Golden Cafe

今日天后又搵到一間未食過嘅餐廳嚟試下。入到去環境好新淨好靚，餐牌都設計得好有特色。我叫咗午餐A- 板燒雞扒伴咖喱角。呢間餐廳出餐出得勁快，又落單到上菜，只係用咗3分鐘😂食物賣相都唔錯。不過塊雞扒細咗少少，同大家樂早餐差唔多，而且啲薯條同咖喱角唔熱嘅。味道就正正常常，一般茶餐廳質素，但係感覺性價比就冇其他茶餐廳咁高，因為平時茶餐廳通常都大份夾抵食，大大塊扒咁同呢度個對比好大。呢個同類型餐廳都有好多，下次又可以繼續搵吓有冇啲性價比更高嘅餐廳試吓。…Read More

我最鍾意食下午茶尤其是係港式茶餐廳我鍾意香港茶餐廳夠大份又够平又夠快啱曬我呢啲追求速度嘅香港人黃金茶餐廳都幾好其實佢都好多款可以揀但係我最愛都係西多士熱辣辣炸脆的厚多士夾上花生醬再加上糖漿同牛油雖然係邪惡嘅化身但係真係好好味再加一杯超大型嘅紅豆冰通常我都會走冰有好濃嘅奶同埋好多大粒紅豆講真啲紅豆真係好多食唔曬…Read More

經過電器道，肚仔餓求其揾間茶記醫肚，經過幾間，最後揀咗佢～黃金冰室。好耐無食過港式咖哩叫左個午餐～吉列咖哩豬扒飯，一放低，豬扒嘅份量勝預期，大大塊仲要起孖。吉列豬扒表面脆口，肉質爽嫩～ok wow, 再撈啲咖喱汁落飯到一齊食，佢個咖喱都唔錯，有咖喱辛味，無苦澀感覺，清「辛」嘅感覺，適合我哋呢啲想食咖哩又唔食得好辣嘅人。回頭度：6/10 其實唔係差，但我真係經過，食完行出去，其實附近都仲有好多選擇！好似我另一「篇」，就係食完呢度行過，明明剛食飽都要入去啪一碗～蛇羹！😂…Read More

$168孖寶餐, 價錢正常。油麥菜鮮魷, 鮮魷一d 味都冇。跟手第二個餸沙爹金菇鷄就上菜。我心諗, 嗯, 一個餸濃味, 一個餸冇味, 中和返就啱。點知個沙爹鷄係好濃味" , 但絕對唔係沙爹味。最正係餐廳既職員不停大聲鬧交, 我地坐正出菜位隔離, 非常嘈。食食下時職員仲拎漂水拖地。不回頭。…Read More

今日晏晝去幫襯呢間冰室，睇完嘢食諗住落單。第一次揮手叫人冇人埋，我見佢哋忙緊，情有可原🤗。第二次叫側邊執緊嘢嘅阿姐，就話等陣叫人幫你，之後轉個頭執完嘢去幫其他人落單😓，而繼續冇人過嚟。之後我就親眼睇住第二個侍應幫我後面同側邊落單都唔過嚟😅。最後大聲叫佢先慢吞吞過嚟😡🤬…Read More

未入門口就已經對食客，包括我都好無禮貌。本身啲嘢已經唔係特別好食，仲掛緊8號期間，見有開就去。未有位就企埋一邊等，無阻人啊。點解係都要叫我出去等？雖然啲雨唔係好大，落雨都叫人出去等。。。之後都好快就有位，問坐得啊可佢收銀答 “你話呢？” 我無欠你架你自己選擇打風都開舖你都係想食多條水做咩講野要咁唔客氣？唔計態度，成條街比你好嘅茶記多的是你好彩嘅係北角炮台山多商戶多街坊多人黎食可能你先未執見abcde 都無先選你🫵…Read More

