Ma La Niang Zi (Lime Gala) (Closed)

第一次買小龍蝦，試下，外賣返屋企食，比想像中大份兼惹味，正！得閒再買過👍👍👍👍👍👍👍👍👍👍👍👍👍👍👍👍👍👍👍👍👍👍👍…Read More

📍#麻辣娘子#MFJ筲箕灣 #MFJ中菜 人均消費: HKD79一直想試，食個午餐總算✅ 地方就普通，但感覺舒適嘅！午市食物選擇還可以，有平有貴！⭐️川汁皮蛋🥚$18四川黃金皮蛋，金金黃黃就幾靚，但可惜蛋黃太熟，無咗皮蛋軟稔稔嘅口感！不過佢個辣汁好正，最正係佢嘅青瓜絲，鹹鹹地勁爽脆！⭐️係比青瓜絲嘅😂⭐️正宗四川冒菜粉🍜$52唔知點解叫冒菜粉，我哋揀咗四川香辣湯，配紅薯粉，餸要另外加錢再叫，其實好似車仔麵咁！湯底同紅薯粉都好好味，我哋就加咗肥腸同紅燒肉，每款$12！肥腸都幾爽口，紅燒肉好好味，但份量少到阿媽都唔認得！肥腸得兩舊係完整見到樣，紅燒肉就細細粒，食完都唔夠攝牙罅😅⭐️酸菜魚🍲$66午市套餐，酸菜魚加個白飯$66 ，都幾抵食！試咗一啖酸菜魚個湯底，酸酸辣辣， 十分惹味開胃！魚肉好滑，魚香唔錯！配料吸晒魚湯精華，都好好味！最唔滿意就係酸菜，我係搵唔到一條完整酸菜！大佬呀！食酸菜魚，酸菜先係主角呀！😂😂😂🆗奶蓋芝士炭燒烏龍茶🥤+$12奶蓋芝士有淡淡香味，不過烏龍茶味道比較淡🆗黑糖珍珠奶茶🧋+$12珍珠奶茶就普普通通，規規矩矩如果按食物質素嚟計，味道係真係幾唔錯！但感覺有啲偷工減料，除咗粉之外，其他肉類等等份量都非常之少！+$24要紅燒肉同肥腸，你expect係會起碼夠攝牙罅… 可以有良心少少🤏🏻服務方面呢，就真係冇乜喇…啲人好似未瞓醒咁😅價錢好抵，午市堂食有88折，人均$80左右，希望用料同服務可以改善一下😅😅#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #相機食先 #美食推介 #筲箕灣美食 #中菜 #chinesecuisine #chinesefood…Read More

好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗今日要去筲箕灣做D 嘢，見到呢一間食麻辣嘢嘅午市套餐都唔係好貴，時間尚早唔太多人就入去試下！🍴正宗四川冒菜粉($28) + 鴨血($12)我叫咗四川香辣湯中辣配紅薯粉，佢嘅配料都幾多，有芽菜、酸菜粒、蔥粒、菜脯粒、芫荽、韭菜、豆皮，湯底夠香辣，紅薯粉係圓條型好似烏冬咁嘅 size，夠煙韌，加埋香辣湯食好正，反而鴨血一般，可能唔係麻辣鴨血（佢又真係冇講有味嘅）嘅關係，味道上係淡咗D，但口感係唔錯嘅～ 整體上成個粉係好味嘅！🍴川汁皮蛋($18)皮蛋係金黃皮蛋（金牛鴨皮蛋），外皮金黃色，蛋黃依然係黃色，呢種係四川嘅製法，蛋黃少咗阿蒙尼亞味仲有少少蛋香味，配埋青瓜絲同辣汁食真係好好味，午市加$18 就食到真係好抵食！🍴芝士奶蓋炭燒烏龍茶($12)叫咗半甜微冰，杯茶嚟到時係平常$3x嘅size，有驚喜！芝士奶蓋唔算好厚，鹹香味夠濃郁，炭燒烏龍茶好香夠滑，呢個又係好抵加！呢度係用手機落單，上菜都夠快，裝修都有少少心思，座位都幾闊落坐得舒服，午餐嚟講都算幾抵食夠大碗！…Read More

行完大潭水塘落到黎搵好野食上次經過已經好想試既麻辣娘子點左麻辣乾鍋（牛肉）酸菜魚少辣川汁皮蛋酸梅湯同奶蓋茶第一次食黃金皮蛋，好驚喜同埋都好多配菜好正好惹味飲品唔會太甜又好味！整體都好好食過返尋味值得再試！…Read More

