Jumping Dragon Seafood Restaurant

勁好食👍👍，大部分餸菜都有特色。菜乾豬肺湯，炸子雞要預早訂。冰鎮咕嚕肉，最喜愛的小炒王😋😋生炒糯米飯，焗魚腸。仲有個上湯焗龍蝦伊麵，食到舐舐脷😝😝簡直冇得輸…Read More

同屋人共六個人來食團年飯，七時左右入座點菜，點左8個餸好意頭，當食完第七個餸之後，就開始追第八個餸，待應A回覆來緊，之後就一直等，直至等到九點幾左右，待應A回覆豆苗沒曬，待應B跟住話有菜心，之後就轉啦，過左一陣待應B又話菜心岩岩比人叫左，沒曬，之後就開始火滾，由落單開始直至9點，起碼個半鐘以上沒貨唔出聲，之後再轉話有菜心，點知再等再話沒，都算，之後我話叫個再高級d來解釋一下，侍應C出現話沒曬，得生菜，仲要唔要，唔要廚房就收工，我話要投訴，佢回覆話呢度沒人話事，直接比左老闆電話我，我打比老闆，老闆了解完事件話交比當值經理X先生處理，之後個位待應C話經理好忙係廚房唔得閒，屋企人話算數生菜照食，因為沒可能做冬食七，點知轉個頭幾分鐘，個侍應C又話生菜都沒，我心諗你玩野吖，一次兩次三次:(最後佢話仲有白莱，谷住氣食完就走，呢間鋪真係沒下次，仲有記得唔好坐樓上，因為原來樓上係係隔離大廈上一樓，d餸送上來都凍左一半，待應B同個位待應C服務態度差X經理直至十點走人都沒出來😤…Read More

冰鎮咕嚕肉是招牌菜，另外叫左蟹膏蒸飯（可能稍貴，但物有所值）全部都足料味濃，待應熱情有禮，最後附送的甜品薑汁燉奶有驚喜。唯一需注意的是繁忙時間上菜需時，而且事先訂位訂菜比較好。…Read More

朋友介紹，食過一次太好食所以要再去食。第二次 keep到水準所以去食第三次，現在是常客了。我根本唔會寫食評，但係真心覺得好食， 覺得麻煩都寫一次必食推介小炒王，鼓油皇鵝腸，焗魚腸 …Read More

約咗班朋友食飯，咁啱其中兩公婆住附近，問佢哋幫襯過未，佢哋話成日行過都唔知食乜，未幫襯過喎，咁就一班人一齊試吓啦。第 2 次就同中學朋友嚟食飯，訂咗杏汁豬肺湯，叫化雞，炆班翅，個湯淨係湯渣都一大碟，仲要係好食嘅，叫化雞好足料，炆班翅食到豐富嘅骨膠原 🤣🤣🤣第 3 次同返第 1 次班朋友再 encore, 今次就有備而來，訂咗杏汁豬肺湯，太爺雞同一條星班，個湯仍然咁好味，太爺雞好香煙燻味，條魚呢就大到嚇死人，焗魚腸都香口。第 4 次臨打風前，由於約咗好耐但天氣唔好唔知會唔會改期，於是就唔敢訂食物，去到侍應姐姐話有澳洲藍龍蝦，我哋就聽話叫咗上湯伊麵底，再加砵酒焗蠔，味菜鵝腸同金銀蛋炒菜，個龍蝦絕對無介紹錯，非常爽口，啲麵都入味，焗蠔中規中矩，鵝腸好大碟食唔晒。可以幫襯 4 次都未厭，可想而知呢間嘢幾好味呢 🤣🤣🤣😋😋😋…Read More

