Le Cafe (Closed)

每日餐廳預設了好似有8-10款小菜客飯套餐，打算外賣其中一款小菜，進舖後稱叫外賣，感覺職員是各有各忙，大家都當聽唔到，等幾分鐘後，終於有人來招呼，叫了一個土魷肉餅飯，我開頭以為，叫是日客飯，都唔會太耐，等下等，等下等，過了三十分鐘都未有，職員說「好快有㗎喇」，但我竟然發現遲過我order的堂食客都食緊我叫的那款小菜，但我外賣比了錢，唯有等，途中竟然見到佢廚房將幾碟小菜都放入微波爐跟住過多陣我外賣終於都有喇，相信我嗰份外賣都是微波爐出品，回到家，喝口湯，普普通通味精湯，最離譜肉餅勁咸又重味精，個飯仲勁，好似無煲熟嘅飯，最放得入口咪得杯好立克囉咁就收我$70，去隔離食好過！…Read More

原來對上一次來這餐廳已經是2013年末，今次再來已經是三年後，時間過得真快! 餐廳與之前相比也沒大分別，這次我們同樣坐露天座位，不過我們來得正好，不用等位，比我們稍遲的食客已經要等候了. 每人要了一客燒味粉麵餐 ($35)，原來3年前是 ($30)，不過這3年物價飛漲，即使現在的定價也依然合理，而且我們正處於遊客區呢! 我想整個黃金海岸，除了老麥外，這店應該是最便宜的了. 叉燒河粉 媽咪要了叉燒河粉，她說叉燒都幾稔，河粉份量亦多，不過就較粗糙，但這個價錢也沒甚要求了. 燒肉出前一丁 家父要了燒肉一丁，不用額外加錢轉丁麵，感覺賺了，哈哈! 他說燒肉都幾好，不會太肥，比想像中好. 叉燒出前一丁 叉燒幾稔，也有5件左右，份量幾多. 出前一丁的味粉& 麻油都是自己添加的，其實都幾好，因為我慣常只放半包味粉，自己添加可以控製分量. 要彈的是湯底熱度不夠滾燙，可能想食客快點吃完快埋單吧! 熱檸茶 最後以一杯解膩的熱檸茶作結. 假日的餐廳食客很多，店員都很忙碌，不過都很有禮貌，不是其他食評所說的態度一般，也可能是我好彩la! 不知下次再來，會否又是三年後呢? 屯門黃金海岸商場地下7F舖 2430 9909…Read More

一入舖頭服務員態度一般般不過食茶餐廳 都唔會有乜要求都係想食完就走姐叫咗個火腿出前一丁黎到既時候 連味粉 麻油都要自己落咁係屋企食仲好啦仲要落黎受氣三十幾四十蚊 不如去隔離食！…Read More

今日天氣雖然都有30度，但黎到黃金海岸就比到我感覺到四周環境悠閒舒適，還有陣陣微風比想像中涼爽。今日的第一餐就選擇了呢間餐廳食下午茶，重陽節間間餐廳都要等位，我地都等了約10分鐘，最後等到露天位，室內仍滿座。兩份茶餐都不過不失，當中粗薯條最好味，夠熱夠脆，自行加少少鹽，正備註：下次order烘底多士可以烘燶少少，因半硬半淋，有點怪。…Read More

