Dim Sum Here Mix Seafood

除左常見嘅點心之外，仲有好多小炒小菜。啱晒想一次過食哂港式餐點嘅人，見到餐廳都有唔少遊客。同一般茶樓唔同，有四人卡位似港式茶餐廳之餘，仲有圓枱，似足茶樓，貫徹佢餐廳嘅賣點。叫左杏汁燉白肺湯即係杏汁豬肺湯，平時喺屋企好少會煲嘅湯，難得去餐廳見到有梗係嗌嚟試吓。唔係味精湯，好濃郁。入面啲料好豐富，食到有肉，豬肺龍眼等等。小菜就揀左馬拉盞炒時蔬，有得自選想要咩蔬菜。我哋就叫咗芥蘭。芥蘭食得出係嫩嘅，兼且炒得好有鑊氣，鹹香十足。主菜另外揀左招牌冰鎮咕嚕肉。賣相好特別，真係有啲冰底墊住，入口係一半冰凍一半熱，冰凍過後嘅青紅椒更加爽脆，用冰呢個idea 真係好有趣。咕嚕肉顏色好靚，糖醋汁上得好均勻，甜酸balance 得好好。再加上啲肉炸得非常之脆口，啖啖肉，送飯一流，高質。點心一定唔少得蒸包，見到有黑金流沙包，當然嗌個嚟試吓。呢度好就係可以散叫，唔需要嗌一籠又食唔晒晒。見到賣廣告嘅卡通芋蓉包都叫咗一個，表情趣怪，咁可愛都唔捨得食佢。原來都係流心，仲有少少芋頭碎食到，食落好香芋頭味。另外叫左流沙包。熱辣辣，一咬開入邊嘅流心就湧出嚟，鹹蛋黃味加埋吉士嘅香，為呢餐劃上完美句號。…查看更多

點心到 MIX·大排檔📍Address: 旺角洗衣街39號金雞廣場地下1A, 1B, 1C號舖—————— ฅ՞• •՞ฅ ———————同朋友喺旺角行完街，發現呢間新派大排檔，乾淨企理，仲主打小菜同海鮮，價錢夠親民，地點又方便，於是決定試下！飛天通菜煲 🥬一上枱就熱辣辣冒住煙，份量超足，通菜吸哂煲底嘅汁，好惹味，配白飯一流！清蒸海班 🐟海班魚肉好鮮嫩，火候掌握得啱啱好，配埋清甜嘅蒸魚豉油，簡單得嚟非常出色。點心到 MIX·大排檔以新派方式演繹經典大排檔菜式，環境乾淨，價錢實惠，人均$100已經食到飽飽，味道唔錯…查看更多

本身見到網上面啲人話呢度點心好正期待好高，但係嚟到發現點心都係中下水平，蝦餃個皮偏厚，招牌嘅點心包都係正常發揮餡料偏少同埋坐嘅位置比較窄啲環境嘈雜，如果想食好食嘅點心有好多其他選擇，不會回訪…查看更多

黎到旺角呢頭一定多野食揀，呢間間唔中都會排哂長龍，見到今晚唔駛排就所以揀左呢間食。睇左menu之後終於有選擇了。黃金鮮魷，宮保蝦球，蒜蓉炒時蔬。黃金鮮魷，叫做ok不過味道唔夠濃但都可以接受，食落去口感都算係ok既。宮保蝦球，味道都係ok 唔算係覺得好吸引，西芹未算鮮甜不過唔係生，所以感覺整體質素係可以接受而且都唔算辣，有少少辣味而已。蒜蓉炒時蔬，食落去都算鮮同埋唔老，林林地，算係新鮮同好味既。蒜蓉味都夠重，整體混合得唔錯。另外加多個飯呢餐要300蚊多啲。價錢算係可以接受。。。。總結。。。呢間食小菜算係唔錯既選擇。…查看更多

