Lung Mun Cafe (Closed)

上星期去觀塘返工，第一日唔知頭唔知路四周圍搵餐廳食，就見到依間門口裝修比一般茶餐廳好，於是就諗住入去嘆返個早餐，見唔太肚餓就叫個腿蛋治食下啦！點知腿蛋治黎到，火腿同蛋超薄，仲要$27，食完好似仲餓過未食 😑真心覺得有啲過份…Read More

話說我陪伴老豆，從西貢千里迢迢趕過來觀塘，再在「裕民坊」登上往「基督教聯合醫院」的專綫小巴。專綫小巴離開「裕民坊」後轉入「康寧道」，再右轉入熙來攘往的「物華街」。小巴沿着「物華街」向前前進期間，我無意中發現「物華街」有一間港式茶餐廳，餐廳的名稱叫做「龍門冰室」。「龍門冰室」大約有五至六間左右的分店，其中兩間位於屯門，其餘大多在九龍區區內，包括紅磡和觀塘。「龍門冰室」屬於環境設定比較寧靜，餐廳樓面內沒有任何電視機或者收音機等設備，所以不會產生新聞報道這些噪音，對食客構成滋擾，給食客頗有安全感。至於「龍門冰室」的地磚，則用上了比較有懷舊氣息的黑白地磚，就連卡座座位也是以黑白雙色為主調顏色，卡座上方設有一盞光燈，牆壁上掛着人像畫，「龍門冰室」營造出整間茶餐廳有黑白分明的格調和氣氛。就連位於餐廳中央位置，獨立安排的檯櫈，「龍門冰室」也沒有吝嗇金錢，一樣有為中央的檯櫈附上黑白雙色餐檯餐櫈，最後在「龍門冰室」廚房門口上方，掛了一個英文店名「Lung Mun Cafe」，象徵「龍門冰室」的裝飾。天花板的吊燈燈火不算太過猛烈，令到整間「龍門冰室」，燈光格調都不會太過燦爛奪目，又不會對食客產生不必要的壓力，食客像我就能安心用餐。「龍門冰室」跟坊間其他的冰室相比之下，「龍門冰室」無疑是比較缺少，可以放置在餐廳餐牌頭號招牌菜的食品，例如生炸雞髀、流心西多士、撈公仔麵等等的食品。相反地，我覺得「龍門冰室」餐牌裡面最引人入勝的地方，反而是有不止一頁份量，而是足足有兩頁，有大約七款的常餐類別食品。「龍門冰室」常餐當中，竟然還有「北海道3.6牛奶麥皮」。我滿心歡喜，以為自己終於有機會，在西貢以外地方的茶餐廳或冰室裡面，第一次吃到「牛奶麥皮」食品。須知道「北海道3.6牛奶麥皮」在大部分茶餐廳餐牌裡面，都會被設定為「早餐」類食品，一到午市以後就會停售。那麼「龍門冰室」你為什麼不把「北海道3.6牛奶麥皮」放在早餐，而將它將它放在「常餐」的位置呢？結果，現實正正就是這麽的殘酷，「北海道3.6牛奶麥皮」明明只是早餐類別的食品，卻偏偏要跟其他全日供應的茶餐廳食品，一同寄居於「龍門冰室」的常餐餐牌裡面。我在無奈加被迫的情況下，放棄「北海道3.6牛奶麥皮」，又要跟「龍門冰室」剩下的「常餐」，以及繼續跟自己的「選擇困難症」進行殘忍搏鬥。結果我選擇了「A4a」項目的「沙嗲鮮牛肉湯麵」，作為我在「龍門冰室」享用的「常餐」食品。「龍門冰室」的「A4a」常餐除了有「沙嗲鮮牛肉湯麵」之外，還有「北海道3.6牛乳炒蛋」跟多士。另一方面，「龍門冰室」的「常餐」多士，不是單純地只能夠食「牛油多士」，食客也可以自由選擇，食「奶醬多」、「油占多」或者「果占多」等不同味道烘多士食品。以前我在西貢的茶餐廳裡面，通常會比較喜歡食塗滿花生醬，還有甜味煉奶的「奶醬多」。但是現在的我在觀塘「龍門冰室」，就偏偏選擇了「油占多」。現在的我，一向在茶餐廳裡面都經常會食「油占多」，因為我現在都已經，完全習慣了食植物牛油加果占，略帶微甜和微鹹的味道感覺。結果我完全習慣食「油占多」，最後就連平日會食的「奶醬多」都放棄了。而且「龍門冰室」的麵包多士，也屬於新鮮烘烤出來的食品，「油占多」麵包多士口感新鮮而又不會太腍太軟，麵包略有焦香和硬脆的口感。反而「龍門冰室」另一款常餐食品，「北海道3.6牛乳炒蛋」的牛乳甜味我就感受不到了，我只能感受到「北海道3.6牛乳炒蛋」本身偏滑的口感而已。至於「龍門冰室」常餐的主角，「沙嗲鮮牛肉湯麵」實際製成品的色澤，都跟我以往在西貢茶餐廳食過的「沙嗲牛肉麵」都是差不多，以水煮即食麵，然後在即食麵表面加上沙嗲醬就算完成。所以「龍門冰室」的「沙嗲牛肉麵」雖然是有沙嗲醬的香味和辣味，但是那些味道都只能停留在即食麵的表面，而無法進入即食麵的湯底裡面。至於「沙嗲牛肉麵」的即食麵麵條，麥條勉強仍然有彈性口感，不過由於湯底勢的關係，所以即食麵不能夠浸淫在湯底太久，一來避免即食麵被浸腍，二來防止停留戚即食麵身上的沙嗲醬，會被湯底沖走。或許都是「相機食先」累事吧？我總覺得「沙嗲牛肉麵」麵條的口感因為我顧着拍照的關係，只是徘徊於彈性與軟腍之間，麵條彈性口感不是沒有，只是我擔心麵條變腍而趕緊享用，所以麵條實際口感還未至於變腍而已。由於大部分的濃厚沙嗲味道，都係即食麵所奪走，所以「沙嗲牛肉麵」的另一個主角「牛肉」，牛肉實際的味道反而比我想像之中為之淡，只剩下一點點的牛肉原味，反而沙嗲的辣味所餘無幾。由於「龍門冰室」的「沙嗲牛肉麵」，大部分沙嗲醬都已經被即食麵跟牛肉搶走，所以湯底但味道就變得很淡，淡到跟飲滾水沒有太大分別。由於「龍門冰室」常餐「沙嗲牛肉麵」，跟「牛乳炒蛋」味道比我預期的來得淡，所以我最後喝的「凍好立克」，味道反而有比較想要的甜味。雖然「龍門冰室」常餐的甜味，沒有我預計的那麼明顯，但是由於口感都還可以接受，「龍門冰室」收的價錢又不貴，只需港幣三十一元，所以我覺得「龍門冰室」食品味道有改善空間，但抵食程度都算過得去。…Read More