2013年最後的一個星期天，我們家打算再到戶外郊遊，選擇一是到大棠看紅葉，選擇二是到黃金海岸閒逛. 不過早幾日聖誕已到南生圍郊遊，還弄到一身都是泥塵，故此還是到黃金海岸閒遊好了，還可順度吃TEA呢!從西鐵兆康站轉乘港鐵巴士K51不消30MINS便到達遠離人煙的黃金海岸了. 在黃金海岸商場逛逛後又到了沙灘散步，當日氣溫接近20度，有些父母帶同小孩到沙灘堆沙，讓小朋友多接觸大自然是好事呢!星期日的黃金海岸人流也不多，好像置身外國地方，呼吸着新鮮空氣、吹着微涼的海風，令人心情豁然開朗!到處慢行後，我們又回到商場那邊找吃的. 由於我們不太餓，亦不想吃西餐，所以就就選了這間名為黃金滿屋的茶餐廳吃點輕食. 店子分為戶外及室內位置，當日氣溫宜人，當然是坐戶外位置啦! 不過要有心理準備旁邊會有抽煙的客人，當天我就遇上了，可幸他們不久後已離開，否則吸到二手湮或是衣物沾上煙味那就不太好了.想不到位處遊客區的黃金海岸也有那麼便宜的茶餐廳，粉麵、沙律炸物套餐價錢只是$28-$30以內，實在超便宜呢! 父母與我皆選了燒味粉麵餐$30，還有燒鴨、油雞、叉燒及燒肉等可選，還可配粉、麵、米OR出前一丁(不用加$) 總有一款合口味的. 燒肉出前一丁由於我叫了燒肉分上，所以燒肉皮仍然很脆口，肉質則鹹了一點，但仍可接受. 至於出前一丁的麻油及味粉是自行加上的，愛好健康的朋友可以著量減少味粉，另外麵條亦附上幾棵生菜，也見心思. 熱檸茶茶濃香濃，配上鮮檸檬片可助解膩.為了逃離鋼筋森林，我相信很快會再次到黃金海岸呼吸新鮮、自由的空氣，下次我想到絲綢之路COFFEE SHOP享受午後時光.…Read More

陽光普照的下午出席完好友婚禮，襯未到晚宴就在黃金海岸逛逛，順道為肚子加加油。隨便選了間茶座歇腳，雖然它有一個法國名字，但實質只是港式茶餐廳。既然只想打發時間，順理成章走了進去，在豐富的晚宴前不想吃太多，叫下午茶餐就適合不過，我點的是豉油雞脾併沙律。這裏分室內及戶外兩區，天氣不熱時坐在餐廳外倒是寫意，可惜期間有很多蒼蠅打擾，衞生確是很一般。說回食物，豉油雞脾鹵得頗入味，但肉質則較為嚡口，部份位置更有一些瘀血。沙律弄得倒不錯，薯仔煮得腍軟，菠蘿酸酸甜甜，配合沙律醬令人開胃。阿華田沖得頗適中，不會太甜或過膩。不經不覺，天色已昏暗，是時候返回宴會場地了。…Read More

在黃金海岸附近居住的我可以說是那裏的地頭蟲，不經不覺已經住了接近七年。對於附近一帶的餐廳食店可謂瞭如指掌。今次要寫的是一間平凡不過的茶餐廳。要在黃金海岸揾食不難，平貴都有。茶餐廳格局的食店只有兩間：『黃金滿屋』和『新穎』。很久沒有光顧『新穎』，因為比『黃金滿屋』更差！但『黃金滿屋』也只屬於barely OK的選擇罷了！另外，『煮樓』其實是茶餐廳、中式酒樓和火煱店的混合店，但價錢貴，服務差，連一杯水都要討才能有得飲！好『孤寒』！相比之下，『黃金滿屋』的姐姐就自動倒水，算係OK啦！呢一點都係我覺得『黃金滿屋』的『優點』。論價錢，$48元一份中式晚餐可以說不貴但也不平，但份量就多過『大家樂』、『大快活』、『美心』和『廚房佬』。論質素，有成條鮮魚可以選，算OK。飯大大碗，大食人士都夠飽不過，要容忍店門大開，有時有烏蠅飛來飛去，令衛生分數大減！另外，廚子先生時常大聲講粗口，可憐做食客的我要被迫聽唔少的粗言穢語…Read More

