手工了得！雞翼拆骨釀入西芹紅蘿蔔蝦膠，咬落「索索聲」又彈牙。食完熱辣辣嘅雞煲再放湯就可以打邊爐。龍鳳呈祥雜菜拼盤：擺盤精緻到唔捨得淥！有生菜、油麥菜，娃娃菜，蓮藕、白蘿蔔、蕃茄、粟米、金菇及雲耳。全部蔬菜都非常新鮮最下面綠色蔬菜竟然塞到成個盤都滿晒，非常足料龍鳳呈祥牛肉拼盤：一次過試勻本地手切牛肉，顶级雪花牛肉，南非和牛金錢𦟌，牛舌片，骰子牛肉粒，牛胸尖共6款。牛味濃到像在草原奔跑，淥耐啲都唔韌，抵讚！自家製陳年鹹檸七：打邊爐絕配！鹹檸檬醃到黑過墨汁，一啜落去鹹、酸、甜完美平衡，仲有陣陳皮香。夠氣夠冰，解膩一流，飲完成個胃順返晒！最緊要係小時候嘅味道。…Read More

懷舊老香港火鍋店，淨係個門面都已經覺得返左去70,80年代，入到去餐廳仲更加feel到個陣口舊香港風，播住D舊歌加埋個氣氛同裝修簡直就以為穿越左返左幾十年前咁期間限定 - 秘製榴槤雞煲 $268雞煲可以自選多醬少醬同辣度，半隻雞嘅雞件都唔少，揀左榴槤雞煲真係有兩大舊榴槤撈埋落個雞煲到。辣度揀左少辣容易接受到，個榴槤同辣味都好濃香，見到有唔少香料同辣椒唔怪知愈滾愈香食雞煲食到咁上下加埋個湯入去打邊爐，個湯底都唔會因為加左湯而變得太淡。龍鳳呈祥牛肉拼盤(細) $388牛肉拼盤一大盤有6個唔同部位嘅牛肉幾抵食，雪花感都夠多，肉香得黎幾有油香，正的！龍鳳呈祥豐盛雜菜拼盤 $138用左個好靚嘅杯裝D蔬菜，個份量非常多。芋絲 $32另外無叫粉麵，反而叫左芋絲，吸到湯之餘食落又爽彈D柚子蜜涼拌白玉苦瓜 $48就咁食好好食，白苦瓜加埋柚子蜜又幾香，一D都唔苦仲要有陣陣柚子甜味椒鹽鱔骨 $108起左肉一舊舊炸得夠脆，個鱔肉好彈牙好鮮同埋椒鹽個味夠多好好食自家製陳年鹹檸七 $38個杯幾搞笑，用左以前D紅色膠水杯幾有特色，一大粒鹹柑桔加埋D可樂幾好飲。…Read More

就咁聽餐廳名已經覺得好有氣氛，位於尖沙咀嘅龍鳳呈祥雞煲火鍋專門店。豐富嘅室內設計，每個角落都花盡心思，有老香港特色情懷。招牌無骨鳳翼釀雞煲非常創新嘅雞煲，味道濃淡適中，唔會愈食愈口渴，花椒八角洋蔥芫茜樣樣嘅香氣都好配合，最好重點係用去骨墨魚滑釀雞翼去代替普通雞件，就最啱啖啖內嘅人去食，雞油同底料味完全滲入墨魚滑。真係好好食。龍鳳呈祥牛肉拼盤一個大包圍嘅組合，多個部位都可以食到，各個部位都有唔同肉味同口感，整體來講都係高質嘅牛肉，食落唔會有雪味同埋肉質係靚嘅。兩個人食份量亦都算抵食。龍鳳呈祥手打鮮蝦丸（6粒）蝦丸口感夠哂彈牙，味道方面海鮮味相對之前嘅墨魚滑更加濃，所以食落嘅感覺完全唔同。牛骨濃汁牛丸（6粒）超級爆汁嘅牛丸，食嘅時候真係要小心熱，牛丸夠彈牙之餘，濃汁個陣牛油脂味又可以俾到滑嘅口感。魚皮餃（6粒）個人最愛，火鍋必食。size 夠大粒好滿足。龍鳳呈祥雜菜拼盤賣相極打卡嘅蔬菜籃，好有老香港嘅風格。嘅材料又塞到滿一滿真係夠晒抵食。自家製陳年鹹檸七清熱順喉，鹹酸甜嘅味道消滯解油膩之餘，又有夠哂解渴。…Read More

