Spicy House (Closed)

平時同女仔朋友，都係日本菜或 cafe。男仔朋友，就係茶餐廳、雞煲。咁佢哋都鐘意川菜，是日試試。坐底就問老細，有乜推介。先來泡椒雞腳鴨舌。泡椒雞腳鴨舌$58小小一碟泡椒雞腳鴨舌，卻異常入味。帶點微辣。蒜泥白肉$78用特別的架子裝上。白肉肉質比較乾身，自行加上蒜泥、辣/甜醬。必點乾扁土豆絲$62每片超薄，炸到很透。是熱氣1點，但好鬆脆。也不是每家都會做，配埋啤酒就至正!!!此外，必推小食 -日式炸番薯$48外貌不吸引，但食落外脆內超甜的，真係好味，一口之選。毛血旺$98有豬紅、豬腸、黑柏頁、午餐肉、芽菜等。叫了小辣，對我已是極限。但冬天食麻辣，麻到我頭皮出汗，麻辣得好痛快呀!配呢個麻辣鍋，非常不俗!燒元貝$38 隻大大隻燒元貝，內裏依然多汁!醬汁甜甜地呢! 加埋蒜泥一齊食，有特色。四川板鴨$98 半隻賣相不怎麼樣的四川板鴨，但食落煙燻味好濃!!!皮乾身但肉質也可以。桑拿田雞$98有田雞、萵芛片，唔太辣。落了石春，令傳熱、保暖更好，幾特別。大家一定要試自家涼茶$12甘草味濃，可降辣、解熱氣。此店的菜式比較大碟，適合人多聚會。就可以乜都試一些，價錢也合理。…Read More

今日遊車河經過飛鳳街，見到有間叫麻醉館，好特別，走入去試下先鹽焗螺好鮮味炸土豆絲好香口，一啲都唔油，師傅功力十足，食到我唔停口，飲啤酒食岩哂香酥豬手（好似係）豬手應該係滷過，食落有啲似豬大腸咁味但又唔係豬大腸。。夠入味！炒窩笋爽口，不過我個人唔太食冇葉嘅菜，朋友就幫我食哂，哈哈整體黎講80分，仲有串燒肚餓得濟食左唔記得影，都唔錯下次再試麻辣野…Read More

第一次寫食評！我和家人新年到麻醉飯吃晚飯！ 第一次吃到一肚氣，還要比人用粗口大罵。我們叫了6菜及一個贈菜，共7道菜，頭3個在二十幾分鐘內到，算OK。但其餘4個，再等多45分鐘都未到，其中一個是鮑魚仔，看圖有7 隻，追了2次才來(已經是叫菜後的一小時，留意！這只是冰鎮鮑魚！不理解為何需時那麼久)，眼前一亮，是5"薄"片罐頭鮑 ( 每片約6-7張纸厚度 ) 只可以說是刀功十分厲害，貨不對版，追問之下，店主表示改了鮑魚片，及不會通知客人，最可怕的是，這5片罐頭鮑已包括贈送一菜在內。我們都啞吞，吃完打算唔等最後2道菜，正當埋單時，才上多一道，我們決定不要，那時店主就用粗口大駡我們，還想打我們似的！叫我們以後不要來！當時只有8-9枱，每枱只有 2-6位食客。另外，看到身邊的其他客人所點的盆菜也貨不對版 (沒有蝦或鮑魚), 也有不滿的表達語氣, 同樣也是呆呆的等了超過四十五分鐘！其它食市, 無材料也通知聲, 他們竟理直氣壯說不會通知。 新年食過開年飯加慶祝生日，本想一家人開開心心！竟遇上人生第一次的"食到一肚氣" 。…Read More

