Marsino Expert Noodle (Metro Town) (Closed)

第一次幫襯麻酸樂 坐底望下個餐牌都經濟$40樓下一個餐 點餐先知有得免費加配小食 即刻覺得又抵咗 飲品揀咗平時唔會揀既熱綠茶送既熱綠茶黎到 入面係大大個三角形綠茶包 好少餐廳會咁做 見到即刻心心眼我嗌咗C餐手撕雞撈紅薯粉 兩個朋友分別嗌咗A餐時蔬三寶米線同迷你雙拼米線對對碰(自選米線) 三個餐小食就share一齊食手撕雞撈紅薯粉好一般 麻醬係腸粉嗰隻花生醬 整體食落好乾 冇特別好食小食D鹵水雞翼唔錯幾入味 而F腐皮蝦卷就比較出色 即叫即製 香脆可口朋友就覺得米線非常一般喇 唯一特別在佢跟既係腐竹唔係腐皮 會厚身好味d 小食B川醬皮蛋豆腐就還可以啦…Read More

今日8點去咗調景嶺呢間分店食自選乜乜乜 要豬膶+手撕雞+墨魚丸+芫茜湯+紅薯粉等咗20分鐘都未到跟住就追單 問一個女職員佢同我講再等等再過5分鐘我見隔離枱遲嚟都已經有野食到我就再追問一個男職員原來無落到我的單 心中已經十分不滿佢地的員互相推卸責任話喺咪佢定佢落單我都已經唔想理佢地又餓又嬲等多10分鐘終於到了結果同我嚟咗超硬膠的苦味豬膶超韌的無味手撕雞無嚟到墨魚丸紅薯粉變咗米線35分鐘換來一肚氣吃咗2啖就埋單以後都不會再光顧…Read More

通常都到米線舖都會點湯米線，因為吃過這間湯米線很多次了，所以今日想轉轉新口味，點一份撈的。見有好幾位食客都點了手撕雞撈紅薯粉，我便點這款來試試，撈紅薯粉是有一杯餐飲的，今日點了低糖綠茶。手撕雞撈紅薯粉的醬汁，我選擇了麻香醬，一上枱就聞到麻醬撲鼻的香! 除了手撕雞外，配料還有青瓜絲、甘筍絲、炸花生、榨菜和芫茜，份量正常。因為是撈，所以紅薯粉沒有味道，麻醬雖香，但份量很少。手撕雞肉質偏"鞋"，不嫰滑。整體味道一般，還是湯米線更吸引。…Read More

今天是3月27日下午8時20分點了一個米線，內附曱甴一隻。我當場反胃，馬上打電話給食環處，竟然電話繁忙。叫我留了口信。我馬上影下罪証。不排除會報警。人生第一次食到曱甴，好彩仲有成隻，如果半隻，就大獲。…Read More

放工去食晚餐，都唔洗點等位，直接入座，但店鋪內都坐左大部分客人。一見到呢個已經心心眼😍有得揀辣唔辣雞，有得轉香菇肉操飯或者麵。如果麵仲要有勁多湯底揀添。雞無雪味幾好，個醬汁唔會話太咸。肉操飯既香菇唔會話太細粒，幾有口感。炸雞小食，餐牌寫佢係椒鹽但係又唔覺有椒鹽味，同埋話佢係辣嘅但係一啲都唔辣。佢分唔同時段都會有一個特價食品，我哋晚餐時段所以就買咗呢碟菜，再加多22蚊就有，平就唔係話好平但係份量都算合理。…Read More

新嘅一年，唔想出去同人迫，就喺附近商場食番餐，天氣咁凍打邊爐梗係不二之選。一向只係喺麻酸樂食米線或者二人餐，今次先第一次試佢嘅麻辣鷄煲火鍋。地方都ok㗎，有卡位又有高枱。哩個就係一品鷄煲二人餐，如果單點一個鍋$98，跟配料同兩杯嘢飲$128，如果$158就再多兩款嘢，即係B+C。上枱啦上枱啦，我揀咗麻辣鷄煲，本來個鷄煲裡面都有蟹棒、鮮腐竹、香芹、黑木耳、蒜子、洋蔥仔、冬菇同芋頭。跟鍋配料都唔少，有生菜、金菇、黑木耳、凍豆腐、鮮腐竹、豬肉丸、墨魚丸、順德魚腐、蕃茄、芽菜同米線。四寶丸拼盤：豬肉丸、墨魚丸、牛丸同腐皮角鹵水拼盤：鷄翼、鷄蛋、豬耳、豬腸同豆腐跟餐有兩杯嘢飲埋單只係$158，食完好飽呀🤪…Read More

如果譚仔排曬長龍，唔想等但又想食米線，咁呢間麻酸樂都可以食一食吓。這間米線店位於一間唔覺眼的商場角落，平時無咩人行，一定唔洗等位。裡面多數都是2人坐位，唔洗同人搭枱。今晚叫左個自選乜乜乜，選左墨丸冬陰公湯底米線，送一杯凍或熱的綠茶，凍都唔洗加錢。等左大約15分鐘，有得食啦，碗米線上面附送好多配菜，有芽菜和大量腐皮，都好正，墨丸好彈牙，米線好似淋左小小，食完碗米線，杯熱綠茶仲好熱，天氣咁凍要來暖手就啱晒。…Read More

調景嶺無咩米線之選，麻酸樂係其一。呢個都有四個湯底選擇，話就話係雞湯都係史雲生啲fd叫左墨九，普通譚仔既墨丸...米線太淋 ，一夾就斷，份量都幾迷你..佢啲小食好似吸引個米線，呢個雞翼辣辣地，好香好好味，完全唔食得辣既朋友仔要留意下熱綠茶係附送，估唔到最令我有驚喜，唯一一間係有茶包！好欣賞！…Read More

