鼎暉美食城 (Closed)

其實我都好少入去青衣,依到改左名叫美食街，我都真係唔知道, 不過睇落都幾順眼既咁岩係朝早既早餐時間，見耐無食過點心,咁岩則邊又有間,咁我就叫左三個我最鍾意既點心,分別係蝦餃、燒賣、叉燒腸粉…首先講講個蝦餃,一籠有四粒，雖然大細不一對我黎講唔係好緊要,其實食點心真係要熱先好食,不過佢個蝦餃就唔太夠熱,已經扣左分。表皮都唔錯,鬆鬆軟軟,唔會話好硬但又有少少咬口,個人黎講係鍾意，可借嘅係裏面嘅餡太多味精，唔夠實,總結黎講,皮絕對無問題,但個餡要有D改善。第二個點心燒賣,又係唔夠熱喇, 今次個餡好過蝦餃, D豬肉雖然係機打,但都唔錯, 今次就無唔夠實既情況。最後一個叉燒腸粉:當然又係唔夠熱啦,個皮如果夠熱既話應該都幾滑，有少許芫茜，我自己鐘意食腸粉加好多甜豉油,今次都唔例外, 其實依個味道真係唔錯, 不過真係成餐D野食都唔夠熱,係咪我咁唔好彩呢?…Read More

今日突然收到老友電話，佢送條七斤重既手釣泥王我，我即叫齊親朋戚友，落呢間酒樓加工，老闆建議三食，清蒸腩，炒球，魚骨就煲豆腐湯。再黎半隻燒鵝，一個大雞煲，鮮腐竹時疏，芥辣牛柳粒。仲有個蠔餅！估唔到一黎隻燒鵝即有驚喜，皮脆肉厚。雞煲麻辣適中，一個大煲又係啖啖肉，正！而個芥辣牛柳就更加係我至愛，快速食哂！（食到一半先記得影相，因為太好食喇！）個鮮腐竹時疏就一般啦，始終幾味都重口味，要清清地平衡下。（又係食哂鮮腐竹先記得影相）主角黎啦，首先係炒球，一句講哂，好味，爽口。跟住一個清蒸魚腩，滑！鮮！最後一個魚骨豆腐白菜湯，就真正完美句號，濃濃白滑鮮湯，又係一人一碗快速清哂！總括黎講，呢間隱世酒家真係驚喜處處，期待再黎發掘過！…Read More

我在青衣工作三年半都不知道涌美村有這間食店呀經揀飲揀食的朋友介紹一行七人等五分鐘便可以入座時間尚早還可以坐入廂房人還未到齊時侍應主動提議小食服務態度好，好Nice由於有廂房的關係令我地更有私人空間，讚！當晚朋友點了燒鵝、雞煲、芥辣牛柳西蘭花、黃金蝦、炒蜆、茄子炒豆角、魚雲煲燒鵝幾香口而炒蜆啲蜆肉好大隻呀黃金蝦都OK架不過最我令意外的係芥辣牛柳西蘭花配搭非常好、口味刺幾激得牛柳粒好味而西蘭花又爽口呢味餸令我好回味，推介！值得一提，當晚食食下老闆突然行嚟問我地餸菜如下還會建議其他特別菜餚感覺好有私房菜feel我都想試下特別的私房菜口味！…Read More

唔知點解呢度無啦啦改咗名叫美食街，唔通D枱擺起條街度就叫美食街？  而個名，始終係老板嘅自由，起度就唔提喇 其他起度買過前後三次外賣，前兩次唔提啦，不過今次唔講唔得…事發時間係今朝08:40，薯片妹見呢度新張咪試呢度D野得唔得囉，點知，三次都係唔掂！外賣咗三個點心，分別係蝦餃、燒賣、叉燒腸粉…蝦餃:一籠四粒，大細不—，唉！都唔緊要，食點心如蝦餃嘅，唔熱！己大打折扣！表皮係Ok，唔太硬，唔太厚，算適中，可借嘅係內裏嘅餡有D散，唔夠實，而肥肉唔算過份，不過唔夠咸 ！味精係超重既！燒賣:有—片片嘅瘦肉&用機攪嘅肥肉，都尚算肥瘦比例適中，可惜又係多味精&唔夠熱！ 叉燒腸粉:皮唔"嚡"口，有少許芫茜，不過真係第一次見腸粉車係無蒸氣出架，當然又係唔夠熱啦，而有大部份人，都係鐘意食帶甜嘅腸粉豉油，豉油甜少少則有助提鮮，不過，食到第二條嘅時候，竟食到有條鋼絲 之後就無信心同食慾再繼續食落去！…Read More

想不到在青衣这地方,竟然找到一家燒餓可以媲美中環庸記!! 不過要早Ｄ到，因為好快沽清，仲有個生炒骨必食，食落皮脆！甜酸味恰到好處。**最正是有免費停車場!!** 此處仲可以自帶诲鮮，收費算適中，不过我就現場點了條清蒸青班，个師傅勁！蒸到刚刚熟!!不可不讚!問老板早上幾點有點心食，驚人答案...竟然早上五时开始！過两晚睇完波可以来飲個早茶至訓覺！爽！！此處食飯仲有户外有頂露天位置！超正！方便我们吸煙一族！唔使俾人啤住哂！…Read More