Palate Bistro (Closed)

5月23號，一個非常不愉快嘅星期日，本來想帶媽咪中午去飲茶，因為媽咪行動唔方便，所以我去先攞位，等有位再叫媽咪落嚟。入到點茶館，店長問我幾位，我話三位，佢叫等等，當時響佢櫃檯隔離就有張空枱，我以為佢會帶位，但佢不停入單，入咗八張點心單，期間我問佢張枱係咪冇人，佢話等等，結果睇住佢入晒啲單，我再問佢張枱係咪冇人，佢先問我齊人未，齊人先比入，於是我解釋比佢聽，老人家行動唔方便，咁呢張枱係咪俾我，係我就叫老人家即刻落嚟，唔使10分鐘就到，佢話係，齊人就比咦張枱你，於是我立即打電話俾我屋企人帶媽咪馬上落嚟，順便喺門口嘟定安心出行，響呢個時候有個男人入嚟，一條友坐咗張枱，當我媽咪唔使十分鐘就嚟到時，已經冇晒枱。要等齊人先比位，我可以理解，可以接受，但呢個所謂店長，要客人企響度睇住佢入單，唔開口問佢，佢都唔話要等齊人，之後仲要玩我，話俾枱我，但又俾咗後面來的一個客人，最激氣係，呢個客人係未齊人，一個人坐張大枱。呢間店舖有個咁嘅店長，想有客幫襯都難…Read More

CP值：3/5價錢Price:- 飛機流沙包（三件）Aeroplane molten custard buns (3 pcs): $34- 三色燒賣（三件）Pork and shrimp siu mai with crab roe (3 pcs): $34- 香蔥手抓餅 （兩件）Seared scallion pancake (2 pcs): $30- 叉燒香茜腸粉Steamed rice rolls with barbecued pork and coriander: $30- 菲林芝麻卷（三件）Blackjacks sesame rolls (3 pcs): $20- 茶位（紅棗紅袍）Tea per person (Black tea with red dates): $8(加一服務費 with 10% service charge)依家真係越來越多新式點心店，打破傳統「食點心就要係去茶樓」嘅諗法😉尼間點心店開咗冇幾耐，因為屋企人想飲茶，所以就去試吓啦流沙包就食得多，飛機流沙包究竟係乜嘢呢？🤔原來係印咗飛行棋樣嘅流沙包😂都幾得意，小朋友見到應該會好開心🤩食落餡料都幾流心，所以食嗰陣時真係要小心，但餡料有啲太甜🙃咁三色燒賣又係乜嘢呢？🧐原來係三粒燒賣有三種顏色嘅皮，有黃色、綠色同埋橙色但講真唔係好食得出味道有咩分別😅香蔥手抓餅用個籃仔上碟，煎得都幾香，唔會好油👌🏻到食得出有蔥味，但唔算好濃叉燒腸雖然唔知點解有條菜心喺上面🤣但整體味道都唔錯，幾煙韌，叉燒餡都夠多😉而屋企人就話好鍾意佢個豉油汁，甜甜地咁，又唔會好油我最推介就係芝麻卷😍😍😍好香芝麻味，表面仲搽咗少少麻油，又唔會太甜，又唔會一夾就散，好正👍🏻👍🏻紅棗紅袍其實冇紅棗味🤣茶味都幾清香，但沖第二次水就冇晒味😅總括而言，雖然味道都算唔錯，但係價錢都幾貴，大部份點心都要$30或以上🙃$30應該就等唔出面酒樓嘅大點或者特點如果佢有啲優惠，附近嘅街坊應該會幫襯多啲😅…Read More