火辣並不只是男人渴求的形容詞，有時候火辣之感正好叫人慾罷不能！近年喜愛到中國背包行，飽覽風光之餘，不忘尋食，吃貨的我已由當年滴辣不沾煉成了金鋼不壞之嘴，辣在嘴頭滋味在心頭！ 平日一向很少機會吃川菜，實不相暪，今次小妹是衝著冰鎮鮑魚、蒜泥白肉而來！麻醉館位於黃大仙飛鳳街，館子不算大，館內共有十多張桌，６張是卡位桌。坐位寬敞，還有大電視可邊吃邊看。♥涼伴豆花♥ $48/碟恕我愚昧，此菜對我來說是驚喜之作，未吃時還以為是類似麻婆豆腐，誰知吃下去是久違了的山水豆花味！豆花上鋪滿辣醬、蔥花、炸菜！一口吃下，冰凍香滑的豆花甜到口頭，還未來得及回氣時，辣味已急不及待跑到舌尖！就這樣一啖天堂（甜），一啖地獄（辣），令人沉醉在個中滋味。♥蒜泥白肉♥ $78/盤青瓜薄片、白肉在木盤上高高掛，器皿像古人送飯菜的托盤，很有古典鄉川味! 盤中有2碟精緻的調味醬料，愛辣可選蒜蓉辣醬或不好辣的可選大蒜搗成的蒜泥。蒜泥白肉是一道四川省的漢族傳統名菜。此菜講求刀功、火侯，調料。做蒜泥白肉一般用五花肉，但我偏愛梅花肉。因為梅花肉都是瘦肉偏多，而且中間有數條細細的肥肉絲在軟骨絲中縱橫交錯(如圖１的右上角)，所以吃的時候一點也不油膩，而且特別香嫩、可口。吃時將黃瓜片包裹著蒜蓉辣醬，青瓜的青脆、白肉的香口，再咬下香濃的蒜蓉辣醬。因為白肉中有軟骨，所以口感極佳。♥冰鎮鮑魚仔♥ $98/盤海鮮怪的我，每逢試新菜必定會看看它的海鮮Menu，今次都不例外，小妹是衝著冰鎮鮑魚而來。所以看Menu必先留意冰鎮鮑魚。然後看到一個令人驚喜的價錢，竟然＄１００有找！怎麼可能不試？上桌之後，乾冰煙四散！盤內共有２隻切片鮑魚仔，旁邊更有花皮。鮑魚仔大細如母指般，肉質鮮味，煙韌有咬口;而花皮配以wasabi吃，享受在冰凍中刺激鼻竇。♥燒烤類-雞全翼♥ $10/each嚐辣沒有啤酒，不喝不快(男人mode)。在麻醉館，我喜歡邊吃渴邊看大電腦，再來一份辣味、蜜汁雞全翼，人生一大樂事也! 雞全翼意料之外的肉厚，小妹是雞全翼迷，熱度是我對它的一大要求!麻醉店最令人滿意的是每碟食物的熱度足夠，那輕微燙口、咬下去蜜汁四濺之感，的確令人沈醉 ! 而且以$10/隻這價錢來說，必定不能錯過!而且現在凡叫冰鎮系列，都送生加啤酒一支。超抵!♥蒜蓉烏頭♥ $88/條熱騰騰的錫紙內裹著烏頭，打開錫紙，蒜蓉香隨熱煙四散。烏頭雖不算肉厚，但因為焗的時間剛好，蒜蓉、魚肉面焗至微焦，極其香口。單吃魚肉，肉質非常嫩甜；配合蒜蓉，吃出濃而不搶魚香的滋味。另外配合碟旁的特製醬汁，更能帶出香甜。♥黃金蝦♥ $88/碟蝦肉彈牙，香脆可口，但略賺黃金量(咸蛋)不夠，如可以包整隻蝦滿佈蝦身更好，但熱度十足! 滋味!♥麻醉館♥充滿濃烈的大排檔把酒傾心之氣味! 論地方，雖然不大，但坐位寬敞，還有電視供邊吃喝邊看 ; 論食物，有一定質素，食物熱度十足、配合大廚刀功、火候，既有欣賞價值又能吃出驚喜 ; 論價錢，更加不能挑剔，碟碟平民價，小妹想了很久，實在挑不出骨頭。 的確是一個朋友聚會、飯局之地!…Read More