觀塘區發展悠久，處於新舊交替時期，這餐廳印象中不是太耐，是屬半新不舊吧。今晚在此晚餐，欣賞有set常餐全日供應，隨時食到，很不錯。我揀了叉燒意粉、炒蛋、油占多士及一杯熱飲，盛惠$33。晚餐價錢絕不貴，而且很企理，煎蛋造型不是求求其其馬虎了事那種，而且有蛋香味道不錯，厚多士有口感更勝薄片麵包，叉燒意粉大碗，卻有5至6塊叉燒，反而鴛鴦未有醇厚的口感有待改善，但整體仍是滿足。餐廳播放著80、90年代的歌，對於那年代成長的我有種親切感，越聽越感受到那年代香港人默默耕耘的情懷。…Read More

這裡的服務員感覺非常厭惡工作，另外更用強迫的語氣要求客人務必於下單時連同餐飲一拼下單⋯之後還只要求剛進餐廳的我和別人同坐卡位（我是最新進場的），我當然沒所謂，但我一讓，就有連續3枱客人離去⋯最後當然那個服務員當然也不敢強要我讓位⋯感覺非常差⋯我點了一個蕃通拼豬潤，難食得很⋯濃厚的蕃醬水+熟到老的豬潤⋯…Read More

呢排打過幾次電話話叫外賣，次次都話唔夠人唔送。大佬，係你地嘅宣傳單張話有外賣送，仲要送外賣你有收我服務費㗎喎。你如果係唔再送外賣就麻煩請唔好喺宣傳單張再講話有外賣送。啲聽電話個職員啲態度又好唔客氣，心諗做顧客嘅幫襯佢好似俾錢貼難受咁。今時今日咁嘅服務態度去邊度搵？之前其實都幫襯佢堂食幾次，外賣亦都叫過幾次，真心覺得佢啲嘢尚算可以。點知依家啲服務越來越差，呢間嘢睇嚟要永久blacklist。龍門冰室嘅老細如果見到呢個留言，請正視下員工嘅服務態度。我唔知依家貴冰室話唔送外賣，係出自你本人嘅意思，定係員工私下作嘅決定。如果係後者，你真係要正視呢件事。要知道，趕客易，吸引顧客難。顧客俾你趕走後，以後會永不光顧你，最後損失嘅係你自己。…Read More