粉嶺比人感覺係山長水又遠 完全係美食沙漠🏜️...結果比我發現到佢點茶館!! ！冇錯啦就係佢 令我從此改變我對粉嶺嘅認知原來粉嶺都有好嘢食㗎🥺🥺同朋友見到呢張餐牌已經感受得到佢哋係超級新穎嘅茶館裏面有幅牆係用麻雀嚟堆砌係一個超正嘅打卡位 頭盤方面叫咗個涼菜拼盤分別係：呷醋鼠耳（即係醋汁木耳）配埋話梅脆淮山同沙薑豬手個拼盤價錢尚算平 只係$98 一見到咁大份可以話係大件夾抵食😱😱當然唔少得一盎兩件 三色燒賣塊皮唔同顏色 有綠色黃色餡料都係一樣都係豬肉燒賣 味道都唔差另外超欣賞隻炸BB乳鴿 超好食😋烤得皮脆肉滑 油香齒頰留香基本唔使再點喼汁已經好有風味👍🏻👍🏻另外小菜方面呢度都好出色 先來三蝦炒滑蛋再送櫻花蝦海鮮炒飯兩者簡直天衣無縫 滑蛋再加埋櫻花蝦鹹香嘅炒飯仲有滑溜的蛋 每一啖都好滿足最正係呢度有靚茶飲 有紅棗茶同白茶非常之特別 每位茶錢只係$8 經濟實惠呢度飲茶仲可以食雞煲 呢款雞煲仲好有特色 就係薑蔥蜆仔雞煲 兩款餸都係我最鍾意食 好少見到蜆係可以加埋雞一齊煮 夠晒特色 如果見口渴仲可以飲呢度嘅湯羹酸辣湯辣辣地好開胃飲完都已經飽咗一半整體來講呢度嘢食非常不錯👍🏻要大力支持…Read More

北區既餐廳比較小。但最近一個月開了一間茶館。我朋友介紹要去食。因為他老婆係極之喜歡食小菜。他同老婆上星期食完就不斷介紹身邊朋友。今晚收夜老婆叫我食自已。好自然地聽朋友推薦。入到餐廳內環境好舒服。每一個位置都有足夠空間。唔係太逼的感覺。喇沙粉絲日本蜆仔鳳尾蝦煲。一定要嘗食。蜆仔同鳳尾蝦的配搭好美味。喇沙的重味道更突出成個煲的完美配合。荷香蟲草花蒸雞。荷香撲鼻。雞肉都鮮嫩。再加些蟲草花的香氣。溶入荷香味更美味炸BB 鴿。入咀仲好熱。即炸可口。並不是翻炸。菲林芝麻卷。兒時最愛的一款甜點。當西式甜品興起時。好多時都找不到。但最近幾年太多人懷念舊時中式甜點。呢度所做的菲林卷。完全好接近我兒時的味道。…Read More

附近酒樓執左，近的得一間，想食點心過下口瘾選擇好小從冇期望到今日食左之後，喜出望外出名叫親自己奶皇流沙包都出事呢個係堅流沙，係略嫌咸蛋黃味未夠出好食唔死甜蝦餃就知點心店咩料子佢得呀，皮薄，但唔會一夾就穿煙韌，蝦都ok鳳爪，午肉球，葱花蝦米腸不過不失炸春卷唔隔下油先出，我唔得，太油反而炸雲吞冇事，又脆又香魚肚雞札，我本身唔特別喜好，佢勝左湯底唔係打芡打到好勁同好油，所以尚ok今日MVP係沙薑豬手沙薑粒粒掛係面，個汁較得好好，會加甜甜地豉油，比較少咁做，一係就淨沙薑粉同油味啱食到我食埋佢底下的青瓜豬手爽脆，去哂毛…Read More

粉嶺華明邨附近新開左一間新式茶館-點茶館，今晚決定同朋友去試吓。一入去職員已很有禮貌招呼我們入座，店舖裝修很特別，用港人最喜歡嘅玩意—蔴雀牌做裝飾。坐底後職員問飲什麼茶，我哋好老土叫香片，但原來佢哋飲比較新式茶，係冇香片，只有佢哋自選好茶😂，所以我哋叫左蕎麥茶飲。蕎麥茶好好飲好清香，正。之後我哋選左份涼菜拼盆，揀左話梅脆淮山，橙棍冬瓜和川醬皮蛋。呢個拼盆我地第一次試，未係其他茶館試過，好好味同好新穎，值得一試。小菜揀左水煮鱸魚，避風塘粟米同松露炆伊麵。水煮鱸魚並不太辣，並有米線相伴，好正。松露炆伊麵不油不膩，松露好香，好啱我哋口味。而避風塘粟米好特別好味，炸蒜蓉配上揸得好香嘅粟米，鹹鹹辣辣，未試過避風塘可以同粟米配合。呢間茶館菜式真係非常新頴，下次同家人再來試吓。最後佢哋重送咗紅豆3。6牛奶布甸，甜品都係非常好味，讚。老火燉湯清甜👍…Read More