本身想去流浮山食海鮮, 不過朋友就話想食新鮮海鮮唔洗去到咁遠, 推介呢一間餐廳俾我哋試小炒王平時食開嘅小炒王可能多數係韭菜, 魷魚, 蝦乾等等其實呢度都有呢啲材料, 但係同我想像中有啲出入: 成疊嘢都炸嘅?😰本身唔鍾意食炸嘢嘅我諗住唔食㗎啦, 但係朋友不停叫我試吓所以試吓啦諗住禮貌上食少少, 但係點知食咗第一啖之後忍唔住再食🤣🤤雖然佢韭菜嘅份量相對較少, 但係佢多咗好多炸芋頭絲, 非常香口好好味☺️而且亦都有好多大條嘅蝦乾, 真係估唔到幾好食💛呢個真係不得了龍蝦伊麵✨🦞佢呢度嘅龍蝦伊麵勁多龍蝦, 啖啖肉, 正到爆🤤🤤🤤之後再嚟就係呢個非常新鮮+滑到痴線嘅炸子雞🐣大家睇到呢張相就知道咩事: 雞皮炸得乾身又香脆, 雞肉非常嫩滑 (因為係新鮮雞💓), 又係正到爆呢條魚上碟嘅時候大家都嘩咗一聲: 因為視覺上嘅效果好澎湃, 好大碟😂呢條魚好似叫做”忘不了”: 肉質彈牙, 又係啖啖肉, 食完一舊其實已經飽咗😀 都好食嘅不過之後食嘅嘢更加好食😆超足料嘅杏汁豬肺湯🐷我不嬲都好鍾意飲呢個湯, 因為平時屋企好少煲, 如果出街有得叫我都會想飲佢味道非常香濃, 因為加咗雞去煲, 所以面頭有一陣雞油(減肥聽日先算) 而且飲落有少少沙沙地, 原因就係佢落咗好多杏仁🤤 佢其實畢左一大兜湯渣出嚟, 入邊有好多豬肺/豬肉, 加埋落啲湯度一齊食, 滿足💛呢個又係我另一款鍾意嘅菜式: 胡椒蟹味道非常濃郁, 胡椒味非常重, 蟹肉新鮮, 冇得輸啦焗魚腸🐟🪱🐍又係我好鍾意食嘅一個家鄉小菜☺️其實基本上係蒸蛋, 加上好多魚腸, 魚腸一啲都唔腥, 我加埋胡椒蟹嗰啲胡椒一齊食, 正到爆😆食咗咁多肉, 食返啲菜la花甲魚湯浸白菜仔🥬魚湯幾清甜, 花甲雖然比較細隻, 但係鮮甜, 本身好鍾意食菜嘅我食咗好多☺️生炒臘味糯米飯🍚🥓🍳其實已經好飽, 亦都唔諗住食呢個飯(本身唔鍾意食臘味糯米飯)但係朋友又係叫我試一啖, 然後我食咗一大碗😃佢面頭有啲蛋絲, 肉鬆, 糯米飯炒得粒粒分明, 雖然配料簡單, 但係加埋真係好正最後食埋呢個甜品: 薑汁燉奶真係好滿足, 朋友真係冇介紹錯✨…Read More

☘️☘️这里是老字号，看招牌及裝修都可以猜到有好一段历史。沒有一定实力是不可能堅持这么多年。今晚是跟妈妈家人一起吃飯，大家都喜欢吃香口的东西，所以点的菜都以濃味香口為主😋椒鹽九肚魚」新鮮熱辣，椒鹽调味剛好，非常香龙门小炒王」夠鑊气，芋絲和銀魚炸得非常香脆。配搭韮菜花和菜餔，非常适合下酒！豉椒炒聖子王四隻」聖子很大一隻，肉爽鮮味脆皮炸大腸」这个稍為遜色一点，上桌時已经不太熱，炸得不夠脆，可能是放久了蝦多士」这个是必点的，做得非常好，酥脆松化且不会感觉油膩，配搭酸酸甜甜的水果沙律一流😋方魚炒芥蘭」芥蘭炒得火候剛剛好，顏色翠綠令你食慾大增黑醋一字骨」味道有点甜，但排骨肉質有咬勁生炒腊味糯米飯」这个感觉不是生炒的，飯有点太軟沒有生炒应该有的咬勁薑汁撞奶」这个甜品是送的，一般送糖水都是紅豆沙之類，以薑汁撞奶做飯後甜品是比較特別👍☘️☘️这里雖然坐的环境不是很好，但菜品絕对值得大家來试，性价比也不錯，我已经计划下次來要再試其他的菜了 😜…Read More