餐廳：點心到地點：旺角洗衣街菜式：中式點心餐牌：餃點類，酥點類，生滾粥，小食，中點類，包點類，腸粉類，飲品，蔬菜類，原盅燉湯，甜點類，籠仔蒸飯類。價錢親民。茶位每位$5。落單用QR Code。韭黃鮮蝦腸 $30韭黃鮮蝦腸一客兩大條切開六件，每條半透明白色腸粉皮包住兩中一細蝦仁，上枱時先加豉油。腸粉滑溜，入面蝦肉爽脆，食到韭黃味，都唔錯。金沙脆皮銀蘿腸 $30金沙脆皮銀蘿腸兩大條，一開六件容易食。金沙脆皮銀蘿腸其實係厚身滑溜雪白腸粉包住一層橙色酥脆皮，入面係滿滿一條條白蘿蔔絲，好特別。雖然係素菜，不過口感好特別，外滑內脆最入面就清甜爽爽地，食完唔覺油膩。醬皇金錢肚 $28醬皇金錢肚有4塊，口感係完美爽口彈彈地牙又滑滑地，個汁少少辣，好惹味，唔會太油或者重口味，面頭加上青同紅辣椒。下底居然有少少冬瓜，可降低油膩感。豉汁蒸鳳爪 $25豉汁蒸鳳爪一客有4件鳳爪，整得好淋，味道都唔錯。下底加左幾粒花生，伴有一片紅椒同綠椒。晶瑩鮮蝦餃 (2粒) $17呢度可以選擇叫蝦餃燒賣4粒或者兩粒，價錢除返每粒係一樣，好貼心！蝦餃塊皮厚薄適中，入面餡料爽口，無辣椒醬食都唔錯。原隻蝦燒賣 (2粒) $17燒賣真係有大大粒蝦係面，面頭再加上蟹籽，下底係啖啖肉爽脆唔肥，仲有冬菇味，皮薄餡靚之表表者。燒汁釀虎皮椒 $24燒汁釀虎皮椒一客四件，紅綠椒各二。面頭鯪魚肉好彈牙，鯪魚味鮮，鯪魚肉份量都唔少。食落只係微辣，油份略重。面頭加上幾條菜苗裝飾。所有點心都係即叫即整，熱辣辣上枱，質素高，而價錢並唔貴，無加一。環境算乾淨企理，平時午市超旺，好彩一點九一個人都可以直入。 …查看更多

今日嚟到旺角依間點心到食點心同小菜😋👍🏻餐牌好多選擇超多點心揀，仲有好多唔同小菜！魚香茄子:配以蒜泥、蔥花等調料,增添了鮮香麻辣的魚香風味口感軟嫩入味,清新爽口,是一道非常開胃的下飯菜粉絲蒸蟶子:新鮮肥美的蟶子,配以細滑柔軟的粉絲一起蒸煮粉絲吸收了蟶子的鮮甜汁液,口感嫩滑彈牙流心黑沙包:外皮金黃酥脆,切開後流出濃郁的黑芝麻餡料餡料香滑綿密,恰到好處的甜度,令人回味無窮 總的來說,這三道菜色香味俱全,無論是茄子、蟶子還是黑沙包,都展現了中式烹飪的精髓…查看更多

今日同一位好耐冇見，啱啱從英國返嚟嘅朋友去咗我成日幫襯嘅一間餐廳食飯。呢度茶位都係五蚊一位，仲免加一服務費，食物質素相當唔錯，價錢亦好合理。乾炒牛河 $78乾炒牛河炒得非常有鑊氣，河粉夠乾身又唔會太過油膩，口感煙韌得嚟又滑溜，牛肉片嫩滑多汁，份量十足。醬油調味恰到好處，鹹香得嚟唔會過濃，食落好有滿足感。香煎𧐢餅 $88呢個𧐢餅煎得金黃香脆，外皮酥脆得嚟又唔會太厚，入面嘅𧐢肉鮮甜多汁，咬落去非常彈牙，完全冇腥味。配埋魚露一齊食，味道更加提升，真係令人食到停唔到口！XO炒蘿蔔糕 $68XO醬炒蘿蔔糕係我嘅最愛，呢度嘅蘿蔔糕煎得外脆內軟，入口即化，XO醬嘅香味濃郁得嚟帶少少辣，非常惹味。蘿蔔糕入面仲有啲蝦米同臘腸，增添咗唔少層次感，每一啖都充滿驚喜，值得一試。…查看更多

