Dragon Palace Restaurant

從來未喺度寫過嘢，雖然做咗飲食30年，但今次真係大開見戒到要專登開個ac表揚吓呢間酒樓！昨晚一家人訂咗枱喺呢度晚飯，上到去見到爆晒場，大部份職員非常忙，見枱面有壺熱水同大碗，咁就坐低洗吓啲餐具先啦(啲餐具都幾污糟，啲碗同杯油冧冧的)，洗完都冇人得閒理我哋，再等，反正仲有兩個家人未到，咪傾吓計先。大約廿鐘後發覺唔對路，真係冇人理，就叫部長開茶，部長先發現我哋連茶都未有，就講聲唔好意思，即刻沖兩壺茶俾我哋。之後家人到齊，諗住叫起菜，見好多職員都仲忙緊，再揾，一擰轉面，隔一張枱見到有個經理企咗喺度冇嘢做，同佢四目交投，就擧手嗌唔該，點知佢即刻轉視線扮睇唔到，好嘢👍面皮堅厚！跟住揾到另一個侍應叫起菜，第一度菜已經落錯枱，不過傳菜姐姐年紀已經好大，唔怪。再嚟就戲肉，第一度菜，乳豬全體切都冇切嘅乳豬，剪刀仲要係我問部長，隻乳豬切都冇切我可以點食？佢先俾把剪刀我🤣🤣仲話餐牌寫咗要自己剪，原來又真係寫咗行納米字話要自己剪，算！我問部長呢個咁醒嘅idea係邊個諗出嚟，佢冇答我就走咗🤣跟住第二度菜，無端端掉咗條魚落枱魚蒸得太耐，啲肉鞋晒，而且條魚有啲腥！再嚟，微暖，係微暖，而且係冇乜味嘅花膠雞絲翅跟住之後嗰啲已經唔想影，因為唔想記得。如是者食咗6度菜，跟住就一段時間都冇嘢食再出，問職員我哋差兩度菜未有，但冇人答到，之後連大廚都出埋嚟我哋張枱度，問經理點解會搞到咁，經理冇出聲，冇解釋。大廚就馬上幫我哋煮返嗰兩度菜出嚟，仲向我哋道歉。個人認為，員工勤力，工作態度亦冇大問題，但明顯人手不足，應付唔到生意亦提供唔到應有嘅服務，以致運作上錯漏百出，甚至係犯上一啲低級錯誤，經理無論領導，管理和應變能力都有待改善和提昇，工作態度和心態更加需要檢討。大廚態度非常專業，其實要向我哋道歉嘅應該係經理，而唔係大廚。因為我哋叫嘅係set menu，廚房冇乜可能會煮漏。估計我哋唔見咗嗰兩度菜應該係落錯咗枱，被其他貪心嘅客人食咗。但食物質素的確有頗大進步空間。總結，失望嘅經驗，冇下次！…Read More

好聲好氣比張單個新面口呀姐 加單比佢串 “落單一次過落丫嘛”佢係遠處反我地白眼上左蘿蔔糕 叫姐姐比我地甜醬辣醬 第一個轉頭冇比我地 第二次叫第二個姐姐先比我地咁樣就係13%服務費既服務？平日唔洗等就入得去…Read More

繼上次八號台風落波後來龍寶食左個龍蝦餐後，成日都心心念念想再食多次。所以琴晚決定同屋企人再來龍寶食晚飯順便慶祝生日，好彩我地早到左可以6點半入座，遲多10分鐘就冇位要排隊!! 龍寶既菜單一如既往有好多選擇，亦都有眾多晚市孖寶優惠。屋企人就想試下新野，提議唔食南澳龍蝦改食其他海鮮，花多眼亂下我地就揀左以下呢幾個餸:@紅燒乳鴿 (HKD 20.8/ 隻)乳鴿熱騰騰，肉汁多但唔太香脆。@晚市超值三寶 (海斑兩味+ 扇貝6隻) (HKD 358)第一味整左西蘭花斑片打左個芡所以好入味，另一味就係雲耳蒸斑頭腩，都好食。值得一提係果6隻扇貝出肉率好高，加埋秘製醬蒸粉絲，夠哂份量。@蠔皇海參扣鵝掌煲 (HKD 138)鵝掌好大隻，海參都夠淋，份量都好充足。@砵酒焗廣島蠔 (HKD 108)半打蠔有錫紙包住上，而上菜果時有個火盤托住，隔左陣我地拆開塊錫紙，目測裡面D蠔都焗到入哂味就夾來食，真係入味。@祝壽蟠桃 半打 (HKD 80)用竹盤上，蟠桃細就細隻D，不過都有餡蓮蓉蛋黃，當攞個意頊慶生啦。完!…Read More

呢間酒樓食過幾次，唔係樓面態度差，就係收銀態度。曾經假日係到飲午茶，都知樓面忙，叫左一個孖寶點心，但漏左一籠點心一直未黎，無理由就咁埋單，催左三四次部長都無反應，為有問下經理佢回覆係：我幫你催左廚房啦 無野可以做到…….今日就一家四口去食晚餐，侍應同食物都尚可，屋邨酒店都無咩要求，為獨埋單個收銀態度真係好差。呢到晚市服務費仲要比出邊既貴，要13%真係唔明提供緊咩服務。叫左五道菜都係七百幾，計埋其他雜費都九百幾埋單。 …Read More

