點甜 (Closed)

今日去買糖水 聽到好多野都賣晒到我嗰時 我問有冇合桃露 有個黑色衫男人話賣晒我order完 到我後面兩個人order 問佢有冇合桃露 佢改口風 話可以睇睇有冇 跟住話仲有一碗 落埋order哇 火都黎埋 我問佢 點解排我後面會有 我就冇個男人d態度串到 無道歉 仲超級大聲 眼神凌厲 話「你見唔到我頭先好忙？冇時間刮咪唔知有多大碗lor」「你咩態度同我講野呀 唔見你體恤下我？」「係呀 你見我咁忙 下次最好唔好行埋黎order」「你下次咪唔好幫襯lor」我問佢點解見到我喺度 唔賣返碗合桃露比我 佢串到 話「唔好 你有d堅持呀嘛 食番自己order既野先得㗎嘛」跟住仲癲 行出收銀 行近我個friend 大聲話「你想點 使唔使我跪低？報警囉你！」一路行前跟我地行到出店門口 我估佢係老細 完全唔憂做咁款既然係咁 我開心share比大家 大家自己決定幫唔幫襯

今晚叫湯水外賣，發現佢既焦糖布丁幾好味！仲有盒餅配！我留返遲下先食😬另一碗糖水都唔錯，涼粉底，有芋圓、大小粉圓，d配料好煙un ，紅豆又夠粉夠甜，唔錯！👍🏻

30Jan2020 夜晚打完波，朋友介紹仲特登帶我過黎食糖水，地方細細，不過人情滿滿，老闆都幾熱情招待。一坐底睇野食，見到有唔常有但又最鐘意食既陳皮魚蛋，一定要試啦～ 好好味，唔會over cook，完美既口感，加埋自家製既辣椒油(有少少以開架既某品牌-桂x辣椒油)，完美既組合! 朋友話呢度燒賣都好好食，又點左一份，好味在佢入面唔係一團粉，而係似彈牙既魚膠，好味! 最後再加追左份陳皮魚蛋先夠喉。不過食飽左就未試到糖水，糖水留番下回分解。

我今天行街見到這間點甜，真心覺得很用心去對待客人，湯圓煮得好好食糖水又夠薑味，裏面的餡的芝麻味非常香，最令我感覺驚喜的就是，就算你叫十粒魚蛋也送上暖水一杯，直得一讚。

街坊糖水小店有傳統糖水亦有芋圓仙草等六點甜 | $38選擇困難症的解決辦法就係叫個雜錦的樣樣有齊唔使愁芋圓、小丸子、椰果、西米、紅豆、涼粉六款各有不同口感 好多野咬好開心🤣芋圓煮得唔係好平均有部分偏硬但亦有煙韌的小丸子亦偏腍 其他就正常整體未算特別出色但不過不失啦芝麻糊 杰度唔錯但芝麻唔夠香濃感覺不是即磨的 亦係一般般

住咗係呢到咁多年，呢到就係少咗間糖水舖。等咗咁耐，終於開咗間似樣既糖水舖👏🏻店內環境好光猛舒服，除咗堂食，當晚仲有好多街坊同我一樣嗌外賣。糖水款式選擇雖然唔係好多，但中西式，連台式芋圓都有，貴精不貴多。黑芝麻糊豆腐花 $28，豆腐花好滑，芝麻糊都好滑身，如果芝麻味再濃返d就好啦楊枝明珠甘露 $32 👍🏻👍🏻👍🏻👍🏻堂食既話仲會好有心思咁，每位配嘛一杯凍水比客人。唔使問都知道客人心意。非常細心♥️

喺觀塘廣場食完晚飯再戰上次食唔到嘅-點甜上次星期日9點幾去到，勁多人要等位🥺，今次特登早少少去。👻8點9去到，有位😁舖頭細細都算多款式，有中有西，連台式都有。叫咗芒果布甸，last一個都俾我食到。隔離枱想叫都賣晒啦😱偷聽到老闆娘話為咗保證質素，每款都限量。佢話下次可以打去預留，保證有得食👍🏻👍🏻講返 🥭🍮份量都多，有粒粒芒果肉，加埋花奶一齊食，一d都唔甜。啱晒為食又怕肥嘅我🐷質地比較實，好有中學家政堂自己整嘅感覺😂連埋杯冰水一齊上，好貼心嘅服務🥛蜜瓜明珠涼粉🍈望入廚房，蜜瓜即切，無浸糖水，好甜喎🤤原來明珠即係小丸子，口感煙韌，唔會太硬，加埋涼粉花奶凍凍地一齊食。成碗少甜，食完都唔洗飲水涼口👍🏻👍🏻見老闆好主動同客人傾計，交流心得,feel到佢好用心制作。一定會再嚟幫襯😁大家喺觀塘食嘢，行過嚟都係10分鐘。一定唔會令你哋失望😎