粉嶺*點·茶館*新開無耐。裝潢以麻雀🀄️做主題🤩。好特別。麻雀友可以去試下😌。環境舒服。飲咩茶？呢款係蕎麥茶。滿滿麥味😍。平時番工少湯水。叫咗兩碗燉湯潤下🥰。呢個係冬瓜薏米鴨湯。可能有鴨皮。飲落小小油。不過落足料👍🏻。飲完唔會好口渴😛。香蔥霸王雞🐔～半隻分量都幾多。我最鍾意多肉位置。🐔肉嫩滑唔鞋口😋。豉椒安格斯牛肉煎米粉～牛肉份量無敵多。蓋過曬d米粉😆。呢個係牛肉⛰️。配料仲有椒同🧅。相當飽肚😎。…Read More

是日晚上在粉嶺區做檢測, 完成後要在附近找個地方吃晚餐，來了這裡, 原因簡單，就是想試試新店子, 加上這裡環境四正好坐，來的時候，店子客人不太多。很容易就找到位子坐下，落單就是要自行剔落單紙。先來一味老火燉湯，湯頭熱度十足，湯本身鮮甜美味，醇香夠火侯，湯料也是非常足料。也試試卥水鵝片，此品是潮州菜常吃之物，一大碟堆得滿滿的, 鋪面是卥水鵝片，底下是豆芽，鹵水鵝份量不少, 鵝肉質軟熟而鹵水味足，也不錯。店員送上香蔥霸王雞，雞件砌得整齊的上檯，吃起來，雞皮上油潤光亮而唔會有太多脂肪,唔會太韌，雞肉嫩滑而且肉厚，肉汁充盈也夠雞味，加上用香蔥, 別有一番風味。最後來的是甜品楊枝金露。有很香的鮮芒果味道，還有不少的柚子肉，味道清香而沒帶有苦澀味, 糖水本身夠濃郁，但不太甜, 清涼好吃, 比想像中好的一個甜品。以食物質素來講, 已是唔錯, 而且價格也在合理水平。…Read More

同屋企人拜完山過嚟華明商場食嘢，媽咪話想飲茶食點心，咁岩真係見到有間新派點心鋪就入去☕️😍第一眼完全俾呢幅麻雀牆吸引住🀄️🀄️🀄️，影相做背景一流 ！裝修主要用木元素，環境舒適！ 紅菜素餃平時都會叫素餃但未試過有紅菜做餡，好奇之下叫左！形狀圓碌碌，皮身薄到見到裏面餡料，當然紅菜餡就最搶眼，仲有粟米粒、蘿蔔粒、翠玉瓜等，健康之選！三色燒賣三隻唔同顏色嘅燒賣又係第一次見，我自己食左綠色皮，不過食唔出同平時嗰啲有咩分別🤣 食落實淨有咬口。叉燒腸切好一件件上碟，食得方便。叉燒份量適中，正常味道無咩特別。豉汁蒸排骨除左韓式餐廳食炸雞或者放題會有桶之外，第一次喺點心店竟然會提供個桶俾人裝骨 🤭 一來乾淨好多，二來員工執枱又方便👍🏻 排骨滑腍，黑椒味唔算太濃，有唔少芋頭粒做底。整體來講點心唔錯，員工有禮，走時同我講bye bye👋🏻 衛生亦做得好，見到員工執隔離枱時會用清潔用品噴一噴張枱。…Read More