因為 business trip 返嚟香港， 有間酒店免費俾我住，就响電氣道附近。by chance 行過呢間茶餐廳，梗係要食返我嘅comfort food 加上係我嘅 兒時最愛 : "唔該寫嘢，一個午餐要沙爹牛麵"。同細個嘅時候比，呢間茶餐廳嘅呢個餐 (每間餐廳都有佢哋自己嘅叫法，但都係牛油多士 (以前多數係牛油方包，冇烘底) + 火腿煎蛋 + 沙爹牛麵/雪菜肉絲米/叉燒湯意 咁上下) 真係上上品。第一次食，我叫左另一道唔應該响茶餐廳食嘅菜式:海南雞飯(點解會叫? 因為新加坡嘅海南雞飯，真係好多都唔好食唔，香港啲雞種一定靚過新加坡雞，就咁浸熟嘅雞，雞種本身對味道口感好大影響。 而坡國最名過其實嘅雞飯(新加坡本地人通常就咁叫海南雞飯做雞飯)，我會話係每本旅遊書覩介紹，响一個 hawker centre 入面， 日日天天都排隊嗰間囉，唔開名喇 其實都開咗:)。我哋係開餐廳嘅，亦食過新加坡好多旅遊書 冇介紹嘅嘢食，總雂更加好饂嘅雞飯大有人在，日日天天 排隊呢間，响我嘅排行榜，只係中游(旅行書每本都係左抄右抄，就好似一叠紙跌咗落地之後次序唔同哂，作者都唔知係咪真係有食過先介紹)。講返正題, 咁我太太叫咗呢個午餐定常餐定特餐，可能我試食嗰時，個沙爹汁已經融入咗個湯入面，就好似碗麵係用沙爹湯底咁。第二次去食 (短短4日3夜，已經食咗兩次)我就叫返呢個餐，仲要唔叫丁麵，就咁要即食麵，今次食道佢嘅真身，湯底係溝咗忌廉雞湯嘅底，牛肉嘅沙爹汁脉到撈勻之後會令個湯變埋打邊爐嗰種沙爹湯底。 唯一要彈，就係好多人鍾愛嘅。厚多士，一塊厚多士嘅表面面積，係食過兩塊薄多士，所以受到烘烤嘅面積會細咗，冇咁香脆，再加上本人係prefer 西式麵包嗰種有筋性有咬口又有在感嘅麵包，冇咁鍾情亞洲人鍾意嘅鬆泡泃麵包。但係為咗滿足大部份客人，咁做係無可厚非另外一提，我雖然係食早餐，但係我叫咗個全日供應，多咗塊煎豬扒(有幾仲選擇但係我揀煎豬扒)， 塊豬扒煎得好香，雖然有如一般港式食肆會用鬆肉粉/梳打粉嗱鬆塊豬扒，但係唔會過火。要食唔用粉嗱鬆，有實在肉感嘅豬扒，茶記價錢應該冇可能食到，亦唔係同一個產品，不能比較。…Read More

8月17号星期四晚去左北角黃金冰室食(小菜孖寶套餐$168)：羅宋湯只有濃濃菜味😯，一點咸味都無，應該係無落鹽😔。小菜叫左胡椒豬肚雞煲，但上菜卻竟然似啫啫雞煲🤔，只得3小塊豬肚，完全無胡椒味☹？顛覆左对胡椒豬肚雞煲既傳統印象，應該有濃濃胡椒白湯🧐。另一個係咖喱牛根腩煲，帶有(酸味既咖喱)都係第一次食到😲，似係落左醋或者似食物变酸左既味道😨，煲內沒有薯仔，取而代之既係芋頭🧐。成餐飯只有白飯同凍奶茶係最正常，如果有人想試奇奇怪怪既味道，極力推薦大家去試食，本人就會將此食店列入黑名單，永不幫襯😡😡😡…Read More

今天早上約了時間看醫生，看醫生前去食個早餐，選擇也多，所以去了黃金冰室♥️叫了份早餐c咸牛肉炒蛋仿鮑魚絲公仔麵外觀食物質素也很好多士也是熱辣辣的👍🏻之後經過會再來🤓…Read More

見完急急腳，在11:30am前吃過早餐，當早來的午餐啦。两餸麵(沙牛+榨菜肉絲)，茶走少甜茶走，有茶味，順滑，不错。可惜，尾段，飲到少少澀。茶餐廳奶茶，算是一般水準高少少。牛肉，不错。沙爹汁，少少香，濃的，我覺得鹹了少少.榨菜肉絲，好味。整體食物質素，在比一般茶記高少少。熟客和收銀哥哥吹水，同客人關係好。…Read More

今次走咗過對面海食黃金冰室，試吓呢間嘅咖喱飯的味道如何，於是就叫咗三個咖喱去試，味道同我想像中係冇出入嘅，依然都係咁好味，咖喱汁裏便有龍龍嘅椰香味，如果鍾意食咖喱嘅朋友可以去試一試…Read More