之前搭巴士經過見到新開了一間糖水舖，決定今晚與老公試一試。原來已開張兩個月，現在才留意到，簡單評價一下店舖。店舖環境：為於一個不起眼的商場，裝修簡單，以白色+淺木為主，店內播著音樂，讓人有種舒適的感覺餐具別緻：欣賞那個水杯，輕巧具時尚感，很少糖水店會提供水，這個服務很窩心。糖水用木托板襯托，讓食物變得更吸引服務：店主有善，會主動添水，和客人有傾有講，與街坊打成一遍食物質素：西瓜很甜，但芒果有點酸，涼粉及明珠有咬口，楊枝明珠甘露好味，很足料，整體新鮮

住在麗港城，聽聞藍田終於有糖水店十分高興，試了三次都十分失望。第一次，家中兩位小朋友話想食糖水，就買了兩碗芒果西米露同一碗湯丸。芒果西米露啲芒果十分唔新鮮，懷疑此店入埋啲快壞嘅出售，湯丸痴埋一舊🤦🏻‍♂️第二次，與太太堂食，叫了碗蜜瓜涼粉和一碗豆腐花，豆腐花不過不失，但發現塊木板有陣臭up味。第三次，小朋友話想食就買了一碗黑糖芋圓同一碗蜜瓜西米露，之前有男職員推薦過話好味，芋圓冇咬口，完全唔彈牙，只食到一團粉！味又淡，唔知以為食緊麵粉🤦🏻‍♂️最嬲係蜜瓜唔新鮮！哩間糖水店啲料是夠的，水果份量亦多，但水果唔新鮮，餐具又不太整潔！

地方簡潔，上兩星期一心諗住試嘅心態，點知一試愛上，唔單止我講，朋友都喺遠處仲要專登揸車嚟買， 真係值得一試。特別係芋圓。希望可以繼續做落去，加油！難得好味嘅小店！

食飽飯，散散下步，發現開左間新糖水鋪。黑糖仙草紅豆芋圓 - 個名已包含所有食材。我是芋圓控，呢度既芋圓造得好煙銀 ，有咬口，慢慢食，好享受。紅豆太甜，少點會更好。薑湯芝麻湯丸 - 薑湯夠濃，辣得過癮，岩我口味。湯丸呢，配合芝麻湯丸好夾。藍莓芝士蛋糕🍰 - 聽講係hidden menu，係街坊自製寄賣，好好彩食到呢～芝士蛋糕香濃幼滑，神奇地不會有過膩感覺，恰到好處。藍莓好新鮮呢～呢間小店裝修幾溫暖，老闆會問下你食後感。佢都有幾多熟客，好多街坊幫襯，一台接一台，幾受歡迎。會唔會再黎？

雖然店面很小，是典型的港式檔口，但是一個小小的木拓盤，承放住一杯清水、一張紙巾配合柯打的甜品而送上，或許這種心意只能夠在這小店可以感受得到。今天晚上柯打的蜜瓜明珠涼粉就是簡單的密瓜與涼粉味，其實真的是蠻簡單的味道，因為密瓜與涼粉味很自然不做作，甜度也剛剛好，在密瓜的清甜中還帶有微微的涼粉草甘味，口感質地既爽又彈，甜品只有白珍珠作陪襯並沒有太多的裝飾，吃起來就是覺得甜甜香香滑滑很順口，完全不會覺得甜膩，吃完會想再柯打一碗。

叫咗芒果椰汁西米露食食物送到時碗邊有明顯一大達紅豆沙應該係之前客人吃完紅豆沙之後個碗洗未乾淨告訴侍應佢拎返入廚房因為係開放廚房嘅關係我望住廚師用一塊灰色嘅祝君安好布即時抹走啲紅豆沙色然後廚師話ok侍應拎返出嚟畀我我再表達需要换過一碗畀我侍應拎番入去三分鐘之後拎返出嚟芒果沉曬喺底，椰汁面有層油我真係食唔落呢碗洗完紅豆沙，再洗埋另一隻碗嘅西米露 我就咁畀咗錢就走人一啖都冇食到唔會再嚟呢間咁唔乾淨嘅甜品舖食洗唔乾淨碗有時難免但係唔應該知道洗唔乾淨之後用更加唔乾淨嘅布去抹走洗唔乾淨嘅碗無言

今日同媽媽喺附近行開手創市集，熱辣辣想搵個地方休息一下，俾我地發現左一間細細嘅甜品店，環境幾舒服乾淨。今次試左"六點甜"，估唔到咁足料，配料有六款，芋圓好qq好煙韌，涼粉清熱，加埋蜜餞紅豆，甜甜地好開心，好細心嘅係一杯凍水會隨甜品送上，夏日炎炎，即刻透心涼！媽媽就叫左"黑糖仙草紅豆芋圓" ，仙草清爽，甜度啱啱好，連怕甜嘅媽媽都話好！下次觀塘食完要再黎！！