今日一家人到這間飯店食生日飯，我覺得值得介紹給大家。飯店地方不大，不過枱與枱之間用了很高的隔板分隔，所以感覺也很安心。食物方面真的不錯，份量很足，我們叫了冰鎮咕嚕肉丶鮮果窩貼大明蝦丶上湯花甲浸菜苗丶香芒雪糕蝦球、蝦籽柚皮、燒汁牛肋骨、脆米雞湯過橋石班丶叫化雞，還有值得一讚，就是送的甜品薑汁燉奶👍🏼，一點都不馬虎，全部菜式都很滿意，特別喜歡芒果雪糕蝦和脆米過橋魚湯，有特色又好味，而且也不是一般飯店有的菜式。服務方面都好好，很親切，服務質素當然不要和酒店比較😁，也不是那類型。總括來說，值得再去再去。…Read More

雖然限聚下我們這群人要分開幾桌， 但都無損雅興， 因為我們已經很久沒齊人了， 而這次真真正正13太保都到齊了。人多吃得特吃香， 因為可以毫無懸念地任點任吃！今次是其中一位朋友介紹的菜館， 主打海鮮菜式，我一如以往，坐定定等吃， 點菜這些粗活，都交給其他人。天氣熱，先開幾瓶啤酒解渴。我們還帶了兩支威士忌及兩支紅酒，配熱炒菜式一流。這夜我們共點了下列菜式：1. 椒鹽鮮魷2. 雞蛋焗魚腸3. 小炒王4. 沙律蝦多士5. 杏汁白肺湯6. 豉椒炒蟶子皇7. 冰川咕嚕肉8. 避風塘賴尿蝦9. 浸豆苗10. 蝦籽柚皮11. 椒鹽焗肉排12. 脆皮炸子雞13. 炸豬手14. 薑汁炒菜心15. 酸菜魚16. 生炒糯米飯17. 鹽焗奄仔蟹18. 薑汁燉鮮奶 （送）先來個小炒王加椒鹽鮮魷，下酒菜，必點。之後來個杏汁白肺湯，夠火喉， 湯味濃郁，香肺清理得很乾淨，很滑溜，一點異味都沒有，非常滋潤， 吃什麼熱氣菜式也不怕。雞蛋焗魚腸， 魚腸那股獨有香味很重， 雞蛋焗得不會過老。蝦多士必點， 炸得甘香鬆脆， 解蝦肥美大隻， 多士鬆脆不油膩。避風塘賴尿蝦， 是剝殼了的， 啖啖肉， 賴尿蝦好新鮮， 蝦肉彈牙，非常惹味， 送酒一流。豉椒蟶子炒得很鮮甜， 份量很足。唯一憾事是我們沒有預訂奄仔蟹， 所以想點時只剩兩隻， 要以猜媒的形式去贏這吃蟹的機會， 我就是大多數的輸家，聽說很鮮味。其他非海鮮菜式其實都不錯， 如冰川咕嚕肉、炸子雞、炸豬手等, 但除非你人數夠多， 要不是的話還是主力吃海鮮吧！胃還有空的話，試試生炒糯米飯，不會令你失望的。…Read More

星期日同老婆行完街街，一直由星光行行去漆咸道，諗嚟諗去唔知食乜好，最後係三角公廁附近見到呢間海鮮酒家，見到寫住$68有龍蝦食，二話不說入去試吓先。8點幾入到去見到得番兩枱客人，真係生意難做。兩位阿姐侍應服務態度好好，推介好多佢哋出名海鮮，我同老婆最後點了蒜蓉開邊蒸龍蝦每隻$68，只限每人一隻，另外點了避風塘賴尿蝦，下次如果食得辣啲會更嘢美。仲有雞燉翅個湯底好濃可惜咸咗啲，仲有一個啫啫芥蘭苗，不過啲芥蘭有啲老。其實咁樣食都要千四蚊埋單，唔係平但都係好食，呢間我係會再去食嘅餐廳👍🏼👍🏼…Read More