最近同朋友想搵個地方食火鍋，仲要係有特色既地方！上網見到好多人提到「龍鳳呈祥雞煲火鍋」，話係復古風設計，滿滿七八十年代既懷舊feel，仲有秘製榴槤雞煲，作為一個榴槤控，點忍得住吾去試？😋 餐廳由裝修到餐具都係濃濃既復古風，牆上有老香港既霓虹燈招牌，播住懷舊廣東歌，仲有個婚禮舞台，隨手一影就係社交平台打卡點，氣氛岩晒我胃口！.秘製榴槤雞煲 半隻 $268主角登場！秘製榴槤雞煲真心係今晚既亮點！半隻雞煲份量多到誇張，砂煲入面有腐竹、洋蔥、芫荽、辣椒，滿滿既雞煲醬裹住雞肉，香到不得了！😍 上面仲放左成堆榴槤肉，店員會幫手將榴槤同雞煲撈勻，再煮一陣，入口係濃濃既雞香同微微既榴槤果香，辣辣地又好夾，估吾到兩種味道咁合拍！食完雞煲仲可以加高湯打邊爐，簡直係一鍋兩食，抵到爆！🔥.龍鳳呈祥牛肉拼盤細 $388牛肉控有福啦！拼盤有牛舌片、牛肉粒、雪花肥牛、手切牛肉、牛胸尖同牛頸脊，每款都新鮮到飛起！😋 牛舌片爽脆、雪花肥牛入口即化，手切牛肉同牛頸脊咬落好有嚼勁，沾點雞煲湯汁一齊食，簡直係人間美味！份量都好足，2人share都夠晒滿足.手工韭菜豬肉餃 $62作為餃子控，點會吾試下手韭菜豬肉餃？即叫即包，餃皮薄到透光，入面滿滿既韭菜同豬肉，肉眼見到綠油油既韭菜好新鮮！😍 豬肉肥瘦岩岩好，咬落汁水豐富，味道濃而不膩，真心推介比餃子迷，食完一個想再食十個！🥟.醬爆芝士腸 $38一碟有16條，份量多到傻眼！😳 芝士腸外脆內軟，芝士爆漿感一流！.香脆厚切午餐肉 $68切得厚身，煎到外層香脆，內裡仲保持軟嫩口感，單食已經好正，浸落火鍋湯底食更加係另一種滋味！😋.龍鳳呈祥雜菜拼盤 $138雜菜拼盤真心有心思，擺盤靚到似藝術品！有油麥菜、生菜、金菇、娃娃菜、黑木耳同淮山，仲有蘿蔔同蕃茄砌成心型，影相一流！🥗 蔬菜新鮮爽脆，食落清甜又健康！.出前一丁 $28出前一丁用火鍋湯汁拌成撈麵，簡直係神來之筆！麵條吸滿湯汁既濃香，入口彈牙又夠味，每啖都係滿足感！😍 .自家製陳年鹹檸七/無糖可樂 $38味道真心濃郁，酸酸甜甜好解膩！仲有買三送一優惠，幾抵！無糖可樂清爽，配火鍋岩岩好，飲完真係舒服到飛起！🥤…Read More