親戚飯聚叫大餐，結果伏到喊…自剪乳豬？！餐牌只用細字寫自剪點餐前又無提醒無人執碟，無人加水！要多隻鐵匙都話無惟一值得欣賞只有環境舒適份量多但味道中規中矩叫餐擺明搵笨，最好散叫！全程自助，還要收服務費？哪來「服務」何言？！蟠桃寫了叫起但未叫就上，好似趕住收工趕你走，就算唔休數都不用這樣差服務吧？年輕人去過一次不會再想去…食完一肚氣，人生第一次寫差評，不會再光顧！…Read More

叫8人餐時，侍應無告知其中一碟乳豬唔係切上，而係比一把剪刀，兩對手套等你用自己強勁既手指肌去剪開乳豬的骨，真係剪到手指都倦。嘗試叫侍應時，已又叫又舉手，係旁邊經過都扮聽唔到，真係好野，耳仔聾、眼睇唔清，就帶返個助聽器及眼鏡。個壽包明明寫住「叫上」，但未叫佢上，佢就上，咁唔見你亂豬自剪變師傅切，所有野都係無厘頭發生左。真係一星既服務，唔係一星高級服務，而係倒返轉，五星佢只值一星。不過唯有都有兩個好處，就係D野都大碟及上菜快，但都保求唔到「令我企左係度既乳豬自剪服務，以及舉極手、叫極人都唔應既侍應」，真係叫左餐，人影都可以消失，佩服佩服。…Read More

今天約咗朋友晚餐，選擇恒景龍寶酒家，點解呢？因爲那有一款菜做優惠，我們又中意食，就系燒鵝王啦，1/4衹、衹須38元。2人約好6時30分准時到達，酒家在葵芳恒景商場電梯直上2樓便是，到達酒家見門口幷排有三個架張貼着3張好耀眼的彩圖，系晚餐優惠，圖文幷荗，價踐超抵。店內大堂顧客已坐過半，接待員安排我們坐大堂中間一張小圓枱，服務員很快送來茶，我們也不假思索點了兩款菜：燒鵝王I/4衹、同花膠紅燒豆付。龍寶燒鵝王1/4衹$38元，份量足，仲系肶位，肉厚，皮燒得金黃金黃，醮上酸甜醬，味道相當夾，肉質又香有咬口，好好味。花膠紅燒豆腐$98元，配有冬菇菜心，豆腐炸得好靚，不幹不硬，外韌香內嫩滑，又够熱，花膠雖不多，但都有4-5小件，再微微勾個欠，兜勻，相當唔錯。結後語：自己不小心將鵝汁彈到衣袖上，服務員哥哥即刻遞上一包紙巾。細心友善，相當欣賞…Read More

是日老爸生日！睇廣告有$168花膠雞煲，見幾吸引，一於試吓！當晚星期一，入座大概七點，酒樓6成滿座，以平日嘅晚上，人流都算係咁！一行三人，叫咗$168花膠雞煲，$258一個孖寶套餐F(粉絲蒸扇貝，海中蝦粉絲煲)，$118一個楊州炒飯。先送上花膠雞煲，花膠數量算多，餐牌寫有10兩，雞有半隻，係黃油雞，超多油！因為係胡椒湯底，所以越滾越辣，食到出晒汗！不過味道都可接受！粉絲海蝦煲，大概八隻蝦，食到1隻霉左，粉絲朔晒啲豉油，好鬼油！蒸扇貝，有六隻，唔算大，但粉絲搭救，勁多蒜蓉！同樣臨上好多熟油！最後送咗楊州炒飯，10分普通，性價比低！差唔多九點，冇乜侍應，想叫一個侍應針水都難，仲要收我13%服務費！😠總結，唔怕尷尬，可以淨係叫一個花膠雞煲！食完就算！題外話，可能侍應趕收工，埋單嗰陣已經嚟執枱，眼見裝滿豉油嘅碟，有湯嘅雞煲一次過推晒落大膠盤，啲汁到晒落地氈度🤮🤮🤮…Read More

無諗過$208午餐可以咁豐富。龍寶酒家午市供應這個餐有即日生劏大龍躉二味，仲有燒鴨窩米。龍躉的二食是翡翠炒斑球及雲耳杞子蒸斑頭腩，兩款不同製法都很有水準。至於燒鴨窩米是分開上枱的，燒鴨份量十足，味道香濃、肉質鮮嫩，加上彈牙爽口的窩米，真係好抵食。…Read More