堅慢!！堅慢!！堅慢!！經常性order外賣，淨係order一個素食香鍋等要等40分鐘或以上。響冇等位，不滿客嘅情況下，12 點23分order完出左單，攞到已經1點03分。又有試過11:30一開鋪就order，都要等30分鐘。但receiption 嘅態度好好！見我等左咁耐都冇，就主動幫手行入廚房追左兩三次，但都係話整緊，所以話，佢地整香鍋真係精益求精！想order外賣嘅朋友，又想食好味嘅香鍋就要學識時間管理啦。…Read More

一向都覺得筲箕灣好似無咩野食經過商場見到呢間川菜好似幾吸引就試左🌶- 水煮安格斯牛 $248 出面一般水煮牛都係用滑牛 呢間標明係安格斯牛食落明顯係嫩滑啲 特別有口感 大多都係瘦肉叫左小辣都唔算太辣 但食耐左都會有種麻既感覺配菜方面有大量既雲耳、芽菜、萵筍同比較少見既豆卜但寬粉方面就差左少少喇 都幾難咬開 同埋份量偏少😣- 川式口水雞 $68雖然都知口水雞係冷盤 但呢間真係好凍🥶🥶雞件都算滑！不過就比較多骨 ～～反而青瓜覺得好新鮮好脆 幾好食🥒 …Read More

食物和味道:最愛酸菜魚 🐟$248 佢個湯同魚味道適中，可惜魚同酸菜嘅份量太少，另外薯粉墊底，薯粉都比得多嘅娘子辣雞煲🐓 (包肥腸，魷魚) 半隻 $188 份量都算足，而且雞煲跟埋魷魚同肥腸嘅出邊好少👍🏽👍🏽我覺得係其中一個賣點，但係味道略咸要叫啤酒或者飯先得大盆花菜 🌱$88 呢個好啱自己口味，唔會過鹹而且花材都香得好香，有咬口唔會太淋，另外佢仲加咗臘肉去炒，臘肉油香滲埋落啲菜到👍🏽👍🏽👍🏽呢個如果下次再嚟會嗌Cp 值及夠飽：我哋五個人叫咗五個餸兩碗飯一支啤酒🍻（細支裝）大約$750左右，我覺得份量係足夠嘅，我地五個人都飽翻啅： 想食川菜嘅話會再去，佢唔係太油我覺得啱香港人口味，不過重口味嘅，想食清淡唔好去…Read More

辣到無朋友!!!!因為真係好少朋友食辣!天然咁熱有時食下火辣辣川菜出一身汗都係好爽既事!除左水煮魚仲有雞煲 辣炒乾鍋等等唔同美食選擇~最特別係有台式飲品飲既?如果一個人食飯,午餐都好抵食!一樣都有麻辣菜式食 水煮魚都係$66起小食一碟18蚊川汁皮蛋超好食 食得辣唔好錯過呢一間魚既份量不少,有小辣至大辣,佢唔係單純死辣,入口先辣再麻最後係辣勁再大爆發出黎!魚片肉嫩香口無骨鮮甜 仲有好多辣椒同配菜一齊食 配飯一流香辣滋味,極辣極鮮 筲箕灣筲箕灣道393號形薈1樓L1-02號舖麻辣娘子 (形薈) Ma La Niang Zi (Lime Gala)評分8/10消費$100…Read More