食過紅磡分店，今次黎尖沙咀分店，當然都係大排長龍， 但無阻我想入去既心情，今日黎食下午茶，下午茶都大量選擇，平時茶餐都係得果幾個選擇，呢度仲要a選一個，b選一個，太好了，滿足到我。 我叫左雞脾同薯蓉，姐姐都好貼心同我講要焗要等陣～ 雞脾好嫩滑，薯蓉都好足料！ …Read More

大學同學聚餐選擇了這裏尖嘴開餐。入到餐廳，門口那張13人臺就是我們的。上菜快， 各樣餸份量還可以，比較滋味有龍蝦和最後的甜品脆炸地瓜和榴槤酥，挺有驚喜，特別是中菜館吃到這樣的質素。最後埋單每人約220多元，因為我們少叫海鮮食物吧。…Read More

媽媽很喜歡吃長腳蟹，之前在油麻地明星食過1300的覺得幾好味，呢次佢係報紙見到龍門做緊特價$789有四斤，我查看完龍門金閣的食評又幾好就全家去試食孖寶$398係龍蝦伊麵和米通蘿卜絲蒸斑，龍蝦係急凍細龍蝦，加埋一條急凍斑，味道OK，$398對得起價錢，都抵食$252六隻豉椒炒聖子王，新鮮彈牙，好味！👍😋海鮮雜菜煲和生炒糯米飯都唔錯！😋但主角長腳蟹就出事啦😪😰發板叫餸後佢哋完全冇show過隻蟹俾我們看，但見到周圍幾枱都冇待應show蟹俾人睇，又見枱枱都叫長腳蟹就冇謂好小家的追問。隻清蒸長腳蟹上枱size真係好大但一食落口就知大鍋，蟹肉質地一定唔係新鮮游水的(有D霉)，然后叫來一位阿姐問你們的清蒸長腳蟹係游水的還是急凍的？阿姐答係“游水的” 其實我甘問唔係想追究d乜，因為報紙廣告$789的蟹冇話係新鮮游水，就如龍蝦伊麵嘅龍蝦可以係急凍，我當自己貪小便宜搞错就算，因為有D唔開心食到唔新鮮的蟹就醒起一件事，馬上檢查蟹蓋，一望仲傷心(嬲) 係油蟹😭😭其實長腳蟹有分油蟹(四釘)和鱈場蟹(六釘)而油蟹的價錢相較鱈場蟹約平10-30% 但外形與鱈場蟹極為相似，一般酒樓提供的都是鱈場蟹，起碼我食過幾間都是。我也怕廣告因籠統的稱長腳蟹而俾人搵笨，所以認真啲睇清楚報紙上面隻蟹係六隻釘的鱈場蟹先去訂位。你就算比油蟹都冇所謂，只要係新鮮我都收貨，但我真係唔明呢間酒家，凭心而論其他小菜都OK抵食，如果你做唔到呢個價錢($789四斤重長腳蟹)就唔好做特價，俾隻死左的油蟹呃人就唔好！如果唔叫長腳蟹($789) 上面的其他餸賣單只要$1060係抵食的，所以如果有人係爲了長腳蟹而去，你就要諗清楚博唔博的過，可能係我唔好彩食到隻唔新鮮的油蟹，因爲我覺得佢賣得廣告(見其他人食評又幾好)肯定唔會所有都係油蟹，可能一半半 油蟹溝鱈場蟹🙄🙄…Read More

家庭聚會基本上都係食中菜架啦，今次呢間原本我都有係 openrice bookmark，不過食完覺得普通啦⋯⋯ 好豪咁叫左個花雕蛋白蒸阿拉斯加蟹，花雕味太重，導致蛋白食落偏苦😰 蟹就好食既。咕嚕肉係冰凍版，係好食既，皮脆肉嫩，醫汁甜酸適中，只係唔係好慣凍食🙈最鍾意煎蝦米粉😍 我第一次食咁既米粉，就好似兩面黃咁煎得香脆，配埋個芡汁一流，蝦又夠彈牙，全晚至好食就係佢❤️ 小食既鵝腸同鵝片都不錯👌🏻杏汁豬肺湯都好飲😋 另外黃金苦瓜真係好苦，我唔識欣賞😅不過名物乞衣雞就失水準，好鞋🤦🏻‍♀️ 而齋菜都無咩特別，正常囉加上係一般舊式酒樓隔局，坐得有 d 逼之餘，個廁所真係唔敢去，所以總括黎講無下次🙅🏻‍♀️…Read More