今晚參加了一個慶祝生日嘅活動，地點係葵芳一間叫「龍寶酒家」的酒樓，點知我去錯另一間，原來葵芳有兩間「龍寶酒家」，大家記得小心一點；今晚我要去那間其實是「龍寶酒家 (恆景店)」，每席 $1,800，餐單包括：1️⃣ 鴻運醬燒乳豬半隻2️⃣ 星洲胡椒花膠雞煲3️⃣ 富貴帶子海中寶4️⃣ 蜜桃黃金海鮮卷5️⃣ 清蒸游水沙巴虎斑 (足2斤)6️⃣ 北菰海螺片扣鵝掌7️⃣ 原茄珍菌侵時蔬8️⃣ 至尊燒鵝皇 (半隻)9️⃣ 瑤柱蛋白炒飯🔟 蟠桃壽包1️⃣1️⃣ 合時生果整體來講：價錢合理，但味道一般…Read More

之前去過呢間位於恒景商場嘅龍寶食晚飯，未夠6點已經有很多人等位，我見今日打風應該好多人唔出街所以就出來支持吓😆今日放假就食豐富d，先點個高湯瑤柱海參雞絲羮，湯內用料多湯底濃郁，口感十足，一窩可分到6碗，我和老公每人飲咗3碗好滿足呀！😋還點了晚飯孖寶-蒜茸粉絲蒸元貝及粉絲蝦煲，元貝來自北海道所以幾大粒但不夠彈牙應該是冰鲜貨，而蝦煲內有大量薑葱，所以蝦及粉絲都很夠味，粉絲亦很乾身爽口不會有油膩感覺👍晚市優惠有5蚊半隻雞，雞肉算滑但冇乜雞味要加葱油食才夠味，蔬菜類有香芹藕片炒淮山，清清地炒得很爽口，正呀！👏…Read More

黎到龍寶酒家，一定要食呢個：優惠點心拼盤 $22.8 （視乎時段+$3)大大盤有 馬拉糕， 叉燒包，粉果，鮮蝦菜苗餃，蝦餃，燒賣。超抵食，而且味道唔差，最中意個鮮蝦菜苗餃大大粒好厚肉。食完一盤其實已經飽飽地，另外用有一個特價點心可以食：翡翠牛肉腸$14.8 ，平平地食個牛肉腸，味道正正常常無咩特別。另外想推介呢個：蒜茸開邊蒸中蝦飯$45.8好有蒜香，好開胃仲叫左個甜品：南北杏雪耳燉萬壽果$9.8好多料，唔係好甜潤一潤幾好唔錯成日都黎食，因為真係抵食。留意返呢度茶位$9，另收13%服務費…Read More

第一次寫食評就送畀呢間 🙊🤢特登註冊個account上嚟出po就係為咗避免有人中伏，認真葵芳啲酒樓有好多選擇唔使揀呢間1️⃣收費不明兩個人食咗$450， 計過菜錢最多$320唔知佢喺邊度服務費/茶錢/花生錢度收咗百幾蚊，張單完全冇寫明收費，睇返其他po原來唔係加一，係加13%2️⃣ 難食，呢個係大罪作為一間酒樓，我未食過咁難食嘅芝士焗龍蝦麵，啲面軟淋淋，好似人哋擺咗幾個鐘頭🤢 (我喺大學買廿蚊頹飯都好食過佢) 實係預先整好曬，張配圖我影得幾好睇，不過實際食落去直頭係難食到一個點嗌咗碟粉絲，普普通通啦，同屋企煮出嚟差唔多， 疊128蚊嘅花膠，完全冇味，最後食淨咗最最最好笑嘅係，食完畀咗兩隻橙畀我地， 我心諗你乜嘢都唔好畀或者畀啲糖水仲好🤦‍♀️我唔知佢呢兩隻橙收咗幾多錢，不過重點都唔係錢，難食3️⃣ 員工態度ok呢點不過不失啦，還好，係有啲忙，有時要等下咁姐…Read More

新開左間龍寶之前去過馬會果間食點心都幾食所以打算試下乳豬  1/4隻一至四位優惠價，抵係抵但佢四分一隻原隻上我真係笑左😂😂😂味道就正正常常啦優惠價佢仲有乳鴿，我見到隔離枱都係原隻上😂東江鹽焗雞隻雞係幾滑嘅不過就略嫌唔太夠味西施蟹肉燕窩羹呢個係最好食嘅 但係美中不足係我係咁問啲姐姐佢哋都唔理我有冇醋，得胡椒粉金蒜蒸虎斑頭腩腩？我但淨係見到骨不過Anyway，佢舊魚係冇味㗎仲有有少少腥，係冇醃過嗰隻。西蘭花炒虎斑球同頭先舊魚一樣佢係冇醃過。真係好浪費好好地一條魚就係咁就變得唔好食上湯大中蝦伊麵正常，幾好。…Read More

因為方便泊車，平時都有到這商場食晚飯，知道這位置轉咗龍寶，所以嚟試下。之前酒家冷清清，但今次見到既係全場滿座。揀咗好多人叫既燒乳鴿，熱辣辣原隻上枱，味道非常好。紅燒蟹肉翅，好足料，味道遍淡，可以自己加鹽或胡椒粉調味。海參扣鵝掌…鵝掌非常好味，可惜海參完全冇味，有待改進。職員推介雞油豆苗，冇失望，豆苗夠新鮮幼嫩，炒得十分夠鍋氣，正！雖然全場差不多滿座，但服務態度唔差，令人滿意。環境都舒適，抵食中菜會再來。…Read More