因工作關係，其實間唔中就會食呢間餐室。無他的，牛頭角道茶餐廳唔算好多，呢間幾好坐，整體衛生程度可以，開左兩三年，食物水準keep到。平時同frd兩個女仔多數兩三點去食，所以唔洗排隊直入。每次幫襯友人會食menu 第一頁(唔記得個餐名)雪菜肉絲通，炒蛋白(可選炒蛋煎蛋反蛋，我地一定叫炒蛋白，健康d咁), 果占多，熱holick。三十蚊有找。自己千篇一律都係下午茶餐，麻醬冷烏冬+果占多，加炒蛋白，熱杏霜。加左炒蛋白，三十蚊鬆d。簡簡單單，唔油膩，OL 健康之選。…Read More

傍晚時分，等人收工，冇咩地方好行，又想搵個位坐低。經過龍門冰室，見到啲餐好似幾抵食，於是就咁咗入去，邊食邊等。入去仔細揭餐牌，發現嘢食嘅選擇好多，豐儉由人，中西合璧。決定揀個其他茶餐廳比較少見嘅英式早餐 ，睇睇係啲咩一回事。等咗一陣，侍應先送上餐飲同埋餐湯。餐湯可以揀紅湯或者白湯，揀咗紅湯，用料唔可以話好多，都叫有啲菜，有咬口咁。等緊嘅時候，侍應講話沙律賣曬，但係我又唔係好想轉食其他餐，所以都由得佢，變咗呢個全日早餐係欠一份沙律。雖然冇咗份沙律，但材料都好豐富，有焗豆、煙肉、牛油多士、煙三文魚、德國紐倫堡腸、炒滑蛋、磨菇、薯餅。牛油多士烘得幾香脆，煙三文魚捲到玫瑰花咁好精緻，炒滑蛋名副其實又香又滑，整個餐都好飽肚。餐飲簡簡單單要杯熱檸茶就好了，畢竟冷氣都好凍，搵杯熱飲中和一下。…Read More

最近同朋友去左觀塘物華街附近搵食，見到間低調設計的龍門冰室，驟眼睇會以為係普通茶餐廳，入內先知內有乾坤🙈🙈餐廳面積不算大，我地坐左陣，已經不斷有其他人來食下午茶，好彩我地早到，可以好舒服咁坐卡位😬餐廳都提供好多不同套餐，起初以為只有普通茶餐、炒飯，原來都有較西式的all day breakfast、意粉； 日式的玉子燒、天婦羅；韓式有炸雞⋯⋯真係多到以為去左食buffet🙈🙈傳統英式早餐 $68 好豐富既配料，份量仲好充足添加上定價不貴，第一時間就點了一份來吃 個人認為必需要有的炒蛋、蘑菇，炒得好滑又不會太過油膩套餐仲包埋餐湯、沙律、飲品 😯😯講真個句，依家係香港好難得有咁抵食既餐廳喇😌😌 沙律係少量煙三文魚配粟米～滷水雞脾飯餐 $42雖然好簡單咁得一隻脾，但味道搭夠 滷水汁好入味，撈飯食就岩哂四十蚊跟埋餐飲，合理價錢！黑松露芝士焗雜菌西蘭花 $48無諗到份量係咁多😯雖然黑松露味道不太突出，但份量絕對足夠，芝士又不會太膩。生菜 $12食菜食到上癮咁🙈叫多左個生菜，當清下腸胃😅餐飲分別叫左杏霜、柚子蜜。我地係小小一間冰室已經食到好飽、又滿足:)中西日式都有最緊要係抵食，不會因為成本上漲而瘋狂加價 …Read More

男人嘅浪漫長咗係支竹火腩飯之外，就係去茶餐廳揾正野食，要揾性價比高既茶餐廳一啲都唔容易揾，觀塘既“龍門冰室”都係一個好選擇。黑椒香蒜牛扒併炸蝦$80大大塊鐵板牛扒加四隻吉列炸蝦，上碟熱辣辣，配埋炸薯條同西蘭花，份量十足；牛扒質素唔錯，雖然無得同高質素牛扒比較，以尼個價錢有敢既質素絕對唔錯，加上炸蝦同薯條都炸到香脆，連黑椒汁同伴菜都清埋。流心奄列餐$50流心奄列點配炸魚柳，個人推介咖喱汁或芝士汁，加埋撈丁一流，奄列內層夾住咖喱汁，砌開醬汁流出，真正流心，奄列蛋煎至半生熟，令到口感嫩滑，炸魚柳炸得香脆，魚肉嫩滑，外脆內嫩。蜜糖雞翼$38一碟有六隻雞翼，雞翼唔算大隻，雞翼炸到香脆，加上蜜糖，又甜又香又脆。Meun上有班戟甜品，可惜阿姐話無得供應。餐飲點選凍咸檸七，食炸物飲凍野就最正。雖然“龍門冰室”無炒粉麵，但佢既鐵板扒餐同流心奄列都值得推介。…Read More