成日經過呢間餐廳都見到好多人排隊，今日比較早放工，竟然唔使排隊，咁就一於嚟試吓啦。本身以為呢度淨係食點心，原來夜晚都有好多小菜，因為今日好肚餓，所以選擇食小菜啦。見到隔籬枱食緊呢個百香果鮑魚好吸引，而且價錢好平，咁就叫咗嚟試奶。估唔到百香果同鮑魚原來咁夾，鮑魚嘅鮮味同百香果嘅果香承諾好襯，而且鮑魚好新鮮同大隻，非常推薦大家試吓。呢個野菌豆腐都好出色，除咗賣相靚之外，食落都好清新，豆腐有種健康嘅感覺，越食越開胃。另外我哋仲叫咗西芹炒帶子，估唔到佢嘅帶子咁大隻，而且食落好新鮮，感覺唔係雪藏帶子，佢嘅醬汁有少少黑松露味，非常送飯。呢間餐廳除咗點心好食之外，原來小菜都咁好食，價錢仲好平，唔怪得咁多客人啦，非常推薦大家嚟試吓。…查看更多

今日去咗旺角金雞廣場嘅點心到嗰度食飯 初初以為佢係食點心嘅 點知去到先知道原來晚市只係做小菜 冇點心供應 當時有少少失望 因為係諗住食蝦餃燒賣㗎嘛 但係都唔緊要啦 既然坐低咗 就叫咗 一客流沙包 一客魚香茄子煲 同埋兩隻蒜蓉蒸剩子 想講一講係店員嘅服務態度就麻麻地啦喇好似好吾耐煩咁 點左個湯最後都無到唔知係咪舖頭大而侍應太少啦 至於食物方面魚香茄子偏鹹 流沙包有啲乾 吾覺得流沙兩隻蒜蓉蒸剩子就比較少少 還可以啦 埋單大概220蚊 其實都吾算太飽下次應該吾會再黎了…查看更多

潮食大排檔, 鄰近旺角地鐵站行幾分鐘就到, 新派大排檔內有冷氣, 座位寬敞, 店內光猛 , 店員有禮貌, 重點所有小炒仍然保留鑊氣, 抵食夾大件及性價比極高-口水雞 (例) $68.0白嫩的白斬雞肉與香麻紅艷的醬汁令人忍不住食指大動，麻辣開胃清爽過癮, 多樣辛香料揉和而成,層次豐富滋味，-XO醬爆豬頸肉 $82.0豬頸肉爽脆, 油脂分佈均勻, 入口即溶, 唔柴皮, xo醬主要蝦乾,瑤柱辣椒製成，味道鮮中帶辣, 好適合送飯-椒鹽鮮魷 $86.0大排檔必吃 ~ 椒鹽鮮魷, 皮脆肉嫩, 炸到啱啱好, 重點油鮮, 炸出來的鮮魷好金黃色, 絕對不是千年油, 唔會炸到黑媽媽, 送啤酒一流埋單都唔使二百幾, 超抵食…查看更多

其實呢一間之前都已經食過，性價比真係極高，而且個廚師煮得真係好好食，今次姊妹生日七個人，因為要早啲食，佢哋可以5:15就開始下單，所以我哋呢個早來嘅晚餐就可以喺度進行啦，結果我嗌咗六個菜，有魚香茄子煲，鹹魚芥蘭煲，冰鎮咕嚕肉！三色蒸水蛋，桂花黃金蝦，同埋秋葵菌豆腐，唔使講冰鎮咕嚕肉係佢哋嘅王牌，另外個三色蒸水蛋都蒸得好滑，全部都好好食，但係非常之可惜，店員服務態度非常之差，我啱啱去到嘅時候，店裏面係未有人因為實在太早，只不過係5:00pm,我人有三急馬上去咗廁所，當我見到女廁公仔見到道門閂咗，我唔知佢係推拉定係點樣開，原來係一個趟門，因為真係唔知佢道門點開 ，我唔知道入邊有人，我試咗兩次都開唔到，我就企喺門口等，結果入邊有個喺度做嘅阿姐走出嚟，就不停咁鬧我，話我死拉爛拉到門 ，其實我真係唔知道原來得一格廁所，而且佢道門嘅結構，我都唔知點開，更加唔expect有人喺入邊，因為成間餐廳根本冇人，都唔使咁樣係咁鬧我，雖然有啲唔開心，但係都算啦，坐返埋位食嘢嘅時候發現呢個阿姐見人就鬧，服務態度非常之差，開頭以為佢係洗碗所以先至咁冇禮貌，原來佢係幫手落單，佢唔係淨係鬧我一個，佢係連其他國內遊客都鬧….其實呢間餐廳真係好好食，好食之餘又抵食！真係好適合一家大細食小菜，希望呢間餐廳可以提高服務質素啦，就算你幾好食都好，態度差真係好唔掂，我寧願食兩餸飯，都唔想嚟到俾你鬧…查看更多