好耐冇食過麻酸樂，今日行過呢間分店，見到竟然冇咩人，好奇之下闖入去食一個下午茶餐。睇下個餐牌，揀咗一個自選米線套餐， $38可以揀兩個餸同埋一杯綠茶，不過如果要其他嘢飲，就要加錢啦。第一個餸揀咗手撕雞，啲雞煮得好硬好鞋口，亦都冇咩味嘅。第二個餸揀咗香蒜骨，啲肉仲有肉汁，唔會話煮得好乾，亦都好有蒜香味。呢個餐仲可以加小食，只係比多兩蚊就可以加兩隻滷水雞翼，兩隻雞翼煮都好入味，有少少花椒八角嘅香味。呢度食下午茶吃得舒服，因為食咗好耐都冇咩客人，如果想靜靜地坐，這裡不失為一個好地方…Read More

晚上接近10點，商場既鋪頭好多都last order左，好彩呢間米線鋪仲開！有幾款米線已經配埋配料，一set set咁叫，價錢大概$50up~普通既米線就自選配料及湯底,$34包一款配料及一杯綠茶～湯底既選擇比較多，例如有蕃茄、雞湯、麻辣、酸辣等等。。。今次就揀左酸辣湯底配魚片頭！湯底出奇地用左蕃茄湯底為主，再加醃製既辣菜頭，酸辣感覺不太出米線粗幼適中^_^綠茶頗甜，但不能要求太多，畢竟係餐包埋既飲品🌝…Read More

食米缐唔一定要幫襯譚姓男子，呢間食過都唔錯！有多款選擇，名字都幾搞鬼，又有小食或咖喱類，依加仲多左台式飯類！今晚叫左呢碗極尚鮮米缐（$50），轉米粉及選配芫茜皮蛋湯底！配料豐富有豚肉、鮮牛肉、雞柳、豬潤等，仲有少量腐皮韮菜等配料！湯底味濃得黎有d咸，輕手返少少會好d！米粉比食開有d唔同！另外叫左客鹵水雞翼（$28），幾入味，普通水準，用黎送米缐都可以！仲有凍/熱綠茶送，喜歡佢係茶包，仲要係鐵觀音，正！…Read More

呢間下午茶餐幾抵食，所以一到2:30就拉埋老公二個人落去。 $38迷你米線（揀二餸）加配小食，奉送熱或凍綠茶。我個手打丸、腐皮角，蕃茄炸菜湯米粉同皮蛋豆腐到啦😍！嘩～好似好多野食，好豐富。佢個手打丸幾好味，味道似貢丸，豬肉溝冬菇，不過我覺得比貢丸好味，可能係手打嘅原因，囗感比較彈牙。湯底都唔錯，鹹鹹酸酸好開胃，仲周不時食到㷛到爛曬嘅蕃茄，正👍🏻！至於個皮蛋豆腐都可以，豆腐好滑，配埋皮蛋、川醬，好味道，個川醬汁只係微微辣，都岩我呢D唔太食得辣嘅人。…Read More

夜晚係體育館打完波 行過麻酸樂 俾佢個餐牌吸引左 d湯底好似好正 即刻試左個麻辣肉碎湯底 好香好入味 仲有杯凍綠茶送 好抵食鐘意食雞既我仲叫左個手撕雞紅薯粉嘗嘗 😍同d汁混埋好正 必定會返黎再食…Read More

今次呢個食評嘅重點好簡單🤗😍😍就係為大家推薦呢個又平又抵食嘅滋味肉燥二人餐($128)百二蚊有齊,鹵水拼盤,上湯浸時蔬,龍崗雞,兩碗大大碗嘅香菇肉燥飯,仲要包汽水(七喜可免費轉檸七)真係抵到~鹵水拼盤有蛋,豆腐,雞翼,大腸,豬耳..好豐富一d都唔馬虎👍👍 肉燥飯都好足料,雖然味道唔講得上係正宗,但以唔係主打台灣菜嘅餐廳嚟講,已經合格有餘😉😉個菜就清清地好健康~雞都好好食呀份量唔算細肉質又嫩滑!賣單真係$128,加一都冇,兩個人食左咁多款食物除開每人都只係六十幾蚊真心抵食!…Read More

撞鬼囉，成個調景嶺，差唔多冇晒食店...大家餐，酒樓，3間茶餐廳，係彩明果邊既食店，大部份冇晒。依家落街都冇啖好食呢。都會駅個商場又本身都唔多野食，亦都唔係咁好食。基本得番2個選擇，一係食大快活，一係就麻酸樂。不過大快活都勁多人，唯有去少人D既麻酸樂啦。其實我一向都覺得麻酸樂係幾OK既，算係抵食又唔差的店。不過呢，佢既菜單好似越黎越少咁。無論係Lunch定下午茶，Menu都不停咁刪減咁。今日去下午茶，基本就得番3個Set你揀，一係就一個米線再自己幾蚊幾蚊咁加料。好彩佢都重有番個小點跟餐，如果佢連依D小點都刪埋，我真係唔知重幫唔幫襯佢好，因為佢果D小點先係最好味。老公叫的，麻辣湯底。2杯跟餐Free凍飲。最好味既小食，炸炸炸，有雞翼同鹽酥雞。其實佢個皮蛋豆腐都好味架，重有炸蝦卷又好味，青瓜都好味。佢既小食大多數都好味啦。我點既米線，唔知點解最後先上，等到老公都差唔多食完呢。…Read More