今天和媽媽去觀塘的龍門冰室吃午餐。首先來的是番茄濃湯通粉，配3.6北海道牛乳炒蛋和鮮牛肉。番茄湯酸酸甜甜的，幾開胃，炒蛋幾滑，不錯，牛肉也很入味，跟番茄湯很配，挺好吃。加了碟蠔油生菜，都不錯。然後來的是我點的營養餐3.6北海道牛乳炒蛋配厚多士，我加了煙肉和炸雞翼。厚多士我是點了奶油多，多士焗得夠濃夠熱，甜甜的幾好食。而這間餐廳的牛乳炒滑蛋不同普通茶餐廳，它這種炒滑蛋有點像日式煎蛋卷那種，挺特別。炸雞翼炸得非常香口，很惹味，挺好吃。煙肉也煎得夠香，只是略嫌有點油。餐飲分別選了凍檸樂和熱柚子。淡淡夏日最啱就飲凍檸樂了，馬上消暑又好飲！熱柚子夠甜，都不錯。埋單2個人吃共94元，價錢非常經濟，很抵食，食物質素也不錯。…Read More

放工後在觀塘舊區閒逛，懷愐一下兒時的回憶，見到龍門冰室的招牌，加上是開飯熱店，決定在這冰室享用晚餐。晚市和午市一樣，都有套餐供應，有沙律，餐，主菜及飲品。粟米沙律有粒粒粟米，配以沙律醬，酸酸甜甜很開胃。羅宋湯有茄香的味道，而且經長時間熬製，十分入味。香蒜白酒蜆肉意粉蜆肉鮮甜，意粉細嫩彈牙，帶微微蒜香及酒味，非常惹味，而且即叫即炒，很有鑊氣。凍奶茶奶味香濃，甜度適中，茶香味十足，絕對是一杯上乘的奶茶。…Read More

好友剛去完泰國旅行，一返來便話要派手信，對我咁好，當然馬上相約。既然咁錫我，當然要遷就她，在她的工作地區吃飯，至於有乜好食？她最清楚啦！原來她今晚帶我去冰室，一走進內裏便見到一個英文店名招牌高高掛。全店以黑白色為主調，牆上掛了一些畫架和菜單，裝潢簡約平實。地方小小，兩邊設有一排卡座，中開則有幾張二人枱，而最入端就是廚房重地。翻看厚厚的餐簿，分別有常餐、全日供應、精選晚餐、推介飯/撈丁/意粉餐、焗飯/意粉餐、鐵板餐、流心奄列餐、玉子燒餐、麻辣麵/飯餐、小食和飲品等，冰室雖小，但選擇不少。******************************我在全日供應系列中點了一份黑松露炒蛋白多士餐 （$35）+是日餐湯 （+$5）+ 和風沙律（+$10）。先上餐湯和沙律，紅湯和白湯中選了前者。色澤橙紅，雖略為稀身，但啖啖酸香，不油不鹹，內有少少洋蔥、蕃茄 和薯仔，喝起來不漏滯。和風沙律雖簡簡單單，但雜沙律菜 也挺新鮮爽脆，伴上些甘香的胡麻醬，不錯！輪到黑松露炒蛋白多士餐 ，厚厚的多士 上舖滿黑松露蛋白，不知用了多少隻蛋才弄到這麼有份量的蛋白呢？另外，旁邊還配了一件薯餅。已很久沒有吃薯餅，炸得金黃香脆，吃不算油膩，拌些茄汁，重拾小時候的美味。多士 稍稍香脆，伴上相當香滑的蛋白 同吃，黑松露 分佈平均，但味道不算很濃郁。******************************友人每餐都要吃得好豐富，故點了一份傳統英式早餐 （$68），有齊炒滑蛋、德國紐倫堡腸、煙三文魚、烟魚、大蘑菇、薯餅、焗豆 和多士，很有份量！當然不能讓她一人獨食，我也淺嚐一些喜歡的。 煙三文魚 捲成玖瑰花，挺用心呀！肉質柔軟，味道鹹香，配金黃香脆的多士同吃就岩。大蘑菇改轉了雜菌，雖有些失望，但相當爽口兼有菇香，好吃！炒滑蛋 也不錯，滑嘟嘟又有蛋香，而且不太油膩，正合我倆口味。此套餐還配一客沙律，賣相雖馬馬，但味道卻意料之外好吃。有雜果、椰果、粟米 和雞蛋，拌入蛋沙律醬，好有蛋香，喜歡！******************************蔬菜每餐不能少，要了一客全走生菜（$12），色澤青綠，清新爽脆，岩我口味。另一款是味道香濃的黑松露芝士焗雜菌西蘭花 （$48），熱辣辣上枱，陣陣芝香，挺吸引！西蘭花 焗得剛好，不會太腍身，仍存咬口，沾滿溶化的芝士，啖啖 “芝”味，而黑松露醬 分佈平均，但味道不算濃郁，還是芝味突出。******************************餐飲我要了一杯熱柑橘蜜 （+$2），味道酸酸鹹鹹，很順喉，喉嚨不適喝它就最適合。友人要杯凍檸蜜 （+$2），有五大片檸檬，一點也不吝嗇。酸咪咪的檸檬加了甜美的蜜糖，滋潤解膩。------------------------------友人送上手信，並說將出發遊台北。嘩！剛回來不久又出發，真係令人羡慕。今次取泰國手信就相聚在冰室，不知下次取台北手信時會相聚在那裡呢？期待.... 友人送上手信，並說將出發遊台北。嘩！剛回來不久又出發，真係令人羡慕。今次取泰國手信就相聚在冰室，不知下次取台北手信時會相聚在那裡呢？期待....…Read More