行街經過北角呢間冰室見肚餓就行左入去食個下午茶🤣下午茶時段係2-6pm ,選擇都唔少，仲好吸引tim🤤又飽肚d既選擇又有輕食d既選擇👍🏻最後叫左個睇名就覺得又邪惡又吸引既~特別推介~$42～黑松露芝土雞髀配紅豆冰～🤤🤣❤️平時茶記或冰室通常得普通炸雞髀或豉油髀咁，但呢間冰室竟然有d咁邪惡既雞髀🤩真係唔試唔得🤭一上臺賣相唔錯，見到大大塊芝士同大大pat黑松露起炸雞髀上面🤤真係見到都流口水，食落熱辣辣，岩岩炸起非常香脆，肉質偏乾身dd，味道偏微咸，都幾好味😋配埋芝士黑松露更加味道豐富😍一邊食一邊配紅豆冰，非常正👍🏻紅豆冰甜度適中，正常發揮既水準，整體而言成個下午茶都算唔錯🫶🏻…Read More

星期一至五，工作既午餐，絕大部份時間都會去光顧茶餐廳了。因為在香港地，茶餐廳保證飽，同保證唔會差得去邊。就在我工作點既電氣道一帶，單是電氣道街市對面，就有一系列既茶餐廳任君選擇。來到這一帶，我比較多幫襯這《黃金冰室》，因為午餐有飯有湯有飲品，很不豐富而價錢亦不離地。那就說說頭兩次的拜訪吧。中午時候來，十個有十個人都會叫午市的套餐。當店員問我要什麼湯，而又有羅宋湯可供選擇時，我就一定要碗應該是會很美味的羅宋湯。而這一個羅宋湯並沒有令我失望。味道香口，材料十足，加點胡椒粉更突顯其香辣口感。令到我每次來都不他選，一定飲羅宋湯。第一次來，我就是被這豬扒午餐吸引了。可以配飯、意粉或薯菜，而我卻選擇配薯菜。薯，給的是一件焗薯，是一個很突破的茶餐廳西餐配搭。焗薯加上日式沙律醬，加了點點的酸甜味道，更可口。而豬扒是厚切的，肉味足，加了燒汁亦令到豬扒更鮮美。配搭有一條香脆的香卷，感覺很是可愛。第二次來，我試一試他們的海南雞飯。味道算是OK啦。雞夠香口，只是用的雞種比較鞋口而已。雞油飯夠香，三色醬汁也夠好味。可以給一個合格。最後要說的是奶茶。好香奶味的奶茶，茶底雖夠濃，但奶味同奶香搶了少少。喜歡多奶的話，這就是一杯好奶茶。整體上，以連鎖店來說，食物出品算是幾好。價錢雖然偏貴了少少，但份餐有湯有主食有飲品，都 OK 架。《黃金冰室》，我滿意。…Read More

去過兩次,第一次去想點個「香草海鮮燴天使麵」,點知佢地話沒有天使麵,問我轉唔轉意粉,我話OK。個香草海鮮意粉一般般,好聽D叫做creamy, 直接D講就係「好漏」,味道一般般,而且唔夠熱第二次去,想叫個「香煎比目魚配天使麵」,今次有天使麵啦,但係佢地話無比目魚喎咁我就叫咗個咖喱牛腩飯,但一食就知中咗伏,D牛好硬,咬極都咬唔開我食緊果時,見到有一位男侍應竟然當眾係咁咳,然後除口罩抺鼻,然後再戴返口罩繼續幫客人落單同埋上菜,沒有即時洗手!! 經過呢D事件後,我真係唔會再去光顧啦…Read More

真係嬲到震，想食個早餐都要受氣。我哋一家三口入去食早餐，當時滿坐，見有人啱啱走，我哋就隨即坐低。侍應收起之前嘅餐之後，我媽咪就睇下menu有咩食。媽咪仲睇緊之際，侍應一手搶咗佢份menu，抹完檯之後大力放返menu喺檯。重點係份menu唔係普通膠file，係鐵架嚟。父母覺得算啦唔係大件事，咁我哋繼續睇食咩。媽咪舉手示意可以落order，侍應撥走我媽咪隻手，我真係火都嚟。你忙做到忟我理解，但全程不發一語只動手動腳，真係講唔通。我哋三個立刻起身走，爸爸臨走之前同個收銀(唔知係唔係老闆娘)講：你啲伙記好無禮貌。跟隨我後面嘅食客應聲話：贊成。門口陸陸續續有好多人排隊入去。其實餐飲業真係好難做，有好多默默耕耘嘅餐廳努力求存，真心想講唔嚟呢間仲有好多選擇。…Read More