平日放假就係陪屋企人去飲茶。華明街市隔離間小豆島同嚐味執笠之後終於都有新希望，有間新餐廳可以試下。整體以屋邨茶樓來說，食物質素都可以接受，食物名都幾創新，缺點就係價格有點高。不過呢一分錢一分貨既食物質素都算ok既，碟新派既牛肉腸，上檯既時候其實有啲嚇親，成條圈圈，有啲似。。。有野食你就食啦😥味道都係咁上下，粉皮有嚼口，無咩牛味，有芫荽有蔥咁。蝦餃，牛肉球，雞札，都不過不失啦。飛機流沙包有驚喜既，無諗過入面真係流到出哂嚟不過最後價錢唔方唔驚喜啦，300蚊以上呀，窮小子既我有得揀既，去番啲舊式茶樓會食得開心啲…Read More

經過華明村見到新點心鋪，決定試一試。麻辣春蛋燒賣，淨係賣相都已經好吸引，如果嫌唔夠辣仲可以自己加辣油，玩味十足。迷你松露花菇包，顧名思義，就係有松露味同花菇嘅蒸包，好香口。脆脆蝦雲吞，皮炸得金黃白脆，好食。飛機流沙包，放涼左先食都仲識流沙，咸蛋黃味好香，絕對會再食。懷舊馬拉糕，鬆軟得黎唔算太甜，都係值得再食。除左食物好食，店員亦好好服務，會主動拎BB櫈俾小朋友同埋主動添茶。…Read More

見開咗間新派點心餐廳，見無咩人等位就去試下，見到點心紙好開心，因為見好少有得買既菲林芝麻卷，即叫啦嚟食啦。跟住點例牌既燒賣，叉燒包和腸粉。首先嚟到係菲林芝麻卷，個樣好靚喎，諗住食埋其他野先食，但等咗好耐都無野食到，唯先食先，一食，無芝麻味，應該係用粉整，好失望。之後叉燒包嚟，個叉燒包咁細，仲以為係雞包仔，仲只得2隻，份量真係細又少，味道一般。跟住輪到鮮蝦腸粉，腸粉很滑唔錯，可惜份量又係好少，得長長一條。最後一次過上埋三色燒賣和雞扎，三色燒賣除咗個皮唔同色外，個餡全部一樣都係無味，唔知係咪忘記調味。雞扎就從未食過咁細塊既魚肚。整體嚟講，點心真係唔多掂，有好大改善空間，而以份量和食物質素嚟講，唔值呢個價錢，怪不知無咩客啦…Read More

平日晚上，幫襯吓呢間新開嘅點茶館坐落華明邨巴士站附近晚上七點，客人不多，入餐廳錢先量度體溫及寫低個人資料，放入收集箱內。店內非常光猛，座位整齊。點菜方式係寫紙仔點菜，我們揀了蕎麥茶，對比其他茶樓是沒有的，晚市沒有點心供應，我們點了三款食物：1）千葉皮蛋豆腐 $42，用切碎的皮蛋鋪在豆腐中間，用上花生醬，幾好食，如果皮蛋係一片片就更加好。2）蟹子滑蛋蝦仁炒河粉 $78鍾意食濕炒嘅人應該幾鍾意，有六隻蝦，幾爽口，二人食份量啱啱好。3）菲林芝麻卷 味道麻麻，有點粉粉嘅感覺。結帳後，店員比了一張優惠咭給我們，惠顧滿$50可獲印章一個。加一服務費…Read More

本身只係諗住喺華明邨求其搵啲嘢食醫肚，後來遇到呢間新餐廳，見環境幾企理，就即管試吓。估唔到所有點心同小炒都非常有水準，尤其係流沙包，連平時唔係特別好流沙包嘅我，都俾佢嗰度真正「流沙」嘅流沙包吸引。薑黃牛鬆炒飯有鑊氣而唔油膩，小朋友好鍾意。乾炒牛河嘅牛肉肉質鮮嫩入味，都非常出色。店員態度都唔錯，環境舒適，整體體驗非常好，值得推介！今次試咗嘅點心/菜式包括：流沙包、腐皮卷、牛肉球、櫻花蝦米腸粉、鹹水角、薑黃牛鬆炒飯、乾炒牛河…Read More