話說之前報左個試食 + 飲既活動 - 生力友飯局系列今日既目的地就係呢間麻醉館 其實呢間野都幾偏僻下(呢位小朋友好似成日都去D 奇怪既地方)要係黃大仙行上去，中間斜路比較斜返去正題，入去坐低當然睇下有咩食先啦野飲就因為係試食/飲活動要飲大會指定啤酒，不過原生力出左隻淡味 但心諗：我食川菜，辣野黎架ＷＯ。。。咁就當然要搵返原味既生力送啦(濃味D 先岩辣野麻)其實去之前爬過下文諗好左，當都會叫佢兩個出名既菜式：川烤ＢＢ豬同水煮魚之後再睇下餐牌睇下有咩好食諗左陣就叫左金磚百福豆腐、泡椒鴨舌、蒜泥白肉同一個菜（扮晒健康下）一開始利益申報先其實個泡椒鴨舌我無食 =P因為我唔係好食X舌呀、X耳呀個D但同行既都話好食(佢地講炸)咁自己第一道試的菜就係好可惜，無咩驚喜，其實只係一道椒鹽豆腐雖然豆腐係煮炸得唔錯，而且係新鮮炸上黎但唔夠香椒鹽味之後再黎左碟菜，菜就一般般，無特別但個蒜泥白肉就幾特別街外一般係配料同個肉本身上個陣已經整埋一齊但呢個就係搵個有手抽既木桶上肉同青瓜切片放起手抽辣油同生蒜放起下面可以自己控制份量呢個食落幾好好食，而且可以自己加好多生蒜一齊食(本身鍾意生蒜)之後主菜：川烤BB豬上菜個陣，員工話等我地食晒D 皮先點火初頭唔係好明點解，咁唔理咁多照食一開始覺得隻豬係幾靚(嫩口豬)，而且煮到岩岩好但作為一道名菜咁又唔係好夠特別之後叫佢點火，過左一陣再食，終於明白咩事原來一點火，隻豬會再慢慢吸個汁呢個時候D 配料同隻豬都吸緊/吸晒個汁D 精華開始入口覺得辣，而且一路食，個辣係昇華緊好彩叫左枝酒送菜，一路食，一路飲個種唔食得辣，但又要去食，而且辣到自己開始流鼻水同眼淚個種感覺真係好過癮 < 3 < 3(我知我變態)呢個時候水煮魚都上埋個水煮魚係真係落足料用左好多香料同辣椒D 魚本身都煮得幾滑(軟身)，易入口不過中肯D 講，係標準既川菜唔算有咩太特別，但夠料既飲飲下酒當然會叫埋D 串燒啦不過大家如果叫就小心D 叫事關串燒食食下先發現唔算平十幾蚊一串，叫叫下會食左好多但串燒佢都整得唔錯，幾好食墨魚咀大到好似一蚊餅不過最後成餐食左九百蚊左右 lol最後覺得大家鍾意，又食得辣既可以去試下 …Read More