我完全冇諗過自家製陳年鹹檸七配小辣的日本廣島蠔雞煲係咁夾😋誠意推介大家嚟食佢嘅雞煲，真心正! 今次我同朋友就嚟到位於尖沙咀上樓嘅龍鳳呈祥餐廳，係一間主打70-80年代懷舊主題火鍋店(啱我80後)，仲可以一路食火鍋聽到好多七八十年代嘅音樂，例如張國榮、葉倩文、劉德華等經典歌曲，仲有好多打卡位，中間仲有個龍鳳好啱擺酒招待賓客。 皇牌雞煲有多款特色口味，如「秘製鹹蛋黃醬雞煲」、「招牌無骨鳳翼釀雞煲」及期間限定「秘製榴槤雞煲」等，由於我最鍾意食蠔，叫了日本廣島蠔雞煲(約4隻蠔）另加50蚊可多半隻雞)一個雞煲嘅分量已經足夠兩至三個人享用，味道啱啱好，又做到掛汁嘅效果。而雞煲嘅雞肉好滑溜，即使連胸肉都好好味😘😘 食火煱怎少得牛肉，雞煲食完之後再加返上湯去食火鍋，另一款係龍鳳呈祥牛肉拼盤(細) 有牛舌片、手切牛肉、牛胸尖、牛金錢展、牛肉粒、雪花肥牛等，當中嘅牛金錢展最為出色，重牛味! 而牛胸尖好油潤味濃，而四方牛肉粒煮過後都唔會鞋。 .身為芫茜紅嘅我，叫左手打海量芫荽墨魚丸，墨魚丸非常新鮮有彈牙，好重芫茜味!而豐盛雜菜拼盤，就好似一束鮮花噉，菜分量多，足夠多人享用。 ⭐飲品方面，必試「自家制陳年鹹檸七」 我認為陳年嘅分別就係，夠鹹! 夠鮮! 會上有氣雪碧，會令人飲上癮! 唔咳叫多罐汽水唔好嘥😂😂 …Read More

一入門口就好似時光倒流返去七八十年代老香港，門面已經夠晒懷舊味，入到去仲有霓虹燈、婚禮舞台、懷舊廣東歌，裝修同餐具都係復古風，真係影相打卡一流，氣氛滿分我地今次叫左以下幾款火鍋配料：🍲 清熟椰子雞湯鍋 湯底清甜，椰子香味自然滲出，唔會太膩，雞件滑溜又鮮甜，開波已經好有驚喜🥩 龍鳳呈祥牛肉拼盤一大盤有六款唔同部位牛肉，雪花分佈靚，肉香中帶油香，入口嫩滑，冇雪味，真係高質牛肉。兩個人食都夠晒份量，抵食🥬 龍鳳呈祥豐盛雜菜拼盤 用靚杯裝住蔬菜，視覺感滿分，份量多到可以分幾轉落鍋，啱晒鍾意食菜既朋友🧊 柚子蜜涼拌白玉苦瓜 白玉苦瓜配柚子蜜，清新又唔苦，仲有陣陣柚子香甜味，係火鍋前既完美前菜🧨 自家製即炸響鈴 炸得香脆，落鍋唔會即溶，吸晒湯底精華，口感一流，唔可以唔試🐙 花枝滑 花枝滑彈牙又鮮味，落鍋後唔會散，口感好實在，配椰子雞湯底一齊食，簡直係絕配唔止係打卡靚位，食物質素都好有驚喜，價錢合理，氣氛一流，啱晒一班朋友聚餐、影相、懷舊之旅。下次一定要試埋佢地招牌榴楗雞煲。…Read More

