點點心思點心專門店 (建益大樓) (Closed)

8號風球屋企無嘢食，見到外賣平台上外賣自取佢有開門又好近屋企，咁就揀咗點心做我哋嘅brunch☺️有啲點心係可以嗌2粒/4粒… 夠細心👍，所以可以樣樣試啲，唔覺唔覺最後2個人叫咗12樣點心😂…可惜點心姐姐執漏咗鹹水角同春卷畀我 🙄🙄到最後得返：1️⃣山竹牛肉球1️⃣蟹子燒賣王3️⃣醬皇蒸鳳爪4️⃣香煎蝦米腸5️⃣珍珠雞6️⃣蟹子菜苗餃7️⃣咖喱蒸土魷7️⃣香芋鴨腳扎9️⃣蠔皇叉燒包🔟鳳爪排骨飯總結：都係覺得中規中矩嘅普通中式點心，可能8號風球關係，食物準備未去到好好，例如咖喱蒸土魷就冇咩咖喱味，菜苗餃嘅皮就蒸到淋曬一pat pat😩；如果真係要揀出色啲嘅點心，非香煎蝦米腸莫屬👍腸粉皮又薄又滑， 煎得好香口😛。

一直都好鍾意食點點心思嘅點心，由舊舖支持到新鋪，質素穩定，味道仲有進步添👍🏻今晚去咗點點心思叫外賣😋外賣有九折總共叫咗八款點心每次一定要個菜，10幾蚊，但份量十足蝦腸有進步，舊鋪食嘅時候，腸粉皮比較淋，而家已經冇呢個問題蟲草花鮮竹卷餡料豐富煎釀虎皮椒有四件，香辣惹味鮮蝦腐皮卷，香口足料燒賣正常水準蝦餃皮薄、餡料足夠鳳爪夠味呢間小店嘅姐姐好好人，雖然係街坊小店，但係服務好。另外，提一提如果想叫外賣可以打電話去叫定先，因為即叫即蒸都要等成20分鐘。