早起的鳥兒有蟲吃習慣早起的生理時鐘,, 又訓唔返就去食個靚早餐嘆返杯茶10點餐廳已經滿座,, 座位只有30幾個,, 唔算多等位等左5分鐘左右,, 都算快食返個經典茶記常餐~~~ $29蚊一個餐,, 高質素又多野食粉麵可以改, 吐司,, 蛋的款色, 餐肉, 煙肉 可以自由配答,, 唔係FIXED死哂呀~~~叉燒意大利粉,, 叉燒好足料,,又唔太肥湯底都唔會好重味精~~米粉就比較鞋口,, 唔夠滑~好耐無食過醬占多同奶油多!!!有烘底加上熱辣辣好脆口奶茶夠滑又帶有茶味~~重點一提::: 常餐係全日供應到下午6點食下午茶都會簡呢間,,抵食又好味…Read More

去開觀塘，係APM揾食有啲難，因為啲野越黎越貴， 上OPENRICE睇， 見到間抵食經濟嘅， 又越apm唔遠， 就行過去試下。見到有幾枱都叫左鐵版餐，賣相都唔錯， 所以就叫左個牛扒拼炸蝦試下， 一上枱就好有兒時感覺， 滿滿嘅黑椒汁， 香噴噴。 意粉係底下吸哂啲汁， 炸蝦脆口， 而牛扒都唔係薄薄一片。 整個鐵版份量都幾滿足。朋友就叫左個牛油帶子意粉， 估唔到佢帶子數量咁多，有成6,7粒，加埋啲菇， 成個意粉一啲都唔孤寒。最後加多個蜜糖雞翼， 蜜糖味唔太重， 只係薄薄一層，但個雞翼就好滑，一啲都唔dry. 賣單兩舊水唔使，都算幾抵食。…Read More

今日特登去觀塘濱長廊同個寶貝仔玩,玩到佢眼訓,我地就行返去親戚屋企,呢個龍門冰室就喺我親戚屋企樓下,所以就坐低食d 野先。鋪仔好細, 廚所都係開放式, D 廚房哥哥大開個中門咁煮煮煮。同行小朋友非常想食鐵板餐. 咁就唯有揀食佢,第一個西冷扒拼香草腸, 牛扒唔算簿, 淋身。香草腸好食,有德國腸感覺。另外一個係黑椒香蒜牛扒配炸蝦. 老實牛扒感覺分別不大,質素都係差唔多。 相反個炸蝦好有驚喜,上枱時仲好脆, D 汁突登唔蓋過佢,所以D 蝦都咬落仲好有口感 , 肉都唔少喔。個餐有餐湯 但唔包野飲, 而家$80 黎講 唔算貴咖喇, 平時一般食個咖哩牛腩飯都68蚊喇...佢鐵板仲有得揀飯意粉薯菜,我自己就覺得好抵食lu。所以嗌杯咸零七 都冇所謂啦....😂😂…Read More