辣的食物，大家喜歡嗎？Wing對「辣」真的又愛又恨。很愛它那種食完會令身體出一身汗的感覺，又很喜歡讓味蕾有這個極刺激的感覺。Wing最近發現家的附近有一家專食辣的川菜館~Wing在說的是位於黃大仙鳳凰新村的「麻醉館」啦~Wing跟家人一行五人前往這家餐廳喔!!其實家人都不太吃辣的，超感謝他們陪我一起瘋癲呢~!!!話說....當我跟他們說要來這裡吃晚飯的時候，他們耍手說不的，但Wing堅持很想要試一次，他們就成全我了=3=入面的環境感覺很樸素的，Wing到達的時間是大概六時半，當時的人流並不多喔~原因呢...這家店是晚上六時才開門的啦，客人都在大概七時多八時才入席的啦~那些時候，整間店都坐得滿滿的~!!好啦，不多說啦，來看看Wing點了甚麼吧~泡椒鴨舌($58) - 看上去好像很辣的，沒有啦，就是因為鴨舌上的辣椒sssss啦。初初把這個鴨舌放入口就感覺不到甚麼辣的感覺，到吞下去的時候，就感到麻辣的感覺從喉嚨跑上來，但這個辣很誘人的啦，我們都吃不停口呢~!!金磚百福豆腐($68) - 這個呢，一端上台面就被它金黃色的外表所吸引著住，外層夠脆，唯椒鹽味不足。至於入面嘛，就是熱度剛好入口的豆腐，豆腐有夠滑的啦。即使椒鹽味不足，但整道菜因滑滑的豆腐而把整體的分數拉高一點點~蒜泥白肉($78) - 這個嘛，Wing還是第一次吃到這樣子的蒜泥白肉，每之都是餐廳的廚師把白肉跟蒜泥搞勻才呈上台面來的，但這個是整盤蒜泥白肉放在食客面前，其要食客自己加上自己想要的蒜泥跟辣油份量。這個有夠驚喜的啦，即使只是一塊白肉加上一片青瓜，並不用上任何的醬料都好食。當看見蒜泥白肉中的白肉時，總會見到一半是晶瑩剔透的脂肪層，有時多吃兩塊會覺得滯，又或是覺得漏的啦，但這個卻加上青瓜，把滯/漏的感覺都趕走了，反面帶點青新的說~加上點點的蒜泥跟辣油，把整個味道的層次感提高~這羌道菜該是名乎其實的色香味俱全吧~!!!蒜蓉炒通菜($52) - 其實當晚的選擇是：蒜蓉炒/腐乳炒 芥蘭/通菜 的~Wing快快就選擇了蒜蓉炒通菜了~因為實在很久沒有嚐過這個味道了~Wing只能簡單地說這道菜的水準普通罷了~川烤BB豬($250/半隻) - 乳豬食得多啦，但這樣子食BB豬倒是第一次啦~先是把所有乳豬皮都吃掉，之後就可以叫職員來點火把BB豬的鐵盆燒熱。這時候，辣汁開始慢慢滲入到BB豬當中，愈煮得耐，辣味愈出。這個BB豬就是夠睇頭，食法也是相當驚喜，味道也很不錯的啦！！家人說想吃串燒，有的沒的點了這些，唯蜜糖味道太少了，而且食物不夠熱~還有的是...串燒在比起其他食物看起來，價錢原來並不化算...因此Wing不多推介大家點串燒=3=水煮魚($118)是壓軸出場的，侍應剛呈上這個水煮魚的時候，整個盤都是充滿著辣椒的。嘩聲不停的，因為我們都沒想過水煮魚是那麼大盤的。一整盤都是紅通通的，充滿著指天椒的啦！！哈哈，找到魚了，原來也蠻多的啦，這個魚該是斑吧，是很滑的啦， 而且蠻彈牙的，是否新鮮就吃不出啦， 因為魚塊都充滿了麻辣的味道，但Wing可以說的是：「當吃過一塊之後就會停不了的吃第二、三、四...塊。」雖然食物的味道會被麻辣的味道所覆蓋，但食物的口感卻騙不了人的。所以不要問Wing怎樣吃得出食物是否新鮮，因為要放進咀裡才能找出答案的啦~不能不拍拍這個，這是放在盤內的辣椒啦，真的超足料的啦，難怪味道那麼濃郁(或是濃烈)吧！！不想吃魚的話，可以吃吃配料喔，酸菜的味道一流，整片酸菜都是麻辣味，還有就是芽菜、 菇菇等，都是充滿著辣味的。不要少看它們喔，所有精萃都在這些配料上食得到。所以嘛，要知調味是否到家，試試配料就會一清二楚~Wing真的豁出去了，戰鬥到底，把整盤水煮魚都食掉，這個是水煮魚的辣汁喔！！嘩，真是呢...不解釋xddWing喜歡吃辣，更愛在吃辣時喝個啤酒，在Wing心目中，只有喝啤酒才能解辣..= =Wing今次選擇了生力啤($19/支)，整晚吃著辣的食物，再喝一口生力啤，感覺多圓滿呢~!!! …Read More