由步至餐廳門口已有種踏進時光隧道嘅錯覺～場景一秒回到往昔香港時空～由播放嘅經典歌曲音樂到裝潢設計都滲有濃烈懷舊情懷🙌🏻加上食物好有質素～尤其招牌雞煲～一定係食過番尋味之選！！.✨招牌無骨鳳翼釀雞煲 $298好耐無食過咁高質嘅雞煲💯其自家製汁料係靈魂重點👍🏻👍🏻極其惹味可口；啲無骨雞翼釀滿蔬菜等餡料更係要大讚🥰食落啖啖肉～又吸收滿汁料精華！總之～呢個雞煲必須要試試❤️.✨龍鳳呈祥牛肉拼盤(細) $388一次過滿足哂牛魔王嘅胃口🤩🤩有齊✨金錢展、✨牛頸脊、✨牛舌、✨雪花肥牛、牛肉粒粒、✨牛胸爽🐂🐂個人最鍾意牛頸脊嘅香濃牛味及其軟嫩口感！！.✨脆鯇魚片 $98新鮮又有營養😊魚片切得厚薄得宜～焯一陣就食得！.✨火炙芝心丸 $62一咬爆發湧出濃厚芝味～真係令人越食越上癮😝😝.✨蓮藕片 $43粉糯度同爽口度相互配合～唔錯唔錯🫰🏻.✨龍鳳呈祥雜菜拼盤 $138造型設計好加分🤗🤗以懷舊風鐵壺盛載滿滿蔬食🌽🥬🍅🍄‍🟫當中蕃茄片及白蘿蔔片已串起尤見心思！多款蔬菜均鮮甜美味！！.✨自家製陳年鹹檸七 $38連個杯都係懷舊復古造型😆😆鹹檸清熱解膩功效一流！同透心涼七喜絕配！！✨生啤(500ml) $88冰凍爽滑口感🍺爽呀！！.✨加一服務費✨醬料費 …Read More

📽️繼熊妹同魷魚妹上次食過《香香宮煮》，發現同棟大廈有主打雞煲的《龍鳳呈祥火鍋雞煲》，一個個雞煲做哂生招牌非常吸睛，今次就約定好來探店一下。📌裝修設計係非常特別，以懷舊風為主題，有好多6、70年代香港的裝飾、汽水機、鳥籠、霓虹光管燈飾等等，可以認識一下昔日香港餐廳的面貌，完全感受到裝潢方面落重本的心思💕！係非常有特色的一間主題火鍋店！秘製鹹蛋黃醬雞煲，$268雞煲好大一盤，可以話3-4人份量。加入了很多洋蔥🧅、紫洋蔥、芫荽🌿做香料，一上枱真係芬香撲鼻👃🏻。選了鹹蛋黃醬，都預左邪惡👹，确實好邪惡，鹹蛋黃醬多到鋪滿面頭，撈勻入雞煲入面，啖啖沙沙的口感就係鹹蛋黃的精華，食食下仲有大大粒蛋黃，絕對係邪惡到極點☠️。BB辣的雞件辣味剛剛好，濃味醬汁入哂味，雞肉又嫩滑，成盤雞煲無量食材同調味都做得好出色👏🏻，龍鳳呈祥招牌雞煲果非浪得虛名，值得一試！龍鳳呈祥牛肉拼盤（細），$388打邊爐點會唔食牛？叫個牛肉拼盤咩都齊哂🤗。拼盤有牛舌片、手切牛肉、牛胸尖、和牛金錢展、牛肉粒及雪花肥牛，每款都有4-5件，其實一個細份量都夠3-4人食喇。牛肉烚兩烚，肉質粉嫩好軟淋，油脂分怖平均，點些醬油牛味出，份量咁多又多款式，拼盤係幾抵食。龍鳳呈祥丸餃拼盤，$118用上一隻竹船擺放了龍鳳呈祥手打鮮蝦丸、手打海量芫茜墨魚丸、芝心蛋蛋燒賣、即制經典沙嗲牛肉餃，每款各2粒，擺盤特別。手打鮮蝦丸确實夠彈牙，唔係雪藏貨；海量芫茜墨魚丸頗有驚喜，本身芫茜味重配合墨魚又幾夾，減低了不少芫茜的草青味，可以一試；芝士蛋蛋好似鵪鶉蛋的size，加係燒賣上，賣相吸睛；沙嗲牛肉餃味道特別，好濃味沙爹牛肉味，做水餃黎食前所未有。龍鳳呈祥雜菜拼盤，$138大大兜蔬菜拼盤用上懷舊印有「囍」字的鐵大杯，入面盛載著多款蔬菜，有粟米🌽、白蘿蔔、金菇🍄‍🟫、蓮藕、蕃茄片🍅、娃娃菜、油麥菜🥬，咁多蔬菜真係令到菜后心心眼😍。每款蔬菜都好新鮮，好翠綠又洗得好乾淨，咁乾淨真係食得好安心。份量咁大盤比起一般火鍋店确實優勝！水魷魚，$78水魷魚有魷魚身同魷魚鬚，烚熟後的魷魚卷起一卷夠爽口，爽脆程度係「咔咔」聲來形容！岩哂喜愛自己的魷魚妹😆。醬介，$26/位調味盤唔算太多調味料，有指天椒🌶️、蒜蓉🧄、蔥🎋同芫茜🌿， 不過熊妹不嬲只需要豉油加指天椒🌶️已經夠哂味😋。Hoegaarden（500ml)，$88Stella Artois （500ml），$88📌裝潢方面咁有心機，當然能夠突圍而出！晚餐時段人頭湧湧，一枱一枱客咁入黎，到全場爆滿！相信大家都是衝著惹味雞煲跟特色裝潢而來，想聚餐絕對建議訂定枱會比較隱陣！…Read More

