Ma Lat MUI (Closed)

去朋友屋企玩，之後大家一齊去左呢間麻辣餐廳食晚餐，餐廳距離太和站約10分鐘路程。整體環境都幾乾淨，樓底夠高唔會侷促，而且座位闊落～ 🔎 一人套餐：招牌酸菜魚（$75）套餐除咗酸菜魚之外，仲會包一個白飯同飲品，非常之抵。酸菜魚係用黑魚，份量都多，有成10片，而且無骨。仲有大量配菜：木耳、萵筍同芽菜 。🔎 一人套餐：香辣牛肉乾鍋（$75）套餐包白飯一個，乾鍋聞落好香，牛肉唔會冧，辣辣地好惹味~ 配菜有花椰菜、蓮藕、萵筍同豆乾，非常豐富~🔎 乾煸四季豆（$78）肉碎好香口，有油香又唔會太肥膩，配埋四季豆好好食，餸飯一流~🔎 椒鹽粟米（$28）粟米食落唔會乾，而且好夠味道，但又唔太鹹~…Read More

黎到大埔搵好野食，係太和消防局對住有好多唔同嘅小店，間間都吸引，朋友想食辣野，所以我地簡左嘅間麻甩妹！店面細細，環境簡約乾淨，餐牌有不同的川菜選擇，另外仲有串燒簡，岩曬為食嘅我。因為唔係太餓，我地簡左幾款小食，包括：孜然雞翼、麻辣雞翼、椒鹽粟米、脆炸豬頸肉和酸辣土豆絲。因為我地好中意食雞翼，所以叫曬兩款，雞翼即叫即整，上碟熱辣辣，加埋孜然和麻辣兩味，可以話無得輸。粟米和豬頸肉同樣出色，亦是即叫即整，特別係豬頸肉，炸到外脆內軟，無得頂！而土頭絲我地叫左小辣，食落都夠酸夠辣。今次唔太餓，只係食左小食，但係我見佢地嘅川味小菜都好吸引，所以下次一定會再黎一試！…Read More

大埔友又有美食推介啦‼️呢兩日天氣濕濕熱熱，就想食d酸辣🌶️開下胃，成日經過翠怡花園都想試吓呢一間川菜「麻甩·妹」既酸菜魚🐟正合我心意😍招牌酸菜魚🐟 $188 超大一鍋，分量十足👍🏻揀咗小辣🌶️湯汁鮮味，酸菜好醒胃一d都冇假酸味，魚肉要大讚😋非常滑捋捋又彈牙，配料亦非常多！抵食🤭泡椒肥腸 $68平時叫開乾扁，第一次試泡椒炒，泡椒辣中帶酸，令肥腸減少肥膩感，加埋香蔥唐芹炒好香口，配白飯一流🍚仲有一人餐都係$75，配白飯同飲品，份量都唔細㗎！一個人都可以盡興🤣…Read More

大埔小店多 呢間平民川菜小店價錢親民 份量唔細 好有驚喜😆餐廳位置離太和火車站10分鐘路程左右裝修簡約 灰色為主 位置唔多 大概十幾個位左右 😀食物選擇上 川菜 麻辣野多 仲有鑊氣小炒所有食物係餐牌都有圖睇 🥰見到佢地既招牌係酸菜魚酷愛酸菜魚既我當然唔可以錯過😊所以都好快決定到下次想試下佢D小炒或者套餐🥰💥酸菜魚🌶🐟辣度可以自選 我地就揀左微辣一上枱勁大碗呀 滿滿既料 勁香 流哂口水🤤湯底酸辣味岩岩好 亦唔會好油微辣唔會太辣 麻味偏重😝魚肉超級多 冇骨亦唔會太厚 好嫩滑😌配菜勁多 有娃娃菜 芽菜 藕片木耳 萵筍 寬粉我地仲加左個白飯 其實兩個人淨係食佢都夠呀 😉💥孜然雞翼小食必點 炸得好香脆 孜然勁惹味 雞肉仲要好嫩滑 有肉汁 正😈…Read More

早幾日去左大埔海濱公園放風箏，難得去到大埔就緊係要周圍行下，行行下就有啲肚餓，見到有間麻辣野，睇完館餐牌又唔覺貴，咁就入左去食啦😋椒鹽粟米 🌽 $28粟米十分之清甜，佢地切好啲粟米細細舊，好易入口，面頭落左椒鹽粉🥳，呢樣菜式係唔辣的，同埋佢地做到唔辣的同時都可以令人地想食完一啖再一啖，好好食😋尖椒皮蛋 $28皮蛋配左佢地的醬汁唔會話好乾身，佢地個醬汁好特別同惹味，唔會話太辣，有小小清甜咁，唔錯的脆炸豬頸肉 $38呢款豬頸肉唔辣的，份量都唔小，呢個價錢黎講算好抵，佢的調味唔會話太多，食到肉本身的味，唔辣的，岩晒啲食唔到辣的朋友，或者同場有小朋友都可以考慮叫呢款俾佢地食孜然雞翼 $32/5隻雞翼都炸到好香脆，配埋啲孜然粉，好有風味，有啲似平時食串燒果隻味，啲雞翼食落係仲會有肉汁，唔會食到覺得好乾身咁，店家係烹調的時間控制方面做得幾好👍香辣牛肉乾鍋 $75香鍋係一個餐黎，會跟飲品同埋一大配白飯！😎當香鍋上菜得時候，見到店員會拎燃料⛽️出黎，原來佢地的香鍋係會熱住咁樣上菜🤩勁有心機同覺得驚喜😝 餸菜方面，佢地牛肉的份量都好多，牛肉又唔會好韌，易咬的，仲有其他配菜，萵筍，椰菜花咁，好多野食🤪 辣度方面我揀左小辣，都唔會話辣到食唔入口，但係都食到辣味的😚麻甩•妹 (大埔)大埔翠怡街3號翠怡花園B座地下15號舖…Read More