星期六放假同呀媽搭叮叮去咗筲箕灣嗰邊行吓。雖則東大街食肆林立，但真心無幾多間係掂，一句講哂：回頭率極低👎🏻。最終我哋穿過街市，嚟到位於新樓盤地下商場嘅「麻辣娘子」食晏。餐廳佔地面積大，裝修行古典中式風，並以「娘子」做主角，👺卡通版嘅戲曲名伶穿梭於店舖唔同位置，整體感覺幾得意。但如果呢度冷氣可以涼啲就更好☺️。餐廳採用QR Code自助落單，不過同時亦提供實體餐牌。餐牌圖文並茂，並且寫上簡單介紹，好讓客人更了解菜式內容👍。午市客飯星期一至日都有賣，價錢仲好相宜添。娘子自選乾鍋($38鍋底)，🍲每個乾鍋須點選至少四款配菜，即係你預平均百幾蚊先有交易啦。單睇價錢就覺得唔算平，不過份量堅多，當餸食，四個人都夠食呢。乾鍋下低以蠟燭仔熱住，令佢全程保持喺適當溫度，唔會攤凍咗🔥。香辣鍋底有得揀辣度，我哋要咗小辣，食完發現小兒科🌶，下次可以升級！乾鍋基本配料有芝麻、芫荽、花生、青蔥以及乾辣椒等，我仲額外要求咗加麻，食落好似有浸孜然味，好香濃。香鍋配菜主要分兩類：葷菜(肉)🥩以及素菜🥦，兩者各有多款選擇。葷菜定價較貴，每款$38至$68不等；素菜則劃一價每款$25。我哋嗌咗魷魚鬚($48)、滑雞片($38)、萵筍($25)以及豆皮($25)，呢幾樣配菜都同個鍋底好夾。💚萵筍片爽脆嫩綠，豆皮帶好長好多，兩樣均係索汁一流嘅食材。🦑魷魚鬚即係酒樓拎去炸嗰啲，有大條、有細條，細條質感淋啲，比較易咬。🐔滑雞片有好多嚿，而且全部都好大嚿。另外，佢仲符合商品說明條例，肉質真係滑㗎喎。蝦仁雞粒黃金炒飯($66/午餐價)，呀媽話嗌個午餐食抵啲，食得飽之餘，仲可以以優惠價加嘢飲😛。本身諗住求其食兩啖，點知食落勁有驚喜。炒飯炒至金黃色，一食就知黃金原來係指鹹蛋黃🍳，鹹蛋黃味恰到好處，流沙口感好過癮。同時，炒飯粒粒分明，乾濕得宜🍚。作為餸料嘅蝦同雞粒亦相當唔錯，配合埋青蔥同豆角粒，每啖食起上嚟都好豐富啊。飲品方面，餐廳提供各式新派茶飲🍵，飲品部叫「阿里山」，唔知係合作店定係自家品牌，不過肯定嘅係出品好有水準🤤。第一杯係凍黑糖珍珠奶茶(原價$30)，要咗微糖30%加少冰25%，呢個甜度啱啱好，即使珍珠用黑糖炒，但都唔會甜到膩，而且奶茶底香滑唔澀🧋。第二杯係淳茶系列嘅凍桂花茶(原價$16)，要咗少糖70%加標準冰50%，茶味清香，底部有唔少桂花粒粒，桂花味好突出！凍飲一律係700毫升，大大杯抵飲。總括嚟講，呢間四川料理店幾好🥢，我認為味道應該係有遷就過香港人嘅口味，即係無地道嗰啲咁重口味、咁濃烈。不過咁樣正正吸引多咗人去食川菜。服務方面，店員們嘅態度專業有禮，保持笑容，抵讚。最後，我上載埋餐廳嘅完整餐牌以供參考🙏🏻。…Read More

之前喺形薈食飯 經過見到隔離依間係食四川麻辣菜 令我諗翻起之前喺大陸食過嘅四川菜 所以成日叫埋朋友一齊嚟食 🤣 裝修得好中國風 入面座位都好闊落 坐得好舒服👍🏻 見到餐牌有好多選擇 有各式各樣嘅小菜可以揀 酸菜魚麻辣小龍蝦等等名菜都有～ 佢仲有阿里山台式飲品 真係未試過一路食麻辣嘢一路飲台式飲品 🤣 我哋主力都係叫想食嘅四川小食 🤣 拍蒜青瓜 $38 （小辣） 小辣唔算好辣 啱啱好 因為我哋都唔肯定如果要太辣大家頂唔頂得順 所以大部份都係叫小辣或者BB辣試吓先🤣 青瓜醃得好入味 應該浸咗好耐 食呢個特別開胃多多都唔夠😋涼拌萵筍 $38 （小辣）又係一個開胃嘅前菜 同埋驚之後辣嘢太辣 可以留返黎中和一下 好清新爽脆～ 脆皮小豆腐 $58 皮炸得好薄 裏面鬆化好軟熟 炸起記得趁熱食 攤凍咗冇咁好食 外面有層孜然粉 幫手調下味 👍🏻 夫妻肺片 $68 （BB 辣）聽得多但係冇食過 食緊牛嘅唔同部份 例如心、舌、肺、肚等等 全部切到薄薄一片 然後比四川嘅麻辣醬料浸住 有好香嘅香蔥芝麻 充滿麻香 😋🌶️ 川式口水雞 $68 （小辣） 口水雞非常嫩滑 真係食到流口水咁好味😆 好香嘅四川麻辣紅油加芝麻花生碎香蔥 雞皮爽脆彈牙 雞肉冰涼透骨 😆娘子香辣鍋 $151 呢個係自己叫嘅雜錦鍋 最少揀四樣配菜 然後乾炒 我哋揀咗蓮藕、滑雞片、娃娃菜、小雲耳～ 雞非常滑溜 配料亦都非常入味 有好多辣椒芫荽香蔥一齊爆炒 麻辣味好出👏🌶️估唔到仲有阿里山台式飲品！我哋當然每人叫咗一杯水果茶解一解辣 🤣 獮猴桃水果抹香綠茶 $32 微糖走冰飲落好清新 好香水果味 仲有好多新鮮嘅水果喺面！配合麻辣嘢飲簡直一流 透心涼😍 …Read More