日式居酒屋就試得多，川式就真係第一次試。叫得上居酒屋，當然少不得酒。此店除了有傳統啤酒，更提供十多款清酒，等你可以一邊品嘗川式辣味，一邊以酒解辣。此店最適合愛辣之人，多款燒烤類有多種辣味給客人揀。其他菜也比市面上特別，像 < < 川烤bb豬 > > ，其他地方很難吃到。三五知已，一齊傾計，一齊食野，一齊飲酒，呢道一定適合大家。店主飾心地用到獨特的木盤來做器皿，白肉及青爪掛於上面，盤底則放有蒜蓉等醬料。將白肉及青爪塗上醬料，然後卷成筒狀，口感清脆。此做法，市面上亦屬少見，值得一試。將烏頭及蒜蓉用錫紙包起配以鹽焗。此做法能使蒜蓉及鹽味容易滲入烏頭中。小弟食的時候，不用任何醬料也容易入口。川菜不可不食燒烤串，其中雞全翼就十分吸引。說到川菜燒烤，還一定有分大辣，中辣，小辣，原味及蜜糖。小弟就揀左一小辣及一蜜糖雞翼。值得一提，雞全翼十分有分量，而且燒到恰到好處，強烈推薦!!將兩隻鮑魚仔切片，底部再以花皮來點綴。以冰鎮及乾冰來上盤，除了美觀，更讓鮑魚仔保留鮮味，花皮配以日本芥末及豉油，口味更出，一絕。豆花看以麻辣為包裝，一吃之後，豆花先是十分清甜冰涼，其後辣味才慢慢於口腔中散發，不會出現喧賓套主的感覺。 …Read More

今晚和家人一起試試這間麻辣館，因媽媽愛川菜。1. 川北涼粉 $48最晤辣的一道茶，誠意推介，喜歡的話點多些醬，就可以香口一點，也可以少點醬，淡一點有花生等配料，有口感。好大份，家人強烈推介和喜歡大家認為，冷盤總體比較沒有那麼辣2. 桑拿田鷄 $98好滑呀! 好味!辣的拿捏洽到好處，辣得剛剛好，野味有木耳等配菜，扺食我想是因為有個木盆，所以叫桑拿，哈哈!3. 自家涼茶 $12不太甜，好飲，解辣好幫手4. 泡椒鴨舌 $58辣得舌頭在尖叫，不過好味，令你食了又食，有'趙'頭5. 口水鷄半隻 $98好多紅辣油，真的好香口，好多件，抵食。鷄夠滑，可以一試6. 芥辣一口牛肉 $98今晚上最差的一道菜，芥辣辣得攻鼻到不得了。太多肥膏了，強烈建議不要點白飯，$8，大大碗總結，太辣了，若你不是能吃辣的人，請小心點菜。…Read More

岩岩聽朋友講原來周中師傅去左麻醉館拍野順便post條link上黎俾大家睇啦呢個介紹川烤bb豬，（先食乳豬皮，之後啲肉用個川汁同廣東汁去興住黎食，咁新嘅方法第一次聽，都想試下）桑拿田雞（好似係用泡椒田雞嘅方法，搵個桶入面放石春，田雞放上面，好似好好食咁）毛血旺（用料好多，見到香料都好多，一定麻死，中意麻辣嘅就試下，不過我就唔食麻辣嘅，哈哈）豆花黃魚（唔記得佢點介紹，哈哈(￣∇￣)）周中話三個餸加埋30分滿分有30分添。。犀利╮(╯▽╰)╭…Read More

