Dragon Delicious

朋友住荃灣call 晚飯，四個大人帶個BB，有家室要實際又睇住荷包嘅先決條件之下大家就揀食小菜，揀去龍廷食嘅原因除咗上述要求外仲有就係大家之前食過數次，味道都唔差。是晚 Order 咗杏汁菜膽豬肺湯燒鵝半隻蒜蓉豆苗生炒糯米飯雖然飲落唔覺有杏汁，不過淨係洗豬肺同燉湯嘅時間同洗肺功夫都响返到，就算湯渣同樣清淡好味，4個大人每個都有兩碗多。燒鵝熱辣辣，皮香肉嫩，肉汁香濃，食咁多次都可以保持水準。蒜蓉豆苗，份量滿載上枱又保留翠綠青嫩，絕對鑊氣滿分。生炒糯米飯嘅臘腸無切粒，大大舊返而有落足料感覺。酒樓位處街市傍邊，因為位置原因酒家明顯走大眾化路線，週邊多檯亦見係附近街坊為主，埋單計返每人百三蚊左右，份量足又幾好味。完全係一個光鮮企理街坊飯堂格局。…Read More

好耐都冇同同事食一餐好，大家就決定喺楊屋道街市陳女東記買左$2000八樣新鮮海鮮，然後過對面加工。海鮮檔老闆一直極力推介呢一間，咁梗係去試吓啦。辣酒煮花螺洗得好乾淨，同埋好入味個汁，好惹味。超讚！豉油王大蝦以下超新鮮，豉油嘅汁，都好有水準值得一試。龍蝦伊面中龍蝦真係啖啖肉，其實都係果句只要啲海鮮係新鮮點主都好味，至於個伊面你都唔會煮得過咗時間。果皮蒸鮑魚拿捏嘅時間整得非常好，絕對冇浪費超大厚肉嘅鮑魚。蒜蓉象拔蚌象拔蚌真係超大隻，肉質爽口，正嘅時間都非常準確，唔會太老，如果蒜蓉再多啲就好啦。檯檯都叫燒鵝，我哋梗係叫半隻啦。隻鵝真係好入味，肥瘦均勻，又唔會太肥！今晚加工唔超過＄1000 ，OK抵食呀。仲有糖水送，味道都唔錯，可以在再嚟食！…Read More

這天約咗幾個荃灣友食晚飯，龍廷粵菜廳從來沒有幫襯過，荃灣旺位，新廳新試，希望有驚喜，又就腳又好食而又經濟為原則，尋找美食之餘又可和三兩知幾吹下水食好嘢！但都是失望而回，其實其廳裝修普通，衛生整齊，服務員都努力工作，始終重點是廚藝功夫是否達到優質美味水準！最常食菜色是生炒排骨，出來買相混亂，涼涼冷冰，不夠熱辣，汁少無味，滿口粉精！而個杏汁豬肺湯，色澤怪怪，凍湯難飲，整色整湯，似水流連，毫無味道可然，最驚食咗肚痛！潮式煎蠔餅，餡小多粉，數粒蠔仔多粉，炸得不夠就上碟，均衡不夠，粉多失真，食之粉味，棄之足惜！魚雲煲變身為魚肉煲，名過其實，有欺騙之疑，魚肉暗色，入口苦澀，費時投訴，埋單走人！無謂教精佢！…Read More

昨晚和家人食飯，喺附近楊屋道街市買左海鮮去龍廷加工。其實已經唔係第一次幫襯，雖然地方唔大，酒樓亦唔出名，但勝在食物質素唔錯，而且價錢亦很合理。爸爸買左蟹，蟶子，斑到酒樓加工。薑葱炒蟹炒得好香好乾身，正！蟶子就略嫌佢唔夠辣，斑都蒸得啱啱好之後再叫左炸子雞，小炒王，香炒骨，帶子蒸豆腐，份量很多，好味又抵食！值得一提每次食完晚飯都有糖水送尋晚揀左咋咋，食完真係超飽！…Read More

由於屋企附近既酒樓質素麻麻 :( 媽媽就建議出荃灣飲！起初話去熊貓酒店附近飲，講下講下又話飲完去楊屋道街市買海鮮做晚餐 誤打誤撞俾我發現到呢間新新地既酒樓 一坐底叫嘢食，當然第一時間叫我最愛既流沙奶黃包啦！😍由於個包太流沙，食到影唔到相！呢個真係極力推介！而家冇咩地方做到咁一搣即流！ 而媽媽就對隻咸水角讚不絕口！👍其實仲有其他嘢都好好味，但我地幾個人都好肚餓，相機實在食唔切，已經落晒我地肚！😂😂😂我絕對相信我地會成日黎呢度，下次再影返相俾大家睇啦！ …Read More

屋企人有喜慶排左兩圍, 去左間新開嘅酒樓食, 位置响楊屋度街市隔離, 好鬼方便.酒樓嘅裝修幾靚嫁。仲有電動麻雀枱, 好搶手嫁, 好彩預早訂定。屋企人一早訂左菜式, 又有房座, 舒舒服服。度度菜都好好食, 尤其係蟹鉗夠脆夠彈牙, 蒸魚好鮮味, 隻雞皮夠脆, 又唔咸, good.仲有個桂花紅豆糕, 真係超好食.......…Read More

屋企人有喜慶排左兩圍, 去左間新開嘅酒樓食, 位置响楊屋度街市隔離, 好鬼方便.酒樓嘅裝修幾靚嫁仲有電動麻雀枱, 好搶手嫁, 好彩預早訂定.屋企人一早訂左菜式, 又有房座, 舒舒服服度度菜都好好食, 尤其係蟹鉗夠脆夠彈牙, 蒸魚好鮮味,隻雞皮夠脆, 又唔咸, good.仲有個桂花紅豆糕, 真係超好食.......…Read More