之前有朋友推介去龍門食海鮮好抵，趁媽媽生日一於去試下一去到門口就見到長腳蟹特價，岩晒，我地都想試下佢既長腳蟹，但要預訂先有酒送啊 唔緊要，入去坐低再慢慢研究因為訂左位，完全唔駛等位就可以入座我地被安排坐喺滷水隔離，岩啦！我上次見朋友碟滷鵝肝好吸引，裝下先⋯⋯點知阿姐話呢幾日假期滷水師父休息，無緣試到啦⋯⋯一坐低啲阿姐就好熱情咁黎推介長腳蟹特價，跟住又拎隻澳州龍蝦黎話特價$880，眼見隻龍蝦真係好大隻，$880好抵呀！不過，阿姐們真係熱情左少少，我地由未齊人到齊人揀緊餸，應該都見左嗰隻龍蝦三四次 😅最尾決定叫一隻長腳蟹（雖然我地無預訂，阿姐照送左枝紅酒比我地啊）、黑醋一字骨、避風塘瀨尿蝦肉、群翅雞湯浸粗糧、脆皮炸豬手、蒜蓉開邊蝦蒸糯米飯首先上枱既係黑醋一字骨，啲汁令立立，好香醋味，份量足 急不及待夾一舊，酸酸甜甜好開胃，熱辣辣，肉質都好好，每舊都比汁包住晒，咬落仲有少少脆脆地，一流！再黎就避風塘瀨尿蝦，好多人怕食瀨尿蝦就係因為怕剝殻，呢味餸就岩晒啦！一上枱，又係聞到好香蒜味，真係忍唔住手要即刻夾！ 要起肉起得咁完整，真係非一般既功夫之後就黎個清清地既群翅雞湯浸粗糧，入面有群翅，番薯，淮山，雲耳，雞髀菇，絲瓜，翠肉瓜湯底鮮甜，啲菜同粗糧都好鮮 跟住就上長腳蟹啦 不過略嫌斬得細件左少少同埋可能斬到咁樣先去蒸，啲肉縮左好多不過蟹係新鮮既，膏亦都多，鮮甜味美！食蟹既中途，仲不停有阿姐幫我地換碟，有個瘦瘦戴眼鏡既阿姐態度一流！佢好斯文，好好笑容，好怕有啲一行埋黎就聲大大或者好似大媽咁，雖然大聲又唔代表佢無禮貌 岩岩開始拆蟹，蒜蓉開邊蝦蒸糯米飯就到，又係好香好香⋯⋯香到係忍唔住要掉低隻蟹食左個飯先糯米煙煙靭靭，完全無浸過籠/蒸過火，上乘最後就係脆皮炸豬手，呢度既價錢同出面比絕對唔平，要$188。不過媽媽話想食就叫啦！呢味餸而家好多餐廳都有，但有啲會唔夠脆，搞到啲皮好靭或者食落好肥。食左咁多味好餸，對個豬手我地都好期待！黎到果然無令我地失望，啲皮脆到好似薯片咁，仲要一啲肥膩感都無⋯⋯食到好滿足，最尾埋單，阿姐仲免左我地茶錢埋單$2044/6位，呢個地理位置+味道+用料，絕對抵食！最後，見好多食評都寫唔駛加一/茶芥/開瓶費等雜費，唔知係假期關係還是而家改左，我地呢餐飯係有收加一同小食錢。另外見好多人都有糖水送，我地當晚都係無既。拎門口啲菜單諗住睇下忘不了餐，可能就過年關係，啲菜單全部都只係斑類，無忘不了，價錢亦無睇之前啲食評咁平不過呢度都絕對係會encore既一間鋪，味道同份量真係一流，但如果海鮮類唔係特價的話，價錢就絕對唔係平。下次encore，要試下滷水同埋有機會要試下魚王忘不了 …Read More