別以為名字似法餐, 內裡只是地道'茶記'食品, 不要搞錯呢! 是日下午沒什麼人, 外面有幾枱客人, 內裡空空如有, 只有職員高談闊論夾雜粗言, 有燒味道及水吧廚房, 一目了然, 似乎坐外面較為通氣呢!二話不說, 來個特餐'醫肚'沒什麼香味, 火腿少, 味道淡!:(一大片火腿... 哈哈, 原來慳了在這裡!? 兩小片罐頭鮑片, 煮開的麵, 味粉及麻油自己放, 很少見的安排, 不知作用為何?熱飲一般, 立克像開水, 奶都不夠, 不好味服務無什麼可言, 幾位阿姐你一言我一語大聲談無聊話, 有點兒滋擾呢:(…Read More

外國朋友訪港，撞啱佢生日，所以係佢入住既黃金海岸酒店附近既商場食完飯同佢去甜品屋食蛋糕慶祝。一行四人食左四款唔同既蛋糕。壽星妹好鍾意食朱古力，而且見到個金字塔朱古力好特別所以就試左個 chocolate chip mousse cake。蛋糕入面係冇chocolate chip，入面下半層先係chocolate mousse。朋友勉強話OK la... 但見佢冇食哂就知道有幾OK... :(:( 第二位好鍾意好立克既朋友因為早前食過一個好正既 horlick cake，所以唔洗諗就叫左個horlick cake食。佢好失望，因為個蛋糕完全冇好立克味而且好乾。食黑森林嗰個就話無乜點。我自己就食左個又硬又乾又冇芒果味既mango dome cake。嘩，因為全部座位都係室外，我個蛋糕面既粉吹到周圍都係:(:(。一句講哂非常唔好食，試都唔好試!!每個蛋糕係HK$20。如果要埋杯咖啡或茶就要HK$40/set。…Read More

尼排在黃金海岸附近工作，這裡食店得幾間，少得可憐，唯獨這裡比其他店便宜d，水準一般，勝在份量多及品質穩定d，今日我吃了個茄子斑南飯，斑南炸皮都幾厚，少肉，無味，我靠個汁來送飯。有分吸煙區和非吸煙區，人流都好旺，食飯時會出現好多烏英飛來飛去，衛生麻麻。…Read More

很久沒光顧，今天來一個早餐，沙爹牛肉麵，煙肉太陽蛋，熱咖啡；煙肉沒甚好說了，太陽蛋可看出是懶散之作，咖啡淡而無味，將貨就價？所謂沙爹牛肉，只是灼熟牛肉再淋上沙爹汁，而麵更不知所謂，雖則是出錢一叮，可真是一叮，事緣只把麵餅浸於湯中，在下要求真的烹煮，其也只是用微波爐再叮，吃了兩口，已經舉手投降，感到口乾無比，單是一個早餐已弄得如斯田地，嗚呼哀哉！…Read More

我o係呢間野食過tea,d食物只屬於一般,但至在平囉, 相比起黃金海岸商場其他餐廳,呢間既價錢就比較平d啦~…Read More

由於地利關係, 加上我成日扭計唔煮飯, 我已成為深井至黃金海岸食肆常客.呢間甜品店好醒目, 已經改陣成為一間"茶餐廳", 最普通最大眾化的港式茶餐廳, 下次在黃金海岸區, 總算有d normal o既野食喇。.…Read More

睇雜誌話黃金海岸開左間滿屋，所以食完飯就去試下，一心想食榴槤班戟，佢竟然話班戟賣晒，仲要佢地未有榴槤產品，咁你個MENU又寫出黎？唉…想食乜都無得食…最後叫左個合桃露拼芝麻糊同一個蜜瓜西米撈，個合桃露都OK，芝麻糊應該叫芝麻露，因為太稀…而個蜜瓜西米撈應該叫蜜瓜西米露，因為都無撈0既感覺，而且一D都唔夠甜，唔稱得上為甜品囉…專程黎到，失望而回…唉……Read More