最近都有嚟呢度覓食，今日試咗呢間麻辣娘子，午餐都幾抵食，雖然佢話係套餐，其實係唔配嘢飲的。不過佢嘅食物質素都唔錯，其實都算OK。可以加錢叫飲品，加咗$12叫呢一個芝士奶蓋烏龍茶，出奇地好味，當然係揀無糖！真心地覺得佢沖得唔錯。咕嚕肉都幾有水準，菠蘿好甜喎！BB辣回鍋肉（啱唔食辣的人士）呢個炒飯就稍為遜色，冇乜味…麻辣牛，唔係我食嘅，味道唔知道總體來講都滿意， lunch time呢度真係好多人，可能因為主攻食辣，相對小人，不過套餐其實都有幾個唔辣的選擇。原來面都可以揀唔辣的豬骨湯底，有機會會試吓。…Read More

想食辣，是個不錯的選擇 🤓座位夠闊落，喜歡佢中式人畫設計！因天氣非常熱，行到鋪頭，立即叫侍應比左杯冰水我哋！ 好笑的是….佢話我哋老闆每天也飲冰水，一定有冰水供應🤣推介一定要食酸菜魚同辣子雞👍👍👍👆就是這二款啦😆😆😆…Read More

夏天天氣炎熱，總係想搵啲辣野刺激一下有朋友推介呢間性價比極高嘅餐廳，就一於入去試一試！因為係平日嘅午飯時間，所以人比較少，試映都俾我哋任選位置，環境唔錯，亦都相當乾淨闊落食物方面，有好多唔同嘅辣度選擇，相信符合到食辣或者唔食辣嘅朋友。首先我哋叫咗酸菜魚，魚身非常滑，我哋叫咗小辣，辣度非常適中。另外都叫咗一碟干鍋炒牛肉，牛肉比較少，但配菜好足，例如蓮藕，椰菜花等等都相當出色，如果可以多番啲牛肉就更好啦不過總括來講都相當推薦呢間餐廳，性價比高…Read More

筲箕灣因為呢個商場，開咗好多新餐廳，今日去咗呢個餐廳試吓午餐，價錢算唔錯。叫咗個回鍋肉，回鍋肉入口麻辣香都有，上枱賣相吸引，旁邊嘅配菜，青蔥，唐芹，辣椒，特別係椰菜都超級入味，鑊氣好夠。跟住嘅麻婆，基本功做得好，豆腐柔軟，又嫩又滑，肉碎辣椒特別香口，花椒味非常特出，入口唔會係死辣，汗喺頭頂慢慢滲出，辣味溫和，但又未至於成個口都會麻痹，食唔到鮮味，所以唔錯。午餐Menu加十零蚊要左個拍青瓜，覺得唔錯，蒜味非常之辛辣。跟餐加$8至$12可以點佢哋嘅台式飲品，個烏龍茶同埋黑糖珍珠奶茶，以$12來講黑糖風味都算唔錯，有茶香及奶味。可惜此店lunch都要加一服務費。兩個人埋單$158都唔錯，下次有機會可以試吓佢嘅酸菜魚呀或者辣雞煲。…Read More

本身唔太食得辣，但又鍾意麻辣香，加上餐廳裝潢華麗，又帶點玩味，甚為吸引😍菜式選擇好多，有麻辣、重慶辣、雞煲等，亦提供有唔辣嘅菜式，及多款台式飲品🧋🧋黑糖珍珠炭燒烏龍奶茶 $30坐低當然要叫返杯冰凍🧊飲品，奶茶順滑清香，有淡淡炭燒香。 黑糖香甜，珍珠Q彈好有咬口🐔奇味雞煲（半隻） $188唔太食辣，就點咗呢款。熱騰騰🔥雞煲，入面除咗嫩滑雞件之外，仲有爽口肥腸同魷魚🦑，醬汁滿滿，非常惹味。 仲可以加唔同配菜。🧊涼拌萵筍 $38萵筍切成幼絲，翠綠爽甜，加入辣椒🌶️，味道更滋味🍞迷你鮮奶炸饅頭 $26唔一定配飯，饅頭亦是不錯嘅選擇。炸饅頭bite size 好方便，加上炸得外脆內軟，點煉幼食，🌪好快就食哂🤣❄️黑糖桂花冰粉 $38晶凝通透嘅桂花冰粉，外觀吸引，食落清香爽滑，黑糖加添甜味，又唔會過多…Read More