同朋友飲酒，一話肚餓又請我宵夜，今次買外賣黎請我地食川北涼粉，酸酸辣辣，中意酸辣粉食就岩哂，冷盤野，夏天一流，不過我就麻麻地酸辣野脆卜卜生炒骨，好好好好味！！食完返唔到轉頭薯仔絲炒安格斯呢個最新出嘅，堅係好食( ´▽` )ﾉ薯仔吸哂牛肉嘅味，超正！…Read More

Spicy House is located near the Wong Tai Sin MTR.Went there to try some Sichuan dishes which were great and creative.Here was what we had.Some dishes do not have English names hence the Chinese name.+++++++++毛血旺This was a huge bowl with porks blood, luncheon ham, cow's stomach tripe and instestines.A typical Sichuan dish which was very aromatic because of the Sichuan peppercorns leaving your mouth feeling extremely numb afterwards.My favourite were the porks blood and luncheon meat.+++++++++川烤BB豬Sichuan roast suckling pigThis is an adaption where they have used Roast sucking pig instead of other meats.It was really enjoyable because the skin was crispy just like pork crackling and the sauce was like rich Western gravy spiked with Sichuan spices perfect with rice, potatoes or noodles.+++++++++冰鎮鮮鮑魚同Fresh chilled abaloneThe photograph does not show, but when it was brought to the table, there was cold smoke coming from it and the abalone was sweet and fresh with a light soy sauce taste.+++++++++桑拿田雞Frog sauna styleThe inspiration behind this dish is hot steam saunas which is why there are hot pebbles in the sauna style wooden tub so that when the frogmeat is poured into the bowl, it will sizzle and let off steam.The frog meat was spicy and springy and it was just like eating chicken.+++++++++豆花黃魚Fish with beancurdLast but not least, this was my favourite because the fish was extremely silky paired with appetizing pickled vegetables and smooth beancurd which the fish even more silky.+++++++++To watch this episode of 玩轉18區 at 麻醉館 hosted by 周中師傅, Miki and Supersupergirl and other shows by Aplus YUS, please see the video below.…Read More

有friend想食麻辣野，我又唔多中意，咪搵間又有麻辣，但係又有唔辣嘅川菜館，有fd食過呢間話好，咪試下囉:)睇個menu又幾多野食，又串燒又海鮮，有個生炒骨唔記得影，超好味，表面夠脆唔會食到一口油，串燒都冇影，但係都好食，同個老板吹左兩咀先知原來佢特登去學燒串燒同搵師傅上重慶學川菜唔怪得我班fd都話比出面嘅好食真係唔明點解開左年幾冇人寫食評，個支涼茶亦好飲，食完川菜飲岩哂我會再返黎食嘅…Read More

這間川菜+串燒餐館位於鳳凰村一條橫街盡頭，稍為隱閉，木枱木椅簡單裝修，只得5張卡位，其餘全是長格，有d 飯堂feel。叫了蒜泥白肉、麻醉雞煲、黃金四季豆、冰鎮蝦(這個是經tablemap網上訂座，餐館免費送$78)，還叫了幾個串燒，金菰肥牛卷、燒翠肉瓜、燒九餅(韮菜餅)和廣島蠔，是送酒之選:)黃金四季豆 ~ 黃金蝦食得多，炒四季豆是第一次，都ok，只是四季豆好似未撕邊位鬚鬚，有渣:(   蒜泥白肉 ~ 似涼衣，一排排，幾得意，不過可能攤耐咗，有D 乾。:(麻醉雞煲 ~ 分大中小辣，我們叫了小辣，都幾好味。冰鎮蝦 ~ 白焯凍蝦，插冰上，加wasabi 做醬料，grimmick…Read More