之前食過龍鳳呈祥嘅榴槤雞煲勁正已經周圍介紹俾朋友 咁啱今次有朋友嚟香港玩指定要去"老香港"feel嘅餐廳打卡 即刻諗起呢間原來都幾多遊客嚟 有日本人 又有學緊用筷子嘅西方遊客 睇得出佢地勁鍾意 周圍打卡臨走仲喺門口俾個外國人叫我幫佢哋影單車相 問我係咪tian mimi 好搞笑 華語歌真係好出名雙雞煲（田雞&三黃雞）怕朋友唔食得辣 叫左bb辣度啱啱好 夠惹味揀左三黃雞拼田雞 朋友唔知咩係田雞大讚好嫩滑食完雞煲再加湯繼續打邊爐龍鳳呈祥牛肉拼盤叫左份細都夠4個人食 有唔同部位份量真係好多手切牛肉比較厚身 肉味好濃 連牛胸尖都有手工冬菇馬蹄豬肉餃肉嘅比例啱啱好 加左馬蹄同冬菇 口感好清爽 花枝滑鮮味十足又夠彈牙 龍鳳呈祥雜菜拼盤用勁懷舊嘅盆裝到滿有晒造型陳年鹹檸七用原個鹹檸檬特別夠味 朋友一試愛上…Read More

搵左尖沙咀雞煲火鍋好耐，最尾決定左要呢間叫左雞煲先惹味秘製黃蜆辣雞煲真係好入味，啲雞係滑既同堆蜆都比得多，上圖分量半隻雞三個女仔食都夠。食完就開始打邊爐叫左手切本地牛肉，好厚，食落去好鮮仲有一定要叫既響鈴同埋凍豆腐吸晒啲汁仲有蘿蔔，蓮藕呢啲打邊爐都好正叫左豬頸肉但就好似唔係好夾個雞煲加完湯打邊爐都好濃味最味好想加個麵黎食但真係太飽食唔落仲要openrice book 21:15之後，有送啤酒同海鮮拼盤…Read More

呢間咁有香港八九十年代裝修風格嘅火鍋店，位置好隱蔽，係一間樓上舖，經過朋友介紹終於去試到。佢有好多款雞煲揀，最後同朋友兩個人揀咗菠蘿雞煲，入邊有半隻雞，仲有得揀辣度，其實食完雞已經好飽，不過當然唔可以浪費個濃味嘅湯汁，最後加湯打邊爐，唔少得當然有牛肉拼盤，細份已經足夠兩個人食，性價比都幾高，另外仲嗌咗珊瑚蚌同埋一個signature嘅拼盤， 十分打卡Able。雞煲個湯底食完一嚿食一嚿，停唔到口，打邊爐方便啲食物質素都好高質同埋好特別，拼盤入邊有個沙嗲牛肉餃子，都係好有香港特色。…Read More