✅點心到MIX.大排檔相信大家對點心到都唔陌生超多遊客同本地客歡迎嘅點心餐廳！我間唔中都會同朋友去飲夜茶 重點係免加一！！！今次發現點心到係旺角開咗新店朝早同晏就就會做茶樓 食點心夜晚就會轉做大排檔 食小菜！新店亦都坐得更加舒服！🔆熱情百香果蒸鮑魚 (2隻起)  $18係大排檔到見到有前菜鮑魚 仲要咁抵食成隻鮑魚起咗殼之後放咗係熱情果上面蒸煮熱辣辣嘅鮑魚配上熱情果同百香果嘅酸甜味好特別又開胃！😍🔆鑊氣小炒王   $98小炒王最啱就係試一間餐廳嘅鑊氣😎配以韮菜 腰果粒 魷魚 蝦仁等平時坊間食到嘅會有蝦乾同銀魚仔但呢到就加咗炸芋頭條 增加咗香脆嘅口感！🔆紅燒乳鴿   $55乳鴿一隻又唔會太細喎！個皮烤得好香口好juicy 保留到大部分肉汁！唔需要加醋或者鹽 都已經好夠味！🔆大肚婆炒飯  $82呢個名見到忍唔住叫！因為真係好得意其實姐係揚州炒飯嘅高級版有叉燒粒 有蝦仁 有菜粒 個飯特別值得一提嘅係佢炒得好粒粒分明！而且好有蛋香！味道: 8/10賣相: 8/10地址: 旺角洗衣街39號金雞廣場地下1A, 1B, 1C號舖…查看更多

點心到撈過界, 依家連大排檔嘅鑊氣小炒都有! 見到有超多一家大細嚟食, 除咗有招牌菜冰鎮咕嚕肉, 椒鹽瀨尿蝦，甚至乎芝士龍蝦伊麵等等, 應有盡有~~紅燒乳鴿必食! 燒得皮脆內嫩, 鎖住肉汁，點埋懷鹽喼汁超惹味。生炒糯米飯冬季限定✨ 大大兜，仲有炒香左嘅臘腸，花生同冬菇😋😋榴槤雪媚娘甜品一定要叫呢個！咬開表面薄薄糯米皮就聞到超香榴槤味，有唔少榴槤果蓉同埋忌廉，好邪惡🥰📍點心到 MIX·大排檔 (旺角)旺角洗衣街39號金雞廣場地下1A, 1B, 1C號舖…查看更多

初時以為朋友約我去食點心，去到先發現原來呢間係點心到mix大排檔，而且食完仲滿有驚喜！中式牛柳牛柳肉質鮮嫩，保持了豐富的肉汁。搭配洋蔥，還為整道菜帶來了一絲清新的脆感。肉絲炒麵肉絲鮮嫩，麵條炒至金黃，外酥內軟，夠哂鑊氣，加埋個芡，令炒麵有哂乾濕兩款唔同嘅口感，直程係我兒時去大排檔嘅味道！黑金流沙包揀咗流沙包做甜點。這款包子外皮柔軟，輕輕一咬，流心的鹹蛋黃醬馬上流出，難怪是餐廳推介食物之一。喺香港大排檔已經見少買少，難得喺旺角搵到間充滿大排檔風味嘅餐廳，有機會一定會再約朋友來光顧。…查看更多

天氣咁凍，一坐低就想嗌個燉湯黑蒜螺片燉肉排湯真係黑鼆鼆入邊有塊螺片同埋啲肉都好嫩咁落口好順滑，好舒服紅燒乳鴿 熱辣辣炸出嚟 啲肉就好仔細加少少鹽 就啱啱好啦跟住梗係要嗌啲海鮮 蒜蓉蒸元貝 好大隻 仲要有好多粉絲同埋蒜蓉蒸埋一齊彈牙爽口 熱情百香果蒸鮑魚 原來呢個有一個咁特別嘅味係香甜嘅百香果粒粒上高 蒸鮑魚鮑魚更加鮮味同埋彈牙最後叫咗兩個黑金流沙包 熱辣辣 仲有流心既效果啲奶黃真係好正啊一路仲有好多其他大排檔小炒 晏晝就有點心…查看更多