一年四季都想去打邊爐嘅香港人點可以未試過呢間雞煲？懷舊金曲、用具、擺設、成個情懷返晒嚟成餐飯、成個飲食體驗都好得意帶朋友去食飯打卡一流，內外兼備揀咗個雙雞煲～食得辣嘅話可以大膽挑戰辣度小辣已經夠晒惹火過癮田雞嫩滑比想像中仲好食必點陳年鹹檸七用個漱口膠杯飲，別有一番風味菊花蜜記得大力倒用過呢種茶煲嘅人就知倒出嚟嗰份肯定同做人一樣😆龍鳳呈祥牛肉拼盤、雜菜拼盤選擇豐富，一定啱心水份量十足，夠四個人食呢一切都好有心思感覺到啲哥仔好有心做第二次幫襯依然係冇退步誠意推介大家有機會慶生過節去支持吓如果鍾意飲啤酒嘅更加不能錯過😆…Read More

俾我搵到尖沙咀一間環境超正嘅雞煲，一上到去氣氛勁好，聽住好多香港廣東歌，勁chill仲有超多唔同款式雞煲，樣樣都勁特別好想試🥢原隻鳳梨火焰雞煲原個新鮮鳳梨挖空，加入滿滿雞件，上枱後店員即席點火，好有睇頭!!雞肉吸收鳳梨的果香與鮮甜，肉質軟嫩多汁，帶有微微果酸🥢自家製即炸響鈴外表金黃酥脆，炸得乾爽不油膩，每一件都好大條，可以掛滿湯汁🥢龍鳳呈祥雜菜拼盤超級大份!! 蔬菜種類豐富，有粟米、生菜、菇、蘿蔔、蕃茄，樣樣都好新鮮，好有心思將蘿蔔切成心形串起，超方便食用🥢龍鳳呈祥牛肉拼盤(細) 頂級雪花牛肉、南非和牛金錢𦟌、牛舌片、手切牛肉、牛肉拼盤精選多款高級牛肉，每片牛肉均切得薄厚均勻，紋理分明。頂級雪花牛肉油花細緻，入口即化，肉香濃郁🥢即製咖哩黑豚肉餃即叫即包，外皮晶瑩剔透，厚薄適中，肉質細嫩多汁，咖哩味濃郁但不搶味🥢自家製鹹檸七-轉可樂好大粒鹹檸檬，可自選汽水，既解膩又消暑…Read More

三個女friend揀咗去龍鳳呈祥雞煲火鍋🍲聚餐，成晚我哋三個坐低就開始講嘢，笑到喊又嘈到爆，氣氛算唔錯，坐得都幾舒服，可以慢慢食慢慢傾。主角當然係佢哋嘅沙嗲雞煲，個湯底味道濃郁，帶少少辣香😋。另外沙嗲牛肉餃🥟都唔錯，餡料幾實在，口感唔會流於廉價，幾有誠意。員工服務態度幾好，有問有答，仲識做得嚟，請咗我哋飲一公升啤酒🍺，真心覺得加分👏。埋單大概一千九百幾，價錢屬於中上💰，但計埋食物質素同埋服務都算合理，可以接受。成晚成個經驗幾愉快，啱晒一班friend聚舊傾計。…Read More

今次同朋友一齊來尖沙咀食一間70至80年代香港懷舊主題為賣點的火鍋店叫龍鳳呈祥，環境滿載復古情懷，加上霓虹燈、廣東金曲，位置寬敞，非常適合三五知己聚會雙雞煲🐔(田鷄或三黃鷄)香氣十足，雞肉嫩滑，醬汁勁惹味，辣度可以調較，好醒胃, 田鷄肉質鮮嫩彈牙，油脂少, 三黃鷄皮薄肉嫩、油香豐富😋龍鳳呈祥牛肉拼盤🐮細牛肉拼盤（細）份量足夠，牛肉拼盤包括多款牛肉部位，如牛舌、牛頸脊、手切雪花牛等，肉質鮮嫩無雪味，牛味滿分，牛舌片爽脆彈牙，每款牛肉都新鮮入味，牛味香濃😚南非M7和牛肩胛里肌🥩油花分布均勻，肉質鮮嫩，入口滑順且牛香濃郁雜菜拼盤🥬配搭豐富，打火鍋好平衡，唔會過於油膩特飲自家製陳年鹹檸七 🍺配火鍋超搭…Read More